Gippy Grewal Wishes Allu Arjun Happy Birthday: ਪੰਜਾਬੀ ਸਿੰਗਰ ਤੇ ਐਕਟਰ ਗਿੱਪੀ ਗਰੇਵਾਲ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਗਿੱਪੀ ਦੀਆਂ ਇਸ ਸਾਲ ਹੁਣ ਤੱਕ 2 ਫਿਲਮਾਂ ਰਿਲੀਜ਼ ਹੋਈਆਂ ਹਨ ਅਤੇ ਦੋਵੇਂ ਹੀ ਫਿਲਮਾਂ ਨੇ ਕਾਫੀ ਵਧੀਆ ਕਾਰੋਬਾਰ ਕੀਤਾ ਹੈ। ਇਸ ਤੋਂ ਬਾਅਦ ਹੁਣ ਗਿੱਪੀ ਦਾ ਨਾਮ ਮੁੜ ਤੋਂ ਚਰਚਾ ;ਚ ਹੈ।
ਦਰਅਸਲ, ਖਬਰਾਂ ਆ ਰਹੀਆਂ ਹਨ ਕਿ ਗਿੱਪੀ ਗਰੇਵਾਲ ਸਾਊਥ ਸਟਾਰ ਅੱਲੂ ਅਰਜੁਨ ਨਾਲ ਮਿਲ ਕੇ ਕਿਸੇ ਪ੍ਰੋਜੈਕਟ 'ਤੇ ਕੰਮ ਕਰ ਰਹੇ ਹਨ, ਜੋ ਕਿ ਆਉਣ ਵਾਲੇ ਦਿਨਾਂ 'ਚ ਸਾਹਮਣੇ ਆਵੇਗਾ। ਇਸ ਦਾ ਪਤਾ ਗਿੱਪੀ ਦੀ ਹਾਲੀਆ ਸੋਸ਼ਲ ਮੀਡੀਆ ਪੋਸਟ ਦੇਖ ਕੇ ਲੱਗਦਾ ਹੈ। ਦਰਅਸਲ, ਗਿੱਪੀ ਗਰੇਵਾਲ ਨੇ ਬੀਤੇ ਦਿਨੀਂ ਯਾਨਿ 8 ਅਪ੍ਰੈਲ ਨੂੰ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ 'ਤੇ ਅੱਲੂ ਅਰਜੁਨ ਦੀ ਤਸਵੀਰ ਸ਼ੇਅਰ ਕਰ ਉਨ੍ਹਾਂ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਸੀ। ਗਿੱਪੀ ਨੇ ਅੱਲੂ ਦੀ 'ਪਸ਼ਪਾ 2' ਦਾ ਪੋਸਟਰ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖੀ, 'ਹੈੱਪੀ ਬਰਥਡੇ ਬ੍ਰਦਰ'। ਇਹ ਪੋਸਟ ਨੂੰ ਲੈਕੇ ਗਿੱਪੀ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ ਕਿ ਆਖਰ ਕੀ ਕਾਰਨ ਹੈ ਕਿ ਗਿੱਪੀ ਨੇ ਅੱਲੂ ਅਰਜੁਨ ਨੂੰ ਇਸ ਤਰ੍ਹਾਂ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਦੇਖੋ ਇਹ ਪੋਸਟ:
ਕਾਬਿਲੇਗ਼ੌਰ ਹੈ ਕਿ ਪੰਜਾਬੀ ਸਿਨੇਮਾ ਦਾ ਪੂਰੇ ਦੇਸ਼ 'ਚ ਪ੍ਰਸਾਰ ਕਰਨ ਦਾ ਕਰੈਡਿਟ ਕਿਤੇ ਨਾ ਕਿਤੇ ਗਿੱਪੀ ਗਰੇਵਾਲ ਨੂੰ ਜਾਂਦਾ ਹੈ। ਉਨ੍ਹਾਂ ਨੇ ਪੰਜਾਬੀ ਸਿਨੇਮਾ ਨੂੰ ਇਤਿਹਾਸ ਦੀ ਸਭ ਤੋਂ ਬੇਹਤਰੀਨ ਫਿਲਮ 'ਕੈਰੀ ਆਨ ਜੱਟਾ' (2012) ਦਿੱਤੀ ਹੈ। ਇਸ ਫਿਲਮ ਦੇ ਸਾਊਥ 'ਚ ਰੀਮੇਕ ਬਣੇ ਸੀ। ਇਸ ਦੇ ਨਾਲ ਨਾਲ ਗਿੱਪੀ ਗਰੇਵਾਲ ਬਾਲੀਵੁੱਡ ਤੇ ਟੀਵੀ ਸਿਤਾਰਿਆਂ ਨੂੰ ਪੰਜਾਬੀ ਇੰਡਸਟਰੀ 'ਚ ਲੈਕੇ ਆ ਰਹੇ ਹਨ। ਤਾਂ ਹੋ ਸਕਦਾ ਹੈ ਕਿ ਗਿੱਪੀ ਦਾ ਆਉਣ ਵਾਲੇ ਸਮੇਂ 'ਚ ਅੱਲੂ ਅਰਜੁਨ ਨਾਲ ਵੀ ਕੋਈ ਪ੍ਰੋਜੈਕਟ ਸਾਹਮਣੇ ਆਵੇ।