Benefits Of Gulkand Water: ਗੁਲਕੰਦ ਤਾਂ ਬਹੁਤੇ ਲੋਕਾਂ ਨੇ ਖਾਧਾ ਹੋਵੇਗਾ। ਗੁਲਕੰਦ ਨੂੰ ਅਕਸਰ ਪਾਨ ਦੇ ਨਾਲ ਮਾਊਥ ਫ੍ਰੈਸਨਰ ਵਜੋਂ ਵਰਤਿਆ ਜਾਂਦਾ ਹੈ। ਇਸ ਨੂੰ ਸ਼ੌਕ ਨਾਲ ਖਾਣ ਵਾਲੇ ਲੋਕ ਵੀ ਘੱਟ ਜਾਣਦੇ ਹੋਣਗੇ ਕਿ ਗੁਲਕੰਦ ਪੇਟ ਨਾਲ ਜੁੜੀਆਂ ਕਈ ਬੀਮਾਰੀਆਂ ਨੂੰ ਠੀਕ ਕਰਨ 'ਚ ਕਾਰਗਰ ਹੈ। ਗੁਲਕੰਦ ਪੇਟ ਵਿੱਚ ਪੈਦਾ ਹੋਣ ਵਾਲੇ pH ਨੂੰ ਸੰਤੁਲਿਤ ਕਰਦਾ ਹੈ, ਜਿਸ ਨਾਲ ਗੈਸ, ਬਲੋਟਿੰਗ ਅਤੇ ਐਸੀਡਿਟੀ ਵਿੱਚ ਕਾਫੀ ਹੱਦ ਤੱਕ ਰਾਹਤ ਮਿਲਦੀ ਹੈ। ਤੁਹਾਨੂੰ ਸਿਰਫ ਇਹ ਜਾਣਨ ਦੀ ਲੋੜ ਹੈ ਕਿ ਗੁਲਕੰਦ ਕਿਵੇਂ ਤਿਆਰ ਕੀਤਾ ਜਾਂਦਾ ਅਤੇ ਕਿਵੇਂ ਇਸ ਦੀ ਵਰਤੋਂ ਹੁੰਦੀ ਹੈ।
ਇਦਾਂ ਕਰੋ ਵਰਤੋਂ
ਗੁਲਕੰਦ ਨੂੰ ਤੁਸੀਂ ਘਰ 'ਚ ਹੀ ਆਸਾਨੀ ਨਾਲ ਬਣਾ ਸਕਦੇ ਹੋ। ਗੁਲਾਬ ਦੀਆਂ ਤਾਜ਼ੀਆਂ ਪੱਤੀਆਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਕੱਚ ਦੇ ਜਾਰ 'ਚ ਰੱਖੋ। ਇਸ ਨੂੰ ਧੁੱਪ 'ਚ ਰੱਖ ਕੇ ਸੁਕਾ ਲਓ। ਵੈਸੇ ਤਾਂ ਗੁਲਕੰਦ ਵਿੱਚ ਚੀਨੀ ਵੀ ਪਾਈ ਜਾਂਦੀ ਹੈ। ਪਰ ਜੇਕਰ ਤੁਸੀਂ ਡਾਈਟ ਕਾਨਸ਼ੀਅਸ ਹੋ ਜਾਂ ਤੁਹਾਨੂੰ ਸ਼ੂਗਰ ਹੈ, ਤਾਂ ਤੁਸੀਂ ਪੱਤਿਆਂ ਨੂੰ ਸੁਕਾ ਲਓ। ਇਸ ਤੋਂ ਬਾਅਦ ਰੋਜ਼ ਰਾਤ ਨੂੰ ਸੌਣ ਤੋਂ ਪਹਿਲਾਂ ਗੁਲਕੰਦ ਨੂੰ ਕੋਸੇ ਪਾਣੀ ਵਿੱਚ ਮਿਲਾ ਕੇ ਪੀਓ। ਤੁਸੀਂ ਚਾਹੋ ਤਾਂ ਸ਼ਹਿਦ ਵੀ ਮਿਲਾ ਸਕਦੇ ਹੋ।
ਗੁਲਕੰਦ ਦੇ ਫਾਇਦੇ
ਗੁਲਕੰਦ ਦੇ ਪਾਣੀ ਨਾਲ ਸਰੀਰ ਵਿੱਚ ਵਾਤ ਅਤੇ ਪਿੱਤ ਦਾ ਸੰਤੁਲਨ ਬਣਿਆ ਰਹਿੰਦਾ ਹੈ। ਜਿਸ ਕਾਰਨ ਪੇਟ ਵਿੱਚ pH ਬੈਲੇਂਸ ਬਣਿਆ ਰਹਿੰਦਾ ਹੈ। ਪੈਰਾਂ ਦੇ ਤਲੇ 'ਚ ਜਲਨ ਅਤੇ ਖੁਜਲੀ ਦੀ ਸ਼ਿਕਾਇਤ ਵੀ ਘੱਟ ਹੋ ਜਾਂਦੀ ਹੈ। ਗੁਲਕੰਦ ਦਾ ਪਾਣੀ ਪੀਣ ਨਾਲ ਗੈਸ ਅਤੇ ਬਲੋਟਿੰਗ ਦੋਵਾਂ ਵਿੱਚ ਆਰਾਮ ਮਿਲਦਾ ਹੈ। ਗੁਲਕੰਦ ਦਾ ਪਾਣੀ ਨਾ ਸਿਰਫ ਪੇਟ ਨੂੰ ਠੰਢਕ ਦਿੰਦਾ ਹੈ, ਸਗੋਂ ਐਸਿਡਿਕ ਬਾਇਲ ਜੂਸੇਸ ਵੀ ਸੰਤੁਲਿਤ ਮਾਤਰਾ ਵਿੱਚ ਬਣਦੇ ਹਨ। ਗੁਲਕੰਦ ਦਾ ਪਾਣੀ ਜ਼ਿਆਦਾ ਤੇਜ਼ਾਬ ਬਣਨ ਤੋਂ ਰੋਕਣ ਲਈ ਕਾਰਗਰ ਹੈ। ਜਿਸ ਕਾਰਨ ਐਸੀਡਿਟੀ ਵੀ ਘੱਟ ਹੋ ਜਾਂਦੀ ਹੈ।
ਇਹ ਵੀ ਪੜ੍ਹੋ: ਜੇਕਰ ਤੁਸੀਂ ਵੀ ਖਾਂਦੇ ਹੋ ਇਹ ਮੱਛੀਆਂ, ਸਿਹਤ ਨੂੰ ਹੁੰਦਾ ਜ਼ਬਰਦਸਤ ਫਾਇਦਾ, ਬਿਮਾਰੀਆਂ ਤੋਂ ਰਹੋਗੇ ਦੂਰਜੇਕਰ ਤੁਸੀਂ ਵੀ ਖਾਂਦੇ ਹੋ ਇਹ ਮੱਛੀਆਂ, ਸਿਹਤ ਨੂੰ ਹੁੰਦਾ ਜ਼ਬਰਦਸਤ ਫਾਇਦਾ, ਬਿਮਾਰੀਆਂ ਤੋਂ ਰਹੋਗੇ ਦੂਰ
ਗੁਲਕੰਦ ਦੇ ਪਾਣੀ ਨਾਲ ਬਲੱਡ ਸਰਕੁਲੇਸ਼ਨ ਵੀ ਨਾਰਮਲ ਰਹਿੰਦਾ ਹੈ। ਸਰੀਰ ਹਾਈਡ੍ਰੇਟ ਵੀ ਰਹਿੰਦਾ ਹੈ। ਜਿਸ ਦਾ ਅਸਰ ਸਕਿਨ 'ਤੇ ਦਿਖਾਈ ਦਿੰਦਾ ਹੈ। ਗੁਲਕੰਦ ਦੇ ਪਾਣੀ ਨਾਲ ਸਕਿਨ 'ਤੇ ਮੁਹਾਸੇ ਵੀ ਘੱਟ ਨਜ਼ਰ ਆਉਂਦੇ ਹਨ। ਜਿਨ੍ਹਾਂ ਦੇ ਮੂੰਹ ਵਿੱਚ ਛਾਲੇ ਹਨ, ਉਨ੍ਹਾਂ ਨੂੰ ਵੀ ਗੁਲਕੰਦ ਦਾ ਪਾਣੀ ਪੀਣਾ ਚਾਹੀਦਾ ਹੈ। ਗੁਲਕੰਦ ਦਾ ਪਾਣੀ ਮੂੰਹ ਲਈ ਐਂਟੀਬੈਕਟੀਰੀਅਲ ਦਵਾਈ ਦੀ ਤਰ੍ਹਾਂ ਕੰਮ ਕਰਦਾ ਹੈ। ਨਾਲ ਹੀ, ਇਹ ਪਾਚਨ ਨੂੰ ਠੀਕ ਕਰਦਾ ਹੈ, ਜਿਸ ਕਾਰਨ ਮੂੰਹ ਵਿੱਚ ਛਾਲੇ ਘੱਟ ਹੋ ਜਾਂਦੇ ਹਨ।