Sonam Bajwa Dil Diyan Gallan: ਸੋਨਮ ਬਾਜਵਾ ਪੰਜਾਬੀ ਇੰਡਸਟਰੀ ਟੀਆਂ ਟੌਪ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਉਨ੍ਹਾਂ ਨੇ ਹਾਲ ਹੀ `ਕੈਰੀ ਆਨ ਜੱਟਾ 3` ਦੀ ਸ਼ੂਟਿੰਗ ਖਤਮ ਕੀਤੀ ਹੈ। ਪਿਛਲੇ ਹਫ਼ਤੇ ਆਪਣੇ ਸ਼ੋਅ `ਦਿਲ ਦੀਆਂ `ਦਿਲ ਦੀਆਂ ਗੱਲਾਂ 2` ਦਾ ਐਲਾਨ ਕੀਤਾ ਸੀ। ਇਹ ਸ਼ੋਅ ਅੱਜ ਤੋਂ ਆਨ ਏਅਰ ਹੋਣ ਜਾ ਰਿਹਾ ਹੈ। ਇਸ ਦਾ ਪਿਛਲਾ ਸੀਜ਼ਨ ਕਾਫ਼ੀ ਹਿੱਟ ਰਿਹਾ ਸੀ। ਜਿਸ ਵਿੱਚ ਕਈ ਸਾਰੇ ਪੰਜਾਬੀ ਕਲਾਕਾਰਾਂ ਨੇ ਸ਼ਿਰਕਤ ਕੀਤੀ ਸੀ। ਇਸ ਸ਼ੋਅ ਵਿੱਚ ਪੰਜਾਬੀ ਇੰਡਸਟਰੀ ਦੇ ਕਲਾਕਾਰਾਂ ਨੇ ਸ਼ਿਰਕਤ ਕਰ ਆਪਣੇ ਜ਼ਿੰਦਗੀ ਦੇ ਕਿੱਸੇ ਸਾਂਝੇ ਕੀਤੇ ਸੀ।
ਸੋਨਮ ਬਾਜਵਾ ਦੇ ਸ਼ੋਅ ਦੇ ਦੂਜੇ ਸੀਜ਼ਨ ਦਾ ਪਹਿਲਾ ਐਪੀਸੋਡ ਹੈ। ਇਸ ਮੌਕੇ ਸੋਨਮ ਨੇ ਖਾਸ ਮਹਿਮਾਨਾਂ ਨੂੰ ਬੁਲਾਇਆ। ਜੀ ਹਾਂ, ਬਾਲੀਵੁੱਡ ਅਦਾਕਾਰਾਂ ਅਪਾਰਸ਼ਕਤੀ ਖੁਰਾਨਾ ਤੇ ਸੰਨੀ ਸਿੰਘ ਨੇ ਸ਼ੋਅ ਦੇ ਪਹਿਲੇ ਐਪੀਸੋਡ `ਚ ਸ਼ਿਰਕਤ ਕੀਤੀ ਹੈ। ਇਸ ਦਾ ਵੀਡੀਓ ਸੋਨਮ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਸ਼ੇਅਰ ਕੀਤਾ ਹੈ। ਜਿਸ ਵਿੱਚ ਤਿੰਨੇ ਖੂਬ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਦੇਖਣ ਤੋਂ ਬਾਅਦ ਫ਼ੈਨਜ਼ ਬੇਸਵਰੀ ਨਾਲ ਸੋਨਮ ਦੇ ਸ਼ੋਅ ਦੀ ਉਡੀਕ ਕਰ ਰਹੇ ਹਨ। ਦਸ ਦਈਏ ਕਿ ਇਹ ਸ਼ੋਅ ਜ਼ੀ ਪੰਜਾਬੀ ਤੇ ਟੈਲੀਕਾਸਟ ਹੋਵੇਗਾ।
ਵੀਡੀਓ ਸ਼ੇਅਰ ਕਰਦਿਆਂ ਸੋਨਮ ਬਾਜਵਾ ਨੇ ਕੈਪਸ਼ਨ `ਚ ਲਿਖਿਆ, "ਘੁਲਣਗੇ ਫ਼ਿਜ਼ਾ ਵਿੱਚ ਅਵੱਲੇ ਜਜ਼ਬਾਤ, ਹੋਣਗੇ ਬੇਸ਼ੁਮਾਰ ਹਾਸੇ ਤੇ ਛਿੜੇਗੀ ਦਿਲਾਂ ਦੀ ਤਾਰ ਜਦੋਂ ਕਰੀਬੀ ਲੋਕ ਕਰਨਗੇ ਆਪਣੇ ਦਿਲ ਦੀ ਗੱਲ ਸਾਂਝੀ। ਅਪਾਰਸ਼ਕਤੀ ਖੁਰਾਨਾ ਤੇ ਸੰਨੀ ਸਿੰਘ ਦੇ ਨਾਲ। ਵੇਖਣਾ ਨਾ ਭੁੱਲਣਾ।"
ਕਾਬਿਲੇਗ਼ੌਰ ਹੈ ਕਿ ਦਿਲ ਦੀਆਂ ਗੱਲਾਂ ਦਾ ਦੂਜਾ ਸੀਜ਼ਨ 29 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਦਾ ਪਹਿਲਾ ਸੀਜ਼ਨ ਕਾਫ਼ੀ ਕਾਮਯਾਬ ਰਿਹਾ ਸੀ। ਇਸ ਸ਼ੋਅ ਵਿੱਚ ਪੰਜਾਬੀ ਇੰਡਸਟਰੀ ਦੇ ਕਈ ਕਲਾਕਾਰਾਂ ਨੇ ਸ਼ਿਰਕਤ ਕੀਤੀ ਸੀ। ਦਰਸ਼ਕਾਂ ਨੇ ਇਸ ਸ਼ੋਅ ਨੂੰ ਖੂਬ ਪਿਆਰ ਦਿੱਤਾ ਸੀ।