ਇਸ ਦੌਰਾਨ ਦਬੰਗ ਖ਼ਾਨ ਦਾ ਗੁੱਸਾ 7ਵੇਂ ਅਸਮਾਨ ‘ਤੇ ਪਹੁੰਚ ਗਿਆ ਤੇ ਉਨ੍ਹਾਂ ਨੇ ਫੋਟੋਗ੍ਰਾਫਰ ਨੂੰ ਇਹ ਵੀ ਕਹਿ ਦਿੱਤਾ ਕਿ ਉਹ ਚਾਹੇ ਤਾਂ ਉਨ੍ਹਾਂ ਨੂੰ ਬੈਨ ਕਰਾ ਦੇਵੇ। ਸਲਮਾਨ ਨੇ ਫੋਟੋਗ੍ਰਾਫਰ ‘ਤੇ ਇਲਜ਼ਾਮ ਲਾਉਂਦੇ ਹੋਏ ਕਿਹਾ ਕਿ ਇਹ ਫੋਟੋਗ੍ਰਾਫਰ ਉਨ੍ਹਾਂ ਦੇ ਹਰ ਇਵੈਂਟ ਨੂੰ ਖ਼ਰਾਬ ਕਰ ਦਿੰਦਾ ਹੈ। ਇਸ ਬਾਰੇ ਸਲਮਾਨ ਨੇ ਬਾਕੀ ਫੋਟੋਗ੍ਰਾਫਰਸ ਨੂੰ ਕੁਝ ਕਰਨ ਲਈ ਕਿਹਾ।
ਇਸ ਇਵੈਂਟ ‘ਚ ਸਲਮਾਨ ਕਾਫੀ ਕੈਜ਼ੂਅਲ ਲੁੱਕ ‘ਚ ਨਜ਼ਰ ਆਏ। ਲੌਂਚਿੰਗ ਇਵੈਂਟ ‘ਚ ਸਲਮਾਨ ਨਾਲ ਅਰਜੁਨ ਬਿਜਲਾਨੀ, ਸੰਨਾ ਖ਼ਾਨ ਤੇ ਪੂਜਾ ਬੈਨਰਜੀ ਵੀ ਮੌਜੂਦ ਸੀ। ਬਿੱਗ ਬੌਸ 13 ਦੀ ਸਾਰੀਆਂ ਤਿਆਰੀਆਂ ਹੋ ਗਈਆਂ ਹਨ। ਫੈਨਸ ਇਸ ਦੇ ਆਨਏਅਰ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਸ਼ੋਅ 29 ਸਤੰਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਦੇ ਘਰ ਨੂੰ ਆਰਟ ਡਾਇਰੈਕਟਰ ਤੇ ਫ਼ਿਲਮੇਕਰ ਉਮੰਗ ਕੁਮਾਰ ਨੇ ਡਿਜ਼ਾਇਨ ਕੀਤਾ ਹੈ।