ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Sidhu Moose Wala News: ਸਿੱਧੂ ਮੂਸੇਵਾਲਾ ਦਾ ਨਾਮ ਇੰਨੀਂ ਦਿਨੀਂ ਲਗਾਤਾਰ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਨਿੱਕੇ ਮੂਸੇਵਾਲਾ ਦੇ ਦੁਨੀਆ 'ਚ ਆਉਣ ਨਾਲ ਬਲਕੌਰ ਸਿੰਘ ਤੇ ਚਰਨ ਕੌਰ ਹੀ ਨਹੀਂ, ਬਲਕਿ ਪੂਰੇ ਪੰਜਾਬ ਭਰ 'ਚ ਖੁਸ਼ੀ ਦਾ ਮਾਹੌਲ ਹੈ। ਅਜਿਹੇ ;ਚ ਹਰ ਕੋਈ ਸਿੱਧੂ ਮੂਸੇਵਾਲਾ ਨੂੰ ਯਾਦ ਕਰ ਰਿਹਾ ਹੈ ਕਿ ਕਾਸ਼ ਉਹ ਹੁੰਦਾ ਤਾਂ ਗੱਲ ਕੁੱਝ ਹੀ ਹੁੰਦੀ।
ਇਸ ਦਰਮਿਆਨ ਸਿੱਧੂ ਮੂਸੇਵਾਲਾ ਦੀ ਆਪਣੀ ਮਾਂ ਚਰਨ ਕੌਰ ਨਾਲ ਇੱਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਜ਼ਬਰਦਸਤ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਨਿੱਕਾ ਮੂਸੇਵਾਲਾ ਵੀ ਨਜ਼ਰ ਆ ਰਿਹਾ ਹੈ। ਖੈਰ ਇਹ ਤਸਵੀਰ ਐਡਿਿਟਿੰਗ ਦਾ ਕਮਾਲ ਹੈ, ਪਰ ਇਸ ਨੂੰ ਦੇਖ ਕੇ ਫੈਨਜ਼ ਕਾਫੀ ਇਮੋਸ਼ਨਲ ਹੋ ਰਹੇ ਹਨ ਕਿ ਕਾਸ਼ ਇਹ ਨਜ਼ਾਰਾ ਸੱਚ ਹੁੰਦਾ ਤਾਂ ਕੁੱਝ ਹੋਰ ਹੀ ਮੰਜ਼ਰ ਹੋਣਾ ਸੀ। ਤਸਵੀਰ 'ਚ ਸਿੱਧੂ ਮੂਸੇਵਾਲਾ ਤੇ ਚਰਨ ਕੌਰ ਇਕੱਠੇ ਨਜ਼ਰ ਆ ਰਹੇ ਹਨ। ਮੂਸੇਵਾਲਾ ਨੇ ਹੱਥਾਂ 'ਚ ਆਪਣਾ ਨਿੱਕਾ ਭਰਾ ਸ਼ੁਭਦੀਪ ਚੁੱਕਿਆ ਹੋਇਆ ਹੈ। ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਜੰਗਲ ਦੀ ਅੱਗ ਵਾਂਗ ਵਾਇਰਲ ਹੋ ਰਹੀ ਹੈ। ਦੱਸ ਦਈਏ ਕਿ ਇਸ ਤਸਵੀਰ ਨੂੰ ਹਾਈ ਫਾਈ ਕਾਹਲੋਂ ਨਾਮ ਦੇ ਸ਼ਖਸ ਦੀ ਆਈਡੀ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਤੁਸੀਂ ਵੀ ਦੇਖੋ:
ਇੱਕ ਦਿਨ ਪਹਿਲਾਂ ਸ਼ੇਅਰ ਕੀਤੀ ਫੋਟੋ ਨੂੰ ਲੱਖ ਦੇ ਕਰੀਬ ਲਾਈ
ਦੱਸ ਦਈਏ ਕਿ ਇਹ ਤਸਵੀਰ ਲੋਕਾਂ ਨੂੰ ਇੰਨੀਂ ਪਸੰਦ ਆ ਰਹੀ ਹੈ ਕਿ ਫੋਟੋ ਨੂੰ ਹੁਣ ਤੱਕ ਲੱਖਾਂ ਲਾਈਕ ਆ ਚੁੱਕੇ ਹਨ। ਹਰ ਕੋਈ ਇਸ ਤਸਵੀਰ ਨੂੰ ਦੇਖ ਇਹੀ ਗੱਲ ਬੋਲ ਰਿਹਾ ਹੈ ਕਿ ਕਾਸ਼ ਇਹ ਸੱਚ ਹੁੰਦਾ।
ਫੈਨਜ਼ ਕਰ ਰਹੇ ਖੂਬ ਕਮੈਂਟਸ
ਮੂਸੇਵਾਲਾ ਦੇ ਫੈਨਜ਼ ਇਸ ਤਸਵੀਰ ਨੂੰ ਦੇਖ ਕਾਫੀ ਭਾਵੁਕ ਹੋ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਿਖਿਆ, 'ਕਾਸ਼ ਇਹ ਸੱਚ ਹੁੰਦਾ।' ਇੱਕ ਹੋਰ ਸ਼ਖਸ ਨੇ ਕਮੈਂਟ ਕੀਤਾ, 'ਐਡਿਟ ਲੈਵਲ ਕਮਾਲ।' ਇੱਕ ਹੋਰ ਯੂਜ਼ਰ ਲਿਿਖਿਆ, 'ਵਾਹਿਗੁਰੂ ਜੀ ਹਮੇਸ਼ਾ ਚੜ੍ਹਦੀ ਕਲਾ ਵਿੱਚ ਰੱਖਣ ਤੁਹਾਨੂੰ।'
ਕਾਬਿਲੇਗ਼ੌਰ ਹੈ ਕਿ ਸਿੱਧੂ ਮੂਸੇਵਾਲਾ ਦਾ ਕਤਲ 29 ਮਈ 2022 ਨੂੰ ਮਾਨਸਾ ਦੇ ਪਿੰਡ ਜਵਾਹਰਕੇ ਵਿਖੇ ਹੋਇਆ ਸੀ। ਉਸ ਦੀ ਮੌਤ ਤੋਂ ਲਗਭਗ 2 ਸਾਲਾਂ ਬਾਅਦ ਇਸ ਦੁਨੀਆ ਛੋਟਾ ਮੂਸੇਵਾਲਾ ਆਇਆ ਹੈ। ਦੱਸ ਦਈਏ ਕਿ ਚਰਨ ਕੌਰ ਆਈਵੀਐਫ ਤਕਨੀਕ ਰਾਹੀਂ ਗਰਭਵਤੀ ਹੋਈ ਸੀ।