ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Bollywood Kissa: ਕਪਿਲ ਸ਼ਰਮਾ ਦੇਸ਼ ਦੇ ਜਾਣੇ ਮਾਣੇ ਕਮੇਡੀਅਨ ਹਨ। ਕਪਿਲ ਸ਼ਰਮਾ ਮਲਟੀ ਟੈਲੇਂਟਡ ਹਨ, ਉਹ ਐਕਟਿੰਗ, ਗਾਇਕੀ ਤੇ ਕਾਮੇਡੀ ਸਭ 'ਚ ਹੀ ਬੇਹਤਰੀਨ ਹਨ। ਪਰ ਕਪਿਲ ਨੂੰ ਸਭ ਤੋਂ ਜ਼ਿਆਦਾ ਪ੍ਰਸਿੱਧੀ 'ਦ ਕਪਿਲ ਸ਼ਰਮਾ ਸ਼ੋਅ' ਤੋਂ ਮਿਲੀ ਸੀ। ਅੱਜ ਅਸੀਂ ਤੁਹਾਨੂੰ ਕਪਿਲ ਸ਼ਰਮਾ ਦੇ ਨਾਲ ਜੁੜਿਆ ਇੱਕ ਅਜਿਹਾ ਕਿੱਸਾ ਦੱਸਣ ਜਾ ਰਹੇ ਹਾਂ, ਜੋ ਸ਼ਾਇਦ ਤੁਸੀਂ ਨਾ ਸੁਣਿਆ ਹੋਵੇ।
ਇਹ ਵੀ ਪੜ੍ਹੋ: ਕਰਨ ਦਿਓਲ ਪਤਨੀ ਦ੍ਰਿਸ਼ਾ ਨਾਲ ਰੋਮਾਂਟਿਕ ਡੇਟ 'ਤੇ ਨਿਕਲੇ, ਦੇਖੋ ਜੋੜੇ ਦੀਆਂ ਖੂਬਸੂਰਤ ਤਸਵੀਰਾਂ
ਇਹ ਗੱਲ ਹੈ 2014-15 ਦੀ, ਜਦੋਂ ਕਪਿਲ ਸ਼ਰਮਾ ਨੂੰ ਕਾਮਯਾਬੀ, ਦੌਲਤ ਤੇ ਸ਼ੋਹਰਤ ਨਵੀਂ ਨਵੀਂ ਮਿਲੀ ਸੀ। ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੇ ਕਪਿਲ ਦਾ ਦਿਮਾਗ਼ ਖਰਾਬ ਕਰ ਦਿੱਤਾ ਸੀ। ਕਪਿਲ ਨੇ ਖੁਦ ਵੀ ਕਈ ਇੰਟਰਵਿਊਜ਼ 'ਚ ਇਸ ਗੱਲ ਨੂੰ ਕਬੂਲ ਕੀਤਾ ਹੈ। ਉਸ ਦੌਰਾਨ ਕਪਿਲ 'ਤੇ ਅਜਿਹਾ ਦੌਰ ਵੀ ਆਇਆ ਸੀ, ਜਿਸ ਨੇ ਉਨ੍ਹਾਂ ਨੂੰ ਅਰਸ਼ ਤੋਂ ਫਰਸ਼ 'ਤੇ ਪਟਕ ਕੇ ਮਾਰਿਆ ਸੀ। ਇਸ ਦੌਰਾਨ 2015 'ਚ ਕਪਿਲ ਜਦੋਂ ਇੰਟਰਨੈਸ਼ਨਲ ਮਰਾਠੀ ਫਿਲਮ ਫੈਸਟੀਵਲ 'ਚ ਗਏ, ਤਾਂ ਉੱਥੇ ਵੀ ਉਹ ਗਲਤੀ ਕਰ ਬੈਠੇ ਸੀ, ਜਿਸ ਦਾ ਉਨ੍ਹਾਂ ਨੂੰ ਖਮਿਆਜ਼ਾ ਵੀ ਭੁਗਤਣਾ ਪਿਆ ਸੀ।
ਕਪਿਲ ਸ਼ਰਮਾ ਨੇ ਮਰਾਠੀ ਫਿਲਮ ਫੈਸਟੀਵਲ 'ਚ ਬਾਲੀਵੁੱਡ ਸਟਾਰ ਕਾਜੋਲ ਦੀ ਭੈਣ ਤਨੀਸ਼ਾ ਮੁਖਰਜੀ ਨਾਲ ਬਦਤਮੀਜ਼ੀ ਕੀਤੀ ਸੀ। ਇਸ ਦੇ ਨਾਲ ਨਾਲ ਇਹ ਵੀ ਕਿਹਾ ਜਾਂਦਾ ਹੈ ਕਿ ਜਦੋਂ ਬਾਲੀਵੁੱਡ ਗਾਇਕਾ ਮੋਨਾਲੀ ਠਾਕੁਰ ਤਨੀਸ਼ਾ ਦੇ ਬਚਾਅ ਅੱਗੇ ਆਈ ਤਾਂ ਕਪਿਲ ਨੇ ਉਸ ਗਾਇਕਾ ਦੀ ਵੀ ਖੂਬ ਬੇਇੱਜ਼ਤੀ ਕੀਤੀ ਸੀ। ਇਹ ਗੱਲ ਮੀਡੀਆ 'ਚ ਖੂਬ ਉਛਾਲੀ ਗਈ ਸੀ। ਇਸ ਤੋਂ ਬਾਅ ਕਪਿਲ ਨੇ ਟਵਿੱਟਰ 'ਤੇ ਆਪਣੀ ਸਫਾਈ ਵੀ ਪੇਸ਼ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ 'ਮੈਂ ਡਿੱਗਦਾ ਹਾਂ, ਮੈਂ ਫਿਰ ਉੱਠ ਜਾਂਦਾ ਹਾਂ, ਮੈਂ ਆਪਣੀਆਂ ਗਲਤੀਆਂ ਤੋਂ ਸਿੱਖਦਾ ਹਾਂ। ਮੈਨੂੰ ਬਹੁਤ ਸੱਟ ਪਹੁੰਚੀ ਹੈ, ਪਰ ਮੈਂ ਜ਼ਿੰਦਾ ਹਾਂ। ਮੈਂ ਵੀ ਇਨਸਾਨ ਹਾਂ। ਮੈਂ ਪਰਫੈਕਟ ਨਹੀਂ ਹਾਂ, ਪਰ ਮੈਂ ਸ਼ੁਕਰਗੁਜ਼ਾਰ ਹਾਂ।'
ਕਾਬਿਲੇਗ਼ੌਰ ਹੈ ਕਿ ਕਪਿਲ ਸ਼ਰਮਾ ਉਸ ਦੌਰ 'ਚ ਡਿਪਰੈਸ਼ਨ ਦਾ ਸ਼ਿਕਾਰ ਹੋ ਗਏ ਸੀ। ਇਸ ਤੋਂ ਬਾਅਦ ਉਹ ਫਿਰ ਉੱਠੇ। ਉਨ੍ਹਾਂ ਨੇ 'ਦ ਕਪਿਲ ਸ਼ਰਮਾ ਸ਼ੋਅ' ਨਾਲ ਆਪਣੀ ਦੂਜੀ ਪਾਰੀ ਸ਼ੁਰੂ ਕੀਤੀ। ਅੱਜ ਉਹ ਪਹਿਲਾਂ ਤੋਂ ਜ਼ਿਆਦਾ ਕਾਮਯਾਬ ਹਨ।
ਇਹ ਵੀ ਪੜ੍ਹੋ; ਸਿਆਸਤ 'ਚ ਆਉਣ ਦੀਆਂ ਖਬਰਾਂ ਵਿਚਾਲੇ ਸਾਊਥ ਸਟਾਰ ਥਲਪਤੀ ਵਿਜੇ 'ਤੇ ਲੱਗਿਆ ਜੁਰਮਾਨਾ, ਜਾਣੋ ਕੀ ਹੈ ਮਾਮਲਾ