Nimrat Khaira Wants Remake Of DDLJ: 90 ਦੇ ਦਹਾਕਿਆਂ ਦਾ ਸ਼ਾਇਦ ਹੀ ਕੋਈ ਅਜਿਹਾ ਬੱਚਾ ਹੋਵੇਗਾ, ਜਿਸ ਨੂੰ ਸ਼ਾਹਰੁਖ ਖਾਨ ਦੀ ਤੇ ਹਿੰਦੀ ਸਿਨੇਮਾ ਦੀ ਆਈਕੋਨਿਕ ਫਿਲਮ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਪਸੰਦ ਨਾ ਹੋਵੇ। ਇਸ ਫਿਲਮ ;ਚ ਸ਼ਾਹਰੁਖ ਦਾ ਰਾਜ ਦਾ ਕਿਰਦਾਰ ਲੋਕਾਂ ਦੇ ਦਿਲਾਂ 'ਚ ਉੱਤਰ ਗਿਆ ਸੀ।
ਪੰਜਾਬੀ ਸਿੰਗਰ ਨਿਮਰਤ ਖਹਿਰਾ ਦੀ ਵੀ ਇਹ ਮਨਪਸੰਦ ਫਿਲਮਾਂ 'ਚੋਂ ਇੱਕ ਹੈ। ਨਿੰਮੋ ਨੇ ਦੇ ਮਸ਼ਹੂਰ 'ਪਲਟ' ਸੀਨ 'ਤੇ ਰੀਲ ਬਣਾਈ। ਇਸ ਰੀਲ 'ਚ ਉਹ ਫਿਲਮ ਦੇ ਸੀਨ ਵਾਂਗ ਖੇਤਾਂ 'ਚ ਨਜ਼ਰ ਆ ਰਹੀ ਹੈ। ਨਿਮਰਤ ਖਹਿਰਾ ਇਸ ਸੀਨ ਨੂੰ ਰੀਕ੍ਰਿਏਟ ਕਰਦਿਆਂ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਇਸ ਦੇ ਨਾਲ ਨਾਲ ਉਸ ਨੇ ਇਹ ਵੀ ਖੁਲਾਸਾ ਕੀਤਾ ਸੀ ਕਿ ਉਹ ਇਸ ਫਿਲਮ ਦਾ ਰੀਮੇਕ ਬਣਾਉਣਾ ਚਾਹੁੰਦੀ ਹੈ। ਇਸ ਦੇ ਨਾਲ ਨਾਲ ਉਸ ਨੇ ਇਹ ਵੀ ਦੱਸਿਆ ਕਿ ਕਿਸ ਪੰਜਾਬੀ ਕਲਾਕਾਰ ਨੂੰ ਉਹ ਰਾਜ ਦੇ ਕਿਰਦਾਰ 'ਚ ਦੇਖਣਾ ਚਾਹੁੰਦੀ ਹੈ। ਇਸ ਤੋਂ ਪਹਿਲਾਂ ਅਸੀਂ ਤੁਹਾਨੂੰ ਦੱਸੀਏ, ਤੁੁਸੀਂ ਦੇਖੋ ਨਿੰਮੋ ਦੀ ਇਹ ਵੀਡੀਓ:
ਕਿਸ ਨੂੰ ਦੇਖਣਾ ਚਾਹੁੰਦੀ ਹੈ ਰਾਜ ਦੇ ਕਿਰਦਾਰ 'ਚ?
ਨਿਮਰਤ ਦੀ ਇਸ ਵੀਡੀਓ 'ਤੇ ਇੱਕ ਸ਼ਖਸ ਨੇ ਕਮੈਂਟ ਕੀਤਾ ਕਿ ਦਿਲਵਾਲੇ ਫਿਲਮ ਪੰਜਾਬੀ 'ਚ ਬਣਾਓ ਦੋਸਾਂਝਵਾਲੇ ਨਾਲ। ਇਸ ਕਮੈਂਟ 'ਤੇ ਨਿੰਮੋ ਨੇ ਖੁਸ਼ ਹੋ ਕੇ ਕਿਹਾ, 'ਸਹੀ ਆ।' ਉਹ ਰਾਜ ਦੇ ਕਿਰਦਾਰ ;ਚ ਦਿਲਜੀਤ ਦੋਸਾਂਝ ਨੂੰ ਦੇਖਣਾ ਚਾਹੁੰਦੀ ਹੈ।
ਕਾਬਿਲੇਗ਼ੌਰ ਹੈ ਕਿ 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ' ਨੂੰ ਰਿਲੀਜ਼ ਹੋਇਆ 25 ਸਾਲ ਤੋਂ ਵੱਧ ਹੋ ਚੁੱਕੇ ਹਨ, ਪਰ ਇਹ ਫਿਲਮ ਅੱਜ ਵੀ ਕਈ ਸ਼ਹਿਰਾਂ ਦੇ ਸਿਨੇਮਾਘਰਾਂ 'ਚ ਲੱਗੀ ਹੋਈ ਹੈ। ਇਹ ਹਿੰਦੀ ਸਿਨੇਮਾ ਦੇ ਇਤਿਹਾਸ ਦੀ ਸਭ ਤੋਂ ਜ਼ਿਆਦਾ ਲੰਬੇ ਸਮੇਂ ਤੱਕ ਥੀਏਟਰਾਂ 'ਚ ਚੱਲਣ ਵਾਲੀ ਫਿਲਮ ਹੈ।