Raza Tarsem Jassar: ਪੰਜਾਬੀ ਸਿੰਗਰ ਤਰਸੇਮ ਜੱਸੜ ਜਿਸ ਨੂੰ ਆਪਣੀ ਸਾਫ਼ ਸੁਥਰੀ ਗਾਇਕੀ ਲਈ ਜਾਣਿਆ ਜਾਂਦਾ ਹੈ, ਇੱਕ ਵਾਰ ਫ਼ਿਰ ਤੋਂ ਨਵਾਂ ਗੀਤ ਲੈਕੇ ਹਾਜ਼ਰ ਹੈ। 20 ਜੁਲਾਈ ਨੂੰ ਤਰਸੇਮ ਜੱਸੜ ਦਾ ਗੀਤ ਰਜ਼ਾ ਰਿਲੀਜ਼ ਹੋ ਗਿਆ ਹੈ। ਕੁੱਝ ਘੰਟੇ ਪਹਿਲਾਂ ਰਿਲੀਜ਼ ਹੋਏ ਇਸ ਨੂੰ ਢਾਈ ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਇਸ ਦੇ ਨਾਲ ਹੀ ਇਹ ਵੀ ਦਸ ਦਈਏ ਕਿ ਤਰਸੇਮ ਜੱਸੜ ਦਾ ਗਾਇਆ ਗੀਤ ਇਸ ਸਮੇਂ ਯੂਟਿਊਬ `ਤੇ 11ਵੇਂ ਨੰਬਰ `ਤੇ ਟਰੈਂਡ ਕਰ ਰਿਹਾ ਹੈ।
ਲੋਕਾਂ ਨੂੰ ਇਹ ਗਾਣਾ ਖੂਬ ਪਸੰਦ ਆ ਰਿਹਾ ਹੈ। ਪਸੰਦ ਆਵੇਗਾ ਕਿਉਂ ਨਹੀਂ ਆਖਰ ਗਾਇਕ ਨੇ ਇਸ ਗੀਤ `ਚ ਸਭ ਨੂੰ ਰੱਬ ਦੀ ਰਜ਼ਾ `ਚ ਰਹਿਣਾ ਸਿਖਾਇਆ ਹੈ। ਇੱਕ ਪਾਸੇ ਜਿੱਥੇ ਦੇਸ਼ ਵਿੱਚ ਧਰਮਾਂ ਦੇ ਨਾਂ ਤੇ ਵੰਡੀਆਂ ਪਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ, ਉੱਥੇ ਹੀ ਅਜਿਹੇ ਦੌਰ ਵਿੱਚ ਇਸ ਤਰ੍ਹਾਂ ਦੀ ਸੋਚ ਦੀ ਜ਼ਰੂਰਤ ਹੈ।
ਦਸ ਦਈਏ ਕਿ ਇਸ ਗੀਤ ਨੂੰ ਆਪਣੀ ਅਵਾਜ਼ ਤੇ ਸੁਰਾਂ ਨਾਲ ਤਰਸੇਮ ਜੱਸੜ ਨੇ ਸਜਾਇਆ ਹੈ। ਇਸ ਦੇ ਨਾਲ ਗੀਤ ਦੇ ਬੋਲ ਵੀ ਖੁਦ ਜੱਸੜ ਨੇ ਹੀ ਲਿਖੇ ਹਨ।
ਇਸ ਗੀਤ ਨੂੰ ਯੂਟਿਊਬ ਤੇ ਹੁਣ ਤੱਕ ਭਾਵੇਂ ਢਾਈ ਲੱਖ ਵਿਊਜ਼ ਮਿਲੇ ਹੋਣ, ਪਰ ਇਹ ਇਸ ਗੀਤ ਦੇ ਬੋਲ ਸਾਨੂੰ ਮਿਲ ਕੇ ਰਹਿਣਾ ਸਿਖਾਉਂਦੇ ਹਨ। ਇਸ ਗੀਤ ਦੇ ਹੇਠਾਂ ਕਮੈਂਟ ਬਾਕਸ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਲੋਕਾਂ ਨੂੂੰ ਇਹ ਗਾਣਾ ਕਿੰਨਾ ਪਸੰਦ ਕਰ ਰਹੇ ਹਨ।
ਵਰਕ ਫ਼ਰੰਟ ਦੀ ਗੱਲ ਕਰੀਏ ਤਾਂ ਤਰਸੇਮ ਜੱਸੜ ਇੰਨੀਂ ਦਿਨੀਂ ਇੰਗਲੈਂਡ `ਚ ਆਪਣੀ ਫ਼ਿਲਮ ਮਾਂ ਦਾ ਲਾਡਲਾ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹਨ। ਦਸ ਦਈਏ ਕਿ ਇਸ ਫ਼ਿਲਮ ਵਿੱਚ ਜੱਸੜ ਨਾਲ ਨੀਰੂ ਬਾਜਵਾ ਵੀ ਲੀਡ ਰੋਲ `ਚ ਨਜ਼ਰ ਆਉਣ ਵਾਲੀ ਹੈ। ਇਹ ਫ਼ਿਲਮ 16 ਸਤੰਬਰ ਨੂੰ ਸਿਨੇਮਾਘਰਾਂ `ਚ ਰਿਲੀਜ਼ ਹੋਣ ਜਾ ਰਹੀ ਹੈ।