ਲਾਈਟ ਜਗਾਉਂਦੇ ਹੀ ਜ਼ੀਰਾ ਮੱਛਰ ਕਰ ਦਿੰਦੇ ਅਟੈਕ? ਬੱਲਬ ਤੇ ਟਿਊਬ ਲਾਈਟ ‘ਤੇ ਕੀੜੇ-ਭੂੰਡੀਆਂ ਆਉਣ ਤੋਂ ਇੰਝ ਬਚਾਓ
ਅੱਜ ਕੱਲ੍ਹ ਬੱਲਬ ਤੇ ਟਿਊਬ ਲਾਈਟ ਜਗਾਉਂਦੇ ਹੀ ਜ਼ੀਰਾ ਮੱਛਰ ਦੀ ਭਰਮਾਰ ਹੋ ਜਾਂਦੀ ਹੈ। ਜਿਸ ਕਰਕੇ ਉਸ ਥਾਂ ਬੈਠਣ ਵੀ ਮੁਸ਼ਕਿਲ ਹੋ ਜਾਂਦਾ ਹੈ। ਆਓ ਜਾਣਦੇ ਹਾਂ ਕਿਵੇਂ ਇਨ੍ਹਾਂ ਕੀੜੇ-ਭੂੰਡੀਆਂ ਤੋਂ ਨਿਜ਼ਾਤ ਪਾ ਸਕਦੇ ਹਾਂ...
How to keep insects away from light at night: ਘਰ ਵਿੱਚ ਛੋਟੇ-ਛੋਟੇ ਕੀੜਿਆਂ ਦਾ ਆਉਣਾ ਆਮ ਗੱਲ ਹੈ। ਪਰ ਜਿਵੇਂ ਹੀ ਰਾਤ ਦੇ ਸਮੇਂ ਬੱਲਬ ਜਾਂ ਟਿਊਬ ਲਾਈਟ ਜਗਾਈ ਜਾਂਦੀ ਹੈ, ਉਸਦੇ ਆਲੇ-ਦੁਆਲੇ ਇਕੱਠੇ ਬਹੁਤ ਸਾਰੇ ਜ਼ੀਰਾ ਮੱਛਰ ਆ ਜਾਂਦੇ ਹਨ। ਇਸ ਨਾਲ ਨਾ ਸਿਰਫ ਘਰ ਦਾ ਲੁੱਕ ਖਰਾਬ ਹੁੰਦਾ ਹੈ, ਸਗੋਂ ਉਸ ਜਗ੍ਹਾ 'ਤੇ ਬੈਠਣਾ ਵੀ ਮੁਸ਼ਕਲ ਹੋ ਜਾਂਦਾ ਹੈ। ਹੁਣ, ਜੇ ਤੁਹਾਡੇ ਨਾਲ ਵੀ ਅਜਿਹਾ ਕੁਝ ਹੁੰਦਾ ਹੈ, ਤਾਂ ਇਹ ਆਰਟੀਕਲ ਤੁਹਾਡੇ ਲਈ ਮਦਦਗਾਰ ਸਾਬਤ ਹੋ ਸਕਦਾ ਹੈ। ਇੱਥੇ ਅਸੀਂ ਤੁਹਾਨੂੰ ਕੁਝ ਆਸਾਨ ਟਿਪਸ ਦੱਸ ਰਹੇ ਹਾਂ, ਜਿਨ੍ਹਾਂ ਨੂੰ ਅਪਣਾ ਕੇ ਤੁਸੀਂ ਬੱਲਬ ਅਤੇ ਟਿਊਬ ਲਾਈਟ ‘ਤੇ ਜ਼ੀਰਾ ਮੱਛਰ ਦੇ ਆਉਣ ਨੂੰ ਰੋਕ ਸਕਦੇ ਹੋ। ਆਓ, ਜਾਣੀਏ ਇਹਨਾਂ ਬਾਰੇ-
ਲਾਈਟ ਤੋਂ ਜ਼ੀਰਾ ਮੱਛਰ ਜਾਂ ਭੂੰਡੀਆਂ ਨੂੰ ਕਿਵੇਂ ਰੋਕੀਏ?
ਸਹੀ ਰੰਗ ਵਾਲਾ LED ਬੱਲਬ ਵਰਤੋਂ: ਕੀੜੇ ਜ਼ਿਆਦਾਤਰ ਸਫ਼ੈਦ ਅਤੇ ਤੇਜ਼ ਰੌਸ਼ਨੀ ਵੱਲ ਖਿੱਚੇ ਜਾਂਦੇ ਹਨ। ਇਸ ਲਈ ਪੁਰਾਣੇ ਬੱਲਬ ਜਾਂ ਫਲੋਰੋਸੈਂਟ ਟਿਊਬ ਲਾਈਟ ਦੀ ਥਾਂ ਵਾਰਮ (ਪੀਲੇ ਰੰਗ ਵਾਲੀ) LED ਲਾਈਟ ਲਗਾਓ। ਇਹਨਾਂ ਤੋਂ ਬਹੁਤ ਘੱਟ ਪਰਾਬੈਂਗਨੀ (UV) ਕਿਰਨਾਂ ਨਿਕਲਦੀਆਂ ਹਨ, ਜਿਸ ਨਾਲ ਕੀੜੇ ਇਨ੍ਹਾਂ ਦੇ ਆਲੇ-ਦੁਆਲੇ ਨਹੀਂ ਫਿਰਦੇ। ਨਾਲ ਹੀ, ਇਹ ਤੁਹਾਡੇ ਘਰ ਨੂੰ ਨਰਮ ਅਤੇ ਸੁੰਦਰ ਰੌਸ਼ਨੀ ਦਿੰਦੇ ਹਨ, ਜਿਸ ਨਾਲ ਘਰ ਵਧੀਆ ਦਿਖਦਾ ਹੈ ਅਤੇ ਤੁਹਾਡਾ ਮੂਡ ਵੀ ਚੰਗਾ ਰਹਿੰਦਾ ਹੈ।
ਨੇਚਰਲ ਐਸੈਂਸ਼ੀਅਲ ਆਇਲਾਂ ਦਾ ਇਸਤੇਮਾਲ:
ਪੈਪਰਮਿੰਟ, ਲੈਵੈਂਡਰ, ਯੂਕੈਲਿਪਟਸ ਅਤੇ ਸਿਟ੍ਰੋਨੇਲਾ ਵਰਗੇ ਆਇਲਾਂ ਕੁਦਰਤੀ ਰਿਪੈਲੈਂਟ ਵਾਂਗ ਕੰਮ ਕਰਦੇ ਹਨ। ਇਨ੍ਹਾਂ ਨੂੰ ਪਾਣੀ ਵਿੱਚ ਮਿਲਾ ਕੇ ਇੱਕ ਸਪਰੇਅ ਤਿਆਰ ਕਰੋ ਅਤੇ ਲਾਈਟ ਜਗਾਉਣ ਤੋਂ ਪਹਿਲਾਂ ਇਸਨੂੰ ਲਾਈਟ ਦੇ ਆਲੇ-ਦੁਆਲੇ ਛਿੜਕੋ। ਇਸ ਨਾਲ ਕੀੜੇ ਦੂਰ ਰਹਿਣਗੇ ਅਤੇ ਘਰ ਵਿੱਚ ਸੁੰਦਰ ਖੁਸ਼ਬੂ ਵੀ ਫੈਲ ਜਾਵੇਗੀ।
ਘਰ ਅਤੇ ਬਾਹਰ ਦੀ ਸਫਾਈ ਬਣਾਈ ਰੱਖੋ:
ਸਟੋਰ ਕੀਤਾ ਪਾਣੀ, ਡਿੱਗੇ ਪੱਤੇ ਅਤੇ ਗੰਦਗੀ ਕੀੜੇ-ਮਕੌੜਿਆਂ ਨੂੰ ਵੱਧ ਖਿੱਚਦੇ ਹਨ। ਇਸ ਲਈ ਬਾਲਕਨੀ ਅਤੇ ਛੱਤ ਨੂੰ ਹਮੇਸ਼ਾ ਸਾਫ ਰੱਖੋ। ਗਮਲਿਆਂ ਵਿੱਚ ਪਾਣੀ ਇਕੱਠਾ ਨਾ ਹੋਣ ਦਿਓ ਅਤੇ ਪੌਦਿਆਂ ਨੂੰ ਸਮੇਂ-ਸਮੇਂ ਤੇ ਟ੍ਰਿਮ ਕਰਦੇ ਰਹੋ। ਇਸ ਨਾਲ ਉਸ ਜਗ੍ਹਾ ਉੱਤੇ ਵੀ ਕੀੜੇ ਨਹੀਂ ਆਉਣਗੇ।
ਜ਼ਰੂਰਤ ਤੋਂ ਵੱਧ ਲਾਈਟ ਨਾ ਜਲਾਓ:
ਇਨ੍ਹਾਂ ਸਾਰਿਆਂ ਤੋਂ ਵੱਖ, ਧਿਆਨ ਰੱਖੋ ਕਿ ਜਿੰਨੀ ਵੱਧ ਲਾਈਟਾਂ ਹੋਣਗੀਆਂ, ਉੰਨੇ ਹੀ ਕੀੜੇ ਖਿੱਚੇ ਜਾਣਗੇ। ਇਸ ਲਈ ਜਿਹੜੀ ਲਾਈਟ ਜ਼ਰੂਰੀ ਨਹੀਂ ਹੈ, ਉਸਨੂੰ ਬੰਦ ਕਰ ਦਿਓ। ਇਸ ਨਾਲ ਬਿਜਲੀ ਵੀ ਬਚੇਗੀ ਅਤੇ ਕੀੜੇ ਵੀ ਘੱਟ ਆਉਣਗੇ। ਇਸ ਤਰ੍ਹਾਂ ਸਹੀ ਲਾਈਟਾਂ ਚੁਣ ਕੇ, ਐਸੈਂਸ਼ੀਅਲ ਆਇਲਾਂ ਦਾ ਇਸਤੇਮਾਲ ਕਰਕੇ ਅਤੇ ਸਫਾਈ ਰੱਖ ਕੇ ਤੁਸੀਂ ਆਪਣੇ ਘਰ ਨੂੰ ਕੀੜਿਆਂ ਤੋਂ ਬਚਾ ਸਕਦੇ ਹੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
