ਮਸ਼ਹੂਰ ਟੀਵੀ ਸੀਰਿਅਲ ਪਵਿੱਤਰ ਰਿਸ਼ਤਾ ਦਾ ਦੂਸਰਾ ਸੀਜ਼ਨ ਰਿਲੀਜ਼ ਹੋਣ ਵਾਲਾ ਹੈ। ਜਿਸ ਦਾ ਟੀਜ਼ਰ ਰਿਲੀਜ਼ ਹੋ ਚੁੱਕਾ ਹੈ। ਅੰਕਿਤਾ ਲੋਖਂਡੇ ਨੇ ਸੀਰਿਅਲ ਦਾ ਟੀਜ਼ਰ ਸਾਂਝਾ ਕੀਤਾ ਹੈ। ਜਿਸ ਨੂੰ ਦੇਖ ਫੈਨਜ਼ ਨੂੰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਯਾਦ ਆ ਗਈ। ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਟੀਵੀ ਸੀਰਿਅਲ ਪਵਿੱਤਰ ਰਿਸ਼ਤਾ ਤੋਂ ਹੀ ਕੀਤੀ। ਇਸੀ ਸੀਰਿਅਲ ਕਾਰਨ ਸੁਸ਼ਾਂਤ ਤੇ ਅੰਕਿਤਾ ਵਿਚਕਾਰ ਨਜ਼ਦੀਕੀਆਂ ਵਧੀਆਂ ਸੀ।
ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਤੋਂ ਬਾਅਦ ਅੰਕਿਤਾ ਕਾਫੀ ਚਰਚਾ 'ਚ ਰਹੀ ਸੀ. ਪਰ ਫਿਲਹਾਲ ਅਭਿਨੇਤਰੀ ਆਪਣੇ ਆਉਣ ਵਾਲੇ ਸੀਰੀਅਲ 'ਪਵਿਤਰ ਰਿਸ਼ਤਾ 2.0' ਨੂੰ ਲੈ ਕੇ ਕਾਫੀ ਚਰਚਾ 'ਚ ਹੈ। ਪਵਿੱਤਰ ਰਿਸ਼ਤਾ ਜਲਦੀ ਹੀ 'ਪਵਿੱਤਰ ਰਿਸ਼ਤਾ 2.0' ਦੇ ਨਾਮ ਨਾਲ ਵਾਪਸੀ ਕਰ ਰਿਹਾ ਹੈ। ਇਹ ਸੀਰਿਅਲ ਜਲਦੀ ਹੀ ਦਰਸ਼ਕਾਂ ਦੇ ਵਿੱਚ ਆਉਣ ਵਾਲਾ ਹੈ ਅਤੇ ਇਸ ਵਾਰ ਟੀਵੀ ਅਦਾਕਾਰ ਸ਼ਹੀਰ ਸ਼ੇਖ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਕਿਰਦਾਰ ਦੀ ਥਾਂ ਲੈਣਗੇ।
ਅੰਕਿਤਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸੀਰੀਅਲ ਦਾ ਟੀਜ਼ਰ ਜਾਰੀ ਕੀਤਾ ਹੈ, ਜਿਸ 'ਚ ਕਿਸੇ ਕਿਰਦਾਰ ਦੀ ਝਲਕ ਨਹੀਂ ਦਿਖਾਈ ਗਈ ਹੈ, ਪਰ ਸੀਰੀਅਲ ਦਾ ਨਾਮ ਖੂਬਸੂਰਤ ਤਰੀਕੇ ਨਾਲ ਲਿਖਿਆ ਹੋਇਆ ਦਿਖਾਈ ਦੇ ਰਿਹਾ ਹੈ। ਵੀਡੀਓ ਸ਼ੇਅਰ ਕਰਦੇ ਹੋਏ ਅੰਕਿਤਾ ਨੇ ਲਿਖਿਆ, 'ਕੁਝ ਕਹਾਣੀਆਂ ਤੁਹਾਨੂੰ ਪਿਆਰ 'ਤੇ ਵਿਸ਼ਵਾਸ ਕਰਾਉਂਦੀਆਂ ਹਨ। # ZEE5 'ਤੇ ਇਸ ਤਰ੍ਹਾਂ ਦੀ ਇਕ ਪ੍ਰੇਮ ਕਹਾਣੀ ਦੇਖੋ। ਟੀਵੀ ਦੀ ਦੁਨੀਆ 'ਚ ਕਈ ਸਾਰੇ ਸੀਰਿਅਲ ਆਏ ਪਰ ਪਵਿੱਤਰ ਰਿਸ਼ਤਾ ਨੇ ਦਰਸ਼ਕਾਂ ਨੂੰ ਖਾਸ ਪ੍ਰਭਾਵਿਤ ਕੀਤਾ ਸੀ। ਖਾਸ ਕਰ ਸੁਸ਼ਾਂਤ ਤੇ ਅੰਕਿਤਾ ਦੀ ਜੋੜੀ ਕਾਫੀ ਪਸੰਦ ਕੀਤੀ ਗਈ। ਹੁਣ ਸੁਸ਼ਾਂਤ ਤਾਂ ਇਸ ਦੁਨੀਆ 'ਚ ਨਹੀਂ ਹੈ। ਕੀ ਸ਼ਹੀਰ ਸ਼ੇਖ ਸੁਸ਼ਾਂਤ ਦੀ ਕਮੀ ਨੂੰ ਪੂਰਾ ਕਰਨਗੇ ਜਾ ਨਹੀਂ ਇਸ 'ਤੇ ਸਭ ਦੀ ਨਜ਼ਰ ਰਹੇਗੀ।
https://play.google.com/store/
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://apps.apple.com/in/app/