Sonakshi-Zaheer Wedding: ਸੋਨਾਕਸ਼ੀ ਸਿਨਹਾ ਬਾਲੀਵੁੱਡ ਦੀ ਸਭ ਤੋਂ ਖੂਬਸੂਰਤ ਅਤੇ ਪ੍ਰਤਿਭਾਸ਼ਾਲੀ ਅਦਾਕਾਰਾਂ ਵਿੱਚੋਂ ਇੱਕ ਹੈ। ਸੋਨਾਕਸ਼ੀ ਨੂੰ ਆਖਰੀ ਵਾਰ ਸੰਜੇ ਲੀਲਾ ਭੰਸਾਲੀ ਦੀ ਵੈੱਬ ਸੀਰੀਜ਼ 'ਹੀਰਾਮੰਡੀ' 'ਚ ਦੇਖਿਆ ਗਿਆ ਸੀ। ਅਦਾਕਾਰਾ ਨੂੰ 'ਹੀਰਾਮੰਡੀ' 'ਚ ਫਰੀਦਾਨ ਦੀ ਭੂਮਿਕਾ ਲਈ ਕਾਫੀ ਤਾਰੀਫ ਮਿਲੀ ਹੈ।
ਉੱਥੇ ਹੀ ਸੋਨਾਕਸ਼ੀ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਇਹ ਅਫਵਾਹਾਂ ਫੈਲ ਰਹੀਆਂ ਹਨ ਕਿ ਅਦਾਕਾਰਾ 23 ਜੂਨ 2024 ਨੂੰ ਬੁਆਏਫ੍ਰੈਂਡ ਜ਼ਹੀਰ ਇਕਬਾਲ ਨਾਲ ਵਿਆਹ ਕਰਨ ਜਾ ਰਹੀ ਹੈ। ਹਾਲਾਂਕਿ ਜੋੜੇ ਨੇ ਅਜੇ ਤੱਕ ਆਪਣੇ ਵਿਆਹ ਨੂੰ ਲੈ ਕੇ ਅਧਿਕਾਰਤ ਤੌਰ 'ਤੇ ਕੁਝ ਵੀ ਐਲਾਨ ਨਹੀਂ ਕੀਤਾ ਹੈ ਪਰ ਕਈ ਸੈਲੇਬਸ ਨੇ ਪੁਸ਼ਟੀ ਕੀਤੀ ਹੈ ਕਿ ਸੋਨਾਕਸ਼ੀ-ਜ਼ਹੀਰ ਵਿਆਹ ਕਰ ਰਹੇ ਹਨ।
ਫਿਲਹਾਲ ਵਿਆਹ ਦੇ ਜਸ਼ਨ ਸ਼ੁਰੂ ਹੋ ਗਏ ਹਨ। ਸੋਮਵਾਰ ਨੂੰ ਜੋੜੇ ਨੇ ਇੱਕ ਬੈਚਲਰ ਪਾਰਟੀ ਦਾ ਆਨੰਦ ਮਾਣਿਆ, ਜਿਸ ਦੀਆਂ ਤਸਵੀਰਾਂ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਵੀ ਸ਼ੇਅਰ ਕੀਤੀਆਂ। ਹੁਣ ਸੋਨਾਕਸ਼ੀ-ਜ਼ਹੀਰ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦਾ ਡਿਟੇਲ ਵੀ ਆ ਗਿਆ ਹੈ। ਆਓ ਜਾਣਦੇ ਹਾਂ ਅਦਾਕਾਰਾ ਦੀ ਹਲਦੀ ਤੋਂ ਲੈਕੇ ਬਾਕੀ ਰਸਮਾਂ ਕਦੋਂ ਸ਼ੁਰੂ ਹੋਣਗੀਆਂ?
ਇਹ ਵੀ ਪੜ੍ਹੋ: Alka Yagnik: ਅਲਕਾ ਯਾਗਨਿਕ ਨੂੰ ਸੁਣਨਾ ਹੋਇਆ ਬੰਦ, ਜਾਣੋ ਕਿੰਨੀ ਖਤਰਨਾਕ ਇਹ ਬਿਮਾਰੀ ? ਲੱਛਣ ਸਣੇ ਇੱਥੇ ਪੜ੍ਹੋ ਰੋਕਥਾਮ ਦੇ ਉਪਾਅ
ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਦੇ 23 ਜੂਨ ਨੂੰ ਹੋਣ ਵਾਲੇ ਵਿਆਹ ਨੂੰ ਲੈ ਕੇ ਫੈਨਜ਼ ਵੀ ਕਾਫੀ ਉਤਸ਼ਾਹਿਤ ਹਨ ਅਤੇ ਇਸ ਜੋੜੇ ਦੇ ਵਿਆਹ ਨਾਲ ਜੁੜੀ ਹਰ ਅਪਡੇਟ ਜਾਣਨਾ ਚਾਹੁੰਦੇ ਹਨ। ਸੋਨਾਕਸ਼ੀ ਅਤੇ ਜ਼ਹੀਰ ਦੇ ਆਡੀਓ ਇਨਵਾਈਟ, ਵੇਨਿਊ ਅਤੇ ਗੈਸਟ ਲਿਸਟ ਲੀਕ ਹੋਣ ਤੋਂ ਬਾਅਦ ਹੁਣ ਉਨ੍ਹਾਂ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦਾ ਵੀ ਵੇਰਵਾ ਆ ਗਿਆ ਹੈ। ਦਰਅਸਲ, ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਦੇ ਅਨੁਸਾਰ ਇੱਕ ਸੂਤਰ ਤੋਂ ਜਾਣਕਾਰੀ ਮਿਲੀ ਹੈ ਕਿ ਕਪਲ 20 ਜੂਨ ਨੂੰ ਆਪਣਾ ਹਲਦੀ ਫੰਕਸ਼ਨ ਹੋਸਟ ਕਰ ਸਕਦਾ ਹੈ।
ਰਿਪੋਰਟ ਦੇ ਅਨੁਸਾਰ ਸੂਤਰ ਨੇ ਕਿਹਾ, "ਹਲਦੀ ਦਾ ਫੰਕਸ਼ਨ ਸੋਨਾਕਸ਼ੀ ਦੇ ਬਾਂਦਰਾ ਵਾਲੇ ਘਰ ਵਿੱਚ ਹੋਵੇਗਾ, ਜੋ ਉਨ੍ਹਾਂ ਨੇ ਹਾਲ ਹੀ ਵਿੱਚ ਆਪਣੇ ਮਾਤਾ-ਪਿਤਾ ਦਾ ਘਰ ਛੱਡਣ ਤੋਂ ਬਾਅਦ ਹਾਲ ਹੀ ਵਿੱਚ ਖਰੀਦਿਆ ਹੈ। ਇਸ ਸਮਾਗਮ ਵਿੱਚ ਸਿਰਫ਼ ਕਰੀਬੀ ਦੋਸਤ ਅਤੇ ਪਰਿਵਾਰਕ ਮੈਂਬਰ ਹੀ ਸ਼ਾਮਲ ਹੋਣਗੇ ਅਤੇ ਸਮਾਗਮ ਲਈ 50 ਤੋਂ ਘੱਟ ਲੋਕਾਂ ਨੂੰ ਸੱਦਾ ਦਿੱਤਾ ਗਿਆ ਹੈ। ਇਸੇ ਲਈ ਹਲਦੀ ਫੰਕਸ਼ਨ ਲਈ ਸੋਨਾ ਦੇ ਘਰ ਨੂੰ ਚੁਣਿਆ ਗਿਆ ਹੈ।
ਰਿਪੋਰਟ ਮੁਤਾਬਕ ਸੂਤਰ ਨੇ ਇਹ ਵੀ ਕਿਹਾ ਕਿ ਜਦੋਂ ਤੋਂ ਸੋਨਾਕਸ਼ੀ-ਜ਼ਹੀਰ ਨੇ ਆਪਣੇ ਵਿਆਹ ਦੀ ਪਲਾਨਿੰਗ ਬਣਾਉਣੀ ਸ਼ੁਰੂ ਕੀਤੀ ਹੈ, ਉਹ ਇਸ ਨੂੰ ਗੁਪਤ ਰੱਖਣਾ ਚਾਹੁੰਦੇ ਹਨ। ਹਾਲਾਂਕਿ ਉਹ ਗ੍ਰੈਂਡ ਰਿਸੈਪਸ਼ਨ ਪਾਰਟੀ ਦੀ ਮੇਜ਼ਬਾਨੀ ਕਰਨਗੇ। ਸੂਤਰ ਨੇ ਕਿਹਾ, "ਬੇਸ਼ੱਕ, ਉਹ ਆਪਣੇ ਇੰਡਸਟਰੀ ਦੇ ਦੋਸਤਾਂ ਨਾਲ ਜਸ਼ਨ ਮਨਾਉਣਾ ਚਾਹੁੰਦੇ ਹਨ, ਇਸ ਲਈ ਰਿਸੈਪਸ਼ਨ ਵੱਡਾ ਹੋਵੇਗਾ।"
ਡਬਲ ਐਕਸਐਲ ਅਦਾਕਾਰ ਆਪਣੇ ਹਲਦੀ ਫੰਕਸ਼ਨ ਲਈ ਯੈਲੋ ਜਾਂ ਪਿੰਕ ਥੀਮ ਨਹੀਂ ਚਾਹੁੰਦੀ ਹੈ ਅਤੇ ਕੁਝ ਅਨਕਨਵੈਨਸ਼ਨਲ ਚੁਣ ਸਕਦੀ ਹੈ। ਇਸ ਜੋੜੇ ਨੇ ਆਪਣੇ ਵਿਆਹ ਲਈ ਸ਼ਿਲਪਾ ਸ਼ੈੱਟੀ ਦੇ ਮੁੰਬਈ ਰੈਸਟੋਰੈਂਟ ਨੂੰ ਚੁਣਿਆ ਹੈ। ਆਈਏਐਨਐਸ ਦੀ ਇੱਕ ਹੋਰ ਰਿਪੋਰਟ ਦੇ ਅਨੁਸਾਰ, ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਆਈਵਰੀ ਜਾਂ ਵ੍ਹਾਈਟ ਥੀਮ ਵਾਲਾ ਵਿਆਹ ਕਰਨ ਜਾ ਰਹੇ ਹਨ। ਹਾਲਾਂਕਿ ਮੇਨੂ ਜਾਂ ਕਿਸੇ ਹੋਰ ਆਈਟਮ ਬਾਰੇ ਜ਼ਿਆਦਾ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਹਾਲਾਂਕਿ ਪਤਾ ਲੱਗਿਆ ਹੈ ਕਿ ਇਸ ਕਪਲ ਨੇ ਲਾਬੀ 'ਚ ਕੁੱਲ 100 ਪੈਪਸ ਦੀ ਇਜਾਜ਼ਤ ਦਿੱਤੀ ਹੈ।
ਇਹ ਵੀ ਪੜ੍ਹੋ: Kangana Ranaut: ਇਸ ਕੈਬਨਿਟ ਮੰਤਰੀ ਨੂੰ ਡੇਟ ਕਰ ਚੁੱਕੀ ਕੰਗਨਾ ਰਣੌਤ, ਪਰਿਵਾਰ ਤੱਕ ਪਹੁੰਚ ਗਈ ਸੀ ਗੱਲ, ਜਾਣੋ ਕਿਉਂ ਹੋਏ ਵੱਖ...