Salman Khan-Ahwarya Rai: ਬਾਲੀਵੁੱਡ ਦੇ ਭਾਈਜਾਨ ਸਲਮਾਨ ਖਾਨ ਅਕਸਰ ਆਪਣੀਆਂ ਨਵੀਆਂ ਫਿਲਮਾਂ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਹਾਲ ਹੀ 'ਚ ਜਾਮਨਗਰ 'ਚ ਅਨੰਤ-ਰਾਧਿਕਾ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ 'ਚ ਅਭਿਨੇਤਾ ਨੂੰ ਸ਼ਾਹਰੁਖ ਖਾਨ ਅਤੇ ਆਮਿਰ ਖਾਨ ਨਾਲ ਡਾਂਸ ਕਰਦੇ ਦੇਖਿਆ ਗਿਆ। ਜਲਦ ਹੀ ਅਦਾਕਾਰ ਦੀ ਨਵੀਂ ਫਿਲਮ 'ਦ ਬੁੱਲ' ਵੱਡੇ ਪਰਦੇ 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫਿਲਮ ਨੂੰ ਲੈ ਕੇ ਫੈਨਜ਼ ਕਾਫੀ ਉਤਸ਼ਾਹਿਤ ਹਨ।
ਪਰ ਇੱਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਸਲਮਾਨ ਖਾਨ ਦੇ ਨਾਲ ਕੁਝ ਅਜਿਹਾ ਹੋਇਆ ਕਿ ਆਪਣਾ ਅਤੇ ਐਸ਼ਵਰਿਆ ਦਾ ਗਾਣਾ ਸੁਣ ਕੇ ਉਹ ਰੋਣ ਲੱਗ ਪਏ। ਸਲਮਾਨ ਖਾਨ ਦੀ ਇਹ ਪੁਰਾਣੀ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਵਾਇਰਲ ਵੀਡੀਓ ਦਾ ਸੱਚ
ਸੋਸ਼ਲ ਮੀਡੀਆ 'ਤੇ ਸਲਮਾਨ ਦਾ ਇਹ ਵਾਇਰਲ ਵੀਡੀਓ ਕਾਫੀ ਪੁਰਾਣਾ ਹੈ। ਦਰਅਸਲ, ਇਹ ਵੀਡੀਓ ਸਿੰਗਿੰਗ ਰਿਐਲਿਟੀ ਸ਼ੋਅ 'ਸਾ ਰੇ ਗਾ ਮਾ ਪਾ' ਦੇ ਇੱਕ ਐਪੀਸੋਡ ਦੀ ਇੱਕ ਛੋਟੀ ਜਿਹੀ ਕਲਿੱਪਿੰਗ ਹੈ। ਇਸ ਵੀਡੀਓ 'ਚ ਇਕ ਪ੍ਰਤੀਯੋਗੀ ਸਲਮਾਨ ਅਤੇ ਐਸ਼ਵਰਿਆ ਰਾਏ ਦੀ ਫਿਲਮ 'ਹਮ ਦਿਲ ਦੇ ਚੁਕੇ ਸਨਮ' ਦਾ ਗੀਤ ਗਾਉਂਦਾ ਨਜ਼ਰ ਆ ਰਿਹਾ ਹੈ।
ਇਹ ਗੀਤ ਹੈ 'ਤੜਪ- ਤੜਪ ਕੇ ਦਿਲ ਸੇ ਆਹ ਨਿਕਲਤੀ ਰਹੀ'। ਮੁਕਾਬਲੇਬਾਜ਼ ਨੇ ਜਿਵੇਂ ਹੀ ਫਿਲਮ ਨਾਲ ਸਬੰਧਤ ਇਹ ਗੀਤ ਗਾਇਆ ਤਾਂ ਸਲਮਾਨ ਭਾਵੁਕ ਹੋ ਗਏ ਅਤੇ ਉਨ੍ਹਾਂ ਦੀਆਂ ਅੱਖਾਂ 'ਚੋਂ ਹੰਝੂ ਵਹਿਣ ਲੱਗੇ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਗੀਤ 'ਚ ਸਲਮਾਨ ਖਾਨ ਅਤੇ ਐਸ਼ਵਰਿਆ ਰਾਏ ਇਕੱਠੇ ਨਜ਼ਰ ਆਏ ਸਨ। ਵਾਇਰਲ ਹੋ ਰਿਹਾ ਇਹ ਵੀਡੀਓ ਕਾਫੀ ਸਮਾਂ ਪਹਿਲਾਂ ਯੂਟਿਊਬ 'ਤੇ ਅਪਲੋਡ ਕੀਤਾ ਗਿਆ ਸੀ। ਇਸ ਵੀਡੀਓ ਨੂੰ ਹੁਣ ਤੱਕ 4 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ।
ਇਸ ਕਾਰਨ ਹੋਇਆ ਸੀ ਦੋਵਾਂ ਦਾ ਬ੍ਰੇਕਅੱਪ
ਮੀਡੀਆ ਰਿਪੋਰਟਸ ਮੁਤਾਬਕ ਸਲਮਾਨ ਖਾਨ ਅਤੇ ਐਸ਼ਵਰਿਆ ਰਾਏ ਸਾਲ 1990 'ਚ ਰਿਲੇਸ਼ਨਸ਼ਿਪ 'ਚ ਆਏ ਸਨ। ਸਲਮਾਨ ਖਾਨ ਅਤੇ ਐਸ਼ਵਰਿਆ ਰਾਏ ਦਾ ਰਿਸ਼ਤਾ 2 ਸਾਲ ਤੱਕ ਕਾਫੀ ਵਧੀਆ ਚੱਲਿਆ। ਪਰ ਫਿਰ ਉਸ ਦਾ ਅਭਿਨੇਤਰੀ ਨਾਲ ਬ੍ਰੇਕਅੱਪ ਹੋ ਗਿਆ ਸੀ। ਉਦੋਂ ਤੋਂ ਇਸ ਜੋੜੀ ਨੇ ਵੱਡੇ ਪਰਦੇ 'ਤੇ ਇਕੱਠੇ ਕੰਮ ਨਹੀਂ ਕੀਤਾ ਹੈ। 20 ਅਪ੍ਰੈਲ 2007 ਨੂੰ ਐਸ਼ਵਰਿਆ ਰਾਏ ਨੇ ਅਭਿਸ਼ੇਕ ਬੱਚਨ ਨਾਲ ਵਿਆਹ ਕੀਤਾ ਸੀ। ਅਭਿਸ਼ੇਕ ਬੱਚਨ ਉਮਰ ਵਿੱਚ ਐਸ਼ਵਰਿਆ ਰਾਏ ਤੋਂ 2 ਸਾਲ ਛੋਟੇ ਹਨ। ਇਸ ਜੋੜੇ ਦੀ ਇੱਕ ਬੇਟੀ ਹੈ ਜਿਸ ਦਾ ਨਾਂ ਆਰਾਧਿਆ ਬੱਚਨ ਹੈ।
ਇਹ ਵੀ ਪੜ੍ਹੋ: ਹਾਲੀਵੁੱਡ ਸਟਾਰ ਰਿਹਾਨਾ ਨਾਲ ਕਪਿਲ ਸ਼ਰਮਾ ਤੇ ਸੁਨੀਲ ਗਰੋਵਰ ਦੀ ਤਸਵੀਰ ਵਾਇਰਲ, ਦੇਖ ਨਹੀਂ ਰੁਕੇਗਾ ਹਾਸਾ