Movies and Web Series on OTT: ਕੀ ਤੁਸੀਂ ਵੀ OTT 'ਤੇ ਬਾਲੀਵੁੱਡ ਫਿਲਮਾਂ ਅਤੇ ਵੈੱਬ ਸੀਰੀਜ਼ ਦੇਖਣਾ ਪਸੰਦ ਕਰਦੇ ਹੋ, ਤਾਂ ਅਸੀਂ ਤੁਹਾਡੇ ਲਈ ਖਾਸ ਲਿਸਟ ਲੈ ਕੇ ਆਏ ਹਾਂ। ਜਿਸ ਨਾਲ ਤੁਸੀਂ ਸਤੰਬਰ ਮਹੀਨੇ 'ਚ ਤੁਹਾਨੂੰ OTT ਪਲੇਟਫਾਰਮਾਂ 'ਤੇ ਆਉਣ ਵਾਲੀਆਂ ਫਿਲਮਾਂ ਅਤੇ ਵੈੱਬ ਸੀਰੀਜ਼ ਬਾਰੇ ਵਧੇਰੇ ਜਾਣਕਾਰੀ ਹਾਸਲ ਕਰ ਸਕੋਗੇ।
ਜੀ ਹਾਂ ਖ਼ਾਸ ਆਪਣੇ ਦਰਸ਼ਕਾਂ ਲਈ ਅਸੀਂ ਸਤੰਬਰ 2022 ਵਿੱਚ OTT ਪਲੇਟਫਾਰਮ 'ਤੇ ਰਿਲੀਜ਼ ਹੋਣ ਵਾਲੀਆਂ ਫ਼ਿਲਮਾਂ ਅਤੇ ਵੈੱਬ ਸੀਰੀਜ਼ਾਂ ਦੀ ਸੂਚੀ ਤਿਆਰ ਕੀਤੀ ਹੈ। ਸੂਚੀ ਦੇਖੋ ਅਤੇ ਸਤੰਬਰ ਦੀਆਂ ਰਿਲੀਜ਼ਾਂ ਲਈ ਆਪਣਾ ਅਲਾਰਮ ਸੈੱਟ ਕਰੋ।
ਸਤੰਬਰ 2022 ਵਿੱਚ OTT 'ਤੇ ਰਿਲੀਜ਼ ਹੋਣ ਵਾਲੀਆਂ ਫ਼ਿਲਮਾਂ ਦੀ ਸੂਚੀ
ਕਟਪੁਟਲੀ: 2022 ਹੁਣ ਤੱਕ ਸਿਨੇਮਾਘਰਾਂ ਦੇਲ ਮਾਮਲੇ 'ਚ ਭਿਆਨਕ ਰਿਹਾ ਹੈ, ਅਕਸ਼ੈ ਕੁਮਾਰ ਹੁਣ ਆਪਣੀ ਨਵੀਂ ਮਨੋਵਿਗਿਆਨਕ ਥ੍ਰਿਲਰ 'ਕੱਟਪੁੱਤਲੀ' ਨਾਲ OTT ਪਲੇਟਫਾਰਮ 'ਤੇ ਆ ਰਹੇ ਹਨ। 2018 ਦੀ ਤਾਮਿਲ ਬਲਾਕਬਸਟਰ 'ਰਤਸਾਸਨ' ਦਾ ਅਧਿਕਾਰਤ ਹਿੰਦੀ ਰੀਮੇਕ ਕੱਟਪੁਟਲੀ 2 ਸਤੰਬਰ ਨੂੰ Disney+ Hotstar 'ਤੇ ਪ੍ਰੀਮੀਅਰ ਹੋਵੇਗੀ।
Khuda Haafiz 2: Agni Pariksha: ਬਾਲੀਵੁੱਡ ਦੇ ਐਕਸ਼ਨ ਹੀਰੋ ਵਿਦਿਯੁਤ ਜਾਮਵਾਲ ਦੀ ਫਿਲਮ 'ਖੁਦਾ ਹਾਫਿਜ਼' ਦੇ ਪਹਿਲੇ ਭਾਗ ਨੂੰ ਦਰਸ਼ਕਾਂ ਦਾ ਖੂਬ ਪਿਆਰ ਮਿਲਿਆ, ਜਿਸ ਤੋਂ ਬਾਅਦ ਫਿਲਮ 'ਖੁਦਾ ਹਾਫਿਜ਼ ਅਗਨੀ ਪਰੀਕਸ਼ਾ' ਦਾ ਦੂਜਾ ਭਾਗ ਰਿਲੀਜ਼ ਲਈ ਤਿਆਰ ਹੈ। ਫਿਲਮ ਬਾਕਸ ਆਫਿਸ 'ਤੇ ਕੁਝ ਖਾਸ ਕਮਾਲ ਨਹੀਂ ਦਿਖਾ ਸਕੀ, ਜਿਸ ਤੋਂ ਬਾਅਦ ਹੁਣ ਫਿਲਮ ਦੇ ਨਿਰਮਾਤਾਵਾਂ ਨੇ ਇਸ ਨੂੰ OTT 'ਤੇ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ। 'ਖੁਦਾ ਹਾਫਿਜ਼ ਚੈਪਟਰ 2-ਅਗਨੀ ਪਰੀਕਸ਼ਾ' OTT ਦੇ ਜ਼ੀ5 'ਤੇ ਰਿਲੀਜ਼ ਹੋਵੇਗੀ।
Diljit Dosanjh's Jogi: ਦਿਲਜੀਤ ਦੋਸਾਂਝ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਣ ਵਾਲੀ ਅਲੀ ਅੱਬਾਸ ਜ਼ਫਰ ਦੀ ਜੋਗੀ ਨਾਲ ਆਪਣਾ OTT ਡੈਬਿਊ ਕਰ ਰਿਹਾ ਹੈ। ਇਹ ਫਿਲਮ 1984 ਦੇ ਦੰਗਿਆਂ ਦੀਆਂ ਘਟਨਾਵਾਂ 'ਤੇ ਆਧਾਰਿਤ ਹੈ। ਦੱਸ ਦਈਏ ਕਿ ਜੋਗੀ 16 ਸਤੰਬਰ ਨੂੰ ਹੀ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗੀ।
Ek Villain Returns: 2014 ਦੀ ਬਲਾਕਬਸਟਰ ਫਿਲਮ 'ਏਕ ਵਿਲੇਨ' ਦਾ ਸੀਕਵਲ 21 ਸਤੰਬਰ ਨੂੰ ਨੈੱਟਫਲਿਕਸ 'ਤੇ ਆ ਰਹੀ ਹੈ।
Babli Bouncer: ਸਾਊਥ ਇੰਡੀਅਨ ਬਿਊਟੀ ਤਮੰਨਾ ਭਾਟੀਆ ਲੰਬੇ ਸਮੇਂ ਬਾਅਦ ਬੀ-ਟਾਊਨ 'ਚ ਵਾਪਸੀ ਕਰ ਰਹੀ ਹੈ। ਇਹ ਫਿਲਮ ਹੈ ਜਿਸ ਵਿੱਚ ਇੱਕ ਮਹਿਲਾ ਬਾਊਂਸਰ ਬਬਲੀ ਦੀ ਕਹਾਣੀ ਹੈ। ਕੰਸੈਪਟ ਦਿਲਚਸਪ ਲੱਗਦਾ ਹੈ, ਉਸੇ ਤਰ੍ਹਾਂ ਤਮੰਨਾ ਦੀ ਲੁੱਕ ਵੀ ਕਮਾਲ ਹੈ। ਦੱਸ ਦਈਏ ਕਿ ਬਬਲੀ ਬਾਊਂਸਰ 23 ਸਤੰਬਰ ਨੂੰ Disney+ Hotstar 'ਤੇ ਰਿਲੀਜ਼ ਹੋ ਰਹੀ ਹੈ।
ਸਤੰਬਰ 2022 'ਚ OTT 'ਤੇ ਰਿਲੀਜ਼ ਹੋਣ ਵਾਲੀ ਭਾਰਤੀ ਵੈੱਬ ਸੀਰੀਜ਼ ਦੀ ਸੂਚੀ
Fabulous Lives Of Bollywood Wives Season 2: ਬਾਲੀਵੁੱਡ ਮਸ਼ਹੂਰ ਹਸਤੀਆਂ ਦੀਆਂ ਪਤਨੀਆਂ ਦੇ ਜੀਵਨ 'ਤੇ ਆਧਾਰਿਤ ਇੱਕ ਗੌਸਿਪ ਡਾਕੂਮੈਂਟਰੀ ਸ਼ੋਅ ਨੇ 2020 ਵਿੱਚ ਇੰਡਸਟਰੀ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਇਹ ਹਿੱਟ ਸ਼ੋਅ ਇੱਕ ਹੋਰ ਸੀਜ਼ਨ ਦੇ ਨਾਲ ਦੁਬਾਰਾ ਆ ਰਿਹਾ ਹੈ। ਨੀਲਮ ਕੋਠਾਰੀ, ਮਹੀਪ ਕਪੂਰ, ਭਾਵਨਾ ਪਾਂਡੇ ਅਤੇ ਸੀਮਾ ਖ਼ਾਨ ਸਾਨੂੰ ਬਾਲੀਵੁੱਡ ਪਤਨੀਆਂ ਦੀ ਕੁਲੀਨ ਲਾਈਫ ਸਟਾਈਲ 'ਤੇ ਲਿਜਾਣ ਲਈ ਵਾਪਸ ਆ ਰਹੀਆਂ ਹਨ। Netflix ਦਾ ਇਹ ਸ਼ੋਅ 2 ਸਤੰਬਰ ਨੂੰ ਰਿਲੀਜ਼ ਹੋ ਰਿਹਾ ਹੈ।
Indian Predator: Diary Of A Serial Killer- Indian Predator 7 ਸਤੰਬਰ ਨੂੰ Netflix 'ਤੇ ਰਿਲੀਜ਼ ਹੋ ਰਹੀ ਹੈ। ਇਹ ਸ਼ੋਅ ਇੱਕ ਸੀਰੀਅਲ ਕਿਲਰ ਦੀ ਜ਼ਿੰਦਗੀ 'ਤੇ ਆਧਾਰਿਤ ਹੋਵੇਗਾ ਅਤੇ ਇਹ ਯਕੀਨੀ ਤੌਰ 'ਤੇ ਤੁਹਾਨੂੰ ਕਾਫ਼ੀ ਪਸੰਦ ਆਵੇਗਾ।
Jamtara Season 2: ਨੈੱਟਫਲਿਕਸ 'ਤੇ ਸਾਲ 2020 'ਚ ਰਿਲੀਜ਼ ਹੋਈ ਜਾਮਤਾਰਾ ਵੈੱਬ ਸੀਰੀਜ਼ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਸੀ। ਇਸ ਵੈੱਬ ਸੀਰੀਜ਼ 'ਚ ਫੋਨ 'ਤੇ ਸਾਈਬਰ ਧੋਖਾਧੜੀ ਦੇ ਮਾਮਲੇ ਦੀ ਕਹਾਣੀ ਦਿਖਾਈ ਗਈ ਸੀ। ਅਜਿਹੇ 'ਚ ਪਹਿਲੇ ਸੀਜ਼ਨ ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ ਹੁਣ ਮੇਕਰਸ ਪ੍ਰਸ਼ੰਸਕਾਂ ਲਈ ਜਾਮਤਾਰਾ ਸੀਜ਼ਨ 2 ਦਾ ਤੋਹਫਾ ਲੈ ਕੇ ਆ ਰਹੇ ਹਨ। ਜਾਮਤਾਰਾ 2 ਦਾ ਸੀਜ਼ਨ 23 ਸਤੰਬਰ ਨੂੰ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗਾ।