Kili Paul: ਕਾਕਾ ਦੇ ਗੀਤ 'ਸ਼ੇਪ' 'ਤੇ ਕਿੱਲੀ ਪੌਲ ਨੇ ਬਣਾਈ ਰੀਲ, ਕਾਕੇ ਨੇ ਕੀਤਾ ਇਹ ਕਮੈਂਟ, ਦੇਖੋ ਵੀਡੀਓ

Kaka New Song Shape: ਸੋਸ਼ਲ ਮੀਡੀਆ ਸਨਸਨੀ ਕਿਲੀ ਪੌਲ ਨੇ ਵੀ ਹੁਣ ਕਾਕੇ ਦੇ ਗੀਤ 'ਸ਼ੇਪ' 'ਤੇ ਵੀਡੀਓ ਬਣਾ ਦਿੱਤੀ ਹੈ। ਕਿਲੀ ਪੌਲ ਇਸ ਗਾਣੇ 'ਤੇ ਬਿਲਕੁਲ ਪਰਫੈਕਟ ਲਿਪ ਸਿੰਕਿੰਗ ਕਰਦਾ ਨਜ਼ਰ ਆ ਰਿਹਾ ਹੈ।

Kili Paul Video On Kaka Song Shape: ਪੰਜਾਬੀ ਸਿੰਗਰ ਕਾਕਾ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਿਹਾ ਹੈ। ਉਸ ਦੇ ਗਾਣੇ ਇੱਕ ਤੋਂ ਬਾਅਦ ਇੱਕ ਸੁਪਰਹਿੱਟ ਹੋ ਰਹੇ ਹਨ। ਇਹੀ ਨਹੀਂ ਸੋਸ਼ਲ ਮੀਡੀਆ 'ਤੇ ਵੀ ਉਸ ਦੇ ਗਾਣੇ ਅਕਸਰ ਟਰੈਂਡਿੰਗ 'ਚ ਰਹਿੰਦੇ ਹਨ। ਇੰਨੀਂ ਦਿਨੀਂ ਕਾਕਾ ਦਾ ਨਵਾਂ ਗਾਣਾ 'ਸ਼ੇਪ' ਸੋਸ਼ਲ ਮੀਡੀਆ 'ਤੇ ਕਾਫੀ ਜ਼ਿਆਦਾ ਟਰੈਂਡ ਕਰ ਰਿਹਾ ਹੈ। ਕਈ ਸੈਲੇਬਜ਼ ਵੀ ਇਸ ਗਾਣੇ 'ਤੇ ਰੀਲਾਂ ਬਣਾ ਚੁੱਕੇ ਹਨ। ਹੁਣ ਇਸ ਕੜੀ 'ਚ ਇੱਕ ਹੋਰ ਨਾਮ ਜੁੜ ਗਿਆ ਹੈ।

ਸੋਸ਼ਲ ਮੀਡੀਆ ਸਨਸਨੀ ਕਿਲੀ ਪੌਲ ਨੇ ਵੀ ਹੁਣ ਕਾਕੇ ਦੇ ਗੀਤ 'ਸ਼ੇਪ' 'ਤੇ ਵੀਡੀਓ ਬਣਾ ਦਿੱਤੀ ਹੈ। ਕਿਲੀ ਪੌਲ ਇਸ ਗਾਣੇ 'ਤੇ ਬਿਲਕੁਲ ਪਰਫੈਕਟ ਲਿਪ ਸਿੰਕਿੰਗ ਕਰਦਾ ਨਜ਼ਰ ਆ ਰਿਹਾ ਹੈ। ਉਸ ਦੇ ਇਸ ਵੀਡੀਓ ਨੂੰ ਕਰੋੜਾਂ ਲੋਕ ਦੇਖ ਚੁੱਕੇ ਹਨ। ਇਹ ਵੀਡੀਓ ਪੰਜਾਬੀਆਂ ਦੀ ਪਸੰਦ ਬਣਿਆ ਹੋਇਆ ਹੈ। ਇਸ ਵੀਡੀਓ 'ਤੇ 40 ਲੱਖ ਤੋਂ ਵੱਧ ਲਾਈਕਸ ਵੀ ਆ ਚੁੱਕੇ ਹਨ। ਹੁਣ ਕਿਲੀ ਪੌਲ ਦਾ ਇਹ ਵੀਡੀਓ ਵਾਇਰਲ ਹੁੰਦਾ ਨਜ਼ਰ ਆ ਰਿਹਾ ਹੈ। ਕਿਲੀ ਪੌਲ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖੀ, 'ਕੀ ਮੈਂ ਮਾਡਲ ਬਣ ਸਕਦਾ ਹਾਂ? ਮੈਨੂੰ ਇਹ ਗਾਣਾ ਬਹੁਤ ਪਸੰਦ ਹੈ ਕਾਕਾ ਜੀ।' ਦੱਸ ਦਈਏ ਕਿ ਇਸ ਵੀਡੀਓ 'ਚ ਕਿਲੀ ਪੌਲ ਸੂਟ ਬੂਟ 'ਚ ਨਜ਼ਰ ਆ ਰਿਹਾ ਹੈ। ਦੇਖੋ ਇਹ ਵਡਿੀਓ:

ਕਾਕੇ ਨੇ ਕਿਲੀ ਪੌਲ ਦੀ ਇਸ ਵੀਡੀਓ 'ਤੇ ਕਮੈਂਟ ਕਰਦਿਆਂ ਕਿਹਾ, 'ਬਰੋ ਤੂੰ ਪਰਫੈਕਟ ਲੱਗ ਰਿਹਾ ਹੈਂ।'

ਕਾਬਿਲੇਗ਼ੌਰ ਹੈ ਕਿ ਕਿਲੀ ਪੌਲ ਤਨਜ਼ਾਨੀਆ ਦਾ ਰਹਿਣ ਵਾਲਾ ਹੈ। ਉਹ ਭਾਰਤੀ ਤੇ ਪੰਜਾਬੀ ਮਿਊਜ਼ਿਕ ਨੂੰ ਕਾਫੀ ਜ਼ਿਆਦਾ ਪਸੰਦ ਕਰਦਾ ਹੈ। ਉਸ ਦੀਆਂ ਵੀਡੀਓਜ਼ ਅਕਸਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਦੂਜੇ ਪਾਸੇ ਕਾਕੇ ਦਾ ਇਹ ਗਾਣਾ ਟਰੈਂਡਿੰਗ 'ਚ ਚੱਲ ਰਿਹਾ ਹੈ। ਇਸ ਗਾਣੇ 'ਤੇ ਹੁਣ ਤੱਕ ਮਿਸ ਪੂਜਾ ਤੇ ਸਰਗੁਣ ਮਹਿਤਾ ਵੀ ਰੀਲਾਂ ਬਣਾ ਚੁੱਕੀਆਂ ਹਨ।