ਮੁੰਬਈ: ਬਿੱਗ ਬੌਸ ਫੇਮ ਰਾਹੁਲ ਵੈਦਿਆ ਅਖੀਰ ਆਪਣੀ ਗਰਲ ਫ੍ਰੈਂਡ ਦਿਸ਼ਾ ਦੇ ਹਮੇਸ਼ਾ-ਹਮੇਸ਼ਾ ਲਈ ਹੋਣ ਜਾ ਰਹੇ ਹਨ। ਰਾਹੁਲ ਤੇ ਦਿਸ਼ਾ ਦੇ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। 16 ਜੁਲਾਈ ਨੂੰ ਇਹ ਜੋੜੀ ਇੱਕ ਹੋ ਜਾਏਗੀ।





ਰਾਹੁਲ ਨੇ ਵੈਡਿੰਗ ਕਾਰਡ ਫੈਨਜ਼ ਨਾਲ ਸ਼ੇਅਰ ਕੀਤਾ, ਜਿਸ 'ਚ ਲਿਖਿਆ, "ਪਰਿਵਾਰ ਦੀਆਂ ਦੁਆਵਾਂ ਕਾਰਨ ਅਸੀਂ ਤੁਹਾਡੇ ਨਾਲ ਸਪੈਸ਼ਲ ਮੂਮੈਂਟ ਨੂੰ ਸਾਂਝਾ ਕਰਕੇ ਬੇਹੱਦ ਖੁਸ਼ ਹੋ ਰਹੇ ਹਾਂ। ਅਸੀਂ ਆਪਣੀ ਵੈਡਿੰਗ ਅਨਾਊਂਸ ਕਰ ਰਹੇ ਹਾਂ ਜੋ 16 ਜੁਲਾਈ ਨੂੰ ਹੋਣ ਜਾ ਰਹੀ ਹੈ। ਇਸ ਨਵੇਂ ਚੈਪਟਰ ਦੀ ਸ਼ੁਰੂਆਤ ਲਈ ਸਾਨੂੰ ਤੁਹਾਡੀਆਂ ਦੁਆਵਾਂ ਦੀ ਸਖਤ ਜ਼ਰੂਰਤ ਹੈ।"

ਰਾਹੁਲ ਵੈਦਿਆ ਤੇ ਦਿਸ਼ਾ ਪਰਮਾਰ ਕਾਫੀ ਅਰਸੇ ਤੋਂ ਰਿਲੇਸ਼ਨ 'ਚ ਹਨ। ਬਿੱਗ ਬੌਸ ਸੀਜ਼ਨ 14 'ਚ ਰਾਹੁਲ ਨੇ ਦਿਸ਼ਾ ਨੂੰ ਵਿਆਹ ਲਈ ਪ੍ਰਪੋਜ਼ ਵੀ ਕੀਤਾ ਸੀ। ਉਸ ਦਾ ਜਵਾਬ ਦਿਸ਼ਾ ਨੇ ਫਾਈਨਲ ਤੋਂ ਕੁਝ ਦਿਨ ਪਹਿਲਾਂ YES ਲਿਖ ਕੇ ਦਿੱਤਾ।

ਇਸ ਮੂਮੈਂਟ ਨੂੰ ਸਭ ਨੇ ਦੇਖਿਆ ਸੀ। ਉਸ ਤੋਂ ਬਾਅਦ ਇਹ ਜੋੜੀ ਕਈ ਵਾਰ ਸਪਾਟ ਵੀ ਕੀਤੀ ਗਈ। ਵਿਆਹ ਦੀਆਂ ਖਬਰਾਂ ਤੇ ਵੀ ਕਦੀ ਖੁੱਲ੍ਹ ਕੇ ਜਵਾਬ ਨਹੀਂ ਦਿੱਤਾ ਪਰ ਹੁਣ ਅਖੀਰ ਇਸ ਜੋੜੀ ਨੇ ਇੱਕ ਹੋਣ ਦਾ ਫੈਸਲਾ ਲੈ ਲਿਆ ਹੈ। ਇਸ ਖੁਸ਼ੀ ਨੂੰ ਉਨ੍ਹਾਂ ਨੇ ਸਭ ਨਾਲ ਸਾਂਝਾ ਕੀਤਾ ਹੈ।