ਅਮੈਲੀਆ ਪੰਜਬੀ ਦੀ ਰਿਪੋਰਟ
Kamal Khangura Post: ਮਨੋਰੰਜਨ ਜਗਤ ਬਾਹਰ ਤੋਂ ਦੇਖਣ 'ਚ ਬਹੁਤ ਹੀ ਖੂਬਸੂਰਤ ਤੇ ਚਮਕਦਾਰ ਲੱਗਦਾ ਹੈ, ਪਰ ਅਸਲੀਅਤ ਕੁੱਝ ਹੋਰ ਹੀ ਹੈ। ਇੱਥੇ ਲੋਕ ਆਪਣੇ ਮੇਕਅੱਪ ਤੇ ਮੁਸਕਰਾਉਂਦੇ ਚਿਹਰਿਆਂ ਪਿੱਛੇ ਆਪਣੀ ਜ਼ਿੰਦਗੀ ਦੇ ਦਰਦ ਨੂੰ ਲੁਕਾਉਂਦੇ ਹਨ। ਪਿਛਲੇ ਕੁੱਝ ਸਮੇਂ ;ਚ ਅਸੀਂ ਕਿੰਨੇ ਹੀ ਅਜਿਹੇ ਕੇਸਾਂ ਬਾਰੇ ਸੁਣਿਆ ਕਿ ਮਨੋਰੰਜਨ ਜਗਤ ਦੇ ਸਿਤਾਰਿਆਂ ਨੇ ਡਿਪਰੈਸ਼ਨ 'ਚ ਆ ਕੇ ਖੁਦਕੁਸ਼ੀ ਕਰ ਲਈ ਜਾਂ ਉਹ ਬੁਰੇ ਦੌਰ ਵਿੱਚੋਂ ਗੁਜ਼ਰ ਰਹੇ ਹਨ।
ਪੰਜਾਬੀ ਇੰਡਸਟਰੀ ਦੇ ਕਈ ਕਲਾਕਾਰ ਵੀ ਡਿਪਰੈਸ਼ਨ ਤੇ ਬੁਰੇ ਦੌਰ ਦਾ ਸ਼ਿਕਾਰ ਹੋਏ ਹਨ। ਇਸ 'ਚ ਕੋਈ ਲੁਕਾਉਣ ਵਾਲੀ ਗੱਲ ਨਹੀਂ। ਇਹ ਸਾਲ 2022 ਪੰਜਾਬੀ ਇੰਡਸਟਰੀ 'ਤੇ ਵੀ ਕਾਫੀ ਭਾਰੀ ਰਿਹਾ ਹੈ। ਕਈ ਕਲਾਕਾਰ ਸਾਹਮਣੇ ਆਏ ਜਿਨ੍ਹਾਂ ਨੇ ਖੁੱਲ ਕੇ ਕਿਹਾ ਕਿ ਉਹ ਡਿਪਰੈਸ਼ਨ 'ਚੋਂ ਲੰਘ ਰਹੇ ਹਨ ਜਾਂ ਉਨ੍ਹਾਂ 'ਤੇ ਬੁਰਾ ਸਮਾਂ ਆਇਆ ਹੈ। ਇਨ੍ਹਾਂ ਵਿੱਚ ਹਿਮਾਂਸ਼ੀ ਖੁਰਾਣਾ, ਸ਼ੈਰੀ ਮਾਨ ਤੇ ਇੰਦਰਜੀਤ ਨਿੱਕੂ ਵਰਗੇ ਦਿੱਗਜ ਕਲਾਕਾਰਾਂ ਦੇ ਨਾਂ ਸ਼ਾਮਲ ਸਨ। ਹੁਣ ਇਸ ਕੜੀ 'ਚ ਇੱਕ ਹੋਰ ਨਾਂ ਜੁੜ ਗਿਆ ਹੈ। ਉਹ ਨਾਂ ਹੈ ਕਮਲ ਖੰਗੂੜਾ। ਜੀ ਹਾਂ ਪੰਜਾਬੀ ਮਾਡਲ ਤੇ ਅਦਾਕਾਰਾ ਕਮਲ ਖੰਗੂੜਾ ਇੰਨੀਂ ਦਿਨੀਂ ਬੁਰੇ ਦੌਰ 'ਚੋਂ ਲੰਘ ਰਹੀ ਹੈ। ਉਸ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਪੋਸਟ ਪਾ ਕੇ ਆਪਣੇ ਦਿਲ ਦਾ ਦਰਦ ਬਿਆਨ ਕੀਤਾ ਹੈ।
ਕਮਲ ਭਾਵੇਂ ਸਕ੍ਰੀਨ 'ਤੇ ਜਾਂ ਸੋਸ਼ਲ ਮੀਡੀਆ ਪੋਸਟਾਂ 'ਚ ਹੱਸਦੀ ਮੁਸਕਰਾਉਂਦੀ ਹੋਈ ਨਜ਼ਰ ਆਉਂਦੀ ਹੋਵੇ, ਪਰ ਅਸਲੀਅਤ 'ਚ ਉਹ ਬੁਰੇ ਦੌਰ ਵਿੱਚੋਂ ਗੁਜ਼ਰ ਰਹੀ ਹੈ। ਉਸ ਨੇ ਇੱਕ ਲੰਬੀ ਚੌੜੀ ਪੋਸਟ ਪਾ ਕੇ ਆਪਣਾ ਦਰਦ ਬਿਆਨ ਕੀਤਾ ਹੈ।
ਪੋਸਟ ਸ਼ੇਅਰ ਕਰਦਿਆਂ ਕਮਲ ਨੇ ਲਿਖਿਆ, '2022 ਸਾਲ ਮੇਰੇ ਲਈ ਚੰਗਾ ਨਹੀਂ ਰਿਹਾ। ਇਹ ਸਾਲ ਮੇਰੇ ਲਈ ਉਤਾਰ ਚੜ੍ਹਾਅ ਦੇ ਨਾਲ ਭਰਿਆ ਹੋਇਆ ਸੀ। ਖੁਸ਼ੀਆਂ ਵੀ ਮਿਲੀਆਂ, ਪਰ ਉਸ ਤੋਂ ਕਿਤੇ ਜ਼ਿਆਦਾ ਦੁੱਖ ਮਿਲੇ। ਖੁਦ ਨੂੰ ਬਿਜ਼ੀ ਤੇ ਐਕਟਿਵ ਰੱਖਣ ਲਈ ਮੈਂ ਕੰਮ ਕਰ ਰਹੀ ਹਾਂ। ਸੋਸ਼ਲ ਮੀਡੀਆ 'ਤੇ ਖੁਸ਼ ਹੋਣ ਦੀਆਂ ਪੋਸਟਾਂ ਪਾ ਕੇ ਦਿਖਾਵਾ ਕਰ ਦਿੰਦੀ ਹਾਂ ਕਿ ਸਭ ਸਹੀ ਹੈ, ਪਰ ਇਹ ਅਸਲੀਅਤ ਨਹੀਂ ਹੈ। ਸ਼ਾਇਦ ਮੇਰੇ ਵਾਂਗ ਹੋਰ ਵੀ ਬਹੁਤ ਲੋਕ ਇਹ ਸਭ ਫੇਸ ਕਰ ਰਹੇ ਹੋਣੇ। ਪਰ ਮੈਂ ਖੁਸ਼ਕਿਸਮਤ ਹਾਂ ਕਿ ਮੇਰੇ ਫਰੈਂਡਜ਼ ਤੇ ਫੈਮਿਲੀ ਬਹੁਤ ਸਪੋਰਟ ਕਰ ਰਹੇ ਹਨ। ਇਹ ਦੁੱਖ ਉਦੋੋਂ ਘਟਣੇ ਸ਼ੁਰੁ ਹੋਏ ਜਦੋਂ ਮੈਂ ਆਪਣਾ ਦਰਦ ਸ਼ੇਅਰ ਕੀਤਾ। ਇਹ ਪੋਸਟ ਪਾਉਣ ਦਾ ਮੇਰਾ ਇਹੀ ਮਕਸਦ ਹੈ ਕਿ ਤੁਸੀਂ ਚਾਹੇ ਲੋਅ ਫੀਲ ਕਰਦੇ ਹੋ ਜਾਂ ਕਿਸੇ ਵੀ ਪ੍ਰੋਬਲਮ 'ਚ ਹੋ। ਬੱਸ ਆਪਣਿਆਂ ਨਾਲ ਸ਼ੇਅਰ ਕਰੋ। ਮੈਂ ਇਕੱਲੀ ਨਹੀਂ ਹਾਂ। ਮੈਂ ਆਪਣਾ ਬੈਸਟ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ। ਤੇ ਮੈਂ ਹਾਰ ਨਹੀਂ ਮੰਨਾਂਗੀ। ਉਮੀਦ ਕਰਦੀ ਹਾਂ ਕਿ 2023 ਮੈਨੂੰ ਹੋਰ ਮਜ਼ਬੂਤ ਇਨਸਾਨ ਬਣਾਵੇਗਾ। ਤੇ ਮੇਰੀ ਲਾਈਫ ਫਿਰ ਤੋਂ ਟਰੈਕ 'ਤੇ ਆ ਜਾਵੇਗੀ।'
ਕਾਬਿਲੇਗ਼ੌਰ ਹੈ ਕਿ ਕਮਲ ਖੰਗੂੜਾ ਪੰਜਾਬੀ ਇੰਡਸਟਰੀ ਦੀ ਟੌਪ ਮਾਡਲ ਰਹੀ ਹੈ। ਉਸ ਨੇ ਆਪਣੇ ਕਰੀਅਰ 'ਚ ਹੁਣ ਤੱਕ 200 ਤੋਂ ਵੱਧ ਗਾਣਿਆਂ ਚ ਕੰਮ ਕੀਤਾ ਹੈ। ਉਸ ਨੇ 2014 'ਚ ਵਿਆਹ ਕਰ ਲਿਆ ਸੀ ਤੇ ਕੈਨੇਡਾ ਸੈਟਲ ਹੋ ਗਈ ਸੀ। ਇੰਨੀਂ ਦਿਨੀਂ ਅਦਾਕਾਰਾ ਭਾਰਤ 'ਚ ਹੈ ਤੇ ਆਪਣੇ ਆਉਣ ਵਾਲੇ ਪ੍ਰੋਜੈਕਟਾਂ 'ਤੇ ਕੰਮ ਕਰ ਰਹੀ ਹੈ।