Alia Bhatt Grandfather Death: ਅਦਾਕਾਰਾ ਸੋਨੀ ਰਾਜ਼ਦਾਨ ਦੇ ਪਿਤਾ ਅਤੇ ਆਲੀਆ ਭੱਟ ਦੇ ਨਾਨਾ ਨਰਿੰਦਰਨਾਥ ਰਾਜ਼ਦਾਨ ਦਾ ਲੰਬੀ ਬਿਮਾਰੀ ਤੋਂ ਬਾਅਦ ਹਸਪਤਾਲ ਵਿੱਚ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਦਾ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਸੀ। ਆਲੀਆ ਦੇ ਨਾਨੇ ਨੇ 95 ਸਾਲ ਦੀ ਉਮਰ 'ਚ ਆਖਰੀ ਸਾਹ ਲਿਆ। ਇਸ ਦੁਖਦ ਖਬਰ ਦੀ ਜਾਣਕਾਰੀ ਖੁਦ ਸੋਨੀ ਰਾਜ਼ਦਾਨ ਨੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਰਾਹੀਂ ਦਿੱਤੀ ਹੈ।
ਇਹ ਵੀ ਪੜ੍ਹੋ: ਸੁਸ਼ਾਂਤ ਸਿੰਘ ਰਾਜਪੂਤ ਕਰਕੇ ਬੁਰੀ ਤਰ੍ਹਾਂ ਟਰੋਲ ਹੋਈ ਅੰਕਿਤਾ ਲੋਖੰਡੇ, ਇਹ ਹੈ ਵਜ੍ਹਾ
ਆਲੀਆ ਦੀ ਮਾਂ ਸੋਨੀ ਰਾਜ਼ਦਾਨ ਨੇ ਪਿਤਾ ਲਈ ਲਿਖੀ ਭਾਵੁਕ ਪੋਸਟ
ਆਲੀਆ ਭੱਟ ਦੀ ਮਾਂ ਸੋਨੀ ਰਾਜ਼ਦਾਨ ਨੇ ਆਪਣੇ ਪਿਤਾ ਦੀ ਫੋਟੋ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕਰਕੇ ਇਕ ਲੰਬੀ ਪੋਸਟ ਲਿਖੀ ਹੈ। ਸੋਨੀ ਨੇ ਲਿਖਿਆ, "ਡੈਡੀ, ਦਾਦਾ ਜੀ, ਨਿੰਦੀ, ਧਰਤੀ 'ਤੇ ਸਾਡੇ ਏਂਜਲ, ਤੁਹਾਨੂੰ ਆਪਣਾ ਕਹਿਣ ਲਈ ਤੁਹਾਡੇ ਧੰਨਵਾਦੀ ਹਾਂ। ਤੁਹਾਡੀ ਚਮਕੀਲੀ ਗਲੋਅ 'ਚ ਡੱੁਬੀ ਹੋਈ ਲਾਈਫ ਜਿਉਣ ਲਈ ਸ਼ੁਕਰਗੁਜ਼ਾਰ ਹਾਂ। ਤੁਹਾਡੀ ਦਿਆਲੂ, ਪਿਆਰ ਕਰਨ ਵਾਲੀ, ਕੋਮਲ ਅਤੇ ਹਮੇਸ਼ਾਂ ਜੀਵੰਤ ਆਤਮਾ ਆਤਮਾ ਦਾ ਅਹਿਸਾਸ ਪਾ ਕੇ ਬੇਹੱਦ ਖੁਸ਼ ਹਾਂ। ਤੁਸੀਂ ਆਪਣੇ ਨਾਲ ਸਾਡਾ ਇੱਕ ਪੀਸ ਲੈ ਗਏ ਹੋ। ਪਰ ਅਸੀਂ ਕਦੇ ਵੀ ਤੁਹਾਡੀ ਰੂਹ ਤੋਂ ਵੱਖ ਨਹੀਂ ਹੋਵਾਂਗੇ। ਇਹ ਸਾਡੇ ਸਾਰਿਆਂ ਵਿੱਚ ਜਿਉਂਦਾ ਰਹੇਗਾ ਅਤੇ ਹਮੇਸ਼ਾ ਸਾਨੂੰ ਯਾਦ ਦਿਵਾਉਂਦਾ ਰਹੇਗਾ ਕਿ ਜ਼ਿੰਦਾ ਰਹਿਣ ਦਾ ਅਸਲ ਵਿੱਚ ਕੀ ਮਤਲਬ ਹੈ। ਤੁਸੀਂ ਜਿੱਥੇ ਵੀ ਹੋ - ਤੁਹਾਡੇ ਉਸ ਸੁੰਦਰ ਹਾਸੇ ਕਾਰਨ ਹੁਣ ਇਹ ਇੱਕ ਖੁਸ਼ਹਾਲ ਸਥਾਨ ਹੋਵੇਗਾ।
ਆਲੀਆ ਭੱਟ ਨੇ ਆਪਣੇ ਨਾਨੇ ਦੀ ਵੀਡੀਓ ਕੀਤੀ ਸ਼ੇਅਰ
ਆਲੀਆ ਭੱਟ ਨੇ ਆਪਣੇ ਨਾਨੇ ਨੂੰ ਯਾਦ ਕਰਦੇ ਹੋਏ ਇੱਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ 'ਚ ਆਲੀਆ ਦੇ ਨਾਨਾ ਜੀ ਕੇਕ ਕੱਟਦੇ ਨਜ਼ਰ ਆ ਰਹੇ ਹਨ ਅਤੇ ਉਹ ਸਾਰਿਆਂ ਨੂੰ ਮੁਸਕਰਾਉਣ ਲਈ ਵੀ ਕਹਿ ਰਹੇ ਹਨ। ਵੀਡੀਓ 'ਚ ਰਣਬੀਰ ਕਪੂਰ ਵੀ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਦੇ ਨਾਲ ਆਲੀਆ ਨੇ ਆਪਣੇ ਨਾਨੇ ਨੂੰ ਇੱਕ ਇਮੋਸ਼ਨਲ ਨੋਟ ਵੀ ਲਿਖਿਆ ਹੈ।
ਆਲੀਆ ਨੇ ਲਿਖਿਆ, ''93 ਤੱਕ ਗੋਲਫ ਖੇਡੀ, 93 ਤੱਕ ਕੰਮ ਕੀਤਾ, ਸਭ ਤੋਂ ਵਧੀਆ ਆਮਲੇਟ ਬਣਾਇਆ, ਵਧੀਆ ਕਹਾਣੀਆਂ ਸੁਣਾਈਆਂ, ਵਾਇਲਨ ਵਜਾਇਆ, ਆਪਣੀ ਪੋਤੀ ਨਾਲ ਖੇਡੇ, ਕ੍ਰਿਕੇਟ ਨੂੰ ਪਿਆਰ ਕੀਤਾ, ਸਕੈਚਿੰਗ ਨੂੰ ਪਿਆਰ ਕੀਤਾ, ਆਪਣੇ ਪਰਿਵਾਰ ਨੂੰ ਪਿਆਰ ਕੀਤਾ, ਆਖਰੀ ਪਲ ਤੱਕ। ਮੇਰੀ ਜ਼ਿੰਦਗੀ ਨੂੰ ਪਿਆਰ ਕੀਤਾ! ਮੇਰਾ ਦਿਲ ਉਦਾਸੀ ਨਾਲ ਭਰਿਆ ਹੋਇਆ ਹੈ, ਪਰ ਖੁਸ਼ੀ ਨਾਲ ਵੀ ਭਰਿਆ ਹੋਇਆ ਹੈ.. ਕਿਉਂਕਿ ਮੇਰੇ ਨਾਨਾ ਨੇ ਸਾਨੂੰ ਖੁਸ਼ੀ ਦਿੱਤੀ ਹੈ ਅਤੇ ਅਸੀਸ ਅਤੇ ਸ਼ੁਕਰਗੁਜ਼ਾਰ ਮਹਿਸੂਸ ਕਰਦੇ ਹਾਂ ਕਿ ਅਸੀਂ ਉਸ ਰੋਸ਼ਨੀ ਵਿੱਚ ਵੱਡੇ ਹੋਏ ਹਾਂ ਜੋ ਤੁਸੀਂ ਸਾਨੂੰ ਦਿੱਤੀ ਹੈ।"
ਨਾਨਾ ਦੀ ਸਿਹਤ ਠੀਕ ਨਾ ਹੋਣ ਕਾਰਨ ਆਈਫਾ 'ਚ ਸ਼ਾਮਲ ਨਹੀਂ ਹੋਈ ਸੀ ਆਲੀਆ
ਦੱਸ ਦਈਏ ਕਿ ਜਦੋਂ ਆਲੀਆ ਨੂੰ ਆਪਣੇ ਨਾਨਾ ਜੀ ਦੀ ਖਰਾਬ ਸਿਹਤ ਬਾਰੇ ਪਤਾ ਲੱਗਾ ਤਾਂ ਉਸ ਸਮੇਂ ਉਹ ਆਈਫਾ ਐਵਾਰਡ ਲਈ ਜਾ ਰਹੀ ਸੀ। ਪਰ ਜਿਵੇਂ ਹੀ ਉਸ ਨੂੰ ਨਾਨਾ ਦੀ ਖ਼ਰਾਬ ਸਿਹਤ ਬਾਰੇ ਪਤਾ ਲੱਗਾ ਤਾਂ ਉਹ ਹਵਾਈ ਅੱਡੇ ਤੋਂ ਉਲਟੇ ਪੈਰੀਂ ਵਾਪਸ ਪਰਤ ਆਈ।
ਇਹ ਵੀ ਪੜ੍ਹੋ: ਗਿੱਪੀ ਗਰੇਵਾਲ ਨੇ ਗਾਇਆ 'ਅੰਗਰੇਜੀ ਬੀਟ' ਤਾਂ ਥਿਰਕਦੇ ਨਜ਼ਰ ਆਏ ਆਮਿਰ ਖਾਨ, ਦੇਖੋ ਇਹ ਵੀਡੀਓ