Rakhi Sawant Birthday: ਡਰਾਮਾ ਕਵੀਨ ਰਾਖੀ ਸਾਵੰਤ ਆਪਣੀਆਂ ਅਜੀਬੋ-ਗਰੀਬ ਹਰਕਤਾਂ ਕਾਰਨ ਅਕਸਰ ਸੋਸ਼ਲ ਮੀਡੀਆ ਉੱਪਰ ਸੁਰਖੀਆਂ ਦਾ ਵਿਸ਼ਾ ਬਣੀ ਰਹਿੰਦੀ ਹੈ। ਅਦਾਕਾਰਾ ਆਪਣੇ ਕੰਮ ਤੋਂ ਜ਼ਿਆਦਾ ਵਿਵਾਦਾਂ ਕਾਰਨ ਸੁਰਖੀਆਂ 'ਚ ਰਹਿੰਦੀ ਹੈ। ਭਲੇ ਹੀ ਰਾਖੀ ਨੂੰ ਆਪਣੇ ਕੰਮ ਲਈ ਜ਼ਿਆਦਾ ਲਾਈਮਲਾਈਟ ਨਹੀਂ ਮਿਲਦੀ, ਪਰ ਉਹ ਜੋ ਵੀ ਕਰਦੀ ਹੈ ਉਹ ਇੰਟਰਨੈੱਟ ਉੱਪਰ ਤੇਜ਼ੀ ਨਾਲ ਵਾਈਰਲ ਹੋ ਜਾਂਦਾ ਹੈ। ਅਦਾਕਾਰਾ ਨੂੰ ਆਪਣੀ ਸੰਘਰਸ਼ਸ਼ੀਲ ਜ਼ਿੰਦਗੀ ਬਾਰੇ ਕਈ ਵਾਰ ਗੱਲ ਕਰਦੇ ਦੇਖਿਆ ਜਾ ਚੁੱਕਿਆ ਹੈ। ਆਓ ਜਾਣਦੇ ਹਾਂ ਰਾਖੀ ਦੇ ਜਨਮਦਿਨ ਦੇ ਮੌਕੇ 'ਤੇ ਅੱਜ ਉਸ ਬਾਰੇ ਖਾਸ...
ਰਾਖੀ ਦਾ ਅਸਲੀ ਨਾਮ ਕੀ ਹੈ?
ਇਹ ਅਦਾਕਾਰਾ ਰਾਖੀ ਸਾਵੰਤ ਦੇ ਨਾਮ ਨਾਲ ਇੰਡਸਟਰੀ ਵਿੱਚ ਮਸ਼ਹੂਰ ਹੈ। ਪਰ ਇਹ ਉਨ੍ਹਾਂ ਦਾ ਅਸਲੀ ਨਾਮ ਨਹੀਂ ਹੈ। ਦਰਅਸਲ, ਉਸਦਾ ਅਸਲੀ ਨਾਮ ਨੀਰੂ ਭੇਡਾ ਹੈ, ਜੋ ਉਨ੍ਹਾਂ ਮਾਤਾ-ਪਿਤਾ ਦੁਆਰਾ ਦਿੱਤਾ ਗਿਆ ਸੀ। ਪਰ ਉਨ੍ਹਾਂ ਨੇ ਰਾਖੀ ਸਾਵੰਤ ਦੇ ਨਾਮ ਨਾਲ ਇੰਡਸਟਰੀ ਵਿੱਚ ਆਪਣੀ ਪਛਾਣ ਬਣਾਈ। ਸਾਵੰਤ ਉਸਦੇ ਦੂਜੇ ਪਿਤਾ ਦਾ ਨਾਮ ਸੀ, ਜਿਸ ਨਾਲ ਉਸਦੀ ਮਾਂ ਨੇ ਵਿਆਹ ਕੀਤਾ ਸੀ। ਫਿਰ ਕੀ ਸੀ ਨੀਰੂ ਭੇਡਾ ਰਾਖੀ ਸਾਵੰਤ ਦੀ ਗੱਲ ਕਰੀਏ ਤਾਂ ਉਹ ਬਹੁਤ ਗਰੀਬ ਸੀ ਅਤੇ ਘਰ ਦਾ ਗੁਜ਼ਾਰਾ ਚਲਾਉਣਾ ਮੁਸ਼ਕਿਲ ਸੀ।
ਇੰਡਸਟਰੀ ਦੇ ਕਾਲੇ ਸੱਚ ਦਾ ਕੀਤਾ ਪਰਦਾਫਾਸ਼
ਰਾਖੀ ਸਾਵੰਤ ਨੇ ਖੁਦ ਇੱਕ ਪੌਡਕਾਸਟ ਵਿੱਚ ਇੰਡਸਟਰੀ ਦੇ ਕਾਲੇ ਸੱਚ ਦਾ ਪਰਦਾਫਾਸ਼ ਕੀਤਾ। ਉਨ੍ਹਾਂ ਕਿਹਾ ਕਿ ਇੰਡਸਟਰੀ ਵਿੱਚ ਬਲਾਤਕਾਰ ਜ਼ਬਰਦਸਤੀ ਨਹੀਂ ਹੁੰਦਾ ਸਗੋਂ ਸਹਿਮਤੀ ਨਾਲ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਲੜਕੀਆਂ ਖੁਦ ਗੰਦੇ ਕੱਪੜੇ ਪਾ ਕੇ ਆਉਂਦੀਆਂ ਹਨ ਅਤੇ ਆਪਣੇ ਸਰੀਰ ਦਾ ਪ੍ਰਦਰਸ਼ਨ ਕਰਦੀਆਂ ਹਨ। ਕੰਮ ਦੇ ਬਦਲੇ ਉਹ ਖੁਦ ਨਿਰਦੇਸ਼ਕ ਨਾਲ ਸੰਬੰਧ ਬਣਾਉਂਦੀ ਹੈ। ਅਦਾਕਾਰਾ ਨੇ ਦੱਸਿਆ ਕਿ ਡਾਇਰੈਕਟ ਨੇ ਕੰਮ ਦੇ ਬਦਲੇ ਉਸ ਤੋਂ ਗੰਦੀਆਂ ਮੰਗਾਂ ਵੀ ਕੀਤੀਆਂ ਸਨ, ਹਾਲਾਂਕਿ ਕਈ ਵਾਰ ਉਨ੍ਹਾਂ ਦੇ ਸਾਹਮਣੇ ਹਾਰ ਮੰਨਣੀ ਪਈ ਸੀ।
ਧਰਮ ਬਦਲ ਕੇ ਦੂਜੀ ਵਾਰ ਵਿਆਹ ਕਰਵਾਇਆ
ਰਾਖੀ ਸਾਵੰਤ ਆਪਣੀ ਨਿੱਜੀ ਜ਼ਿੰਦਗੀ ਕਾਰਨ ਸੁਰਖੀਆਂ 'ਚ ਰਹਿੰਦੀ ਹੈ। ਅਦਾਕਾਰਾ ਨੇ 'ਬਿੱਗ ਬੌਸ 15' ਵਿੱਚ ਆਪਣੇ ਪਹਿਲੇ ਪਤੀ ਰਿਤੇਸ਼ ਨਾਲ ਸਾਰਿਆਂ ਨੂੰ ਜਾਣੂ ਕਰਵਾਇਆ, ਜਿਸ ਨਾਲ ਹਰ ਕੋਈ ਹੈਰਾਨ ਰਹਿ ਗਿਆ। ਅਦਾਕਾਰਾ ਦਾ ਇਹ ਰਿਸ਼ਤਾ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ ਅਤੇ ਦੋਵੇਂ ਵੱਖ ਹੋ ਗਏ। ਇਸ ਤੋਂ ਬਾਅਦ ਰਾਖੀ ਨੇ ਹਿੰਦੂ ਤੋਂ ਮੁਸਲਮਾਨ ਬਣ ਕੇ ਆਦਿਲ ਖਾਨ ਦੁਰਾਨੀ ਨਾਲ ਗੁਪਤ ਵਿਆਹ ਕਰਵਾ ਲਿਆ।
ਜਿਸ ਲਈ ਧਰਮ ਬਦਲਿਆ, ਉਸ ਨੇ ਬਦਨਾਮ ਕੀਤਾ
ਰਾਖੀ ਆਦਿਲ ਲਈ ਹਿੰਦੂ ਤੋਂ ਮੁਸਲਮਾਨ ਬਣ ਗਈ ਪਰ ਆਦਿਲ ਨੇ ਉਸ ਦਾ ਫਾਇਦਾ ਉਠਾਇਆ। ਅਦਾਕਾਰਾ ਨੇ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਆਦਿਲ ਇੱਕ ਅਜਿਹਾ ਵਿਅਕਤੀ ਹੈ ਜੋ ਕਿਸੇ ਵੀ ਕੁੜੀ ਨਾਲ 6 ਮਹੀਨੇ ਤੋਂ ਵੱਧ ਨਹੀਂ ਰਹਿ ਸਕਦਾ। ਉਸ ਨੇ ਇਹ ਵੀ ਦੋਸ਼ ਲਾਇਆ ਕਿ ਆਦਿਲ ਨੇ ਉਸ ਦੇ ਬੈੱਡਰੂਮ ਦੀ ਵੀਡੀਓ ਅਤੇ ਫੋਟੋਆਂ ਲੀਕ ਕੀਤੀਆਂ ਜਿਸ ਨਾਲ ਉਸ ਦੀ ਬਹੁਤ ਬਦਨਾਮੀ ਹੋਈ।