ਕਾਮੇਡੀਅਨ ਜਸਵਿੰਦਰ ਭੱਲਾ ਹਮੇਸ਼ਾ ਕਹਿੰਦੇ ਹਨ "ਗੰਦੀ ਔਲਾਦ ਨਾ ਮਜ਼ਾ ਨਾ ਸਵਾਦ", ਹੁਣ ਜਸਵਿੰਦਰ ਭੱਲਾ ਇਕ ਹੋਰ ਪੱਕਾ ਡਾਇਲਾਗ ਮਾਰਦੇ ਨਜ਼ਰ ਆਉਣਗੇ "ਜਿੰਨੇ ਜੰਮੇ ਸਾਰੇ ਨਿਕੱਮੇ" ... ਜਿਵੇਂ ਹੀ ਥੀਏਟਰ ਖੁਲ੍ਹਣੇ ਸ਼ੁਰੂ ਹੋ ਗਏ ਹਨ, ਨਾਲ ਹੀ ਪੰਜਾਬੀ ਫ਼ਿਲਮਾਂ ਦੀ ਰਿਲੀਜ਼ਿੰਗ ਦੀ ਅਨਾਊਸਮੈਂਟ ਜ਼ੋਰਾ ਸ਼ੋਰਾ 'ਤੇ ਸ਼ੁਰੂ ਹੋ ਗਈ ਹੈ। ਕੋਵਿਡ ਕਰਕੇ ਰੁਕੀ ਹਰ ਫਿਲਮ ਨੇ ਹੁਣ ਰਫਤਾਰ ਫੜ ਲਈ ਹੈ। ਪੰਜਾਬੀ ਫਿਲਮ 'ਜਿੰਨੇ ਜੰਮੇ ਸਾਰੇ ਨਿਕੰਮੇ' ਦੀ ਰਿਲੀਜ਼ ਡੇਟ ਦੀ ਅਨਾਊਸਮੈਂਟ ਹੋ ਚੁੱਕੀ ਹੈ। ਇਹ ਫਿਲਮ 22 ਅਕਤੂਬਰ 2021 ਨੂੰ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋਣ ਜਾ ਰਹੀ ਹੈ।
ਰੀਲ ਲਾਈਫ 'ਚ ਇਕ ਵਾਰ ਫਿਰ ਜਸਵਿੰਦਰ ਭੱਲਾ ਆਪਣੇ ਬੇਟੇ ਪੁਖਰਾਜ ਭੱਲਾ ਨਾਲ ਬਾਪ ਬੇਟੇ ਦਾ ਕਿਰਦਾਰ ਕਰਨਗੇ। ਫਿਲਮ "ਜਿੰਨੇ ਜੰਮੇ ਸਾਰੇ ਨਿਕੱਮੇ" ਦੇ ਨਾਲ 4 ਜਵਾਕਾਂ ਤੇ ਉਨ੍ਹਾਂ ਦੇ ਮਾਂ ਬਾਪ ਦੀ ਕਹਾਣੀ ਹੈ। ਫਿਲਮ ਦੇ ਵਿਚ ਕਾਮੇਡੀ ਦਾ ਤੜਕਾ ਡਬਲ ਕਰਨ ਲਈ ਬਿੰਨੂ ਢਿੱਲੋਂ ਵੀ ਸ਼ਾਮਿਲ ਹੋਣਗੇ।
ਇਸ ਫਿਲਮ 'ਚ ਜਸਵਿੰਦਰ ਭੱਲਾ ਦੇ ਆਪੋਜ਼ਿਟ ਬੇਹਤਰੀਨ ਅਦਾਕਾਰਾ ਸੀਮਾ ਕੌਸ਼ਲ ਹੈ। ਇਸ ਫਿਲਮ 'ਚ ਹਾਸਿਆਂ ਦੀ ਤੇ ਠਹਾਕਿਆਂ ਦੀ ਕੋਈ ਕਮੀ ਨਹੀਂ ਹੋਵੇਗੀ ਕਿਉਕਿ ਫਿਲਮ ਦੀ ਕਹਾਣੀ ਤੇ ਡਾਇਲਾਗ ਦੀ ਜਿੰਮੇਵਾਰੀ ਨਰੇਸ਼ ਕਥੂਰੀਆ ਨੇ ਸਾਂਭੀ ਹੋਈ ਹੈ। ਇਸਦੇ ਨਾਲ ਇਹ ਵੀ ਦਸ ਦੇਈਏ ਕਿ ਬੌਲੀਵੁੱਡ ਵਾਲੇ ਵੀ ਹੁਣ ਪੰਜਾਬੀ ਫ਼ਿਲਮਾਂ ਵੱਲ ਰੁਝਾਨ ਦਿਖਾ ਰਹੇ ਹਨ।
ਹੈਰੀ ਬਵੇਜਾ ਦੀ ਕੰਪਨੀ ਬਵੇਜਾ ਮੂਵੀਜ਼ ਇਸ ਫਿਲਮ ਨੂੰ ਪ੍ਰੋਡਿਊਸ ਕਰ ਰਹੀ ਹੈ ਤੇ ਫਿਲਮ ਦੇ ਡਾਇਰੈਕਟਰ ਕੇਨੀ ਛਾਬੜਾ ਵੀ ਹਿੰਦੀ ਸਿਨੇਮਾ ਦੇ ਡਾਇਰੈਕਟਰ ਹਨ। ਇਹ ਫਿਲਮ ਬਿਲਕੁਲ ਬਣ ਕੇ ਤਿਆਰ ਹੈ ਤੇ ਆਪਣੀ ਰਿਲੀਜ਼ਿੰਗ 'ਤੇ ਧਮਾਲਾਂ ਪਾਉਣ ਨੂੰ ਵੀ ਤਿਆਰ ਹੈ।
https://play.google.com/store/
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://apps.apple.com/in/app/