Health Care Tips: ਡਾਕਟਰਾਂ ਵੱਲੋਂ ਹਮੇਸ਼ਾ ਦਿਲ ਦੇ ਰੋਗੀਆਂ ਨੂੰ ਆਪਣੇ ਕੋਲੈਸਟ੍ਰੋਲ (Cholesterol) ਦੇ ਪੱਧਰ ਨੂੰ ਕੰਟਰੋਲ ਵਿੱਚ ਰੱਖ ਦੀ ਸਲਾਹ ਦਿੱਤੀ ਜਾਂਦੀ ਹੈ, ਤਾਂ ਜੋ ਖਤਰਾ ਜ਼ਿਆਦਾ ਨਾ ਵਧ ਜਾਵੇ। ਭੋਜਨ ਵਿੱਚ ਚਰਬੀ ਦੀ ਜ਼ਿਆਦਾ ਮਾਤਰਾ ਸ਼ਾਮਲ ਕਰਨ ਨਾਲ ਕੋਲੈਸਟ੍ਰਾਲ ਦਾ ਖਤਰਾ ਵੱਧ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਦਿਲ ਦੇ ਮਰੀਜ਼ ਘਿਓ ਜਾਂ ਮੱਖਣ ਖਾਣ ਤੋਂ ਪਰਹੇਜ਼ ਕਰਦੇ ਹਨ। ਸਿਹਤ ਮਾਹਰਾਂ ਦਾ ਕਹਿਣਾ ਹੈ ਕਿ ਦਿਲ ਦੇ ਰੋਗੀਆਂ ਦੀਆਂ ਖਾਣ-ਪੀਣ ਦੀਆਂ ਆਦਤਾਂ ਵੀ ਸੀਮਤ ਹੋ ਜਾਂਦੀਆਂ ਹਨ।
ਜ਼ਿਆਦਾਤਰ ਦਿਲ ਦੇ ਮਰੀਜ਼ (Patient) ਆਪਣੀ ਖੁਰਾਕ ਵਿਚ ਘਿਓ ਅਤੇ ਮੱਖਣ ਨੂੰ ਸ਼ਾਮਲ ਕਰਨ ਤੋਂ ਪਰਹੇਜ਼ ਕਰਦੇ ਹਨ। ਪਰ ਸਵਾਲ ਇਹ ਹੈ ਕਿ ਕੀ ਦਿਲ ਦੇ ਰੋਗੀਆਂ ਨੂੰ ਸੱਚਮੁੱਚ ਘਿਓ ਜਾਂ ਮੱਖਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ ਜਾਂ ਉਨ੍ਹਾਂ ਨੂੰ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰਨਾ ਚਾਹੀਦਾ ਹੈ। ਇਸ ਸਬੰਧੀ ਅਸੀਂ ਆਪਣੇ ਮਾਹਿਰਾਂ ਨਾਲ ਵੀ ਗੱਲ ਕੀਤੀ ਹੈ।
ਘਿਓ ਨਾਲ ਦਿਲ ਦੀਆਂ ਬਿਮਾਰੀਆਂ ਦਾ ਖਤਰਾ
ਯੋਗ ਗੁਰੂ ਅਤੇ ਦ ਯੋਗਾ ਇੰਸਟੀਚਿਊਟ (Yoga Institute) ਦੇ ਸੰਸਥਾਪਕ ਡਾ. ਹੰਸਾ ਯੋਗੇਂਦਰ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਨੂੰ ਲੈ ਕੇ ਲੋਕਾਂ ਵਿੱਚ ਅਕਸਰ ਭੰਬਲਭੂਸਾ ਬਣਿਆ ਰਹਿੰਦਾ ਹੈ। ਘਿਓ ਅਤੇ ਮੱਖਣ ਸੰਤ੍ਰਿਪਤ ਚਰਬੀ ਨਾਲ ਭਰਪੂਰ ਹੁੰਦੇ ਹਨ। ਇਹੀ ਕਾਰਨ ਹੈ ਕਿ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਕੀ ਦਿਲ ਦੇ ਮਰੀਜ਼ ਘਿਓ ਅਤੇ ਮੱਖਣ ਖਾ ਸਕਦੇ ਨੇ?
ਡਾ. ਹੰਸਾ ਯੋਗਿੰਦਰ ਦਾ ਕਹਿਣਾ ਹੈ ਕਿ ਦਿਲ ਦੇ ਰੋਗੀ ਘਰ ਵਿਚ ਬਣਿਆ ਚਿੱਟਾ ਮੱਖਣ ਅਤੇ ਘਿਓ ਘੱਟ ਮਾਤਰਾ ਵਿਚ ਖਾ ਸਕਦੇ ਹਨ | ਪਨੀਰ, ਦਾਲਾਂ ਅਤੇ ਸਬਜ਼ੀਆਂ ਵਰਗੇ ਪ੍ਰੋਟੀਨ ਭਰਪੂਰ ਖੁਰਾਕ ‘ਤੇ ਧਿਆਨ ਦਿਓ। ਇਸ ਦੇ ਨਾਲ ਹੀ ਚੀਨੀ ਅਤੇ ਉੱਚ ਸੋਡੀਅਮ ਵਾਲੀਆਂ ਚੀਜ਼ਾਂ ਨੂੰ ਸੀਮਤ ਕਰੋ। ਆਪਣੀ ਖੁਰਾਕ ਵਿੱਚ ਰਿਫਾਇੰਡ ਕਾਰਬੋਹਾਈਡਰੇਟ ਦੀ ਬਜਾਏ ਸਾਬਤ ਅਨਾਜ ਸ਼ਾਮਲ ਕਰੋ।
ਆਪਣੇ ਖਾਣ-ਪੀਣ ‘ਤੇ ਵੀ ਰੱਖੋ ਕਾਬੂ
ਇਸ ਤੋਂ ਇਲਾਵਾ ਆਪਣੇ ਖਾਣ-ਪੀਣ ‘ਤੇ ਵੀ ਕਾਬੂ ਰੱਖੋ। ਆਪ ਨੂੰ ਜਿੰਨਾ ਹੋ ਸਕੇ ਹਾਈਡਰੇਟ ਰੱਖੋ। ਇਸ ਦੇ ਲਈ ਕਾਫੀ ਮਾਤਰਾ ‘ਚ ਪਾਣੀ ਪੀਓ ਅਤੇ ਹਾਈਡਰੇਟਿਡ ਰਹੋ। ਸ਼ਰਾਬ ਨਾ ਪੀਓ। ਆਪਣੀ ਬਲੱਡ ਸ਼ੂਗਰ ਅਤੇ ਬਲੱਡ ਪ੍ਰੈਸ਼ਰ ਦੀ ਨਿਯਮਤ ਜਾਂਚ ਕਰਵਾਓ। ਸਿਹਤ ਨੂੰ ਪਹਿਲ ਦਿੰਦੇ ਹੋਏ ਤਿਉਹਾਰਾਂ ਦਾ ਆਨੰਦ ਮਾਣੋ।