Sunanda Sharma Postpones Her New Song Dil Mangda: ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਦੇ ਫ਼ੈਨਜ਼ ਲਈ ਬੁਰੀ ਖਬਰ ਹੈ। ਗਾਇਕਾ ਨੇ ਆਪਣੇ ਆਉਣ ਵਾਲੇ ਗਾਣੇ ‘ਦਿਲ ਮੰਗਦਾ’ ਦੀ ਰਿਲੀਜ਼ ਡੇਟ ਅੱਗੇ ਵਧਾ ਦਿੱਤੀ ਹੈ। ਦੱਸ ਦਈਏ ਕਿ ਇਹ ਗਾਣਾ 18 ਨਵੰਬਰ ਨੂੰ ਰਿਲੀਜ਼ ਹੋਣਾ ਸੀ। ਸੁਨੰਦਾ ਨੇ ਕਾਫ਼ੀ ਸਮੇਂ ਬਾਅਦ ਨਵੇਂ ਗਾਣੇ ਦਾ ਐਲਾਨ ਕੀਤਾ ਸੀ, ਜਿਸ ਤੋਂ ਬਾਅਦ ਖੁਦ ਸੁਨੰਦਾ ਤੇ ਉਸ ਦੇ ਫ਼ੈਨਜ਼ ਐਕਸਾਇਟਡ ਨਜ਼ਰ ਆ ਰਹੇ ਸੀ, ਪਰ ਹੁਣ ਸੁਨੰਦਾ ਦੇ ਫ਼ੈਨਜ਼ ਨੂੰ ਇਸ ਗਾਣੇ ਲਈ ਹੋਰ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ।
ਸੁਨੰਦਾ ਸ਼ਰਮਾ ਨੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਪਾ ਕੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਸੁਨੰਦਾ ਨੇ ਆਪਣੇ ਗਾਣੇ ਦਾ ਪੋਸਟਰ ਸ਼ੇਅਰ ਕਰਦਿਆਂ ਲਿਖਿਆ, “ਫ਼ਿਲਹਾਲ ਗਾਣਾ ਮੁਲਤਵੀ ਹੋ ਗਿਆ ਹੈ, ਮੇਰੇ ਨਾਲ ਜੁੜੇ ਰਹੋ।” ਇਸ ਦੇ ਨਾਲ ਨਾਲ ਸੁਨੰਦਾ ਨੇ ਇਹ ਵੀ ਕਿਹਾ ਹੈ ਕਿ ਗਾਣੇ ਦੀ ਨਵੀਂ ਰਿਲੀਜ਼ ਡੇਟ ਦਾ ਐਲਾਨ ਉਹ ਜਲਦ ਕਰ ਸਕਦੀ ਹੈ।
ਨਹੀਂ ਦੱਸੀ ਵਜ੍ਹਾ
ਦੱਸ ਦਈਏ ਕਿ ਸੁਨੰਦਾ ਦੇ ਅਚਾਨਕ ਗਾਣੇ ਦੀ ਰਿਲੀਜ਼ ਡੇਟ ਮੁਲਤਵੀ ਕਰਨ ‘ਤੇ ਉਸ ਦੇ ਫ਼ੈਨਜ਼ ਕਾਫ਼ੀ ਨਿਰਾਸ਼ ਨਜ਼ਰ ਆ ਰਹੇ ਹਨ। ਉਹ ਲਗਾਤਾਰ ਸੁਨੰਦਾ ਦੀ ਪੋਸਟ ‘ਤੇ ਕਮੈਂਟ ਕਰ ਰਹੇ ਹਨ ਕਿ ਗਾਣੇ ਦੀ ਰਿਲੀਜ਼ ਡੇਟ ਟਾਲਣ ਪਿੱਛੇ ਕੀ ਕਾਰਨ ਹੈ। ਪਰ ਗਾਇਕਾ ਨੇ ਹਾਲੇ ਤੱਕ ਰਿਲੀਜ਼ ਡੇਟ ਅੱਗੇ ਵਧਾਉਣ ਦਾ ਕਾਰਨ ਨਹੀਂ ਦੱਸਿਆ ਹੈ। ਗਾਇਕਾ ਨੇ ਇਹ ਜ਼ਰੂਰ ਕਿਹਾ ਹੈ ਕਿ ਉਹ ਨਵੀਂ ਰਿਲੀਜ਼ ਡੇਟ ਜਲਦ ਐਲਾਨ ਕਰੇਗੀ।