Sheezan Khan Bail In Tunisha Sharma Suicide Case: 'ਅਲੀ ਬਾਬਾ: ਦਾਸਤਾਨ-ਏ-ਕਾਬੁਲ' ਦੇ ਮੁੱਖ ਅਦਾਕਾਰ ਸ਼ੀਜ਼ਾਨ ਖਾਨ ਨੂੰ ਦਸੰਬਰ 2022 ਵਿੱਚ ਟੀਵੀ ਅਦਾਕਾਰਾ ਤੁਨੀਸ਼ਾ ਸ਼ਰਮਾ ਆਤਮ ਹੱਤਿਆ ਕੇਸ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਦੋਂ ਤੋਂ ਸ਼ੀਜ਼ਾਨ ਜੇਲ੍ਹ ਵਿੱਚ ਸੀ। ਆਖਰ ਤਿੰਨ ਮਹੀਨਿਆਂ ਬਾਅਦ ਉਸ ਨੂੰ ਰਾਹਤ ਮਿਲੀ। ਸਾਰੀਆਂ ਜ਼ਮਾਨਤ ਪਟੀਸ਼ਨਾਂ ਖਾਰਜ ਹੋਣ ਤੋਂ ਬਾਅਦ ਹੁਣ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ।
1 ਲੱਖ ਮੁਚੱਲਕੇ 'ਤੇ ਹੋਇਆ ਰਿਹਾਅ
ਸ਼ੀਜ਼ਾਨ ਖਾਨ ਨੂੰ 4 ਮਾਰਚ 2023 ਨੂੰ ਮੁੰਬਈ ਦੀ ਅਦਾਲਤ ਤੋਂ ਜ਼ਮਾਨਤ ਮਿਲ ਗਈ ਸੀ। ਸ਼ੀਜ਼ਾਨ ਨੂੰ 1 ਲੱਖ ਰੁਪਏ ਦੇ ਬਾਂਡ 'ਤੇ ਰਿਹਾਅ ਕੀਤਾ ਗਿਆ ਸੀ। ਸ਼ੀਜ਼ਾਨ ਦੀ ਜ਼ਮਾਨਤ ਪਟੀਸ਼ਨ ਲੰਬੇ ਸਮੇਂ ਤੋਂ ਖਾਰਜ ਹੋ ਰਹੀ ਸੀ। ਪਰਿਵਾਰ ਤੋਂ ਲੈ ਕੇ ਵਕੀਲ ਤੱਕ ਉਸ ਨੂੰ ਬਚਾਉਣ ਵਿੱਚ ਲੱਗੇ ਹੋਏ ਸਨ। ਹਾਲਾਂਕਿ ਹੁਣ ਉਸ ਦਾ ਪਰਿਵਾਰ ਅਤੇ ਪ੍ਰਸ਼ੰਸਕ ਸ਼ੀਜਨ ਨੂੰ ਬਾਹਰ ਦੇਖ ਕੇ ਖੁਸ਼ ਹਨ।
ਇਸ ਕਾਰਨ ਕੀਤਾ ਗਿਆ ਸੀ ਗ੍ਰਿਫਤਾਰ
ਸ਼ੀਜ਼ਾਨ ਖਾਨ ਨੂੰ ਤੁਨੀਸ਼ਾ ਸ਼ਰਮਾ ਖੁਦਕੁਸ਼ੀ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ 'ਤੇ ਤੁਨੀਸ਼ਾ ਨੂੰ ਖੁਦਕੁਸ਼ੀ ਲਈ ਉਕਸਾਉਣ ਦਾ ਦੋਸ਼ ਸੀ। ਅਭਿਨੇਤਰੀ ਨੇ 21 ਸਾਲ ਦੀ ਉਮਰ 'ਚ 24 ਦਸੰਬਰ 2022 ਨੂੰ 'ਅਲੀ ਬਾਬਾ' ਦੇ ਸੈੱਟ 'ਤੇ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ ਸੀ। ਉਸ ਸਮੇਂ ਸ਼ੀਜ਼ਾਨ 'ਤੇ ਵੀ ਸ਼ੱਕ ਸੀ ਕਿਉਂਕਿ ਤੁਨੀਸ਼ਾ ਨੇ ਮਰਨ ਤੋਂ ਠੀਕ ਪਹਿਲਾਂ ਸ਼ੀਜਾਨ ਨਾਲ ਗੱਲ ਕੀਤੀ ਸੀ। ਇਹ ਮਾਮਲਾ ਕਾਫੀ ਭਖ ਗਿਆ ਸੀ।
ਤੁਨੀਸ਼ਾ ਨਾਲ ਬ੍ਰੇਕਅੱਪ
ਸ਼ੀਜ਼ਾਨ ਖਾਨ ਅਤੇ ਤੁਨੀਸ਼ਾ ਸ਼ਰਮਾ 'ਅਲੀ ਬਾਬਾ' ਦੇ ਮੁੱਖ ਕਲਾਕਾਰ ਸਨ। ਦੋਵਾਂ ਦੀ ਪਹਿਲੀ ਮੁਲਾਕਾਤ ਇਸ ਸ਼ੋਅ 'ਤੇ ਹੋਈ ਸੀ। ਲੱਦਾਖ 'ਚ ਸ਼ੂਟਿੰਗ ਦੌਰਾਨ ਦੋਵਾਂ ਨੂੰ ਪਿਆਰ ਹੋ ਗਿਆ ਸੀ। ਕਈ ਮਹੀਨਿਆਂ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਸ਼ੀਜ਼ਾਨ ਨੇ ਦਸੰਬਰ 'ਚ ਤੁਨੀਸ਼ਾ ਨਾਲ ਬ੍ਰੇਕਅੱਪ ਕਰ ਲਿਆ ਸੀ। ਅਦਾਕਾਰਾ ਦੀ ਮਾਂ ਨੇ ਦਾਅਵਾ ਕੀਤਾ ਕਿ ਸ਼ੀਜ਼ਾਨ ਤੁਨੀਸ਼ਾ ਨਾਲ ਧੋਖਾ ਕਰ ਰਿਹਾ ਸੀ। ਜਦੋਂ ਤੁਨੀਸ਼ਾ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਦਾ ਬ੍ਰੇਕਅੱਪ ਹੋ ਗਿਆ ਸੀ।
ਇੰਨਾ ਹੀ ਨਹੀਂ, ਇਹ ਵੀ ਕਿਹਾ ਗਿਆ ਕਿ ਤੁਨੀਸ਼ਾ ਡਿਪ੍ਰੈਸ਼ਨ ਦੀ ਸ਼ਿਕਾਰ ਸੀ ਅਤੇ ਕਈ ਵਾਰ ਪੈਨਿਕ ਅਟੈਕ ਵੀ ਝੱਲ ਚੁੱਕੀ ਸੀ। ਤੁਨੀਸ਼ਾ ਨੂੰ 2018 ਵਿੱਚ ਵੀ ਡਿਪਰੈਸ਼ਨ ਸੀ। ਉਸ ਦੀ ਮਾਂ 'ਤੇ ਵੀ ਬੇਟੀ ਨੂੰ ਨਜ਼ਰਅੰਦਾਜ਼ ਕਰਨ ਦਾ ਦੋਸ਼ ਲਾਇਆ ਗਿਆ ਸੀ।
ਇਹ ਵੀ ਪੜ੍ਹੋ: ਗਿੱਪੀ ਗਰੇਵਾਲ ਨੇ ਆਪਣੀ ਮਾਂ ਨਾਲ ਤਸਵੀਰ ਕੀਤੀ ਸ਼ੇਅਰ, ਮਾਂ ਨੂੰ ਇੰਜ ਦਿੱਤੀ ਜਨਮਦਿਨ ਦੀ ਵਧਾਈ