ਚੰਡੀਗੜ੍ਹ: ਬਾਲੀਵੁੱਡ ਦੇ ਨਾਲ ਪੰਜਾਬੀ ਕਲਾਕਾਰਾਂ ਦਾ ਕੋਲੈਬ੍ਰੇਸ਼ਨ ਹਮੇਸ਼ਾ ਹੀ ਲਾਜਵਾਬ ਸਾਬਤ ਹੋਇਆ ਹੈ। ਅਤੇ ਜੇਕਰ ਤੁਸੀਂ ਵੀ ਇਸ ਤਰ੍ਹਾਂ ਦੇ ਪ੍ਰੋਜੈਕਟਾਂ ਦੇ ਫੈਨਸ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਖਾਸ ਸਾਬਤ ਹੋ ਸਕਦੀ ਹਾ। ਕਿਉਂਕਿ ਪੰਜਾਬੀ ਫਿਲਮਾਂ ਦਾ ਨਿੱਕਾ ਜੈਲਦਾਰ ਯਾਨੀ ਐਮੀ ਵਿਰਕ ਹੁਣ ਤਿਆਰ ਹੈ ਉਰੀ ਸਟਾਰ ਵਿੱਕੀ ਕੌਸ਼ਲ ਨਾਲ ਸਕ੍ਰੀਨ ਸ਼ੇਅਰ ਕਰਨ ਲਈ।
ਦੱਸ ਦਈਏ ਕਿ ਐਮੀ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਵਿੱਕੀ ਨਾਲ ਆਪਣੀ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਦੋਵੇਂ ਕਲਾਕਾਰ ਖੁਸ਼ ਨਜ਼ਰ ਆ ਰਹੇ ਹਨ ਅਤੇ ਸੈਲਫੀ ਲਈ ਪੋਜ਼ ਦਿੰਦੇ ਨਜ਼ਰ ਆ ਰਹੇ ਹਨ। ਇੰਸਟਾ ਸਟੋਰੀ ਵਿੱਚ ਐਮੀ ਨੇ ਵਿੱਕੀ ਨਾਲ ਆਪਣੀ ਮੁਲਾਕਾਤ ਬਾਰੇ ਆਪਣੀਆਂ ਭਾਵਨਾਵਾਂ ਵੀ ਸਾਂਝੀਆਂ ਕੀਤੀਆਂ ਅਤੇ ਉਸ ਦੀ ਖੂਬ ਸ਼ਲਾਘਾ ਕੀਤੀ ਹੈ।
ਐਮੀ ਨੇ ਵੀ ਵਿੱਕੀ ਨੂੰ ਮਿਲਣ ਤੋਂ ਬਾਅਦ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਅਤੇ ਪ੍ਰਸ਼ੰਸਕਾਂ ਨੂੰ ਚਿੜਾਉਂਦੇ ਹੋਏ ਨੋਟ ਖ਼ਤਮ ਕੀਤਾ, 'ਸਵਾਦ ਆਉਗਾ ਫਿਲਮ ਦੇ ਸੈੱਟ 'ਤੇ। ਦੂਜੇ ਪਾਸੇ ਵਿੱਕੀ ਨੇ ਵੀ ਐਮੀ ਦੀ ਸੈਲਫੀ ਨੂੰ ਰੀਪੋਸਟ ਕੀਤਾ ਅਤੇ ਲਿਖਿਆ, “ਲਵ ਯੂ ਵੀਰੇ! ਖਪ ਪਾਉਣਾ ਪੂਰਾ।”
ਹਾਲਾਂਕਿ ਐਮੀ ਨੇ ਇਸ ਪ੍ਰੋਜੈਕਟ ਬਾਰੇ ਜ਼ਿਆਦਾ ਖੁਲਾਸਾ ਨਹੀਂ ਕੀਤਾ, ਪਰ ਇਹ ਖ਼ਬਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ ਅਤੇ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਹੀ ਹੈ।
ਇਸ ਦੇ ਨਾਲ ਹੀ ਜੇਕਰ ਇਹ ਆਉਣ ਵਾਲੀ ਫਿਲਮ ਬਾਲੀਵੁੱਡ ਪ੍ਰੋਜੈਕਟ ਬਣਦੀ ਹੈ, ਤਾਂ ਇਹ ਬਾਲੀਵੁੱਡ ਵਿੱਚ ਐਮੀ ਵਿਰਕ ਦਾ ਤੀਜਾ ਪ੍ਰੋਜੈਕਟ ਹੋਵੇਗਾ। ਉਹ ਬਾਲੀਵੁੱਡ ਫਿਲਮਾਂ ਭੁਜ: ਦ ਪ੍ਰਾਈਡ ਆਫ ਇੰਡੀਆ, ਅਤੇ ਹੁਣ ਤੱਕ 83 ਦਾ ਹਿੱਸਾ ਰਿਹਾ ਹੈ ਅਤੇ ਉਸ ਨੇ ਆਪਣੀ ਯੋਗਤਾ ਨੂੰ ਸਾਬਤ ਕੀਤਾ ਹੈ।
ਇਹ ਵੀ ਪੜ੍ਹੋ: ਸੋਨਮ ਬਾਜਵਾ ਤੋਂ ਬਾਅਦ ਹੁਣ Mandy Takhar ਨਾਲ ਨਜ਼ਰ ਆਉਣਗੇ Gurnam Bhullar, ਸ਼ੁਰੂ ਹੋਈ ਫਿਲਮ ਦੀ ਸ਼ੂਟਿੰਗ