ਮੁੰਬਈ: ਸ਼ਾਹਰੁਖ ਖਾਨ ਤੇ ਸੰਜੇ ਦੱਤ ਬੌਲੀਵੁਡ ਦੇ ਦੋ ਐਸੇ ਸਿਤਾਰੇ ਹਨ ਜਿਨ੍ਹਾਂ ਨੂੰ ਤੁਸੀਂ ਆਫ ਸਕਰੀਨ ਤਾਂ ਕਈ ਵਾਰ ਵੇਖਿਆ ਹੋਵੇਗਾ ਪਰ ਇਹ ਦੋਵੇਂ ਕਦੇ ਵੀ ਵੱਡੇ ਪਰਦੇ ਤੇ ਮੇਨ ਲੀਡ ਵਜੋਂ ਨਜ਼ਰ ਨਹੀਂ ਆਏ। ਹਾਲਾਂਕਿ, ਸੰਜੇ ਦੱਤ ਨੇ ਸ਼ਾਹਰੁਖ ਖਾਨ ਦੀ ਓਮ ਸ਼ਾਂਤੀ ਓਮ ਤੇ ਰਾਵਨ ਫਿਲਮ ਵਿੱਚ ਗੈਸਟ ਅਪੀਅਰੈਂਸ ਦੇ ਤੌਰ 'ਤੇ ਨਜ਼ਰ ਆਏ ਸਨ। ਹੁਣ ਇਹ ਦੋਵੇਂ ਸੁਪਰਸਟਾਰ ਇੰਨੇ ਸਾਲਾਂ ਦੇ ਕਰੀਅਰ ਬਾਅਦ ਵੱਡੇ ਪਰਦੇ 'ਤੇ ਪਹਿਲੀ ਵਾਰ ਇਕੱਠੇ ਆਉਣ ਜਾ ਰਹੇ ਹਨ।
ਰਿਪੋਰਟਾਂ ਮੁਤਾਬਕ ਸ਼ਾਹਰੁਖ ਖਾਨ ਤੇ ਸੰਜੇ ਦੱਤ ਵਾਇਆਕੋਮ 18 ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਇੱਕ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਫਿਲਮ ਕਿਵੇਂ ਦੀ ਹੈ, ਕਿਸ ਬਾਰੇ ਹੈ ਤੇ ਕੌਣ ਇਸ ਨੂੰ ਡਾਇਰੈਕਟ ਕਰ ਰਿਹਾ ਹੈ, ਫਿਲਹਾਲ ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ। ਫਿਲਮ ਦਾ ਨਾਮ ਰਾਖੀ ਹੋਵੇਗੀ ਤੇ ਸ਼ਾਹਰੁਖ ਖਾਨ- ਸੰਜੇ ਦੱਤ ਨੇ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਤੋਂ ਇਲਾਵਾ ਸ਼ਾਹਰੁਖ ਖਾਨ ਆਪਣੀ ਫਿਲਮ ਪਠਾਨ ਦੀ ਸ਼ੂਟਿੰਗ ਵਿਚ ਰੁੱਝੇ ਹੋਏ ਹਨ, ਦੂਜੇ ਪਾਸੇ ਸੰਜੇ ਦੱਤ ਵੀ ਕਈ ਇੰਕਮਪਲੀਟ ਪ੍ਰਾਜੈਕਟ ਹਨ ਜਿਸ ਨੂੰ ਉਹ ਪੂਰਾ ਕਰ ਰਹੇ ਹਨ ।
ਸ਼ਾਹਰੁਖ ਖਾਨ ਤੇ ਸੰਜੇ ਦੱਤ ਦੀ ਫਿਲਮ ਮਲਟੀ ਲੈਂਗੂਏਜ ਫਿਲਮ ਹੋਵੇਗੀ। ਹਾਲਾਂਕਿ ਅਜੇ ਤੱਕ ਕਿਸੇ ਨੂੰ ਵੀ ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਹੈ, ਪਰ ਦੋਵੇਂ ਸੁਪਰਸਟਾਰਜ਼ ਦੇ ਫੈਨਜ਼ ਲਈ ਇਹ ਖਬਰ ਕਾਫੀ ਐਕਸਾਈਟਿਡ ਖਬਰ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ