ਮੁੰਬਈ: ਐਮਾਜ਼ਾਨ ਪ੍ਰਾਈਮ ਵੀਡੀਓ ਨੇ ਫਰਹਾਨ ਅਖਤਰ ਦੀ ਫਿਲਮ 'ਤੂਫਾਨ' ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ। ਤੂਫਾਨ ਇੰਸਪਰੀਨੇਸ਼ਨਲ ਸਪੋਰਟਸ ਡਰਾਮਾ ਹੈ ਜੋ ਲਾਈਫ ਵਿੱਚ ਹਾਰ ਤੇ ਜਿੱਤ ਦੇ ਵਿਚਕਾਰ ਦੀ ਕਹਾਣੀ ਨੂੰ ਬਹੁਤ ਹੀ ਦਿਲਚਸਪ ਤਰੀਕੇ ਨਾਲ ਦਿਖਾਉਂਦੀ ਹੈ। ਇਸ ਫਿਲਮ ਵਿੱਚ ਫਰਹਾਨ ਅਖਤਰ, ਮ੍ਰਿਣਾਲ ਠਾਕੁਰ, ਪਰੇਸ਼ ਰਾਵਲ, ਲੀਡ ਕਿਰਦਾਰ ਵਿੱਚ ਹਨ। ਇਹ ਕਹਾਣੀ ਅਜਜੂ ਭਾਈ ਦੀ ਲਾਈਫ ਜਰਨੀ ਦੀ ਹੈ ਜੋ ਇੱਕ ਬਦਮਾਸ਼ ਹੈ ਜੋ ਬਾਅਦ ਵਿੱਚ ਇੱਕ ਪ੍ਰੋਫੈਸ਼ਨਲ ਬੋਕਸਰ ਅਜ਼ੀਜ਼ ਅਲੀ ਬਣਦਾ ਹੈ।



ਤੂਫਾਨ ਐਮਾਜ਼ਾਨ ਪ੍ਰਾਈਮ 'ਤੇ ਹਿੰਦੀ ਤੇ ਇੰਗਲਿਸ਼ ਵਿਚ ਇੱਕੋ ਸਮੇਂ ਪ੍ਰੀਮੀਅਰ ਹੋਣ ਵਾਲੀ ਪਹਿਲੀ ਫ਼ਿਲਮ ਵੀ ਬਣਨ ਜਾ ਰਹੀ ਹੈ, ਜਿਸ ਦਾ ਪ੍ਰੀਮਿਅਰ ਵਰਲਡਵਾਈਡ 16 ਜੁਲਾਈ, 2021 ਨੂੰ ਹੋਵੇਗਾ। ਲੀਡ ਐਕਟਰ ਤੇ ਕੋ-ਪ੍ਰੋਡਿਊਸਰ ਫਰਹਾਨ ਅਖਤਰ ਨੇ ਖੁਲਾਸਾ ਕੀਤਾ ਕਿ ਆਪਣੇ ਆਪ ਨੂੰ ਕਿਰਦਾਰ ਵਿੱਚ ਢਾਲਣਾ ਕਿੰਨਾ ਮੁਸ਼ਕਲ ਸੀ।

ਆਪਣੇ ਕਿਰਦਾਰ ਬਾਰੇ ਤੇ ਇਸ ਨੂੰ ਨਿਭਾਉਣ ਦੀ ਤਿਆਰੀ ਬਾਰੇ ਗੱਲ ਕਰਦਿਆਂ ਫਰਹਾਨ ਨੇ ਕਿਹਾ, “ਤੂਫਾਨ ਲਈ ਪਸੀਨਾ ਵਹਾਉਣਾ ਬਹੁਤ ਹੀ ਮਜ਼ੇਦਾਰ ਸੀ। ਭਾਵੇਂ ਕੋਈ ਸਰੀਰਕ ਤੌਰ’ ਤੇ ਕੋਈ ਕਿੰਨਾ ਵੀ ਤਾਕਤਵਰ ਕਿਉਂ ਨਾ ਹੋਵੇ, ਪਰ ਬਾਕਸਰ ਦੀ ਭੂਮਿਕਾ ਨਿਭਾਉਣਾ ਕੋਈ ਆਸਾਨ ਕੰਮ ਨਹੀਂ  ਹੈ। ਇਸ ਕਿਰਦਾਰ ਵਿੱਚ ਢਲਣ ਲਈ ਮੈਨੂੰ 8 ਤੋਂ 9 ਮਹੀਨੇ ਦੀ ਸਖਤ ਮਿਹਨਤ ਵਾਲੀ ਟ੍ਰੇਨਿੰਗ ਲੈਣੀ ਪਈ।