Smriti Irani Struggle: ਸਮ੍ਰਿਤੀ ਇਰਾਨੀ ਨੇ ਛੋਟੇ ਪਰਦੇ ਤੋਂ ਕੇਂਦਰੀ ਮੰਤਰੀ ਤੱਕ ਦਾ ਸਫਰ ਤੈਅ ਕੀਤਾ ਹੈ। ਉਸਨੇ ਏਕਤਾ ਕਪੂਰ ਦੇ ਸ਼ੋਅ 'ਕਿਉੰਕੀ ਸਾਸ ਭੀ ਕਭੀ ਬਹੂ ਥੀ' ਵਿੱਚ ਤੁਲਸੀ ਦਾ ਕਿਰਦਾਰ ਨਿਭਾ ਕੇ ਲੋਕਾਂ ਦਾ ਦਿਲ ਜਿੱਤ ਲਿਆ ਸੀ। ਹਾਲਾਂਕਿ ਸਮ੍ਰਿਤੀ ਇਰਾਨੀ ਦਾ ਸਫਰ ਬਿਲਕੁਲ ਵੀ ਆਸਾਨ ਨਹੀਂ ਸੀ। ਆਪਣੇ ਕਰੀਅਰ ਦੇ ਸ਼ੁਰੂਆਤੀ ਹਿੱਸੇ ਵਿੱਚ, ਉਸਨੇ ਇੱਕ ਕਲੀਨਰ ਵਜੋਂ ਕੰਮ ਕੀਤਾ। ਉਹ ਮੈਕਡੋਨਲਡ ਦੇ ਇੱਕ ਆਉਟਲੈਟ ਵਿੱਚ ਸਵੀਪਰ (ਸਫਾਈ ਕਰਮਚਾਰੀ) ਵਜੋਂ ਕੰਮ ਕਰਦੀ ਸੀ ਅਤੇ ਬਦਲੇ ਵਿੱਚ ਉਸਨੂੰ ਬਹੁਤ ਘੱਟ ਤਨਖਾਹ ਮਿਲਦੀ ਸੀ।
ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ ਦੇ ਕਈ ਗਾਣੇ ਇੰਸਟਾਗ੍ਰਾਮ ਤੋਂ ਹੋਏ ਡਿਲੀਟ? ਜਾਣੋ ਕੀ ਹੈ ਸੱਚਾਈ
ਪਿਤਾ ਨੇ ਸਮ੍ਰਿਤੀ ਇਰਾਨੀ ਦੇ ਸਾਹਮਣੇ ਰੱਖੀ ਇਹ ਸ਼ਰਤ
ਨੀਲੇਸ਼ ਮਿਸ਼ਰਾ ਦੇ ਸ਼ੋਅ 'ਦ ਸਲੋ ਇੰਟਰਵਿਊ' 'ਚ ਸਮ੍ਰਿਤੀ ਇਰਾਨੀ ਨੇ ਕਿਹਾ, 'ਮਿਸ ਇੰਡੀਆ ਲਈ ਚੁਣੇ ਜਾਣ ਤੋਂ ਬਾਅਦ ਮੈਨੂੰ ਮੁਕਾਬਲੇ 'ਚ ਹਿੱਸਾ ਲੈਣ ਲਈ 1 ਲੱਖ ਰੁਪਏ ਦੀ ਲੋੜ ਸੀ। ਮੈਂ ਆਪਣੇ ਪਿਤਾ ਤੋਂ ਕਰਜ਼ੇ ਵਜੋਂ ਪੈਸੇ ਲਏ, ਪਰ ਉਨ੍ਹਾਂ ਨੇ ਪੈਸੇ ਦੇਣ ਦੀ ਸ਼ਰਤ ਰੱਖੀ। ਪਿਤਾ ਨੇ ਕਿਹਾ ਕਿ ਤੁਹਾਨੂੰ ਪੈਸੇ ਵਿਆਜ ਸਮੇਤ ਵਾਪਸ ਕਰਨੇ ਪੈਣਗੇ ਅਤੇ ਜੇਕਰ ਤੁਸੀਂ ਪੈਸੇ ਵਾਪਸ ਨਹੀਂ ਕਰ ਸਕੇ ਤਾਂ ਮੈਂ ਤੇਰਾ ਵਿਆਹ ਆਪਣੀ ਪਸੰਦ ਦੇ ਲੜਕੇ ਨਾਲ ਕਰਵਾ ਦਿਆਂਗਾ। ਮੈਂ ਉਹ ਸ਼ਰਤ ਮੰਨ ਲਈ।
ਕਿਸੇ ਤਰ੍ਹਾਂ ਪਿਤਾ ਨੂੰ 60 ਹਜ਼ਾਰ ਰੁਪਏ ਕੀਤੇ ਵਾਪਸ
ਸਮ੍ਰਿਤੀ ਇਰਾਨੀ ਨੇ ਦੱਸਿਆ ਕਿ ਉਸ ਨੂੰ ਆਪਣੇ ਪਿਤਾ ਦੇ ਪੈਸੇ ਵਾਪਸ ਕਰਨ ਲਈ ਕਲੀਨਰ ਦਾ ਕੰਮ ਕਰਨਾ ਪਿਆ। ਉਸ ਨੇ ਸੁੰਦਰਤਾ ਮੁਕਾਬਲੇ ਤੋਂ ਮਿਲੇ ਤੋਹਫ਼ਿਆਂ ਵਿੱਚੋਂ 60,000 ਰੁਪਏ ਆਪਣੇ ਪਿਤਾ ਨੂੰ ਵਾਪਸ ਕਰ ਦਿੱਤੇ, ਪਰ ਬਾਕੀ ਪੈਸੇ ਲਈ ਉਸ ਨੂੰ ਕੰਮ ਕਰਨਾ ਪਿਆ। ਸਮ੍ਰਿਤੀ ਇਰਾਨੀ ਨੇ ਕੁਝ ਇਸ਼ਤਿਹਾਰਾਂ ਵਿੱਚ ਕੰਮ ਕੀਤਾ, ਪਰ ਉਸ ਨੂੰ ਪੈਸੇ ਲਈ ਆਮਦਨੀ ਦੇ ਸਰੋਤ ਦੀ ਲੋੜ ਸੀ।
ਰੈਸਟੋਰੈਂਟ 'ਚ ਲਾਉਂਦੀ ਸੀ ਝਾੜੂ ਪੋਚਾ
ਅਭਿਨੇਤਰੀ ਨੇ ਕਿਹਾ, 'ਜਦੋਂ ਮੈਂ ਮੈਕਡੋਨਲਡਜ਼ ਗਈ ਸੀ, ਉੱਥੇ ਸਿਰਫ ਦੋ ਸਲਾਟ ਬਚੇ ਸਨ। ਉਨ੍ਹਾਂ ਕਿਹਾ ਕਿ ਇਹ ਫਾਊਂਡੇਸ਼ਨ ਦਾ ਕੰਮ ਹੈ। ਜਦੋਂ ਮੈਂ ਪੁੱਛਿਆ ਕਿ ਇਹ ਕਿਹੋ ਜਿਹਾ ਕੰਮ ਹੈ ਤਾਂ ਉਸ ਨੇ ਕਿਹਾ ਕਿ ਉਸ ਨੂੰ ਝਾੜੂ-ਪੋਚਾ, ਭਾਂਡੇ ਮਾਂਜਣ ਦਾ ਕੰਮ ਕਰਨਾ ਪਵੇਗਾ। ਮੈਂ ਕਿਹਾ ਠੀਕ ਹੈ। ਮੈਨੂੰ ਇਸ ਕੰਮ ਲਈ 1500 ਰੁਪਏ ਮਿਲੇ। ਨੌਕਰੀ ਜੁਆਇਨ ਕਰਨ ਤੋਂ ਪਹਿਲਾਂ ਮੈਂ ਤਰੱਕੀ ਦੀ ਪ੍ਰਕਿਰਿਆ ਬਾਰੇ ਪੁੱਛਿਆ ਤਾਂ ਨੌਕਰੀ 'ਤੇ ਰੱਖਣ ਵਾਲੀ ਔਰਤ ਨੇ ਕਿਹਾ ਕਿ ਪਹਿਲਾਂ ਇੱਥੇ ਇਕ ਮਹੀਨਾ ਕੰਮ ਕਰੋ।
ਇਸ ਤਰ੍ਹਾਂ ਮਿਲਿਆ ਏਕਤਾ ਕਪੂਰ ਦਾ ਸ਼ੋਅ
ਸਮ੍ਰਿਤੀ ਇਰਾਨੀ ਨੇ ਦੱਸਿਆ ਕਿ ਉਹ ਹਫ਼ਤੇ ਵਿੱਚ ਛੇ ਦਿਨ ਕੰਮ ਕਰਦੀ ਸੀ ਅਤੇ ਛੁੱਟੀ ਵਾਲੇ ਦਿਨ ਆਡੀਸ਼ਨ ਲਈ ਜਾਂਦੀ ਸੀ। ਆਡੀਸ਼ਨ ਦੌਰਾਨ ਉਸ ਨੂੰ ਪਹਿਲਾ ਸ਼ੋਅ ਮਿਲਿਆ 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ'। ਇਸ ਤਰ੍ਹਾਂ ਸਮ੍ਰਿਤੀ ਇਰਾਨੀ ਨੇ ਏਕਤਾ ਕਪੂਰ ਦੇ ਸ਼ੋਅ 'ਚ ਤੁਲਸੀ ਬਣ ਕੇ ਸਾਰਿਆਂ ਦੇ ਦਿਲਾਂ 'ਚ ਖਾਸ ਜਗ੍ਹਾ ਬਣਾਈ।