B Praak Son Adabb: ਪੰਜਾਬੀ ਦੇ ਨਾਲ-ਨਾਲ ਬਾਲੀਵੁੱਡ ਮਿਊਜ਼ਿਕ ਜਗਤ ਵਿੱਚ ਆਪਣੇ ਨਾਂਅ ਦੀ ਬੱਲੇ-ਬੱਲੇ ਕਰਵਾਉਣ ਵਾਲੇ ਸੰਗੀਤਕਾਰ ਬੀ ਪ੍ਰਾਕ ਕਿਸੇ ਪਛਾਣ ਦੇ ਮੋਹਤਾਜ ਨਹੀਂ ਹਨ। 'ਤੇਰੀ ਮਿੱਟੀ' ਅਤੇ ਕਦੇ 'ਫਿਲਹਾਲ' ਨਾਲ ਲੋਕਾਂ ਦਾ ਦਿਲ ਜਿੱਤਣ ਵਾਲੇ ਬੀ ਪ੍ਰਾਕ ਅੱਜ ਪਾਲੀਵੁੱਡ ਹੀ ਨਹੀਂ ਸਗੋਂ ਬਾਲੀਵੁੱਡ ਇੰਡਸਟਰੀ ਦੀ ਵੀ ਜਾਨ ਹਨ। ਹਾਲ ਹੀ ਵਿੱਚ ਕਲਾਕਾਰ ਨੇ ਆਪਣੇ ਪੁੱਤਰ ਅਦਬ ਬੱਚਨ ਨੂੰ ਲੈ ਖਾਸ ਖੁਲਾਸਾ ਕੀਤਾ ਹੈ। ਦਰਅਸਲ, ਗਾਇਕ ਅਤੇ ਸੰਗੀਤਕਾਰ ਬੀ ਪ੍ਰਾਕ ਨੇ ਖੁਲਾਸਾ ਕਰ ਦੱਸਿਆ ਕੀ ਉਨ੍ਹਾਂ ਦਾ ਪੁੱਤਰ ਅਦਬ ਕਿਸ ਤਰ੍ਹਾਂ ਦੇ ਗੀਤ ਪਸੰਦ ਕਰਦੇ ਹਨ।
ਦੱਸ ਦੇਈਏ ਕਿ ਏਬੀਪੀ ਸਾਂਝਾ ਨਾਲ ਗੱਲ ਕਰਦਿਆਂ ਬੀ ਪ੍ਰਾਕ ਨੇ ਦੱਸਿਆ ਕਿ ਉਨ੍ਹਾਂ ਦਾ ਪੁੱਤਰ ਅਦਬ ਅਧਿਆਤਮਿਕ ਸੰਗੀਤ ਸੁਣਨਾ ਪਸੰਦ ਕਰਦਾ ਹੈ। ਬੀ ਪ੍ਰਾਕ ਨੇ ਦੱਸਿਆ ਕਿ ਵੈਸੇ ਤਾਂ ਉਹ ਸਾਰੇ ਗਾਣੇ ਪਸੰਦ ਕਰਦਾ ਹੈ ਪਰ ਭਜਨ ਉਹ ਨੂੰ ਬੇਹੱਦ ਪਸੰਦ ਹੈ। ਤੁਸੀ ਵੀ ਵੇਖੋ ਇਹ ਵੀਡੀਓ...
ਗਾਇਕ ਬੀ ਪ੍ਰਾਕ ਦਾ ਹਾਲ ਹੀ ਵਿੱਚ ਗੀਤ ਕਿਆ ਲੋਗੇ ਤੁਮ ਰਿਲੀਜ਼ ਹੋਇਆ ਹੈ। ਇਸ ਗੀਤ ਵਿੱਚ ਬਾਲੀਵੁੱਡ ਖਿਲਾੜੀ ਅਕਸ਼ੈ ਕੁਮਾਰ ਇੱਕ ਵਾਰ ਫਿਰ ਦਰਸ਼ਕਾਂ ਦਾ ਦਿਲ ਜਿੱਤਦੇ ਹੋਏ ਦਿਖਾਈ ਦਿੱਤੇ। ਦੱਸ ਦੇਈਏ ਕਿ ਬੀ ਪ੍ਰਾਕ ਦੀ ਆਵਾਜ਼ ਵਿੱਚ ਗਾਏ ਇਸ ਗੀਤ ਨੂੰ ਮਿਲਿਅਨ ਵਿਊਜ਼ ਮਿਲੇ ਹਨ। ਇੱਕ ਵਾਰ ਫਿਰ ਤੋਂ ਆਪਣੇ ਸੈਡ ਸਾਂਗ ਰਾਹੀਂ ਬੀ ਪ੍ਰਾਕ ਦਰਸ਼ਕਾਂ ਨੂੰ ਲੁਭਾਉਣ ਵਿੱਚ ਕਾਮਯਾਬ ਰਹੇ।
ਕਾਬਿਲੇਗੌਰ ਹੈ ਕਿ ਗੀਤ ਕਿਆ ਲੋਗੇ ਤੁਮ ਤੋਂ ਪਹਿਲਾਂ ਬੀ ਪ੍ਰਾਕ ਵੱਲੋਂ ਆਪਣੀ ਨਵੀਂ ਐਲਬਮ (ZOHRAJABEEN) ਜ਼ੋਹਰਾਜ਼ਬੀਨ ਦਾ ਐਲਾਨ ਕੀਤਾ ਗਿਆ ਸੀ। ਇਹ ਐਲਬਮ ਬੀ ਪ੍ਰਾਕ ਦੇ ਦਿਲ ਦੇ ਬੇਹੱਦ ਕਰੀਬ ਹੈ। ਕਿਉਂਕਿ ਇਸ ਨੂੰ ਉਨ੍ਹਾਂ ਡੇਢ ਸਾਲ ਲਗਾ ਕੇ ਕਈ ਮੁਸ਼ਕਿਲਾਂ ਬਾਅਦ ਪੂਰਾ ਕੀਤਾ। ਕਲਾਕਾਰ ਨੇ ਇਸ ਐਲਬਮ ਨੂੰ ਤਿਆਰ ਕਰਨ ਤੇ ਆਪਣਾ ਅਨੁਭਵ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕਰ ਇੱਕ ਖਾਸ ਪੋਸਟ ਵੀ ਸਾਂਝੀ ਕੀਤੀ ਸੀ। ਉਨ੍ਹਾਂ ਪੋਸਟ ਸਾਂਝੀ ਕਰਦੇ ਹੋਏ ਦੱਸਿਆ ਸੀ ਕਿ ਜੋਹਰਾਜ਼ਬੀਨ ਨਾਲ ਬਹੁਤ ਸਾਰੇ ਜਜ਼ਬਾਤ ਜੁੜੇ ਹਨ। ਸਾਡੀ ਸਾਰਿਆਂ ਦੀ ਇਸ ਐਲਬਮ ਤੇ ਡੇਢ ਸਾਲ ਦੀ ਮੇਹਨਤ ਲੱਗੀ। ਅਸੀ ਇੱਕ ਦੂਜੇ ਨਾਲ ਖਫਾ ਵੀ ਹੋਏ। ਇਸ ਨੂੰ ਬਣਾਉਣਦੇ ਹੋਏ ਮੇਰੀ ਜ਼ਿੰਦਗੀ ਦਾ ਇੱਕ ਅਜਿਹਾ ਸੁਪਨਾ ਹੈ ਇਹ ਜੋ ਅਸੀ ਸਭ ਨੇ ਦੇਖਿਆ ਸੀ ਅਤੇ ਅੱਜ ਉਹ ਪੂਰਾ ਹੋਣ ਜਾ ਰਿਹਾ ਹੈ। ਮੈਂ ਜਾਨੀ, ਅਰਵਿੰਦ ਖਹਿਰਾ ਅਤੇ ਗੌਰਵ ਦੇ ਦਾ ਬਹੁਤ-ਬਹੁਤ ਧੰਨਵਾਦ ਕਰਨਾ ਚਾਹੁੰਗਾ। ਹੁਣ ਇਹ ਐਲਬਮ ਤੁਹਾਡੀ ਸਾਰਿਆਂ ਦੀ ਹੈ। ਮੈਨੂੰ ਉਮੀਦ ਹੈ ਕਿ ਇਹ ਐਲਬਮ ਤੁਹਾਡੇ ਦਿਲ ਵਿੱਚ ਇਸ ਤਰ੍ਹਾ ਘਰ ਕਰਕੇ ਜਾਵੇਗੀ ਜੋ ਇਤਿਹਾਸ ਬਣਾਵੇਗੀ ਬਾਕੀ ਸਭ ਕੁਝ ਪ੍ਰਮਾਤਮਾ ਦੇ ਹੱਥ ਵਿੱਚ ਹੈ ਧੰਨਵਾਦ...