ਸੋਨਮ ਕਪੂਰ ਪਤੀ ਆਨੰਦ ਆਹੂਜਾ ਨਾਲ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਉਨ੍ਹਾਂ ਦੇ ਬੇਬੀ ਸ਼ਾਵਰ ਫੰਕਸ਼ਨ ਲਈ ਬਾਲੀਵੁੱਡ ਦੇ ਕੁਝ ਖਾਸ ਦੋਸਤਾਂ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਬੁਲਾਇਆ ਗਿਆ ਸੀ। ਇਹ ਬੇਬੀ ਸ਼ਾਵਰ ਫੰਕਸ਼ਨ ਮੁੰਬਈ ਦੇ ਬੈਂਡਸਟੈਂਡ ਸਥਿਤ ਮਿਸ ਇੰਡੀਆ ਕਵਿਤਾ ਸਿੰਘ ਦੇ ਘਰ 17 ਜੁਲਾਈ ਨੂੰ ਹੋਣਾ ਸੀ। ਹਾਲਾਂਕਿ ਕੋਵਿਡ ਦੇ ਵਧਦੇ ਮਾਮਲਿਆਂ ਦੇ ਮੱਦੇਨਜ਼ਰ ਸੋਨਮ ਦੇ ਬੇਬੀ ਸ਼ਾਵਰ ਦਾ ਫੰਕਸ਼ਨ ਰੱਦ ਕਰਨਾ ਪਿਆ ਹੈ।
ਟਾਈਮਜ਼ ਆਫ਼ ਇੰਡੀਆ ਦੀ ਰਿਪੋਰਟ ਮੁਤਾਬਕ ਕਪੂਰ ਪਰਿਵਾਰ ਸੋਨਮ ਦੇ ਬੇਬੀ ਸ਼ਾਵਰ ਦੀ ਮੇਜ਼ਬਾਨੀ ਕਰਨ ਲਈ ਕਾਫੀ ਉਤਸ਼ਾਹਿਤ ਸੀ। ਇਸ ਸਮਾਗਮ ਦੀ ਪੂਰੀ ਤਿਆਰੀ ਵੀ ਕਰ ਲਈ ਗਈ ਸੀ। ਇਸ ਤੋਂ ਇਲਾਵਾ ਮਹਿਮਾਨਾਂ ਨੂੰ ਕਸਟਮਾਈਜ਼ਡ ਹੈਂਪਰ ਵੀ ਭੇਜੇ ਗਏ। ਹਾਲਾਂਕਿ, ਉਹ ਪਹਿਲਾਂ ਵੀ ਕੋਵਿਡ ਦੀ ਗੰਭੀਰਤਾ ਨੂੰ ਲੈ ਕੇ ਚਿੰਤਤ ਸਨ ਅਤੇ ਇਸ ਲਈ ਪਰਿਵਾਰ ਨੇ ਮਾਂ ਅਤੇ ਉਸਦੇ ਬੱਚੇ ਨੂੰ ਕਿਸੇ ਵੀ ਜੋਖਮ ਤੋਂ ਬਚਣ ਲਈ ਆਖਰੀ ਸਮੇਂ ਵਿੱਚ ਇਹ ਫੈਸਲਾ ਲਿਆ।
ਦੱਸਿਆ ਜਾ ਰਿਹਾ ਹੈ ਕਿ ਸੋਨਮ ਦੀ ਦੋਸਤ ਅਤੇ ਫੈਸ਼ਨ ਡਿਜ਼ਾਈਨਰ ਮਸਾਬਾ ਗੁਪਤਾ ਨੇ ਉਨ੍ਹਾਂ ਦੇ ਬੇਬੀ ਸ਼ਾਵਰ ਲਈ ਥੀਮ ਬੇਸਡ ਡਰੈੱਸ ਡਿਜ਼ਾਈਨ ਕੀਤੀ ਸੀ। ਸੋਨਮ ਅਤੇ ਮਸਾਬਾ ਦੋਹਾਂ ਦੀ ਗੂੜ੍ਹੀ ਦੋਸਤੀ ਹੈ। ਇਹ ਦੋਸਤੀ ਅੱਜ ਦੀ ਨਹੀਂ ਬਲਕਿ ਬਚਪਨ ਦੇ ਦੋਸਤ ਹਨ। ਸੋਨਮ ਆਪਣੇ ਦੂਜੇ ਬੇਬੀ ਸ਼ਾਵਰ ਲਈ ਮੁੰਬਈ ਵਾਪਸ ਆ ਗਈ ਹੈ।
ਇਨ੍ਹਾਂ ਮਹਿਮਾਨਾਂ ਨੇ ਸਮਾਗਮ ਵਿੱਚ ਸ਼ਿਰਕਤ ਕਰਨੀ ਸੀ
ਅਨਿਲ ਕਪੂਰ ਅਤੇ ਸੁਨੀਤਾ ਕਪੂਰ ਨੇ ਆਪਣੀ ਬੇਟੀ ਲਈ ਗ੍ਰੈਂਡ ਬੇਬੀ ਸ਼ਾਵਰ ਪਾਰਟੀ ਦੀ ਮੇਜ਼ਬਾਨੀ ਕਰਨ ਦੀਆਂ ਸਾਰੀਆਂ ਤਿਆਰੀਆਂ ਕਰ ਲਈਆਂ ਸਨ। ਸਵਰਾ ਭਾਸਕਰ, ਕਰੀਨਾ ਕਪੂਰ ਖਾਨ, ਕਰਿਸ਼ਮਾ ਕਪੂਰ, ਅੰਮ੍ਰਿਤਾ ਅਰੋੜਾ, ਮਲਾਇਕਾ ਅਰੋੜਾ, ਆਲੀਆ ਭੱਟ, ਨਤਾਸ਼ਾ ਦਲਾਲ, ਜੈਕਲੀਨ ਫਰਨਾਂਡੀਜ਼, ਦੀਪਿਕਾ ਪਾਦੂਕੋਣ, ਮਸਾਬਾ, ਰਾਣੀ ਮੁਖਰਜੀ ਅਤੇ ਜਾਹਨਵੀ ਕਪੂਰ, ਖੁਸ਼ੀ ਕਪੂਰ, ਸ਼ਨਾਇਆ ਕਪੂਰ, ਅੰਸ਼ੁਲਾ ਕਪੂਰ ਸਮੇਤ ਕਈ ਸੈਲੇਬਸ। ਸਮਾਗਮ ਵਿਚ ਸ਼ਾਮਲ ਹੋਣ ਦੀ ਉਮੀਦ ਸੀ।
ਪਿਛਲੇ ਮਹੀਨੇ ਲੰਡਨ 'ਚ ਸੋਨਮ ਕਪੂਰ ਦਾ ਬੇਬੀ ਸ਼ਾਵਰ ਕਾਫੀ ਧੂਮਧਾਮ ਨਾਲ ਮਨਾਇਆ ਗਿਆ ਸੀ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਸਨ। ਇਸ ਸਮਾਗਮ ਵਿੱਚ ਸਾਰੇ ਮਹਿਮਾਨਾਂ ਨੂੰ ਤੋਹਫੇ ਵੀ ਦਿੱਤੇ ਗਏ। ਸੋਨਮ ਅਤੇ ਆਨੰਦ ਆਹੂਜਾ ਦਾ ਵਿਆਹ ਮਈ 2018 ਵਿੱਚ ਹੋਇਆ ਸੀ। ਮਾਰਚ 2022 ਵਿੱਚ, ਅਭਿਨੇਤਰੀ ਨੇ ਆਪਣੀ ਗਰਭਵਤੀ ਹੋਣ ਦਾ ਐਲਾਨ ਕੀਤਾ।