don't drink fake ginger tea: ਭਾਰਤ ਦੇ ਲੋਕ ਚਾਹ ਦੇ ਬਹੁਤ ਸ਼ੌਕੀਨ ਹਨ। ਸਰਦੀਆਂ ਵਿੱਚ ਚਾਹ ਅਦਰਕ ਤੋਂ ਬਿਨਾਂ ਅਧੂਰੀ ਲੱਗਦੀ ਹੈ। ਹਾਲਾਂਕਿ ਅਦਰਕ ਦੀ ਵਰਤੋਂ ਹਰ ਮੌਸਮ 'ਚ ਕੀਤੀ ਜਾਂਦੀ ਹੈ ਪਰ ਸਰਦੀਆਂ 'ਚ ਇਸ ਦੀ ਵਰਤੋਂ ਵਧ ਜਾਂਦੀ ਹੈ। ਅਦਰਕ ਦੀ ਵਰਤੋਂ ਸਬਜ਼ੀਆਂ ਅਤੇ ਕਾੜ੍ਹਾ ਬਣਾਉਣ ਵਿੱਚ ਵੀ ਕੀਤੀ ਜਾਂਦੀ ਹੈ। ਭਾਰਤ, ਚੀਨ ਅਤੇ ਯੂਰਪ ਵਿੱਚ ਅਦਰਕ ਦੀ ਸਭ ਤੋਂ ਵੱਧ ਮੰਗ ਹੈ। ਕਈ ਲੋਕਾਂ ਨੂੰ ਸਰਦੀਆਂ ਵਿੱਚ ਅਦਰਕ ਵਾਲੀ ਚਾਹ ਪੀਣ ਦੀ ਆਦਤ (habit of drinking ginger tea in winter) ਹੁੰਦੀ ਹੈ। ਜਿਵੇਂ-ਜਿਵੇਂ ਅਦਰਕ ਦੀ ਮੰਗ ਵਧਦੀ ਹੈ, ਜਿਸ ਕਰਕੇ ਬਾਜ਼ਾਰਾਂ ਦੇ ਵਿੱਚ ਨਕਲੀ ਅਦਰਕ ਵਿਕਣ ਲੱਗ ਜਾਂਦਾ ਹੈ। ਇਹ ਨਕਲੀ ਅਦਰਕ ਤੁਹਾਡੀ ਸਿਹਤ ਨੂੰ ਖਰਾਬ ਕਰ ਸਕਦਾ ਹੈ। ਹਾਲਾਂਕਿ, ਨਕਲੀ ਅਦਰਕ ਦੀ ਨਜ਼ਰ ਨਾਲ ਪਛਾਣ ਕਰਨਾ ਮੁਸ਼ਕਲ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਨਕਲੀ ਅਤੇ ਅਸਲੀ ਅਦਰਕ ਵਿੱਚ ਫਰਕ ਕਿਵੇਂ ਕਰੀਏ।
ਚਮਕਦਾਰ ਨਜ਼ਰ ਆਉਣ ਵਾਲੇ ਅਦਰਕ ਤੋਂ ਦੂਰ ਰਹੋ
ਬਹੁਤ ਸਾਰੇ ਲੋਕ ਗੰਦੇ ਅਦਰਕ ਦੀ ਬਜਾਏ ਸਾਫ਼ ਅਦਰਕ ਖਰੀਦਣਾ ਪਸੰਦ ਕਰਦੇ ਹਨ। ਹਾਲਾਂਕਿ, ਤੁਹਾਨੂੰ ਆਪਣੀ ਇਸ ਆਦਤ ਨੂੰ ਬਦਲਣਾ ਚਾਹੀਦਾ ਹੈ ਕਿਉਂਕਿ ਇਹ ਤੁਹਾਡੀ ਸਿਹਤ ਨੂੰ ਸੁਧਾਰਨ ਦੀ ਬਜਾਏ ਵਿਗਾੜ ਸਕਦੀ ਹੈ। ਦਰਅਸਲ, ਅੱਜਕੱਲ੍ਹ ਦੁਕਾਨਦਾਰ ਅਦਰਕ ਨੂੰ ਸਾਫ਼ ਕਰਨ ਲਈ ਇੱਕ ਤਰ੍ਹਾਂ ਦੇ ਤੇਜ਼ਾਬ ਦੀ ਵਰਤੋਂ ਕਰਦੇ ਹਨ। ਅਜਿਹਾ ਅਦਰਕ ਦਿੱਖ ਵਿਚ ਸਾਫ਼ ਦਿਖਾਈ ਦਿੰਦਾ ਹੈ ਕਿਉਂਕਿ ਇਸ ਨੂੰ ਤੇਜ਼ਾਬ ਨਾਲ ਧੋਤਾ ਗਿਆ ਹੈ। ਪਰ ਇਹ ਸਾਫ ਸੁਥਰਾ ਨਜ਼ਰ ਆਉਣ ਵਾਲਾ ਅਦਰਕ ਤੁਹਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
ਹੋਰ ਪੜ੍ਹੋ : ਬਾਥਰੂਮ 'ਚ ਹਾਰਟ ਅਟੈਕ ਦਾ ਖ਼ਤਰਾ! ਨਹਾਉਂਦੇ ਸਮੇਂ ਕਰ ਤਾਂ ਨਹੀਂ ਰਹੇ ਇਹ ਗਲਤੀ
ਅਦਰਕ ਦੇ ਨਾਮ 'ਤੇ ਪਹਾੜੀ ਜੜ੍ਹ
ਪਹਾੜੀ ਜੜ੍ਹ ਕੱਚੇ ਅਦਰਕ ਵਜੋਂ ਵੇਚੀ ਜਾਂਦੀ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਅਦਰਕ ਖਰੀਦਣ ਜਾਂਦੇ ਹੋ ਤਾਂ ਧਿਆਨ ਰੱਖੋ ਕਿ ਅਦਰਕ ਦਾ ਛਿੱਲਕ ਪਤਲਾ ਹੋਣਾ ਚਾਹੀਦਾ ਹੈ। ਅਦਰਕ ਨੂੰ ਛਿੱਲਣ ਦੀ ਕੋਸ਼ਿਸ਼ ਕਰੋ। ਅਸਲੀ ਅਦਰਕ ਦੇ ਨਹੁੰ ਚੁਭਣ ਨਾਲ ਇਸ ਦਾ ਛਿਲਕਾ ਆਸਾਨੀ ਨਾਲ ਉਤਰ ਜਾਵੇਗਾ। ਇਸ ਨਾਲ ਤੁਹਾਡੇ ਹੱਥਾਂ 'ਚ ਬਹੁਤ ਤੇਜ਼ ਖੁਸ਼ਬੂ ਬਣੀ ਰਹੇਗੀ। ਜੇਕਰ ਅਦਰਕ ਦਾ ਛਿਲਕਾ ਬਹੁਤ ਸਖ਼ਤ ਹੈ ਤਾਂ ਇਸ ਨੂੰ ਨਾ ਖਰੀਦੋ ਕਿਉਂਕਿ ਇਹ ਨਕਲੀ ਹੈ।
ਇੰਝ ਕਰੋ ਅਸਲੀ ਜਾਂ ਨਕਲੀ ਅਦਰਕ ਦੀ ਪਛਾਣ
ਅਸਲੀ ਅਦਰਕ ਜ਼ਮੀਨ ਦੇ ਹੇਠਾਂ ਉੱਗਦਾ ਹੈ, ਇਸ ਲਈ ਉਸ ਉੱਤੇ ਮਿੱਟੀ ਲੱਗੀ ਹੁੰਦੀ ਹੈ। ਜਦੋਂ ਕਿ ਨਕਲੀ ਅਦਰਕ ਤੁਹਾਨੂੰ ਬਿਲਕੁਲ ਸਾਫ਼-ਸੁਥਰਾ ਦਿਖਾਈ ਦੇਵੇਗਾ। ਇਸ ਤੋਂ ਇਲਾਵਾ ਤੁਸੀਂ ਅਸਲੀ ਅਤੇ ਨਕਲੀ ਅਦਰਕ ਨੂੰ ਸੁੰਘ ਕੇ ਵੀ ਪਛਾਣ ਸਕਦੇ ਹੋ। ਅਸਲੀ ਅਦਰਕ ਦੀ ਇੱਕ ਮਜ਼ਬੂਤ ਸੁਗੰਧ ਹੁੰਦੀ ਹੈ। ਜਦੋਂ ਕਿ ਨਕਲੀ ਅਦਰਕ ਦੀ ਕੋਈ ਗੰਧ ਨਹੀਂ ਹੋਵੇਗੀ।