Kapil Sharma trolls His Wife: 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਨੇ 30 ਮਾਰਚ ਤੋਂ OTT ਪਲੇਟਫਾਰਮ ਨੈੱਟਫਲਿਕਸ (Netflix) 'ਤੇ ਇੱਕ ਵੱਡੀ ਸ਼ੁਰੂਆਤ ਕੀਤੀ ਹੈ। ਸ਼ੋਅ ਦਾ ਪਹਿਲਾ ਐਪੀਸੋਡ ਬਹੁਤ ਹੀ ਮਨੋਰੰਜਕ ਸੀ, ਜਿੱਥੇ ਰਣਬੀਰ ਕਪੂਰ ਆਪਣੀ ਮਾਂ ਨੀਤੂ ਕਪੂਰ ਅਤੇ ਭੈਣ ਰਿਧੀਮਾ ਕਪੂਰ ਨਾਲ ਪਹੁੰਚੇ। ਇਸ ਦੌਰਾਨ ਕਪਿਲ ਨੇ ਨਾ ਸਿਰਫ ਆਪਣੇ ਮਹਿਮਾਨਾਂ ਨਾਲ ਮਜ਼ਾਕ ਕੀਤਾ ਸਗੋਂ ਆਪਣੀ ਪਤਨੀ ਗਿੰਨੀ ਨਾਲ ਵੀ ਖੂਬ ਮਸਤੀ ਕੀਤੀ।
ਕਪਿਲ ਨੇ ਉਡਾਇਆ ਆਪਣੀ ਪਤਨੀ ਦਾ ਮਜ਼ਾਕ
ਜੀ ਹਾਂ, ਕਾਮੇਡੀਅਨ ਨੇ ਆਪਣੀ ਪਤਨੀ ਨੂੰ ਜਨਤਕ ਤੌਰ 'ਤੇ ਟ੍ਰੋਲ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਗਿੰਨੀ ਦੇ ਜਵਾਬ ਨੇ ਕਪਿਲ ਸ਼ਰਮਾ ਦੀ ਬੋਲਤੀ ਬੰਦ ਕਰ ਦਿੱਤੀ। ਅਸਲ 'ਚ ਅਜਿਹਾ ਕੀ ਹੋਇਆ ਕਿ ਅਰਚਨਾ ਨੇ ਗਿੰਨੀ ਤੋਂ ਪੁੱਛਿਆ, 'ਸਾਨੂੰ ਦੱਸੋ ਕਪਿਲ ਕਿਹੋ ਜਿਹਾ ਪਿਤਾ ਹੈ??' ਇਸ 'ਤੇ ਗਿੰਨੀ ਨੇ ਕਿਹਾ ਕਿ 'ਕਪਿਲ ਸਭ ਤੋਂ ਵਧੀਆ ਪਿਤਾ ਹੈ। ਉਹ ਦੁਨੀਆ ਦਾ ਸਭ ਤੋਂ ਵਧੀਆ ਪਿਤਾ ਹੈ। ਉਹ ਜਾਣਦੇ ਹਨ ਕਿ ਆਪਣੇ ਬੱਚਿਆਂ ਦੀ ਦੇਖਭਾਲ ਕਿਵੇਂ ਕਰਨੀ ਹੈ।
ਦੂਜੀ ਪ੍ਰੈਗਨੈਂਸੀ ਬਾਰੇ ਕਹੀ ਇਹ ਗੱਲ
ਇਸ ਵਿਚਾਲੇ ਕਪਿਲ ਕਹਿੰਦਾ ਹੈ ਇਸ ਬਾਕੀ ਚੀਜ਼ਾਂ ਨਹੀਂ ਬੋਲੀਆਂ, ਜੋ ਮੈਂ ਕਰਦਾ ਸੀ। ਬੱਚੇ ਦੀ ਸਾਰੀ ਦੇਖਭਾਲ ਮੈਂ ਇਕੱਲੇ ਹੀ ਕਰਦਾ ਸੀ। ਇਹ ਤਾਂ ਦੂਜਾ ਬੱਚਾ ਪੈਦਾ ਕਰਨ ;ਚ ਬਿਜ਼ੀ ਸੀ। ਕਪਿਲ ਦੀਆਂ ਇਹ ਗੱਲਾਂ ਸੁਣ ਕੇ ਗਿੰਨੀ ਵੀ ਹੈਰਾਨ ਹੋ ਜਾਂਦੀ ਹੈ।
ਗਿੰਨੀ ਨੇ ਇੰਝ ਕੀਤੀ ਬੋਲਤੀ ਬੰਦ
ਪਰ ਫਿਰ ਉਹ ਢੁਕਵਾਂ ਜਵਾਬ ਦਿੰਦੀ ਹੈ ਅਤੇ ਕਹਿੰਦੀ ਹੈ, ਇਹ ਕਿਸ ਦੀ ਮਿਹਰਬਾਨੀ ਸੀ? ਇਹ ਸੁਣ ਕੇ ਉੱਥੇ ਮੌਜੂਦ ਸਾਰੇ ਲੋਕ ਉੱਚੀ-ਉੱਚੀ ਹੱਸਣ ਲੱਗ ਪਏ। ਗਿੰਨੀ ਦੀ ਗੱਲ ਸੁਣ ਕੇ ਕਪਿਲ ਚੁੱਪ ਹੋ ਜਾਂਦਾ ਹੈ ਅਤੇ ਫਿਰ ਪਤਨੀ ਦੇ ਹੱਥੋਂ ਮਾਈਕ ਖੋਹਣ ਲਈ ਕਹਿੰਦਾ ਹੈ।
ਇਸ ਕਲਿੱਪ ਨੂੰ ਆਪਣੀ ਇੰਸਟਾ ਸਟੋਰੀ 'ਤੇ ਸ਼ੇਅਰ ਕਰਦੇ ਹੋਏ ਕਪਿਲ ਨੇ ਕੈਪਸ਼ਨ 'ਤੇ ਲਿਖਿਆ, 'ਅਜੇ ਉਹ ਸ਼ੂਟ ਦੇਖਣ ਆਈ ਸੀ। ਕੌਣ ਜਾਣਦਾ ਹੈ ਕਿ ਜੇਕਰ ਉਹ ਮਹਿਮਾਨ ਦੇ ਤੌਰ 'ਤੇ ਆਉਂਦੀ ਹੈ ਤਾਂ ਕੀ ਹੋਵੇਗਾ..' ਤੁਹਾਨੂੰ ਦੱਸ ਦੇਈਏ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਗਿੰਨੀ ਆਪਣੇ ਪਤੀ ਕਪਿਲ ਦੇ ਸ਼ੋਅ 'ਤੇ ਨਜ਼ਰ ਆਈ ਹੈ। ਲੰਬੇ ਸਮੇਂ ਤੋਂ ਪ੍ਰਸ਼ੰਸਕ ਕਪਿਲ ਨੂੰ ਗਿੰਨੀ ਨੂੰ ਸ਼ੋਅ 'ਤੇ ਲਿਆਉਣ ਦੀ ਬੇਨਤੀ ਕਰ ਰਹੇ ਸਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਵਾਰ ਕਪਿਲ ਦੀ ਟੀਮ ਵਿੱਚ ਕ੍ਰਿਸ਼ਨਾ ਅਭਿਸ਼ੇਕ, ਕੀਕੂ ਸ਼ਾਰਦਾ, ਰਾਜੀਵ ਠਾਕੁਰ ਅਤੇ ਸੁਨੀਨ ਗਰੋਵਰ ਵੀ ਹਨ। ਅਜਿਹੇ 'ਚ ਕਪਿਲ ਅਤੇ ਸੁਨੀਲ ਨੂੰ ਸਾਲਾਂ ਬਾਅਦ ਇਕੱਠੇ ਕਾਮੇਡੀ ਕਰਦੇ ਦੇਖ ਫੈਨਜ਼ ਕਾਫੀ ਖੁਸ਼ ਹਨ।