Sunny Deol Dimple Kapadia Spotted Together: ਬਾਲੀਵੁੱਡ ਦੇ ਤਾਰਾ ਸਿੰਘ ਸੰਨੀ ਦਿਓਲ 'ਗਦਰ 2' ਦੀ ਰਿਲੀਜ਼ ਤੋਂ ਬਾਅਦ ਤੋਂ ਹੀ ਲਾਈਮਲਾਈਟ ਵਿੱਚ ਹਨ। ਇੱਕ ਵਾਰ ਫਿਰ ਤੋਂ ਅਦਾਕਾਰ ਚਰਚਾ ਵਿੱਚ ਆ ਗਏ ਹਨ। ਇਸ ਵਾਰ ਉਹ ਕਿਸੇ ਫਿਲਮ ਲਈ ਨਹੀਂ ਸਗੋਂ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ 'ਚ ਹੈ।
ਇਹ ਵੀ ਪੜ੍ਹੋ: ਬੌਬੀ ਦਿਓਲ ਦੇ ਸਿਰ ਚੜ੍ਹ ਗਈ ਕਾਮਯਾਬੀ! ਏਅਰਪੋਰਟ 'ਤੇ ਪ੍ਰਸ਼ੰਸਕ ਨੂੰ ਮਾਰਿਆ ਧੱਕਾ, ਵੀਡੀਓ ਹੋਇਆ ਵਾਇਰਲ
ਡਿੰਪਲ ਕਪਾੜੀਆ ਅਤੇ ਸੰਨੀ ਦਿਓਲ ਅੱਖਾਂ ਦੇ ਕਲੀਨਿਕ ਦੇ ਬਾਹਰ ਆਏ ਨਜ਼ਰ
ਜੀ ਹਾਂ, ਹਾਲ ਹੀ 'ਚ ਸੰਨੀ ਦਿਓਲ ਨੂੰ ਡਿੰਪਲ ਕਪਾੜੀਆ ਨਾਲ ਦੇਖਿਆ ਗਿਆ ਸੀ, ਜੋ ਹੁਣ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਦੋਵਾਂ ਨੂੰ ਮੁੰਬਈ ਦੇ ਇਕ ਆਈ ਕਲੀਨਿਕ ਤੋਂ ਬਾਹਰ ਆਉਂਦੇ ਦੇਖਿਆ ਗਿਆ। ਹਾਲਾਂਕਿ ਦੋਵੇਂ ਇਕੱਠੇ ਨਹੀਂ ਸਗੋਂ ਵੱਖ-ਵੱਖ ਨਿਕਲੇ ਅਤੇ ਆਪੋ-ਆਪਣੀਆਂ ਕਾਰਾਂ 'ਚ ਉਥੋਂ ਚਲੇ ਗਏ।
ਇਸ ਦੌਰਾਨ ਡਿੰਪਲ ਬਲੈਕ ਆਊਟਫਿਟ 'ਚ ਨਜ਼ਰ ਆਈ, ਜਦਕਿ ਸੰਨੀ ਦਿਓਲ ਬੇਜ ਟੀ-ਸ਼ਰਟ ਪੈਂਟ ਅਤੇ ਕੈਪ 'ਚ ਨਜ਼ਰ ਆਏ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਜੰਗਲ ਦੀ ਅੱਗ ਵਾਂਗ ਫੈਲ ਰਿਹਾ ਹੈ। ਦੋਵਾਂ ਨੂੰ ਇੱਕ ਵਾਰ ਫਿਰ ਇਕੱਠੇ ਦੇਖ ਕੇ ਲੋਕਾਂ ਦੇ ਮਨਾਂ 'ਚ ਕਈ ਸਵਾਲ ਖੜ੍ਹੇ ਹੋ ਗਏ ਹਨ। ਇਹੀ ਕਾਰਨ ਹੈ ਕਿ ਵੀਡੀਓ 'ਤੇ ਕਮੈਂਟਸ ਦਾ ਹੜ੍ਹ ਆ ਗਿਆ ਹੈ। ਹਰ ਕੋਈ ਜਾਣਨਾ ਚਾਹੁੰਦਾ ਹੈ ਕਿ ਦੋਵਾਂ ਵਿਚਾਲੇ ਕੀ ਚੱਲ ਰਿਹਾ ਹੈ।
ਜਦੋਂ ਸੰਨੀ-ਡਿੰਪਲ ਲੰਡਨ 'ਚ ਮਨਾ ਰਹੇ ਸਨ ਛੁੱਟੀਆਂ
ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਸਾਲ ਪਹਿਲਾਂ ਸੰਨੀ ਦਿਓਲ ਅਤੇ ਡਿੰਪਲ ਕਪਾੜੀਆ ਛੁੱਟੀਆਂ ਮਨਾਉਣ ਲੰਡਨ ਗਏ ਸਨ। ਇਸ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਦੋਵਾਂ ਨੂੰ ਲੰਡਨ ਦੇ ਇੱਕ ਬੱਸ ਸਟੈਂਡ 'ਤੇ ਹੱਥ ਫੜੇ ਦੇਖਿਆ ਗਿਆ।
ਦੋਵਾਂ ਦੀ ਲਵ ਸਟੋਰੀ ਦੀ ਹੋਈ ਸੀ ਕਾਫੀ ਚਰਚਾ
ਇੱਕ ਸਮਾਂ ਸੀ ਜਦੋਂ ਸੰਨੀ ਅਤੇ ਡਿੰਪਲ ਕਪਾੜੀਆ ਦੀ ਲਵ ਸਟੋਰੀ ਦੀ ਕਾਫੀ ਚਰਚਾ ਹੁੰਦੀ ਸੀ। ਰਾਜੇਸ਼ ਖੰਨਾ ਤੋਂ ਵੱਖ ਹੋਣ ਤੋਂ ਬਾਅਦ ਡਿੰਪਲ ਕਪਾਡੀਆ ਸੰਨੀ ਦਿਓਲ ਦੇ ਕਰੀਬ ਆ ਗਈ ਸੀ। ਉਨ੍ਹਾਂ ਦੇ ਅਫੇਅਰ ਦੀਆਂ ਖਬਰਾਂ ਬੀ ਟਾਊਨ ਦੇ ਗਲਿਆਰਿਆਂ 'ਚ ਕਾਫੀ ਚਰਚਾ 'ਚ ਸਨ।