Sanjay Dutt Body: ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ 63 ਸਾਲ ਦੀ ਉਮਰ 'ਚ ਵੀ ਫਿਟਨੈੱਸ ਦੇ ਮਾਮਲੇ 'ਚ ਦੂਜੇ ਕਲਾਕਾਰਾਂ ਨੂੰ ਟੱਕਰ ਦਿੰਦੇ ਹਨ। ਸੰਜੇ ਆਪਣੀ ਫਿਟਨੈੱਸ 'ਤੇ ਬਹੁਤ ਧਿਆਨ ਦਿੰਦੇ ਹਨ ਅਤੇ ਰੋਜ਼ਾਨਾ ਵਰਕਆਊਟ ਕਰਦੇ ਹਨ। ਉਹ ਵੇਟ ਲਿਫਟਿੰਗ ਤੋਂ ਲੈ ਕੇ ਬਹੁਤ ਸਾਰੀਆਂ ਕਸਰਤਾਂ ਕਰਦੇ ਹਨ ਜੋ ਉਨ੍ਹਾਂ ਦੇ ਸਰੀਰ ਨੂੰ ਆਕਾਰ ਵਿਚ ਰੱਖਦਾ ਹੈ। ਸੰਜੇ ਦੱਤ ਨੇ ਜੇਲ 'ਚ ਰਹਿੰਦਿਆਂ ਕਾਫੀ ਭਾਰ ਘਟਾਇਆ ਸੀ। ਉਨ੍ਹਾਂ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਕਿਵੇਂ ਉਨ੍ਹਾਂ ਨੇ ਜੇਲ੍ਹ ਵਿੱਚ ਵਰਕਆਊਟ ਕਰਕੇ ਆਪਣੀ ਬੌਡੀ ਬਣਾਈ ਅਤੇ ਲਿਫਟਿੰਗ ਯਾਨਿ ਭਾਰ ਚੁੱਕਣ ਲਈ ਦੇਸੀ ਜੁਗਾੜ ਕਰਦੇ ਸੀ। ਸੰਜੇ ਦੱਤ 2014 'ਚ ਪੈਰੋਲ 'ਤੇ ਬਾਹਰ ਆਏ ਤਾਂ ਉਨ੍ਹਾਂ ਦੀ ਬੌਡੀ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ।
ਸਾਲ 2016 'ਚ ਸੰਜੇ ਦੱਤ ਨੇ ਇੰਡੀਆ ਟੂਡੇ ਕਾਨਕਲੇਵ 'ਚ ਆਪਣੀ ਬੌਡੀ ਬਣਾਉਣ ਦੇ ਪਿੱਛੇ ਦਾ ਰਾਜ਼ ਦੱਸਿਆ ਸੀ। ਉਨ੍ਹਾਂ ਨੇ ਦੱਸਿਆ ਸੀ ਕਿ ਕਿਵੇਂ ਉਨ੍ਹਾਂ ਨੇ ਦੇਸੀ ਜੁਗਾੜ ਨੂੰ ਅਪਣਾਇਆ। ਉਨ੍ਹਾਂ ਨੇ ਦੱਸਿਆ ਸੀ ਕਿ "ਜੇਲ੍ਹ ਵਿੱਚ ਮੇਰਾ ਦਿਨ ਸਵੇਰੇ 6 ਵਜੇ ਤੋਂ ਸ਼ੁਰੂ ਹੁੰਦਾ ਸੀ। ਪਹਿਲਾਂ ਤਾਂ ਮੈਂ ਆਪਣੇ ਬੱਚਿਆਂ ਅਤੇ ਪਰਿਵਾਰ ਨੂੰ ਯਾਦ ਕਰ ਕੇ ਰੋਇਆ ਕਰਦਾ ਸੀ ਪਰ ਬਾਅਦ ਵਿੱਚ ਮੈਂ ਆਪਣੇ ਆਪ ਨੂੰ ਕਿਹਾ ਕਿ ਇਸ ਸਮੇਂ ਨੂੰ ਸਕਾਰਾਤਮਕ ਢੰਗ ਨਾਲ ਵਰਤਣਾ ਅਤੇ ਮੈਂ ਵਰਕਆਊਟ ਕਰਨਾ ਸ਼ੁਰੂ ਕਰ ਦਿੱਤਾ।"
ਫਰੀ ਹੈਂਡ ਕਸਰਤ ਕਰਦੇ ਸੀ ਸੰਜੇ ਦੱਤ
ਸੁਰੱਖਿਆ ਕਾਰਨਾਂ ਕਰਕੇ ਮੈਂ ਜੇਲ੍ਹ ਵਿੱਚ ਇਕੱਲਾ ਸੀ। ਇਸ ਲਈ ਮੈਂ ਦੌੜਦਾ ਯਾਨਿ ਰਨਿੰਗ ਕਰਦਾ ਹੁੰਦਾ ਸੀ ਅਤੇ ਇਸ ਦੌਰਾਨ ਫਰੀ ਹੈਂਡ ਐਕਸਰਸਾਈਜ਼ ਵੀ ਕੀਤੀ। ਕਸਰਤ ਕਰਨ ਤੋਂ ਬਾਅਦ ਮੈਂ ਪੂਜਾ ਕਰਦਾ ਸੀ। ਸ਼ਿਵ ਪੁਰਾਣ ਅਤੇ ਗਣੇਸ਼ ਪੁਰਾਣ ਪੜ੍ਹਦੇ ਸਨ। ਇਸ ਸਭ ਤੋਂ ਬਾਅਦ ਮੈਂ ਪੰਡਿਤ ਬਣ ਗਿਆ ਸੀ।
ਜੇਲ 'ਚ ਇਸ ਤਰ੍ਹਾਂ ਕਰਦੇ ਸੀ ਵੇਟ ਲਿਫਟਿੰਗ
ਸੰਜੇ ਦੱਤ ਨੇ ਅੱਗੇ ਦੱਸਿਆ ਕਿ ਮੈਂ ਉਨ੍ਹਾਂ ਤੋਂ ਕੁੱਝ ਵੇਟ ਮੰਗੇ ਸੀ, ਪਰ ਉਨ੍ਹਾਂ ਨੇ (ਪੁਲਿਸ ਪ੍ਰਸ਼ਾਸਨ) ਕਿਹਾ ਕਿ ਤੁਹਾਨੂੰ ਖੁਦ ਹੀ ਇੰਤਜ਼ਾਮ ਕਰਨਾ ਪਵੇਗਾ। ਇਸ ਤੋਂ ਬਾਅਦ ਮੈਂ ਕੀਤਾ ਇਹ ਕਿ ਮੇਰੇ ਲਈ ਕੈਨਜ਼ ਵਿੱਚ ਖਾਣਾ ਭੇਜਦੇ ਸੀ। ਮੈਂ ਉਨ੍ਹਾਂ ਕੈਨਜ਼ ਵਿੱਚ ਪਾਣੀ ਭਰ ਕੇ ਉਨ੍ਹਾਂ ਨੂੰ ਡੰਬਲ ਦੀ ਤਰ੍ਹਾਂ ਇਸਤੇਮਾਲ ਕਰਦਾ ਹੁੰਦਾ ਸੀ। ਮੈਂ ਚਾਦਰ ਦਾ ਇਸਤੇਮਾਲ ਕਰਕੇ ਆਈਸੋਮੈਟਰਿਕ ਕਰਦਾ ਸੀ। ਮੈਂ ਫਰੀ ਹੈਂਡ ਕਰਦਾ ਸੀ ਅਤੇ ਬਹੁਤ ਸਾਰੀ ਲੱਕੜ ਦੀ ਬੀਨਜ਼ 'ਤੇ ਬਾਕਸਿੰਗ ਕਰਦਾ ਹੁੰਦਾ ਸੀ।
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਸੰਜੇ ਦੱਤ ਜਲਦੀ ਹੀ ਅਰਸ਼ਦ ਵਾਰਸੀ ਨਾਲ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਪੋਸਟਰ ਸਾਹਮਣੇ ਆਇਆ ਹੈ ਜਿਸ 'ਚ ਦੋਵੇਂ ਜੇਲ 'ਚ ਕੈਦੀਆਂ ਦੇ ਕੱਪੜਿਆਂ 'ਚ ਨਜ਼ਰ ਆ ਰਹੇ ਹਨ। ਸੰਜੇ ਦੱਤ ਨੂੰ ਆਖਰੀ ਵਾਰ ਫਿਲਮ KGF 2 ਵਿੱਚ ਦੇਖਿਆ ਗਿਆ ਸੀ।