ਪਿਆਰ ਦਾ ਪ੍ਰਤੀਕ ਤਾਜ ਮਹਿਲ ਆਪਣੇ ਚਿੱਟੇ ਪੱਥਰਾਂ ਅਤੇ ਸੁੰਦਰ ਕਲਾਕਾਰੀ ਲਈ ਪੂਰੀ ਦੁਨੀਆ ਵਿੱਚ ਪ੍ਰਸਿੱਧ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਨੂੰ ਬਣਾਉਣ ਲਈ ਕਿਸ ਪੱਥਰ ਦੀ ਵਰਤੋਂ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਜੇ ਇਸ ਪੱਥਰ ਨੂੰ ਆਪਣੇ ਘਰ 'ਚ ਲਗਾਉਣਾ ਹੋਵੇ ਤਾਂ ਇਸ ਦੇ ਲਈ ਕਿੰਨੇ ਪੈਸੇ ਖਰਚ ਕਰਨੇ ਪੈਣਗੇ।
ਦੱਸ ਦਈਏ ਕਿ ਤਾਜ ਮਹਿਲ ਵਿੱਚ ਵਰਤੇ ਗਏ ਸਫੈਦ ਪੱਥਰ ਨੂੰ ਮਕਰਾਨਾ ਮਾਰਬਲ ਕਿਹਾ ਜਾਂਦਾ ਹੈ। ਮਕਰਾਨਾ ਸੰਗਮਰਮਰ ਦੀ ਵਰਤੋਂ ਸਿਰਫ ਤਾਜ ਮਹਿਲ 'ਚ ਹੀ ਨਹੀਂ ਕੀਤੀ ਗਈ, ਸਗੋਂ ਦੇਸ਼ ਦੀਆਂ ਕਈ ਵੱਡੀਆਂ ਇਮਾਰਤਾਂ ਅਤੇ ਮੰਦਰਾਂ 'ਚ ਵੀ ਇਸ ਦੀ ਵਰਤੋਂ ਕੀਤੀ ਗਈ ਹੈ। ਰਾਮ ਮੰਦਰ ਵਿੱਚ ਵੀ ਇਸ ਪੱਥਰ ਦੀ ਵਰਤੋਂ ਕੀਤੀ ਗਈ ਹੈ। ਜੈਪੁਰ ਦਾ ਬਿਰਲਾ ਮੰਦਿਰ ਅਤੇ ਸਿਟੀ ਪੈਲੇਸ ਵੀ ਮਕਰਾਨਾ ਸੰਗਮਰਮਰ ਦੇ ਬਣੇ ਹੋਏ ਹਨ।
ਮਕਰਾਨਾ ਸੰਗਮਰਮਰ ਕਈ ਕਿਸਮਾਂ ਵਿੱਚ ਆਉਂਦਾ ਹੈ। ਇਹੀ ਕਾਰਨ ਹੈ ਕਿ ਇਨ੍ਹਾਂ ਦੀਆਂ ਕੀਮਤਾਂ ਵੀ ਗੁਣਵੱਤਾ ਦੇ ਹਿਸਾਬ ਨਾਲ ਵੱਖ-ਵੱਖ ਹੁੰਦੀਆਂ ਹਨ। ਇਹ ਪੱਥਰ ਤੁਹਾਨੂੰ ਬਾਜ਼ਾਰ 'ਚ 100 ਤੋਂ 3000 ਰੁਪਏ ਪ੍ਰਤੀ ਵਰਗ ਫੁੱਟ 'ਚ ਮਿਲ ਜਾਵੇਗਾ। ਭਾਵ, ਤੁਹਾਨੂੰ ਆਪਣੇ ਘਰ ਵਿੱਚ ਇਨ੍ਹਾਂ ਪੱਥਰਾਂ ਨੂੰ ਲਗਾਉਣ ਲਈ ਵਰਗ ਫੁੱਟ ਦੀ ਗਿਣਤੀ ਦੇ ਹਿਸਾਬ ਨਾਲ ਪੈਸੇ ਖਰਚ ਕਰਨੇ ਪੈਣਗੇ।
ਦਰਅਸਲ ਅੱਜਕੱਲ੍ਹ ਲੋਕ ਆਪਣੇ ਘਰਾਂ ਵਿੱਚ ਸੰਗਮਰਮਰ ਦੀ ਬਜਾਏ ਟਾਈਲਾਂ ਦੀ ਵਰਤੋਂ ਕਰ ਰਹੇ ਹਨ।ਇਸ ਦੇ ਪਿੱਛੇ ਮੁੱਖ ਕਾਰਨ ਇਹ ਹੈ ਕਿ ਇਹ ਘੱਟ ਕੀਮਤ 'ਤੇ ਆਉਂਦਾ ਹੈ ਅਤੇ ਤੁਹਾਨੂੰ ਇਸ ਵਿਚ ਬਹੁਤ ਸਾਰੀਆਂ ਕਿਸਮਾਂ ਮਿਲਦੀਆਂ ਹਨ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸਨੂੰ ਸਾਫ਼ ਕਰਨਾ ਬਹੁਤ ਆਸਾਨ ਹੈ। ਜਦੋਂ ਕਿ ਜੇਕਰ ਸੰਗਮਰਮਰ ਕਾਲਾ ਹੋ ਜਾਂਦਾ ਹੈ ਤਾਂ ਤੁਹਾਡੇ ਕੋਲ ਇਸ ਨੂੰ ਪੱਟਣ ਤੋਂ ਇਲਾਵਾ ਸਾਫ਼ ਕਰਨ ਦਾ ਕੋਈ ਹੋਰ ਤਰੀਕਾ ਨਹੀਂ ਹੈ।
ਕਿਹਾ ਜਾਂਦਾ ਹੈ ਕਿ ਦੁਨੀਆ ਦਾ ਸਭ ਤੋਂ ਵਧੀਆ ਗੁਣਵੱਤਾ ਵਾਲਾ ਮਕਰਾਨਾ ਪੱਥਰ ਰਾਜਸਥਾਨ ਦੇ ਡਿਡਵਾਨ ਜ਼ਿਲ੍ਹੇ ਦੇ ਮਕਰਾਨਾ ਖੇਤਰ ਵਿੱਚ ਪਾਇਆ ਜਾਂਦਾ ਹੈ। ਉਂਜ ਤਾਂ ਇਹ ਪੱਥਰ ਇੱਥੋਂ ਤੋਂ ਇਲਾਵਾ ਹੋਰ ਵੀ ਕਈ ਥਾਵਾਂ ’ਤੇ ਮਿਲਦੇ ਹਨ, ਪਰ ਇਨ੍ਹਾਂ ਦੀ ਗੁਣਵੱਤਾ ਅਤੇ ਇੱਥੇ ਮਿਲਣ ਵਾਲੇ ਪੱਥਰਾਂ ਦੀ ਗੁਣਵੱਤਾ ਵਿੱਚ ਫਰਕ ਹੈ। ਇਹੀ ਕਾਰਨ ਹੈ ਕਿ ਜਦੋਂ ਰਾਮ ਮੰਦਰ ਲਈ ਮਕਰਾਨਾ ਸੰਗਮਰਮਰ ਦੀ ਲੋੜ ਪਈ ਤਾਂ ਇਹ ਰਾਜਸਥਾਨ ਦੇ ਇਸ ਹਿੱਸੇ ਤੋਂ ਮੰਗਵਾਇਆ ਗਈ।