Oscars 2024 Nominations: ਆਸਕਰ ਅਵਾਰਡ ਫਿਲਮ ਉਦਯੋਗ ਵਿੱਚ ਸਭ ਤੋਂ ਵੱਡਾ ਅੰਤਰਰਾਸ਼ਟਰੀ ਪੁਰਸਕਾਰ ਹੈ। ਹਰ ਕੋਈ ਇਸ ਐਵਾਰਡ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ। ਇਸ ਸਾਲ 96ਵੇਂ ਅਕੈਡਮੀ ਅਵਾਰਡਸ ਦੀ ਘੋਸ਼ਣਾ ਕੀਤੀ ਜਾਵੇਗੀ, ਇਸਦੇ ਲਈ ਨਾਮਜ਼ਦਗੀ ਸੂਚੀ ਮੰਗਲਵਾਰ ਨੂੰ ਜਾਰੀ ਕੀਤੀ ਜਾਵੇਗੀ, ਜਦੋਂ ਕਿ ਜੇਕਰ ਅਸੀਂ ਇਸ ਸਾਲ ਦੇ ਗੋਲਡਨ ਗਲੋਬਸ ਜਾਂ ਕ੍ਰਿਟਿਕਸ ਚੁਆਇਸ ਅਵਾਰਡਸ 'ਤੇ ਨਜ਼ਰ ਮਾਰੀਏ ਤਾਂ ਗ੍ਰੇਟਾ ਗਰਵਿਗ ਦੀ ਬਾਰਬੀ, ਕ੍ਰਿਸਟੋਫਰ ਨੋਲਨ ਦੀ ਓਪਨਹਾਈਮਰ, ਅਤੇ ਮਾਰਟਿਨ ਸਕੋਰਸੇਸ ਦੇ ਕਿਲਰਸ ਦੀ ਫਲਾਵਰ ਮੂਨ ਨੂੰ ਸਭ ਤੋਂ ਵੱਧ ਨਾਮਜ਼ਦਗੀਆਂ ਪ੍ਰਾਪਤ ਹੋਈਆਂ। ਅਜਿਹੇ 'ਚ ਆਸਕਰ ਨਾਮਜ਼ਦਗੀਆਂ 'ਚ ਵੀ ਇਹ ਫਿਲਮਾਂ ਦਾ ਦਬਦਬਾ ਹੋਣ ਦੀ ਸੰਭਾਵਨਾ ਹੈ। ਆਓ ਜਾਣਦੇ ਹਾਂ ਕਿ ਅਸੀਂ ਭਾਰਤ ਵਿੱਚ ਆਸਕਰ 2024 ਨਾਮਜ਼ਦਗੀਆਂ (ਨੋਮੀਨੇਸ਼ਨਜ਼) ਕਿੱਥੇ ਦੇਖ ਸਕਦੇ ਹਾਂ ਅਤੇ ਆਸਕਰ ਸਮਾਰੋਹ ਕਦੋਂ ਹੋਵੇਗਾ।
ਸ਼ਾਹਰੁਖ ਦੀ ਡੰਕੀ ਨੂੰ ਮਿਲੇਗੀ ਆਸਕਰ ਨਾਮਜ਼ਦਗੀਆਂ 'ਚ ਜਗ੍ਹਾ?
ਦੱਸ ਦਈਏ ਕਿ ਲੰਬੇ ਸਮੇਂ ਤੋਂ ਚਰਚਾ ਸੀ ਕਿ ਫਿਲਮ ਡਾਇਰੈਕਟਰ ਰਾਜਕੁਮਾਰ ਹਿਰਾਨੀ ਸ਼ਾਹਰੁਖ ਖਾਨ ਸਟਾਰਰ 'ਡੰਕੀ' ਨੂੰ ਆਸਕਰ 'ਚ ਭੇਜਣ ਦੀ ਯੋਜਨਾ ਬਣਾ ਰਹੇ ਹਨ। ਜ਼ਾਹਰ ਹੈ ਕਿ ਇਹ ਫਿਲਮ ਆਸਕਰ ਲਈ ਭੇਜੀ ਜਾ ਸਕਦੀ ਹੈ। ਇਸ ਦੇ ਨਾਲ ਨਾਲ ਵਿਕਰਾਂਤ ਮੈਸੀ ਦੀ '12ਵੀਂ ਫੇਲ੍ਹ' ਵੀ ਇਸ ਰੇਸ 'ਚ ਸ਼ਾਮਲ ਹੈ।
ਆਸਕਰ 2024 ਨਾਮਜ਼ਦਗੀਆਂ ਕਦੋਂ ਹੁੰਦੀਆਂ ਹਨ?
ਆਸਕਰ 2024 ਨਾਮਜ਼ਦਗੀਆਂ ਮੰਗਲਵਾਰ, 23 ਜਨਵਰੀ ਨੂੰ ਸਵੇਰੇ 8:30 ਵਜੇ (ET) ਲਾਸ ਏਂਜਲਸ ਵਿੱਚ ਅਕੈਡਮੀ ਦੇ ਸੈਮੂਅਲ ਗੋਲਡਵਿਨ ਥੀਏਟਰ ਤੋਂ ਲਾਈਵ ਜਾਰੀ ਕੀਤੀਆਂ ਗਈਆਂ। ਭਾਰਤ ਵਿੱਚ ਨਾਮਜ਼ਦਗੀ ਦਾ ਲਾਈਵ ਐਲਾਨ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7 ਵਜੇ ਤੋਂ ਸ਼ੁਰੂ ਹੋਵੇਗਾ।
ਆਸਕਰ 2024 ਨਾਮਜ਼ਦਗੀਆਂ ਲਾਈਵ ਕਿੱਥੇ ਦੇਖੀਏ?
ਆਸਕਰ 2024 ਨਾਮਜ਼ਦਗੀਆਂ ਦੀ ਘੋਸ਼ਣਾ ਨੂੰ Oscar.com, Oscar.0rg ਅਤੇ ਅਕੈਡਮੀ ਦੇ ਡਿਜੀਟਲ ਪਲੇਟਫਾਰਮਾਂ 'ਤੇ ਲਾਈਵ ਦੇਖਿਆ ਜਾ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਰ ਵਰਗ ਲਈ ਨਾਮਜ਼ਦ ਵਿਅਕਤੀਆਂ ਦੀ ਲਾਈਵ ਘੋਸ਼ਣਾ ਕੀਤੀ ਜਾਂਦੀ ਹੈ। ਫਿਲਹਾਲ ਹਰ ਕੋਈ ਆਸਕਰ ਨਾਮਜ਼ਦਗੀਆਂ ਨੂੰ ਜਾਣਨ ਲਈ ਬੇਤਾਬ ਹੈ।
ਕੌਣ ਕਰ ਰਿਹਾ ਹੈ ਆਸਕਰ 2024 ਲਈ ਨਾਮਜ਼ਦਗੀਆਂ ਦਾ ਐਲਾਨ ?
ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਲ ਅਦਾਕਾਰ ਜ਼ੈਜ਼ੀ ਬੀਟਜ਼ ਅਤੇ ਜੈਕ ਕਵੇਡ 23 ਸ਼੍ਰੇਣੀਆਂ ਵਿੱਚੋਂ ਹਰੇਕ ਵਿੱਚ ਨਾਮਜ਼ਦ ਫਿਲਮਾਂ ਦਾ ਖੁਲਾਸਾ ਕਰਨਗੇ। ਪਿਛਲੇ ਸਾਲ ਰਿਜ਼ ਅਹਿਮਦ ਅਤੇ ਐਲੀਸਨ ਵਿਲੀਅਮਜ਼ ਨੇ ਇਹ ਜ਼ਿੰਮੇਵਾਰੀ ਸੰਭਾਲੀ ਸੀ।
2024 ਆਸਕਰ ਸਮਾਰੋਹ ਕਦੋਂ ਹੈ?
96ਵਾਂ ਅਕੈਡਮੀ ਅਵਾਰਡ ਜਾਂ ਆਸਕਰ 2024 ਅਵਾਰਡ ਸਮਾਰੋਹ ਐਤਵਾਰ, 10 ਮਾਰਚ ਨੂੰ ਆਯੋਜਿਤ ਕੀਤਾ ਜਾਵੇਗਾ। ਇੱਕ ਵਾਰ ਫਿਰ ਅਮਰੀਕੀ ਟੈਲੀਵਿਜ਼ਨ ਹੋਸਟ ਅਤੇ ਕਾਮੇਡੀਅਨ ਜਿੰਮੀ ਕਿਮਲ ਦੁਆਰਾ ਆਯੋਜਿਤ, ਪੁਰਸਕਾਰਾਂ ਦਾ ਆਯੋਜਨ ਅਮਰੀਕਾ ਵਿੱਚ ਸ਼ਾਮ 7 ਵਜੇ (ਭਾਰਤ ਵਿੱਚ ਸੋਮਵਾਰ ਨੂੰ ਸਵੇਰੇ 5.30 ਵਜੇ) ਕੀਤਾ ਜਾਵੇਗਾ।
ਆਸਕਰ 2024 ਵਿੱਚ ਕਿਸ ਨੂੰ ਨਾਮਜ਼ਦਗੀ ਮਿਲਣ ਦੀ ਉਮੀਦ ਹੈ?
ਪਿਛਲੇ ਸਾਲ, ਬਾਰਬੀ ਅਤੇ ਓਪਨਹਾਈਮਰ ਨੇ ਗਲੋਬਲ ਬਾਕਸ ਆਫਿਸ 'ਤੇ ਦਬਦਬਾ ਬਣਾਇਆ ਸੀ। ਪੁਆਰ ਥਿੰਗਜ਼, ਦਿ ਹੋਲਡੋਵਰਸ ਅਤੇ ਕਿਲਰਸ ਆਫ਼ ਦਾ ਫਲਾਵਰ ਮੂਨ ਨੂੰ ਵੀ ਕਈ ਸ਼੍ਰੇਣੀਆਂ ਵਿੱਚ ਆਸਕਰ ਲਈ ਨਾਮਜ਼ਦ ਕੀਤੇ ਜਾਣ ਦੀ ਉਮੀਦ ਹੈ। ਇਨ੍ਹਾਂ ਤੋਂ ਇਲਾਵਾ ਐਨਾਟੋਮੀ ਆਫ਼ ਏ ਫਾਲ, ਮੇਸਟ੍ਰੋ, ਦ ਜ਼ੋਨ ਆਫ਼ ਇੰਟਰਸਟ, ਪਾਸਟ ਲਿਵਜ਼ ਅਤੇ ਅਮਰੀਕਨ ਫਿਕਸ਼ਨ ਨੂੰ ਵੀ ਨਾਮਜ਼ਦਗੀ ਮਿਲ ਸਕਦੀ ਹੈ। ਸਿਲਿਅਨ ਮਰਫੀ, ਐਮਾ ਸਟੋਨ, ਰੌਬਰਟ ਡਾਉਨੀ ਜੂਨੀਅਰ ਅਤੇ ਡੀ ਵੇਨ ਜੋਏ ਰੈਂਡੋਲਫ ਨੂੰ ਅਦਾਕਾਰੀ ਵਿੱਚ ਨਾਮਜ਼ਦਗੀਆਂ ਮਿਲਣ ਦੀ ਉਮੀਦ ਹੈ।