Shah Rukh Khan Gauri Khan Honeymoon Story: ਸੁਪਰਸਟਾਰ ਸ਼ਾਹਰੁਖ ਖਾਨ ਅਤੇ ਗੌਰੀ ਖਾਨ ਬਾਲੀਵੁੱਡ ਦੇ ਪ੍ਰਸਿੱਧ ਜੋੜਿਆਂ ਵਿੱਚੋਂ ਇੱਕ ਹਨ। ਦੋਵਾਂ ਦੀ ਕੈਮਿਸਟਰੀ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਹੁਣ ਇਸ ਜੋੜੇ ਦੀ ਇੱਕ ਸਾਲ ਪੁਰਾਣੀ ਤਸਵੀਰ ਸਾਹਮਣੇ ਆਈ ਹੈ, ਜਦੋਂ ਦੋਵੇਂ ਵਿਆਹ ਤੋਂ ਤੁਰੰਤ ਬਾਅਦ ਆਪਣਾ ਹਨੀਮੂਨ ਮਨਾਉਣ ਦਾਰਜੀਲਿੰਗ ਪਹੁੰਚ ਗਏ ਸਨ। ਅਭਿਨੇਤਾ ਅਤੇ ਫਿਲਮ ਨਿਰਮਾਤਾ ਵਿਵੇਕ ਵਾਸਵਾਨੀ ਨੇ ਸ਼ਾਹਰੁਖ ਅਤੇ ਗੌਰੀ ਦੀ ਇਹ ਥ੍ਰੋਬੈਕ ਤਸਵੀਰ ਸ਼ੇਅਰ ਕੀਤੀ ਹੈ, ਜੋ ਇੰਟਰਨੈੱਟ 'ਤੇ ਵਾਇਰਲ ਹੋ ਗਈ ਹੈ। ਵਿਵੇਕ ਨੇ ਇਸ ਫੋਟੋ ਦੇ ਪਿੱਛੇ ਇੱਕ ਦਿਲਚਸਪ ਕਹਾਣੀ ਵੀ ਦੱਸੀ ਹੈ।
ਸ਼ਾਹਰੁਖ ਅਤੇ ਗੌਰੀ ਦੀ ਕਈ ਸਾਲ ਪੁਰਾਣੀ ਤਸਵੀਰ ਆਈ ਸਾਹਮਣੇ
ਵਿਵੇਕ ਵਾਸਵਾਨੀ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਸ਼ਾਹਰੁਖ ਖਾਨ ਅਤੇ ਗੌਰੀ ਖਾਨ ਦੀ ਇਕ ਪੁਰਾਣੀ ਤਸਵੀਰ ਦੀ ਝਲਕ ਦਿਖਾਈ ਹੈ, ਜਿਸ 'ਚ ਇਹ ਜੋੜਾ ਰਵਾਇਤੀ ਕੱਪੜਿਆਂ 'ਚ ਨਜ਼ਰ ਆ ਰਿਹਾ ਹੈ। ਫੋਟੋ ਪੋਸਟ ਕਰਦੇ ਹੋਏ ਵਿਵੇਕ ਨੇ ਕੈਪਸ਼ਨ 'ਚ ਲਿਖਿਆ, 'ਰਾਜੂ ਬਨ ਗਿਆ ਜੈਂਟਲਮੈਨ ਦੇ ਪਹਿਲੇ ਗੀਤ ਦੀ ਸ਼ੂਟਿੰਗ ਦੌਰਾਨ ਦਾਰਜੀਲਿੰਗ 'ਚ ਹਨੀਮੂਨ। ਅਸੀਂ ਦਿੱਲੀ ਗਏ ਅਤੇ ਉਨ੍ਹਾਂ ਦਾ ਵਿਆਹ ਹੋਇਆ ਅਤੇ ਫਿਰ ਉਥੋਂ ਅਸੀਂ ਦੁਲਹਨ ਨਾਲ ਸ਼ੂਟਿੰਗ ਕਰਨ ਲਈ ਸਿੱਧੇ ਦਾਰਜੀਲਿੰਗ ਚਲੇ ਗਏ।
ਸ਼ਾਹਰੁਖ ਨੇ ਗੌਰੀ ਨਾਲ ਦਾਰਜੀਲਿੰਗ 'ਚ ਹਨੀਮੂਨ ਮਨਾਇਆ
ਫੋਟੋ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸ਼ਾਹਰੁਖ ਖਾਨ ਅਤੇ ਗੌਰੀ ਖਾਨ ਕੈਮਰੇ ਦੇ ਸਾਹਮਣੇ ਮੁਸਕਰਾਉਂਦੇ ਨਜ਼ਰ ਆ ਰਹੇ ਹਨ। ਦੱਸਣਯੋਗ ਹੈ ਕਿ ਸ਼ਾਹਰੁਖ ਨੇ ਫਿਲਮ 'ਰਾਜੂ ਬਨ ਗਿਆ ਜੈਂਟਲਮੈਨ' ਦੇ ਗੀਤ 'ਦਿਲ ਹੈ ਮੇਰਾ ਦੀਵਾਨਾ ਯਾਰੋ' ਦੀ ਸ਼ੂਟਿੰਗ ਦਾਰਜੀਲਿੰਗ 'ਚ ਕੀਤੀ ਸੀ। ਸ਼ਾਹਰੁਖ ਖਾਨ ਜਦੋਂ ਐਕਟਰ ਬਣਨ ਲਈ ਮੁੰਬਈ ਪਹੁੰਚੇ ਤਾਂ ਵਿਵੇਕ ਨੇ ਉਨ੍ਹਾਂ ਦੀ ਕਾਫੀ ਮਦਦ ਕੀਤੀ। ਇੰਨਾ ਹੀ ਨਹੀਂ ਦੋਹਾਂ ਨੇ 'ਰਾਜੂ ਬਨ ਗਿਆ ਜੈਂਟਲਮੈਨ', 'ਅੰਗਰੇਜ਼ੀ ਬਾਬੂ ਦੇਸੀ ਮੈਮ', 'ਕਭੀ ਹਾਂ ਕਭੀ ਨਾ' ਅਤੇ 'ਕਿੰਗ ਅੰਕਲ' ਵਰਗੀਆਂ ਫਿਲਮਾਂ 'ਚ ਵੀ ਇਕੱਠੇ ਕੰਮ ਕੀਤਾ ਹੈ। ਸ਼ਾਹਰੁਖ ਨੇ ਖੁਦ ਵੀ ਸਭ ਨੂੰ ਆਪਣੇ ਹਨੀਮੂਨ ਦੀ ਕਹਾਣੀ ਬਾਰੇ ਦੱਸਿਆ ਸੀ ਕਿ ਕਿਵੇਂ ਉਨ੍ਹਾਂ ਨੇ ਗੌਰੀ ਨੂੰ ਝੂਠ ਬੋਲ ਕੇ ਪੈਰਿਸ ਦੀ ਜਗ੍ਹਾ ਦਾਰਜੀਲੰਿਗ ਹਨੀਮੂਨ ਲਈ ਲੈ ਗਏ ਸੀ। ਦੇਖੋ ਇਹ ਵੀਡੀਓ:
ਸ਼ਾਹਰੁਖ ਖਾਨ ਦੀਆਂ ਆਉਣ ਵਾਲੀਆਂ ਫਿਲਮਾਂ
ਸ਼ਾਹਰੁਖ ਖਾਨ ਦੀ ਪਿਛਲੀ ਫਿਲਮ 'ਪਠਾਨ' ਬਾਕਸ ਆਫਿਸ 'ਤੇ ਬਲਾਕਬਸਟਰ ਸਾਬਤ ਹੋਈ ਸੀ। ਇਸ ਫਿਲਮ ਨੇ ਦੁਨੀਆ ਭਰ 'ਚ ਕਰੀਬ 1050 ਕਰੋੜ ਦੀ ਕਮਾਈ ਕੀਤੀ ਹੈ। ਹੁਣ ਕਿੰਗ ਖਾਨ ਜੂਨ 2023 'ਚ ਰਿਲੀਜ਼ ਹੋਣ ਵਾਲੀ ਫਿਲਮ 'ਜਵਾਨ' 'ਚ ਨਜ਼ਰ ਆਉਣਗੇ। ਇਸ ਦੇ ਨਾਲ ਹੀ ਸ਼ਾਹਰੁਖ ਖਾਨ 'ਡੰਕੀ' ਫਿਲਮ ਦਾ ਹਿੱਸਾ ਹਨ, ਜਿਸ ਦਾ ਨਿਰਦੇਸ਼ਨ ਰਾਜਕੁਮਾਰ ਹਿਰਾਨੀ ਕਰ ਰਹੇ ਹਨ। ਇਨ੍ਹੀਂ ਦਿਨੀਂ ਕਸ਼ਮੀਰ 'ਚ 'ਡੰਕੀ' ਦੀ ਸ਼ੂਟਿੰਗ ਚੱਲ ਰਹੀ ਹੈ।