Jawan Trailer: ਸ਼ਾਹਰੁਖ ਖਾਨ ਦੀ ਫਿਲਮ 'ਜਵਾਨ' ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਹ ਫਿਲਮ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਵੀਰਵਾਰ ਨੂੰ ਸ਼ਾਹਰੁਖ ਨੇ ਬੁਰਜ ਖਲੀਫਾ ਤੋਂ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕੀਤਾ। ਟ੍ਰੇਲਰ ਰਿਲੀਜ਼ ਹੁੰਦੇ ਹੀ ਹਲਚਲ ਮਚਾ ਰਿਹਾ ਹੈ। ਟ੍ਰੇਲਰ ਨੂੰ ਹੁਣ ਤੱਕ ਲੱਖਾਂ ਲੋਕ ਦੇਖ ਚੁੱਕੇ ਹਨ। ਫਿਲਮ ਸ਼ਾਹਰੁਖ ਖਾਨ ਦੇ ਕਈ ਲੁੱਕ ਦਿਖਾਏ ਗਏ ਹਨ। ਸ਼ਾਹਰੁਖ ਖਾਨ ਨੇ ਆਪਣੇ ਲੁੱਕ ਨੂੰ ਲੈ ਕੇ ਇੱਕ ਐਲਾਨ ਕੀਤਾ ਹੈ, ਜੋ ਵਾਇਰਲ ਹੋ ਰਿਹਾ ਹੈ।
ਸ਼ਾਹਰੁਖ ਖਾਨ ਨੇ ਦੁਬਈ ਦੇ ਬੁਰਜ ਖਲੀਫਾ ਤੋਂ 'ਜਵਾਨ' ਦਾ ਟ੍ਰੇਲਰ ਰਿਲੀਜ਼ ਕੀਤਾ। ਟ੍ਰੇਲਰ ਰਿਲੀਜ਼ ਹੋਣ ਤੋਂ ਬਾਅਦ ਸ਼ਾਹਰੁਖ ਨੇ ਫਿਲਮ ਬਾਰੇ ਗੱਲ ਕੀਤੀ। ਸ਼ਾਹਰੁਖ ਨੇ ਫਿਲਮ 'ਚ ਆਪਣੇ ਲੁੱਕ ਬਾਰੇ ਗੱਲ ਕੀਤੀ। ਖਾਸ ਕਰਕੇ ਆਪਣੇ ਗੰਜੇ ਲੁੱਕ ਬਾਰੇ।
ਸ਼ਾਹਰੁਖ ਨੇ ਕੀਤਾ ਐਲਾਨ
ਸ਼ਾਹਰੁਖ ਨੇ ਕਿਹਾ ਕਿ ਇਸ ਲੁੱਕ ਲਈ ਮੈਂ ਗੰਜਾ ਵੀ ਹੋ ਗਿਆ ਸੀ ਅਤੇ ਇਹ ਅਜਿਹਾ ਕੰਮ ਹੈ ਜੋ ਮੈਂ ਆਪਣੀ ਜ਼ਿੰਦਗੀ 'ਚ ਦੁਬਾਰਾ ਕਦੇ ਨਹੀਂ ਕਰਾਂਗਾ। ਇਹ ਪਹਿਲੀ ਅਤੇ ਆਖਰੀ ਵਾਰ ਹੈ ਜਦੋਂ ਮੈਂ ਗੰਜਾ ਹੋਇਆ ਹਾਂ। ਇਸ ਸਮੇਂ ਮੈਂ ਤੁਹਾਡੇ ਲਈ ਗੰਜਾ ਹੋ ਗਿਆ ਹਾਂ। ਇਸ ਲਈ ਉਸ ਚੀਜ਼ ਦੀ ਇੱਜ਼ਤ ਰੱਖਣ ਲਈ ਫਿਲਮ ਦੇਖਣ ਜ਼ਰੂਰ ਜਾਓ। ਪਤਾ ਨਹੀਂ ਮੈਨੂੰ ਦੁਬਾਰਾ ਗੰਜਾ ਦੇਖਣ ਦਾ ਮੌਕਾ ਮਿਲੇ ਜਾਂ ਨਹੀਂ।
'ਚਲਿਆ ਚਲਿਆ' ਦਾ ਅਰਬੀ ਸੰਸਕਰਣ ਕੀਤਾ ਲਾਂਚ
ਸ਼ਾਹਰੁਖ ਖਾਨ ਨੇ ਸਟੇਜ 'ਤੇ 'ਜ਼ਿੰਦਾ ਬੰਦਾ' ਗੀਤ 'ਤੇ ਡਾਂਸ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 'ਚਲਿਆ ਚਲਿਆ' ਦਾ ਅਰਬੀ ਸੰਸਕਰਣ ਵੀ ਲਾਂਚ ਕੀਤਾ ਅਤੇ ਇਸ 'ਤੇ ਡਾਂਸ ਕੀਤਾ। ਲੁੱਕ ਦੀ ਗੱਲ ਕਰੀਏ ਤਾਂ ਸ਼ਾਹਰੁਖ ਇਸ ਈਵੈਂਟ 'ਚ ਬਲੈਕ ਟੀ-ਸ਼ਰਟ, ਬਲੈਕ ਪੈਂਟ ਦੇ ਨਾਲ ਰੇਜ਼ਿਨ ਜੈਕੇਟ ਪਹਿਨੀ ਨਜ਼ਰ ਆਏ।
ਪ੍ਰਸ਼ੰਸਕਾਂ ਨੂੰ ਕੀਤਾ ਪ੍ਰਭਾਵਿਤ
ਅਖੀਰ 'ਚ ਸ਼ਾਹਰੁਖ ਖਾਨ ਨੇ ਆਪਣੀ ਫਿਲਮ ਦੇ ਡਾਇਲੌਗ ਬੋਲ ਕੇ ਪ੍ਰਸ਼ੰਸਕਾਂ ਨੂੰ ਪ੍ਰਭਾਵਿਤ ਕੀਤਾ। ਉਨ੍ਹਾਂ ਨੇ ਕਿਹਾ- "ਪੁੱਤਰ ਨੂੰ ਹੱਥ ਲਾਉਣ ਤੋਂ ਪਹਿਲਾਂ ਪਿਓ ਨਾਲ ਗੱਲ ਕਰ।"
'ਜਵਾਨ' ਦੀ ਗੱਲ ਕਰੀਏ ਤਾਂ ਇਸ ਦਾ ਨਿਰਦੇਸ਼ਨ ਐਟਲੀ ਕੁਮਾਰ ਨੇ ਕੀਤਾ ਹੈ। ਫਿਲਮ 'ਚ ਸ਼ਾਹਰੁਖ ਖਾਨ ਦੇ ਨਾਲ ਨਯਨਤਾਰਾ, ਵਿਜੇ ਸੇਤੂਪਤੀ, ਸਾਨਿਆ ਮਲਹੋਤਰਾ ਅਤੇ ਰਿਧੀ ਡੋਗਰਾ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਉਣਗੇ।
ਇਹ ਵੀ ਪੜ੍ਹੋ: ਤੇਜ਼ੀ ਨਾਲ 500 ਕਰੋੜ ਵੱਲ ਵਧ ਰਹੀ 'ਗਦਰ 2', ਆਯੁਸ਼ਮਾਨ ਖੁਰਾਣਾ ਦੀ 'ਡਰੀਮ ਗਰਲ 2' ਤੋਂ ਮਿਲ ਰਹੀ ਟੱਕਰ