ਮੁੰਬਈ: ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਨੇ ਦੇਸ਼ 'ਚ ਲੌਕਡਾਊਨ ਦੌਰਾਨ ਹਜ਼ਾਰਾਂ ਪਰਵਾਸੀ ਮਜ਼ਦੂਰਾਂ ਤੇ ਲੋਕਾਂ ਦੀ ਮਦਦ ਕੀਤੀ। ਸੋਨੂੰ ਸੂਦ ਸੋਸ਼ਲ ਮੀਡੀਆ 'ਤੇ ਬਹੁਤ ਐਕਟਿਵ ਹਨ ਤੇ ਲੌਕਡਾਊਨ ਤੋਂ ਲੈ ਕੇ ਹੁਣ ਤਕ ਲੌਕ ਸੋਨੂੰ ਤੋਂ ਸੋਸ਼ਲ ਮੀਡੀਆ ਰਾਹੀਂ ਮਦਦ ਦੀ ਮੰਗ ਕਰਦੇ ਹਨ। ਸੋਨੂੰ ਸੂਦ ਵੀ ਸੋਸ਼ਲ ਮੀਡੀਆ ਤੋਂ ਦੇਖ ਝੱਟ ਹੀ ਉਨ੍ਹਾਂ ਦੀ ਮਦਦ ਵਿੱਚ ਜੁਟ ਜਾਂਦੇ ਹਨ।
ਸੋਨੂੰ ਸੂਦ ਨੂੰ ਟਵੀਟ ਰਾਹੀਂ ਅਜੀਬੋ-ਗਰੀਬ ਮਦਦ ਦੀਆਂ ਮੰਗਾਂ ਵੀ ਆਉਂਦੀਆਂ ਹਨ ਤੇ ਸੋਨੂੰ ਸੂਦ ਉਨ੍ਹਾਂ ਦਾ ਜਵਾਬ ਵੀ ਦਿੰਦੇ ਹਨ। ਹਾਲ ਹੀ ਵਿੱਚ ਇੱਕ ਯੂਜ਼ਰ ਨੇ ਸੋਨੂੰ ਸੂਦ ਐਸੀ ਮਦਦ ਮੰਗੀ ਕਿ ਸੋਨੂੰ ਸੂਦ ਖੁਦ ਵੀ ਹੈਰਾਨ ਰਹਿ ਗਏ। ਇੱਕ ਯੂਜ਼ਰ ਨੇ ਸੋਨੂੰ ਤੋਂ ਟਵੀਟ ਕਰ ਪੁੱਛਿਆ ਕਿ ਕੀ ਉਹ ਉਸ ਦੇ ਵਿਆਹ ਕਰਾਉਣ ਵਿੱਚ ਮਦਦ ਕਰ ਸਕਦੇ ਹਨ?
ਇਸ 'ਤੇ ਸੋਨੂੰ ਸੂਦ ਨੇ ਕਮਾਲ ਦਾ ਜਵਾਬ ਦਿੱਤਾ, "ਕਿਉਂ ਨਹੀਂ...ਵਿਆਹ ਲਈ ਤਾਂ ਮੈ ਮੰਤਰ ਵੀ ਪੜ੍ਹ ਦੇਵਾਂਗਾ, ਬੱਸ ਕੁੜੀ ਲੱਭਣ ਵਾਲਾ ਕੰਮ ਤੁਸੀਂ ਆਪ ਕਰਲੋ। ਯੂਜਰ ਦਾ ਇਹ ਟਵੀਟ ਤੇ ਸੋਨੂੰ ਸੂਦ ਦਾ ਇਹ ਜਵਾਬ ਕਾਫੀ ਵਾਇਰਲ ਹੋ ਰਿਹਾ ਹੈ।
ਹਾਲ ਹੀ ਵਿੱਚ ਸੋਨੂੰ ਸੂਦ ਨੇ ਉੱਤਰ ਪ੍ਰਦੇਸ਼ ਦੇ ਝਾਂਸੀ ਜ਼ਿਲ੍ਹੇ ਵਿੱਚ ਆਨੰਦ ਨਗਰ ਦੀ ਝੁੱਗੀ ਵਿੱਚ ਦੋ ਹੈਂਡ ਪੰਪ ਲਵਾਏ ਹਨ। ਪਾਣੀ ਨੂੰ ਤਰਸ ਰਹੇ ਗਰੀਬ ਲੋਕਾਂ ਨੇ ਸੋਨੂੰ ਸੂਦ ਨੂੰ ਖੁੱਲ੍ਹੇ ਦਿਲ ਨਾਲ ਧੰਨਵਾਦ ਵੀ ਕੀਤਾ। ਹਾਲਾਂਕਿ, ਅਨੰਦ ਨਗਰ ਦੇ ਲੋਕ ਨਹੀਂ ਜਾਣਦੇ ਕਿ ਸੋਨੂੰ ਸੂਦ ਕੌਣ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/
https://apps.apple.com/in/app/