Shaitaan Box Office Collection Day 9: ਅਜੈ ਦੇਵਗਨ ਅਤੇ ਆਰ ਮਾਧਵਨ ਸਟਾਰਰ ਫਿਲਮ 'ਸ਼ੈਤਾਨ' 8 ਮਾਰਚ ਨੂੰ ਸਿਨੇਮਾਘਰਾਂ ਵਿੱਚ ਆਈ। ਫਿਲਮ ਨੂੰ ਰਿਲੀਜ਼ ਹੋਏ 9 ਦਿਨ ਹੋ ਚੁੱਕੇ ਹਨ ਅਤੇ ਇਨ੍ਹਾਂ 9 ਦਿਨਾਂ 'ਚ ਫਿਲਮ ਨੇ ਹਰ ਰੋਜ਼ ਕਰੋੜਾਂ ਰੁਪਏ ਦੀ ਕਮਾਈ ਕੀਤੀ ਹੈ। ਜਿੱਥੇ ਇਹ ਫਿਲਮ ਪਹਿਲਾਂ ਹੀ ਦੁਨੀਆ ਭਰ ਵਿੱਚ 100 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਚੁੱਕੀ ਹੈ, ਉੱਥੇ ਹੀ ਇਹ ਫਿਲਮ ਘਰੇਲੂ ਬਾਕਸ ਆਫਿਸ 'ਤੇ ਵੀ 100 ਕਰੋੜ ਦੇ ਕਲੱਬ ਵਿੱਚ ਦਾਖਲ ਹੋਣ ਦੇ ਨੇੜੇ ਹੈ।
ਇਹ ਵੀ ਪੜ੍ਹੋ: ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਰਣਦੀਪ ਹੁੱਡਾ ਵੀ ਸਿਆਸਤ 'ਚ ਐਂਟਰੀ ਲਈ ਤਿਆਰ? ਐਕਟਰ ਨੇ ਦੱਸਿਆ ਆਪਣਾ ਪਲਾਨ
ਸੈਕਨਿਲਕ ਦੀ ਰਿਪੋਰਟ ਮੁਤਾਬਕ 'ਸ਼ੈਤਾਨ' ਨੇ ਜਿੱਥੇ ਸ਼ੁੱਕਰਵਾਰ ਨੂੰ 5.05 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ, ਉੱਥੇ ਹੀ ਹੁਣ ਨੌਵੇਂ ਦਿਨ (ਦੂਜੇ ਸ਼ਨੀਵਾਰ) ਦੇ ਸ਼ੁਰੂਆਤੀ ਅੰਕੜੇ ਵੀ ਸਾਹਮਣੇ ਆਏ ਹਨ, ਜਿਸ ਮੁਤਾਬਕ ਫਿਲਮ ਨੇ ਹੁਣ ਤੱਕ 2.97 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਇਸ ਨਾਲ ਘਰੇਲੂ ਬਾਕਸ ਆਫਿਸ 'ਤੇ ਫਿਲਮ ਦਾ ਕੁਲ ਕਲੈਕਸ਼ਨ 87.77 ਕਰੋੜ ਰੁਪਏ ਹੋ ਗਿਆ ਹੈ।
ਦੁਨੀਆ ਭਰ 'ਚ 'ਸ਼ੈਤਾਨ' ਨੇ ਕਮਾਏ ਇੰਨੇ ਨੋਟ
'ਸ਼ੈਤਾਨ' ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ ਆਪਣੀ ਪਕੜ ਮਜ਼ਬੂਤ ਕਰ ਰਹੀ ਹੈ। ਦੁਨੀਆ ਭਰ 'ਚ ਇਹ ਫਿਲਮ 100 ਕਰੋੜ ਦੇ ਕਲੱਬ 'ਚ ਸ਼ਾਮਲ ਹੋ ਗਈ ਹੈ। ਅਜੇ ਦੇਵਗਨ ਦੀ ਇਸ ਥ੍ਰਿਲਰ ਐਕਸ਼ਨ ਫਿਲਮ ਨੇ ਸਿਰਫ 8 ਦਿਨਾਂ 'ਚ ਕੁੱਲ 122.25 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਫਿਲਮ ਦਾ ਇਹ ਜ਼ਬਰਦਸਤ ਕਲੈਕਸ਼ਨ ਬਾਕਸ ਆਫਿਸ 'ਤੇ ਕਈ ਨਵੀਆਂ ਰਿਲੀਜ਼ ਹੋਈਆਂ ਫਿਲਮਾਂ ਨੂੰ ਮਾਤ ਦੇ ਰਿਹਾ ਹੈ।
'ਯੋਧਾ' ਅਤੇ 'ਬਸਤਰ: ਨਕਸਲ ਸਟੋਰੀ' ਵਿਚਕਾਰ 'ਸ਼ੈਤਾਨ' ਦਾ ਦਬਦਬਾ
'ਸ਼ੈਤਾਨ' ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ ਤੋਂ ਹੀ ਬਾਕਸ ਆਫਿਸ 'ਤੇ ਜ਼ਬਰਦਸਤ ਕਮਾਈ ਕਰ ਰਹੀ ਹੈ। ਫਿਲਮ ਕੰਮਕਾਜੀ ਦਿਨਾਂ 'ਤੇ ਵੀ ਹਰ ਰੋਜ਼ ਕਰੋੜਾਂ ਰੁਪਏ ਕਮਾ ਰਹੀ ਹੈ। ਸਿਧਾਰਥ ਮਲਹੋਤਰਾ ਦੀ ‘ਯੋਧਾ’ ਅਤੇ ਅਦਾ ਸ਼ਰਮਾ ਦੀ ਬਸਤਰ ਦਿ ਨਕਸਲ ਸਟੋਰੀ 15 ਮਾਰਚ ਨੂੰ ਰਿਲੀਜ਼ ਹੋਣ ਤੋਂ ਬਾਅਦ ਵੀ ‘ਸ਼ੈਤਾਨ’ ਦਾ ਦਬਦਬਾ ਜਾਰੀ ਹੈ। ਕਲੈਕਸ਼ਨ ਦੇ ਮਾਮਲੇ 'ਚ ਅਜੇ ਦੇਵਗਨ ਅਤੇ ਆਰ ਮਾਧਵਨ ਦੀ ਫਿਲਮ 'ਯੋਧਾ' ਅਤੇ 'ਬਸਤਰ: ਦਿ ਨਕਸਲ ਸਟੋਰੀ' ਨੂੰ ਵੀ ਮਾਤ ਦੇ ਰਹੀ ਹੈ।