ਨਵੀਂ ਦਿੱਲੀ: ਹਿਚਕੀ (Hiccups) ਇੱਕ ਅਜਿਹੀ ਸਮੱਸਿਆ ਹੈ, ਜੋ ਕਿਸੇ ਨੂੰ ਵੀ, ਕਿਸੇ ਵੀ ਸਮੇਂ ਆ ਸਕਦੀ ਹੈ ਪਰ ਕਈ ਵਾਰ ਇਸ ਨੂੰ ਰੋਕਣਾ ਆਸਾਨ ਨਹੀਂ ਹੁੰਦਾ। ਵੱਡਿਆਂ ਤੋਂ ਲੈ ਕੇ ਬੱਚਿਆਂ ਤੱਕ ਹਰ ਕਿਸੇ ਨੂੰ ਹਿਚਕੀ ਆਉਂਦੀ ਹੈ। ਜੇਕਰ ਹਿਚਕੀ ਕਦੇ-ਕਦਾਈਂ ਆਉਂਦੀ ਹੈ ਤਾਂ ਕੋਈ ਸਮੱਸਿਆ ਨਹੀਂ ਹੈ, ਪਰ ਜੇਕਰ ਉਹ ਲਗਾਤਾਰ ਅਤੇ ਵਾਰ-ਵਾਰ ਆਉਂਦੀ ਹੈ ਤਾਂ ਨਜ਼ਰਅੰਦਾਜ਼ ਨਾ ਕਰੋ। ਇਹ ਤੁਹਾਡੇ ਸਰੀਰ ਵਿੱਚ ਹੋਰ ਸਮੱਸਿਆਵਾਂ ਨੂੰ ਵੀ ਜਨਮ ਦੇ ਸਕਦਾ ਹੈ। ਇਸ ਨੂੰ ਰੋਕਣਾ ਆਸਾਨ ਨਹੀਂ ਹੈ ਪਰ ਫਿਰ ਵੀ ਕੁਝ ਘਰੇਲੂ ਨੁਸਖਿਆਂ ਨੂੰ ਅਜ਼ਮਾ ਕੇ ਹਿਚਕੀ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।
ਹਿਚਕੀ ਨੂੰ ਕੰਟ੍ਰੋਲ ਕਰਨ ਦੇ ਘਰੇਲੂ ਇਲਾਜ
- ਪਾਣੀ 'ਚ ਇਲਾਇਚੀ ਮਿਲਾ ਕੇ ਉਬਾਲ ਲਓ। ਇਸ ਦਾ ਸੇਵਨ ਕਰਨ ਨਾਲ ਤੁਰੰਤ ਆਰਾਮ ਮਿਲਦਾ ਹੈ। ਇਸ ਤੋਂ ਇਲਾਵਾ ਲੂਣ ਵਾਲੇ ਪਾਣੀ ਦੀ ਵੀ ਵਰਤੋਂ ਕੀਤੀ ਜਾ ਸਕਦੀ ਹੈ।
- ਅਦਰਕ ਹਿਚਕੀ ਲਈ ਵੀ ਬਹੁਤ ਪ੍ਰਭਾਵਸ਼ਾਲੀ ਉਪਾਅ ਹੈ। ਜਦੋਂ ਵੀ ਹਿਚਕੀ ਆਉਂਦੀ ਹੈ ਤਾਂ ਅਦਰਕ ਦਾ ਟੁਕੜਾ ਮੂੰਹ 'ਚ ਪਾ ਕੇ ਚੂਸਦੇ ਰਹੋ। ਹਿਚਕੀ ਜਲਦੀ ਹੀ ਬੰਦ ਹੋ ਜਾਵੇਗੀ।
- ਲਗਾਤਾਰ ਹਿਚਕੀ ਨੂੰ ਘੱਟ ਕਰਨ ਜਾਂ ਰੋਕਣ ਲਈ ਤੁਸੀਂ ਚਾਕਲੇਟ ਪਾਊਡਰ ਦਾ ਸੇਵਨ ਕਰ ਸਕਦੇ ਹੋ। ਥੋੜ੍ਹਾ ਜਿਹਾ ਚਾਕਲੇਟ ਪਾਊਡਰ ਖਾਣ ਨਾਲ ਤੁਹਾਨੂੰ ਆਰਾਮ ਮਿਲੇਗਾ।
- ਹਿਚਕੀ ਲਈ ਪੀਨਟ ਬਟਰ ਵੀ ਵਰਤਿਆ ਜਾ ਸਕਦਾ ਹੈ। ਇਸ ਨਾਲ ਕਈ ਲੋਕਾਂ ਨੂੰ ਵਾਰ-ਵਾਰ ਆਉਣ ਵਾਲੀ ਹਿਚਕੀ ਤੋਂ ਰਾਹਤ ਮਿਲਦੀ ਹੈ।
- ਹਿਚਕੀ ਦੇ ਰੋਗੀ ਨੂੰ ਪਿਪਲੀ ਦਾ ਚੂਰਨ ਅਤੇ ਮਿਸ਼ਰੀ ਮਿਲਾ ਕੇ ਸੁੰਘਣ ਨਾਲ ਹਿਚਕੀ ਬੰਦ ਹੋ ਜਾਂਦੀ ਹੈ।
ਜੇਕਰ ਹਿਚਕੀ ਜ਼ਿਆਦਾ ਪਰੇਸ਼ਾਨੀ ਦਾ ਕਾਰਨ ਬਣ ਰਹੀ ਹੈ ਤਾਂ ਜ਼ਰੂਰ ਕਿਸੇ ਆਯੁਰਵੈਦਿਕ ਡਾਕਟਰ ਨਾਲ ਸੰਪਰਕ ਕਰੋ।
ਇਹ ਵੀ ਪੜ੍ਹੋ: London Accident: ਲੰਡਨ 'ਚ ਵੱਡਾ ਹਾਦਸਾ, ਸੁਰੰਗ ਦੇ ਅੰਦਰ ਦੋ ਟਰੇਨਾਂ ਟਕਰਾਈਆਂ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/