Elnaaz Norouzi Protest Against Iran Morality Police: ਈਰਾਨੀ ਮੂਲ ਦੀ ਅਭਿਨੇਤਰੀ ਏਲਨਾਜ਼ ਨੋਰੋਜ਼ੀ, ਜਿਸ ਨੂੰ ਨੈੱਟਫਲਿਕਸ ਦੀ ਸੁਪਰਹਿੱਟ ਸੀਰੀਜ਼ `ਸੈਕਰਡ ਗੇਮਜ਼` ਲਈ ਜਾਣਿਆ ਜਾਂਦਾ ਹੈ। ਉਸ ਨੇ ਸੋਸ਼ਲ ਮੀਡੀਆ ਤੇ ਈਰਾਨੀ ਲੜਕੀ ਮਹਿਸਾ ਅਮੀਨੀ ਦਾ ਖੁੱਲ੍ਹਾ ਸਮਰਥਨ ਕੀਤਾ ਹੈ। ਨੋਰੋਜ਼ੀ ਨੇ ਆਪਣੇ ਇੰਸਟਾਗ੍ਰਾਮ ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਅਦਾਕਾਰਾ ਨੇ ਇਹ ਕਹਿ ਕੇ ਆਪਣੇ ਜਿਸਮ ਤੋਂ ਸਾਰੇ ਕੱਪੜੇ ਉਤਾਰ ਦਿੱਤੇ ਕਿ ਇਹ ਉਸ ਦਾ ਸਰੀਰ ਹੈ। ਆਪਣੇ ਸਰੀਰ ਨੂੰ ਢਕਣਾ ਜਾਂ ਨੰਗਾ ਕਰਨਾ ਜਾਂ ਫ਼ਿਰ ਕਿੰਨਾ ਨੰਗਾ ਕਰਨਾ ਹੈ, ਇਹ ਉਸ ਦੀ ਮਰਜ਼ੀ ਹੈ।
ਮੇਰਾ ਸਰੀਰ ਮੇਰੀ ਪਸੰਦ
ਏਲਨਾਜ਼ ਨੋਰੋਜ਼ੀ ਦੁਆਰਾ ਆਪਣੇ ਇੰਸਟਾਗ੍ਰਾਮ ਅਕਾਉਂਟ 'ਤੇ ਪੋਸਟ ਕੀਤੀ ਇਕ ਵੀਡੀਓ ਵਿਚ, ਉਹ ਕੱਪੜੇ ਦੀਆਂ ਕਈ ਪਰਤਾਂ ਉਤਾਰ ਕੇ ਪ੍ਰਦਰਸ਼ਨ ਵਿਚ ਸ਼ਾਮਲ ਹੁੰਦੀ ਦਿਖਾਈ ਦੇ ਰਹੀ ਹੈ। ਅਦਾਕਾਰਾ ਨੇ ਇਸ ਵੀਡੀਓ ਰਾਹੀਂ ਮੈਸੇਜ ਦਿੱਤਾ ਹੈ ਕਿ ਉਸ ਦਾ ਜਦੋਂ ਦਿਲ ਕਰੇ ਉਹ ਜੋ ਮਰਜ਼ੀ ਪਹਿਨ ਸਕਦੀ ਹੈ ਤੇ ਉਸ ਨੂੰ ਕੋਈ ਰੋਕ ਨਹੀਂ ਸਕਦਾ। ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਉਸ ਨੇ ਲਿਖਿਆ, ''ਹਰ ਔਰਤ ਨੂੰ, ਦੁਨੀਆ 'ਚ ਜਿੱਥੇ ਵੀ, ਜਿੱਥੇ ਵੀ ਉਹ ਹੈ, ਉਸ ਨੂੰ ਇਹ ਅਧਿਕਾਰ ਹੋਣਾ ਚਾਹੀਦਾ ਹੈ ਕਿ ਉਹ ਆਪਣੀ ਮਰਜ਼ੀ ਮੁਤਾਬਕ ਕੱਪੜੇ ਪਹਿਨੇ ਅਤੇ ਜਦੋਂ ਵੀ ਜਾਂ ਜਿੱਥੇ ਚਾਹੇ ਪਹਿਨੇ।
ਨਗਨਤਾ ਨਹੀਂ ਪਸੰਦ ਤੇ ਗੱਲ ਹੋਵੇ
ਅਦਾਕਾਰਾ ਨੇ ਕਿਹਾ, "ਹਰ ਕਿਸੇ ਦੇ ਵੱਖੋ-ਵੱਖਰੇ ਵਿਚਾਰ ਅਤੇ ਵਿਸ਼ਵਾਸ ਹਨ ਅਤੇ ਉਨ੍ਹਾਂ ਦਾ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ। ਲੋਕਤੰਤਰ ਦਾ ਅਰਥ ਹੈ ਫੈਸਲਾ ਲੈਣ ਦੀ ਸ਼ਕਤੀ... ਹਰ ਔਰਤ ਨੂੰ ਆਪਣੇ ਸਰੀਰ ਬਾਰੇ ਫੈਸਲਾ ਕਰਨ ਦੀ ਸ਼ਕਤੀ ਹੋਣੀ ਚਾਹੀਦੀ ਹੈ। ਮੈਂ ਨਗਨਤਾ ਨੂੰ ਉਤਸ਼ਾਹਿਤ ਕਰਦੀ ਹਾਂ, ਮੈਂ ਆਪਣੀ ਖੁਦ ਦੀ ਪਸੰਦ ਦੀ ਆਜ਼ਾਦੀ ਨੂੰ ਉਤਸ਼ਾਹਿਤ ਕਰਦੀ ਹਾਂ।" ਅਭਿਨੈ ਕਰੀਅਰ ਸ਼ੁਰੂ ਕਰਨ ਤੋਂ ਪਹਿਲਾਂ, ਨੋਰੋਜ਼ੀ ਨੇ ਡਾਇਰ, ਲੈਕੋਸਟੇ ਅਤੇ ਲੇ ਕੋਕ ਸਪੋਰਟਿਵ ਵਰਗੇ ਬ੍ਰਾਂਡਾਂ ਲਈ ਅੰਤਰਰਾਸ਼ਟਰੀ ਮਾਡਲ ਵਜੋਂ 10 ਸਾਲਾਂ ਤੋਂ ਵੱਧ ਕੰਮ ਕੀਤਾ।
ਈਰਾਨ ਵਿੱਚ ਭਾਰੀ ਵਿਰੋਧ ਪ੍ਰਦਰਸ਼ਨ
ਪਿਛਲੇ ਲੰਬੇ ਸਮੇਂ ਤੋਂ ਈਰਾਨ ਦੀ ਨੈਤਿਕਤਾ ਪੁਲਿਸ ਨੇ ਔਰਤਾਂ ਨੂੰ ਸਮਾਜ ਦੀ ਇੱਛਾ ਮੁਤਾਬਕ ਚੱਲਣ ਤੇ ਮਜਬੂਰ ਕੀਤਾ ਹੋਇਆ ਹੈ। ਇਸਲਾਮਿਕ ਰੀਪਬਲਿਕ ਦੇ ਸਖਤ ਪਹਿਰਾਵੇ ਦੇ ਕੋਡ ਦੀ ਉਲੰਘਣਾ ਕਰਨ ਵਾਲੇ ਲੋਕਾਂ ਨੂੰ ਵਾਈਸ ਯੂਨਿਟ ਦੀ ਹਰੇ ਅਤੇ ਚਿੱਟੇ ਰੰਗ ਦੀ ਵੈਨ 'ਤੇ ਲੈਕਚਰ ਲਈ ਲੈ ਜਾਇਆ ਜਾ ਰਿਹਾ ਸੀ, ਕਿ ਉਨ੍ਹਾਂ ਦੇ ਸਿਰ ਦੇ ਸਕਾਰਫ਼ ਕਿਵੇਂ ਪਹਿਨਣੇ ਹਨ, ਕਈ ਈਰਾਨੀ ਔਰਤਾਂ ਨੂੰ ਹੋਰ ਵੀ ਭੈੜੀ ਸਥਿਤੀ ਦਾ ਸਾਹਮਣਾ ਕਰਨਾ ਪਿਆ। ਇਨ੍ਹਾਂ ਵਿੱਚੋਂ ਇੱਕ 22 ਸਾਲਾ ਮਹਿਸਾ ਅਮੀਨੀ ਸੀ, ਜਿਸ ਨੂੰ 16 ਸਤੰਬਰ ਨੂੰ ਤਹਿਰਾਨ ਵਿੱਚ ਨੈਤਿਕਤਾ (ਐਥਿਕਸ) ਪੁਲਿਸ ਨੇ ਚੁੱਕ ਲਿਆ ਸੀ ਅਤੇ ਤਿੰਨ ਦਿਨ ਬਾਅਦ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ਸੀ। ਕਾਰਕੁਨਾਂ ਦਾ ਕਹਿਣਾ ਹੈ ਕਿ ਉਸ ਦੀ ਮੌਤ ਸਿਰ ਦੀ ਸੱਟ ਕਾਰਨ ਹੋਈ ਸੀ। ਮਹਿਸਾ ਅਮੀਨੀ ਦੀ ਮੌਤ ਤੋਂ ਬਾਅਦ ਈਰਾਨ 'ਚ ਔਰਤਾਂ ਨੇ ਹਿਜਾਬ ਸਾੜ ਕੇ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਕਰ ਦਿੱਤਾ ਹੈ।