travel

Kedarnath Yatra : ਕੱਲ੍ਹ ਖੁੱਲ੍ਹਣਗੇ ਕੇਦਾਰਨਾਥ ਧਾਮ ਦੇ ਕਪਾਟ; ਮੰਦਿਰ ਪਰਿਸਰ 'ਚ ਮੋਬਾਈਲ ਫੋਨ ਲਿਜਾਣ 'ਤੇ ਪਾਬੰਧੀ

ABP Sanjha — Tue, 21 Apr 2026 20:05:14 +0530

ਫਲਾਈਟ 'ਚ ਭੁੱਲ ਕੇ ਵੀ ਨਾ ਲਿਜਾਓ ਇਹ ਚੀਜ਼ਾਂ , ਨਹੀਂ ਤਾਂ ਝੱਲਣਾ ਪਵੇਗਾ ਨੁਕਸਾਨ

ABP Sanjha — Wed, 8 Apr 2026 20:37:00 +0530

Flight 'ਚ ਭੁੱਲ ਕੇ ਵੀ ਨਾ ਲਿਜਾਓ ਇਹ ਚੀਜ਼ਾਂ , ਨਹੀਂ ਤਾਂ ਝੱਲਣਾ ਪਵੇਗਾ ਭਾਰੀ ਨੁਕਸਾਨ

ABP Sanjha — Wed, 8 Apr 2026 18:24:24 +0530

Items banned in Flight : ਹਵਾਈ ਯਾਤਰਾ ਦੌਰਾਨ ਸੁਰੱਖਿਆ ਨਿਯਮ ਕਾਫ਼ੀ ਸਖ਼ਤ ਹੁੰਦੇ ਹਨ ਅਤੇ ਇੱਕ ਛੋਟੀ ਜਿਹੀ ਗਲਤੀ ਵੀ ਤੁਹਾਡੀ ਯਾਤਰਾ ਨੂੰ ਬਰਬਾਦ ਕਰ ਸਕਦੀ ਹੈ। ਅਸੀਂ ਅਕਸਰ ਆਪਣੇ ਬੈਗਾਂ ਵਿੱਚ ਆਪਣੀ ਜ਼ਰੂਰਤ ਦੀ ਹਰ ਚੀਜ਼ ਪੈਕ ਕਰਦੇ ਹਾਂ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੀ ਰਸੋਈ ਜਾਂ ਵੈਨਿਟੀ ਬਾਕਸ ਵਿੱਚ ਰੱਖੀਆਂ ਕੁਝ ਸਧਾਰਨ ਚੀਜ਼ਾਂ ਨੂੰ ਵੀ ਫਲਾਈਟ ਵਿੱਚ ਖ਼ਤਰਨਾਕ ਮੰਨਿਆ ਜਾ ਸਕਦਾ ਹੈ?

ਇਹਨਾਂ ਚੀਜ਼ਾਂ ਨੂੰ ਫਲਾਈਟ ਵਿੱਚ ਲਿਜਾਣ 'ਤੇ ਪਾਬੰਦੀ

ਫਲਾਈਟ ਵਿੱਚ ਸੁਰੱਖਿਆ ਦਾ ਕਾਫ਼ੀ ਧਿਆਨ ਰੱਖਿਆ ਜਾਂਦਾ ਹੈ, ਇਸ ਲਈ ਜੇਕਰ ਤੁਸੀਂ ਸੁਰੱਖਿਆ ਜਾਂਚ ਦੌਰਾਨ ਵਰਜਿਤ ਚੀਜ਼ਾਂ ਲੈ ਕੇ ਜਾਂਦੇ ਹੋ ਤਾਂ ਤੁਹਾਨੂੰ ਸੁਰੱਖਿਆ ਚੈਕਿੰਗ ਦੌਰਾਨ ਰੋਕ ਲਿਆ ਜਾਵੇਗਾ ਅਤੇ ਉਹਨਾਂ ਨੂੰ ਜ਼ਬਤ ਵੀ ਕੀਤਾ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਫਲਾਈਟਾਂ ਵਿੱਚ ਕਿਹੜੀਆਂ ਚੀਜ਼ਾਂ ਦੀ ਸਖ਼ਤ ਮਨਾਹੀ ਹੈ।

ਸੁੱਕਾ ਨਾਰੀਅਲ

ਬਹੁਤ ਸਾਰੇ ਲੋਕ ਅਣਜਾਣੇ ਵਿੱਚ ਸੁੱਕਾ ਨਾਰੀਅਲ ਆਪਣੇ ਨਾਲ ਲੈ ਜਾਂਦੇ ਹਨ ਪਰ ਇਹ ਫਲਾਈਟਾਂ ਵਿੱਚ ਸਖ਼ਤ ਮਨਾਹੀ ਹੈ ਕਿਉਂਕਿ ਇਸ ਵਿੱਚ ਤੇਲ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ ਅਤੇ ਇਸਨੂੰ ਜਲਣਸ਼ੀਲ ਮੰਨਿਆ ਜਾਂਦਾ ਹੈ।

ਪਾਵਰ ਬੈਂਕ

ਪਾਵਰ ਬੈਂਕ ਸਿਰਫ਼ ਹੱਥ ਦੇ ਸਮਾਨ ਵਾਲੇ ਕੈਬਿਨ ਬੈਗਾਂ ਵਿੱਚ ਹੀ ਲਿਜਾਏ ਜਾ ਸਕਦੇ ਹਨ। ਇਹ ਚੈੱਕ-ਇਨ ਕੀਤੇ ਸਮਾਨ ਵਿੱਚ ਵਰਜਿਤ ਹਨ ਕਿਉਂਕਿ ਇਹ ਅੱਗ ਦਾ ਖ਼ਤਰਾ ਪੈਦਾ ਕਰਦੇ ਹਨ।

ਤਿੱਖੀ ਧਾਰ ਵਾਲੀਆਂ ਵਸਤੂਆਂ

ਕੈਬਿਨ ਬੈਗਾਂ ਵਿੱਚ ਕੈਂਚੀ, ਚਾਕੂ, ਨੇਲ ਕਟਰ, ਅਤੇ ਇੱਥੋਂ ਤੱਕ ਕਿ ਸਿਲਾਈ ਦੀਆਂ ਸੂਈਆਂ ਵੀ ਵਰਜਿਤ ਹਨ। ਇਸ ਲਈ ਤੁਹਾਨੂੰ ਯਾਤਰਾ ਕਰਨ ਤੋਂ ਪਹਿਲਾਂ ਸਾਰੇ ਦਿਸ਼ਾ-ਨਿਰਦੇਸ਼ਾਂ ਨੂੰ ਧਿਆਨ ਨਾਲ ਪੜ੍ਹਨਾ ਚਾਹੀਦਾ ਹੈ।

ਮਸਾਲੇ ਅਤੇ ਮਿਰਚ ਪਾਊਡਰ

ਕੈਬਿਨ ਬੈਗਾਂ ਵਿੱਚ ਵੱਡੀ ਮਾਤਰਾ ਵਿੱਚ ਮਿਰਚ ਪਾਊਡਰ ਜਾਂ ਮਸਾਲੇਦਾਰ ਮਸਾਲੇ ਰੱਖਣ ਦੀ ਮਨਾਹੀ ਹੋ ਸਕਦੀ ਹੈ ਕਿਉਂਕਿ ਉਹਨਾਂ ਨੂੰ ਸੁਰੱਖਿਆ ਖ਼ਤਰਾ ਮੰਨਿਆ ਜਾ ਸਕਦਾ ਹੈ। ਹਾਲਾਂਕਿ ਉਹਨਾਂ ਨੂੰ ਸਾਮਾਨ ਦੇ ਡੱਬੇ ਵਿੱਚ ਸਟੋਰ ਕੀਤਾ ਜਾ ਸਕਦਾ ਹੈ।

ਲਾਈਟਰ ਅਤੇ ਮਾਚਿਸ

ਲਾਈਟਰ ਜਾਂ ਮਾਚਿਸ ਜਹਾਜ਼ ਵਿੱਚ ਮਨਾਹੀ ਹੈ। ਕੁਝ ਏਅਰਲਾਈਨਾਂ ਜੇਬ ਵਿੱਚ ਇੱਕ ਛੋਟਾ ਲਾਈਟਰ ਰੱਖਣ ਦੀ ਆਗਿਆ ਦਿੰਦੀਆਂ ਹਨ ਪਰ ਉਹਨਾਂ ਨੂੰ ਇਸਨੂੰ ਬੈਗ ਵਿੱਚ ਰੱਖਣ ਦੀ ਮਨਾਹੀ ਹੈ।

Himachal Entry Tax Hike : ਹਿਮਾਚਲ ਵਿਧਾਨ ਸਭਾ 'ਚ ਐਂਟਰੀ ਟੈਕਸ ਦਾ ਮੁੱਦਾ ਗੂੰਜਿਆ , CM ਸੁੱਖੂ ਨੇ ਕਿਹਾ- "ਮੈਂ CM ਮਾਨ ਨਾਲ ਗੱਲ ਕਰਾਂਗਾ"

ABP Sanjha — Tue, 31 Mar 2026 16:06:43 +0530

Himachal Entry Tax Hike : ਹਿਮਾਚਲ 'ਚ ਵਾਹਨਾਂ 'ਤੇ ਵਧਾਏ ਐਂਟਰੀ ਟੈਕਸ ਦਾ ਮੁੱਦਾ ਮੰਗਲਵਾਰ ਨੂੰ ਇੱਕ ਵਾਰ ਫ਼ਿਰ ਵਿਧਾਨ ਸਭਾ ਵਿੱਚ ਉਠਿਆ ਹੈ। ਹਿਮਾਚਲ ਦੇ ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਨੇ ਕਿਹਾ ਕਿ ਉਹ ਸਥਿਤੀ ਨੂੰ ਦੇਖਦੇ ਹੋਏ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨਾਲ ਇਸ ਮਾਮਲੇ 'ਤੇ ਫ਼ਿਰ ਗੱਲਬਾਤ ਕਰਨਗੇ। ਉਨ੍ਹਾਂ ਨੇ ਪਹਿਲਾਂ ਹੀ ਟੋਲ ਦਰਾਂ ਘਟਾਉਣ ਦੇ ਨਿਰਦੇਸ਼ ਦੇ ਰੱਖੇ ਹਨ। ਭਾਜਪਾ ਵਿਧਾਇਕ ਰਣਧੀਰ ਸ਼ਰਮਾ ਨੇ ਵਿਧਾਨ ਸਭਾ ਵਿੱਚ ਇਹ ਮੁੱਦਾ ਉਠਾਇਆ।

ਰਣਧੀਰ ਨੇ ਕਿਹਾ ਕਿ ਐਂਟਰੀ ਟੈਕਸ ਦੀਆਂ ਨਵੀਆਂ ਦਰਾਂ ਅੱਜ ਅੱਧੀ ਰਾਤ ਤੋਂ ਲਾਗੂ ਹੋ ਰਹੀਆਂ ਹਨ। ਇਸ ਦੇ ਚੱਲਦੇ ਕੱਲ੍ਹ ਤੋਂ ਸਰਹੱਦੀ ਖੇਤਰਾਂ ਵਿੱਚ ਹਾਲਾਤ ਵਿਗੜ ਸਕਦੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਫੈਸਲੇ ਵਿਰੁੱਧ ਪੰਜਾਬ ਵਿੱਚ ਪਹਿਲਾਂ ਹੀ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਹੋ ਚੁੱਕੇ ਹਨ। ਓਥੋਂ ਦੇ ਲੋਕਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਹਿਮਾਚਲ ਪ੍ਰਦੇਸ਼ ਤੋਂ ਆਉਣ ਵਾਲੇ ਵਾਹਨਾਂ ਨੂੰ ਕੱਲ੍ਹ ਤੋਂ ਪੰਜਾਬ ਵਿੱਚ ਦਾਖਲ ਨਹੀਂ ਹੋਣ ਦਿੱਤਾ ਜਾਵੇਗਾ।

ਇਸ ਨਾਲ ਸਰਹੱਦੀ ਖੇਤਰਾਂ ਵਿੱਚ ਕਾਨੂੰਨ ਵਿਵਸਥਾ ਵਿਗੜਨ ਦੀ ਆਸ਼ੰਕਾ ਜਤਾਈ ਜਾ ਰਹੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਮੁੱਖ ਮੰਤਰੀ ਨੇ ਸੋਮਵਾਰ ਨੂੰ ਸਦਨ ਨੂੰ ਇਸ ਮੁੱਦੇ ਨੂੰ ਹੱਲ ਕਰਨ ਦਾ ਭਰੋਸਾ ਦਿੱਤਾ ਸੀ, ਪਰ ਸਥਿਤੀ ਨੂੰ ਹੱਲ ਕਰਨ ਲਈ ਕੋਈ ਠੋਸ ਕਦਮ ਨਹੀਂ ਚੁੱਕੇ ਗਏ ਹਨ।

ਮੁੱਖ ਮੰਤਰੀ ਨੇ ਕਿਹਾ - ਵਿਰੋਧ ਦੀ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ

ਉਸ 'ਤੇ ਮੁੱਖ ਮੰਤਰੀ ਸੁੱਖੂ ਨੇ ਕਿਹਾ ਕਿ ਸਰਕਾਰ ਕੋਲ ਸਰਹੱਦੀ ਖੇਤਰਾਂ ਵਿੱਚ ਕਿਸੇ ਵੀ ਤਣਾਅ ਜਾਂ ਵਿਰੋਧ ਪ੍ਰਦਰਸ਼ਨ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਐਂਟਰੀ ਟੈਕਸ ਸਿਰਫ ਵੱਡੇ ਵਾਹਨਾਂ ਲਈ ਵਧਾਇਆ ਗਿਆ ਹੈ ਅਤੇ ਸਰਕਾਰ ਟੈਕਸ ਰੈਸ਼ਨੇਲਾਈਜੇਸ਼ਨ 'ਤੇ ਵੀ ਵਿਚਾਰ ਕਰ ਰਹੀ ਹੈ। ਭਾਜਪਾ ਵਿਧਾਇਕਾਂ ਨੇ ਅੱਜ ਵਿਧਾਨ ਸਭਾ ਦੀ ਕਾਰਵਾਈ ਸ਼ੁਰੂ ਹੋਣ ਤੋਂ ਪਹਿਲਾਂ ਇਸ ਮੁੱਦੇ 'ਤੇ ਵਿਧਾਨ ਸਭਾ ਦੇ ਬਾਹਰ ਵਿਰੋਧ ਪ੍ਰਦਰਸ਼ਨ ਵੀ ਕੀਤਾ।

100 ਤੋਂ 280 ਰੁਪਏ ਤੱਕ ਵਧਾਇਆ ਟੋਲ , ਪੰਜਾਬ ਅਤੇ ਹਰਿਆਣਾ ਵਿੱਚ ਲੋਕ ਭੜਕੇ

ਦੱਸ ਦੇਈਏ ਕਿ ਰਾਜ ਸਰਕਾਰ ਨੇ ਐਂਟਰੀ ਟੈਕਸ ਦਰਾਂ 'ਚ 100 ਤੋਂ ਵਧਾ ਕੇ 280 ਤੱਕ ਦਾ ਵਾਧਾ ਕੀਤਾ ਹੈ। ਜਿਸ ਨਾਲ ਗੁਆਂਢੀ ਪੰਜਾਬ ਅਤੇ ਹਰਿਆਣਾ ਦੇ ਲੋਕ ਖਾਸ ਕਰਕੇ ਟੈਕਸੀ ਚਾਲਕ ਭੜਕ ਉਠੇ ਹਨ। ਹਿਮਾਚਲ ਦੇ ਐਂਟਰੀ ਟੈਕਸ ਦੇ ਵਿਰੋਧ ਵਿੱਚ ਪੰਜਾਬ ਸਰਕਾਰ ਨੇ ਹਿਮਾਚਲ ਵਾਹਨਾਂ 'ਤੇ ਟੈਕਸ ਲਗਾਉਣ ਦਾ ਵੀ ਸੰਕੇਤ ਦਿੱਤਾ ਹੈ।

ਸਰਹੱਦੀ ਖੇਤਰ 'ਚ 4-5 ਦਿਨਾਂ ਤੋਂ ਹੋ ਰਹੇ ਨੇ ਵਿਰੋਧ ਪ੍ਰਦਰਸ਼ਨ

ਹਿਮਾਚਲ ਸਰਕਾਰ ਦੇ ਇਸ ਫੈਸਲੇ ਦੇ ਵਿਰੋਧ 'ਚ ਪਿਛਲੇ ਚਾਰ ਤੋਂ ਪੰਜ ਦਿਨਾਂ ਤੋਂ ਦੋਵਾਂ ਰਾਜਾਂ ਦੇ ਲੋਕ ਹਿਮਾਚਲ ਸਰਕਾਰ ਦੇ ਫੈਸਲੇ ਦਾ ਵਿਰੋਧ ਕਰ ਰਹੇ ਹਨ। ਉਨ੍ਹਾਂ ਨੇ ਅੱਜ ਰਾਤ ਅੱਧੀ ਰਾਤ ਤੋਂ ਬਾਅਦ ਹਿਮਾਚਲ ਦੇ ਵਾਹਨਾਂ ਦੀ ਐਂਟਰੀ ਨੂੰ ਰੋਕਣ ਦੀ ਚੇਤਾਵਨੀ ਦਿੱਤੀ ਹੈ। ਜੇਕਰ ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਨੇ ਜਲਦੀ ਹੀ ਇਸ ਮੁੱਦੇ ਦਾ ਹੱਲ ਨਹੀਂ ਕੀਤਾ ਤਾਂ ਕੱਲ੍ਹ ਤੋਂ ਸਰਹੱਦੀ ਖੇਤਰ ਵਿੱਚ ਸਥਿਤੀ ਹੋਰ ਵਿਗੜ ਸਕਦੀ ਹੈ।

ਰੇਲਵੇ ਦੀ ਇਹ ਸੇਵਾ 26-27 ਮਾਰਚ ਦੀ ਰਾਤ ਨੂੰ ਬੰਦ ਰਹੇਗੀ, PNR ਤੋਂ ਲੈ ਕੇ ਟਿਕਟ ਬੁਕਿੰਗ ਅਤੇ ਕੈਂਸਲੇਸ਼ਨ ਰਹੇਗਾ ਠੱਪ

ABP Sanjha — Mon, 23 Mar 2026 20:06:51 +0530

Airports Closed News : ਹਵਾਈ ਯਾਤਰਾ ਕਰਨ ਵਾਲਿਆਂ ਲਈ ਅਹਿਮ ਖ਼ਬਰ , ਆਦਮਪੁਰ ਸਮੇਤ 4 ਹਵਾਈ ਅੱਡੇ ਰਹਿਣਗੇ ਬੰਦ

ABP Sanjha — Fri, 20 Mar 2026 15:16:17 +0530

Airports Closed News : ਹਵਾਈ ਯਾਤਰਾ ਕਰਨ ਵਾਲਿਆਂ ਲਈ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦੇਸ਼ ਦੇ 4 ਵੱਡੇ ਏਅਰਪੋਰਟ- ਪੰਜਾਬ ਦੇ ਆਦਮਪੁਰ ਏਅਰ ਬੇਸ, ਜੋਧਪੁਰ, ਸ਼੍ਰੀਨਗਰ ਅਤੇ ਪੁਣੇ ‘ਤੇ ਰਨਵੇਅ ਦੀ ਮੁਰੰਮਤ ਕਾਰਨ ਉਡਾਣਾਂ ਕੁਝ ਸਮੇਂ ਲਈ ਪ੍ਰਭਾਵਿਤ ਰਹਿਣਗੀਆਂ। ਇੰਡੀਅਨ ਏਅਰ ਫੋਰਸ (ਆਈ.ਏ.ਐੱਫ.) ਨੇ ਇਨ੍ਹਾਂ ਏਅਰਪੋਰਟਾਂ ‘ਤੇ ਪੜਾਅਵਾਰ ਤਰੀਕੇ ਨਾਲ ਰਨਵੇਅ ਰੀਕਾਰਪੇਟਿੰਗ ਦੀ ਯੋਜਨਾ ਬਣਾਈ ਹੈ।

ਪੰਜਾਬ ਦੇ ਆਦਮਪੁਰ ਏਅਰਬੇਸ ‘ਤੇ ਜਲਦ ਹੀ ਰਨਵੇ ਮੁਰੰਮਤ ਦਾ ਕੰਮ ਸ਼ੁਰੂ ਹੋਣ ਜਾ ਰਿਹਾ ਹੈ, ਜਿਸ ਕਾਰਨ ਇਹ ਏਅਰਪੋਰਟ ਲਗਭਗ 8 ਮਹੀਨੇ ਲਈ ਬੰਦ ਰਹਿ ਸਕਦਾ ਹੈ। ਇਹ ਖ਼ਬਰ ਯਾਤਰੀਆਂ ਲਈ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ ਕਿਉਂਕਿ ਇਸ ਨਾਲ ਉਡਾਣ ਸੇਵਾਵਾਂ ‘ਤੇ ਸਿੱਧਾ ਅਸਰ ਪਵੇਗਾ। ਆਦਮਪੁਰ ਏਅਰਬੇਸ ‘ਤੇ ਇਹ ਕੰਮ ਨਵੰਬਰ ਤੋਂ ਬਾਅਦ ਸ਼ੁਰੂ ਕੀਤਾ ਜਾਵੇਗਾ।

ਜ਼ੋਧਪੁਰ ਏਅਰਪੋਰਟ ‘ਤੇ ਸਭ ਤੋਂ ਪਹਿਲਾਂ ਕੰਮ ਸ਼ੁਰੂ ਹੋਵੇਗਾ, ਜਿੱਥੇ 29 ਮਾਰਚ ਤੋਂ 27 ਅਪ੍ਰੈਲ ਤੱਕ ਲਗਭਗ ਇੱਕ ਮਹੀਨੇ ਲਈ ਸਾਰੀਆਂ ਸਿਵਲ ਉਡਾਣਾਂ ਬੰਦ ਰਹਿਣਗੀਆਂ। ਇਸ ਕਾਰਨ ਇੰਡਿਗੋ, ਏਅਰ ਇੰਡੀਆ ਅਤੇ ਏਅਰ ਇੰਡੀਆ ਐਕਸਪ੍ਰੈਸ ਵਰਗੀਆਂ ਏਅਰਲਾਈਨਾਂ ਨੇ 28 ਮਾਰਚ ਤੋਂ ਬਾਅਦ ਦੀਆਂ ਬੁਕਿੰਗਾਂ ਪਹਿਲਾਂ ਹੀ ਰੋਕ ਦਿੱਤੀਆਂ ਹਨ।

ਸ੍ਰੀਨਗਰ ਏਅਰਪੋਰਟ ‘ਤੇ ਵੀ ਯਾਤਰੀਆਂ ਨੂੰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਇੱਥੇ ਅਗਸਤ ਤੋਂ ਅਕਤੂਬਰ ਦੇ ਵਿਚਕਾਰ ਹਰ ਹਫ਼ਤੇ ਦੇ ਅੰਤ ‘ਤੇ ਉਡਾਣਾਂ ਬੰਦ ਰਹਿਣਗੀਆਂ। ਇਸ ਤੋਂ ਇਲਾਵਾ, 16 ਅਕਤੂਬਰ ਤੋਂ 5 ਨਵੰਬਰ ਤੱਕ ਪੂਰਾ ਏਅਰਪੋਰਟ 21 ਦਿਨਾਂ ਲਈ ਬੰਦ ਰਹੇਗਾ।

ਖਾਣਾ ਖਾਣ ਤੋਂ ਤੁਰੰਤ ਬਾਅਦ ਕਦੇ ਨਾ ਕਰੋ ਇਹ ਕੰਮ ,ਵਰਨਾ ਪਛਤਾਓਗੇ

ਪੁਣੇ ਏਅਰਪੋਰਟ ਦੀ ਗੱਲ ਕਰੀਏ ਤਾਂ ਇੱਥੇ ਵੀ ਇਸ ਸਾਲ ਦੇ ਅੰਤ ਵਿੱਚ ਮੁਰੰਮਤ ਕਾਰਨ ਉਡਾਣਾਂ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਹੈ, ਹਾਲਾਂਕਿ ਅਜੇ ਤੱਕ ਇਸਦਾ ਪੂਰਾ ਸ਼ਡਿਊਲ ਜਾਰੀ ਨਹੀਂ ਕੀਤਾ ਗਿਆ।ਅਧਿਕਾਰੀਆਂ ਵੱਲੋਂ ਪਹਿਲਾਂ ਹੀ ਏਅਰਲਾਈਨਾਂ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ ਅਤੇ ਕੁਝ ਮਾਮਲਿਆਂ ਵਿੱਚ ਨੋਟਿਸ ਵੀ ਜਾਰੀ ਕੀਤੇ ਜਾ ਚੁੱਕੇ ਹਨ ਤਾਂ ਜੋ ਯਾਤਰੀ ਆਪਣੀਆਂ ਯਾਤਰਾ ਯੋਜਨਾਵਾਂ ਪਹਿਲਾਂ ਤੋਂ ਬਦਲ ਸਕਣ।

ਦੱਸ ਦੇਈਏ ਕਿ ਇਹ ਸਾਰੇ ਏਅਰਪੋਰਟ ਭਾਰਤੀ ਹਵਾਈ ਸੈਨਾ ਵੱਲੋਂ ਚਲਾਏ ਜਾਂਦੇ ਹਨ ਅਤੇ ਸਿਵਲ ਉਡਾਣਾਂ ਨਾਲ ਨਾਲ ਫੌਜੀ ਜਹਾਜ਼ਾਂ ਲਈ ਵੀ ਵਰਤੇ ਜਾਂਦੇ ਹਨ। ਫਾਈਟਰ ਜੈੱਟਾਂ ਲਈ ਰਨਵੇ ਦੀ ਗੁਣਵੱਤਾ ਉੱਚ ਦਰਜੇ ਦੀ ਹੋਣੀ ਲਾਜ਼ਮੀ ਹੁੰਦੀ ਹੈ, ਜਿਸ ਕਰਕੇ ਸਮੇਂ-ਸਮੇਂ ‘ਤੇ ਇਸ ਤਰ੍ਹਾਂ ਦੀ ਮੁਰੰਮਤ ਕਰਨੀ ਪੈਂਦੀ ਹੈ।

ਪਹਾੜਾਂ ਦਾ ਸਕੂਨ ਤੇ ਨਾ ਸਮੁੰਦਰ ਦਾ ਕਿਨਾਰਾ...2025 ਦੀਆਂ ਟਰੈਵਲ ਸਰਚਾਂ 'ਚ ਇਹ ਰਹੇ ਭਾਰਤੀਆਂ ਦੀਆਂ ਪਸੰਦੀਦਾ ਡੈਸਟੀਨੇਸ਼ਨਾਂ

ABP Sanjha — Mon, 8 Dec 2025 14:21:27 +0530

ਗੂਗਲ ਦੀ Year in Search 2025 ਰਿਪੋਰਟ ਮੁਤਾਬਕ, ਭਾਰਤ ‘ਚ ਇਸ ਸਾਲ ਦੀ ਸਭ ਤੋਂ ਟੌਪ ਟ੍ਰੈਵਲ ਸਰਚ ਸੁਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। 2025 ਵਿੱਚ ਭਾਰਤੀਆਂ ਨੇ ਸਮੁੰਦਰ ਕਿਨਾਰੇ, ਵਿਦੇਸ਼ੀ ਰਿਜ਼ੋਰਟ ਜਾਂ ਫੈਂਸੀ ਵੇਕੇਸ਼ਨ ਦੀ ਬਜਾਏ ਅਨੁਭਵਾਤਮਕ ਅਤੇ ਸੱਭਿਆਚਾਰਕ ਯਾਤਰਾ ਨੂੰ ਸਭ ਤੋਂ ਵੱਧ ਤਰਜੀਹ ਦਿੱਤੀ। ਲੋਕਾਂ ਨੇ ਉਹ ਥਾਵਾਂ ਖੋਜੀਆਂ ਜਿੱਥੇ ਯਾਤਰਾ ਸਿਰਫ਼ “ਵੇਖਣ” ਲਈ ਨਹੀਂ, ਬਲਕਿ ਮਹਿਸੂਸ ਕਰਨ ਲਈ ਹੁੰਦੀ ਹੈ—ਧਾਰਮਿਕਤਾ, ਸ਼ਾਂਤੀ, ਰਿਵਾਇਤ ਅਤੇ ਆਤਮਿਕ ਅਨੁਭਵ ਨਾਲ ਜੁੜੀ ਹੋਈ ਯਾਤਰਾ।

ਇਹ ਰਿਪੋਰਟ ਦੱਸਦੀ ਹੈ ਕਿ ਭਾਰਤ ਵਿੱਚ ਅਧਿਆਤਮ ਵੱਲ ਰੁਝਾਨ ਤੇ ਆਪਣੀ ਸੱਭਿਆਚਾਰਕ ਜੜ੍ਹਾਂ ਨਾਲ ਜੁੜਨ ਦੀ ਚਾਹ ਤੇਜ਼ੀ ਨਾਲ ਵੱਧ ਰਹੀ ਹੈ।

2025 ਵਿੱਚ ਭਾਰਤੀਆਂ ਵੱਲੋਂ ਗੂਗਲ ਤੇ ਸਭ ਤੋਂ ਵੱਧ ਖੋਜਿਆ ਗਿਆ ਟੂਰਿਸਟ ਪਲੇਸ: ਮਹਾਕੁੰਭ ਮੇਲਾ, ਪ੍ਰਯਾਗਰਾਜ

2025 ਵਿੱਚ ਭਾਰਤੀਆਂ ਨੇ ਗੂਗਲ ‘ਤੇ ਸਭ ਤੋਂ ਵੱਧ ਮਹਾਕੁੰਭ ਮੇਲਾ, ਪ੍ਰਯਾਗਰਾਜ ਨੂੰ ਖੋਜਿਆ। ਇਹ ਗੱਲ ਬਹੁਤਾਂ ਲਈ ਹੈਰਾਨੀ ਵਾਲੀ ਸੀ, ਕਿਉਂਕਿ ਆਮ ਤੌਰ ‘ਤੇ ਲੱਗਦਾ ਹੈ ਕਿ ਟੌਪ ਸਿਰਚ ਵਿੱਚ ਕੋਈ ਵਿਦੇਸ਼ੀ ਜਗ੍ਹਾ ਹੋਵੇਗੀ, ਪਰ ਇਸ ਵਾਰੀ ਸਭ ਤੋਂ ਅੱਗੇ ਮਹਾਕੁੰਭ ਮੇਲਾ ਹੀ ਰਿਹਾ।

ਇਸ ਵਾਰੀ ਮਹਾਕੁੰਭ ਮੇਲੇ ਦੀ ਖਾਸ ਗੱਲ ਇਹ ਸੀ ਕਿ 144 ਸਾਲਾਂ ਵਿੱਚ ਪਹਿਲਾਂ ਵਾਰੀ ਇਤਿਹਾਸਕ ਗ੍ਰਹਿ-ਯੋਗ ਬਣਿਆ, ਜਿਸ ਕਰਕੇ ਇਹ ਬਹੁਤ ਮਹੱਤਵਪੂਰਨ ਮੰਨਿਆ ਗਿਆ। ਮਹਾਕੁੰਭ ਹਿੰਦੂ ਧਰਮ ਦਾ ਸਭ ਤੋਂ ਵੱਡਾ ਤੇ ਪਵਿੱਤਰ ਧਾਰਮਿਕ ਮੇਲਾ ਹੈ।

ਮੰਨਿਆ ਜਾਂਦਾ ਹੈ ਕਿ ਪ੍ਰਯਾਗਰਾਜ ਵਿੱਚ ਗੰਗਾ, ਯਮੁਨਾ ਅਤੇ ਪੌਰਾਣਿਕ ਸਰਸਵਤੀ ਦੇ ਸੰਗਮ ‘ਚ ਇਸ਼ਨਾਨ ਕਰਨ ਨਾਲ ਪਾਪ ਦਾ ਨਾਸ਼ ਹੁੰਦੇ ਹਨ ਅਤੇ ਮੋਕਸ਼ ਮਿਲਦਾ ਹੈ।

ਮਹਾਕੁੰਭ ਮੇਲਾ 3 ਜਨਵਰੀ ਤੋਂ 26 ਫਰਵਰੀ 2025 ਤੱਕ ਚੱਲਿਆ, ਜਿਸ ਵਿੱਚ 66 ਕਰੋੜ ਤੋਂ ਵੱਧ ਸ਼ਰਧਾਲੂਆਂ ਨੇ ਹਿੱਸਾ ਲਿਆ, ਜੋ ਇਸਨੂੰ ਦੁਨੀਆ ਦਾ ਸਭ ਤੋਂ ਵੱਡਾ ਸ਼ਾਂਤਮਈ ਜਨ-ਇਕੱਠ ਬਣਾਉਂਦਾ ਹੈ।

ਫਿਲੀਪੀਨਸ – ਭਾਰਤੀਆਂ ਦੀ ਨਵੀਂ ਮਨਪਸੰਦ ਟਰੈਵਲ ਡੈਸਟਿਨੇਸ਼ਨ

ਫਿਲੀਪੀਨਸ ਆਪਣੀ ਕਿਫ਼ਾਇਤੀ ਯਾਤਰਾ ਲਾਗਤ, ਆਸਾਨ ਵੀਜ਼ਾ ਪ੍ਰਕਿਰਿਆ ਅਤੇ ਖੂਬਸੂਰਤ ਬੀਚਾਂ ਕਰਕੇ ਭਾਰਤੀਆਂ ਦੀ ਨਵੀਂ ਪਸੰਦ ਬਣ ਰਿਹਾ ਹੈ। ਇੱਥੇ ਦੇ ਮਸ਼ਹੂਰ ਟਾਪੂ ਪਾਲਾਵਨ, ਬੋਰੇਕਾਇ ਅਤੇ ਸੇਬੂ ਆਪਣੇ ਨੀਲੇ ਕ੍ਰਿਸਟਲ ਵਰਗੇ ਪਾਣੀ, ਸਨੋਰਕਲਿੰਗ, ਡਾਈਵਿੰਗ ਅਤੇ ਸ਼ਾਂਤ ਮਾਹੌਲ ਲਈ ਜਾਣੇ ਜਾਂਦੇ ਹਨ।

ਇਹ ਸਥਾਨ ਬਜਟ ਵਿੱਚ ਵੀ ਲਗਜ਼ਰੀ ਵਰਗਾ ਤਜਰਬਾ ਦਿੰਦੇ ਹਨ। ਭਾਰਤ ਤੋਂ ਫਲਾਈਟ ਕਨੇਕਟਿਵਟੀ ਵਧਣ, ਸੁਰੱਖਿਆ ਦੀ ਸਥਿਤੀ ਵਿੱਚ ਸੁਧਾਰ ਅਤੇ ਸਥਾਨਕ ਲੋਕਾਂ ਦੀ ਮਿੱਠੀ ਤਬੀਅਤ ਨੇ ਭਾਰਤੀ ਸੈਲਾਨੀਆਂ ਨੂੰ ਹੋਰ ਵੀ ਆਪਣੀ ਵੱਲ ਖਿੱਚਿਆ ਹੈ।

ਜਾਰਜੀਆ – ਭਾਰਤੀਆਂ ਦੀ ਟਰੈਵਲ ਲਿਸਟ ‘ਚ ਤੇਜ਼ੀ ਨਾਲ ਚੜ੍ਹਦਾ ਦੇਸ਼

ਜਾਰਜੀਆ ਭਾਰਤੀ ਸੈਲਾਨੀਆਂ ਦੀ ਪਸੰਦ ਵਿੱਚ ਤੇਜ਼ੀ ਨਾਲ ਉੱਪਰ ਆ ਰਿਹਾ ਹੈ। ਇੱਥੇ ਪਹੁੰਚਣਾ ਆਸਾਨ ਹੈ, ਵੀਜ਼ਾ ਪ੍ਰਕਿਰਿਆ ਸਰਲ ਹੈ ਅਤੇ ਦੇਸ਼ ਛੋਟਾ ਹੋਣ ਦੇ ਬਾਵਜੂਦ ਕੁਦਰਤ, ਇਤਿਹਾਸ ਅਤੇ ਆਧੁਨਿਕ ਸਭਿਆਚਾਰ ਦਾ ਖੂਬਸੂਰਤ ਮਿਲਾਪ ਮਿਲਦਾ ਹੈ।

ਛੋਟੀ ਫਲਾਈਟ ਦੂਰੀ, ਬਜਟ-ਫ੍ਰੈਂਡਲੀ ਯਾਤਰਾ, ਸ਼ਾਨਦਾਰ ਪਹਾੜਾਂ ਵਿਚਕਾਰ ਰੋਡ ਟਰਿਪ, ਤਬਿਲਿਸੀ ਦੀ ਯੂਰਪੀਅਨ ਸ਼ੈਲੀ ਵਾਲੀਆਂ ਗਲੀਆਂ ਅਤੇ ਮਸ਼ਹੂਰ ਵਾਇਨ ਟੂਰ—ਇਹ ਸਭ ਮਿਲ ਕੇ ਜਾਰਜੀਆ ਨੂੰ ਇੱਕ ਬਿਹਤਰੀਨ ਛੁੱਟੀਆਂ ਵਾਲੀ ਡੈਸਟਿਨੇਸ਼ਨ ਬਣਾਉਂਦੇ ਹਨ।

ਮਾਰੀਸ਼ਸ – ਭਾਰਤੀਆਂ ਲਈ ਤੇਜ਼ੀ ਨਾਲ ਲੋਕਪ੍ਰਿਯ ਹੁੰਦੀ ਡੈਸਟਿਨੇਸ਼ਨ

ਮਾਰੀਸ਼ਸ ਇੱਕ ਬਹੁਤ ਹੀ ਖੂਬਸੂਰਤ ਟਾਪੂ ਦੇਸ਼ ਹੈ ਅਤੇ ਭਾਰਤੀਆਂ ਲਈ ਵੀਜ਼ਾ-ਫ੍ਰੀ ਹੋਣ ਕਾਰਨ ਇਹ ਤੇਜ਼ੀ ਨਾਲ ਮਸ਼ਹੂਰ ਹੋਇਆ ਹੈ। ਇਹ ਹਨੀਮੂਨ, ਪਰਿਵਾਰਕ ਛੁੱਟੀਆਂ ਅਤੇ ਸੋਲੋ ਟਰੈਵਲ—ਤਿੰਨਾਂ ਲਈ ਇੱਕ ਆਕਰਸ਼ਕ ਚੋਣ ਹੈ।

ਇਸਨੂੰ ਸਮੁੰਦਰ ਦੇ ਵਿਚਕਾਰ ਇੱਕ ਛੋਟਾ ਭਾਰਤ ਵੀ ਕਿਹਾ ਜਾਂਦਾ ਹੈ। ਇੱਥੇ ਦੀ ਕੁਦਰਤੀ ਸੁੰਦਰਤਾ, ਨੀਲੇ ਪਾਣੀ ਵਾਲੇ ਬੀਚ ਅਤੇ ਸਥਾਨਕ ਲੋਕਾਂ ਦਾ ਭਾਰਤੀਆਂ ਲਈ ਪਿਆਰ ਤੇ ਅਦਬ—ਇਹ ਸਭ ਮਾਰੀਸ਼ਸ ਨੂੰ ਭਾਰਤੀਆਂ ਲਈ ਇੱਕ ਪਰਫੈਕਟ ਯਾਤਰਾ ਸਥਾਨ ਬਣਾਉਂਦੇ ਹਨ।

ਹਨੀਮੂਨ ਲਈ ਬਿਹਤਰੀਨ ਹਨ ਇਹ 5 ਵੀਜ਼ਾ-ਫ੍ਰੀ ਡੈਸਟੀਨੇਸ਼ਨ, ਰੋਮਾਂਟਿਕ ਪਲ ਰਹਿਣਗੇ ਜ਼ਿੰਦਗੀ ਭਰ ਯਾਦ!

ABP Sanjha — Sat, 15 Nov 2025 13:49:33 +0530

ਦੇਸ਼ ਦੇ ਵਿੱਚ ਇਸ ਸਮੇਂ ਵੈਡਿੰਗ ਸੀਜ਼ਨ ਚੱਲ ਰਿਹਾ ਹੈ। ਵਿਆਹ ਤੋਂ ਬਾਅਦ ਹਰ ਜੋੜੇ ਦਾ ਸੁਪਨਾ ਹੁੰਦਾ ਹੈ ਕਿ ਉਹ ਆਪਣੀ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕਿਸੇ ਅਜਿਹੇ ਸਥਾਨ ਤੋਂ ਕਰਨ, ਜਿੱਥੇ ਸਕੂਨ, ਪਿਆਰ ਅਤੇ ਰੋਮਾਂਸ ਦਾ ਅਹਿਸਾਸ ਹੋਵੇ। ਜੇ ਤੁਸੀਂ ਵੀ ਆਪਣੇ ਹਨੀਮੂਨ ਲਈ ਕਿਸੇ ਖ਼ਾਸ ਥਾਂ ਦੀ ਖੋਜ ਕਰ ਰਹੇ ਹੋ, ਤਾਂ ਅਜਿਹੇ ਕਈ ਦੇਸ਼ ਹਨ ਜਿੱਥੇ ਤੁਸੀਂ ਬਿਨਾਂ ਵੀਜ਼ਾ ਦੇ ਯਾਤਰਾ ਕਰ ਸਕਦੇ ਹੋ। ਇਹ ਸਥਾਨ ਨਾ ਸਿਰਫ਼ ਖੂਬਸੂਰਤ ਹਨ, ਸਗੋਂ ਆਪਣੀ ਕੁਦਰਤੀ ਸੋਭਾ, ਸ਼ਾਨਦਾਰ ਰਿਸੋਰਟਾਂ ਅਤੇ ਰੋਮਾਂਟਿਕ ਮਾਹੌਲ ਲਈ ਦੁਨੀਆ ਭਰ ਵਿੱਚ ਮਸ਼ਹੂਰ ਹਨ। ਤਾਂ ਆਓ ਜਾਣਦੇ ਹਾਂ ਕੁਝ ਅਜਿਹੇ ਵੀਜ਼ਾ-ਫ੍ਰੀ ਦੇਸ਼ਾਂ ਬਾਰੇ, ਜਿੱਥੇ ਤੁਹਾਡਾ ਹਨੀਮੂਨ ਬਣ ਜਾਵੇਗਾ ਅਣਭੁੱਲ।

ਮਾਲਦੀਵ

ਮਾਲਦੀਵ ਨਵੇਂ ਜੋੜਿਆਂ ਵਿੱਚ ਸਭ ਤੋਂ ਮਨਪਸੰਦ ਹਨੀਮੂਨ ਟਿਕਾਣਾ ਹੈ। ਇੱਥੇ ਦੇ ਓਵਰਵਾਟਰ ਵਿਲਾ, ਸਾਫ਼ ਨੀਲਾ ਪਾਣੀ ਅਤੇ ਰੰਗ-ਬਿਰੰਗੀਆਂ ਮੱਛੀਆਂ ਇਸ ਥਾਂ ਨੂੰ ਇੱਕ ਸਵਰਗ ਜਿਹਾ ਅਨੁਭਵ ਬਣਾਉਂਦੀਆਂ ਹਨ। ਹਰ ਟਾਪੂ ਆਪਣੀ ਖੂਬਸੂਰਤੀ ਵਿੱਚ ਵੱਖਰਾ ਹੈ ਅਤੇ ਜ਼ਿਆਦਾਤਰ ਰਿਸੋਰਟ ਨਿੱਜੀ ਟਾਪੂਆਂ 'ਤੇ ਬਣੇ ਹਨ, ਜਿਸ ਨਾਲ ਇੱਥੇ ਦਾ ਤਜਰਬਾ ਹੋਰ ਵੀ ਖ਼ਾਸ ਬਣ ਜਾਂਦਾ ਹੈ।

ਸ਼ਾਮ ਦੇ ਸਮੇਂ ਸਮੁੰਦਰ ਕੰਢੇ ਮੋਮਬੱਤੀ ਦੀ ਰੌਸ਼ਨੀ ਵਾਲਾ ਡਿਨਰ, ਕਪਲ ਸਪਾ ਅਤੇ ਸਨਸੈਟ ਕ੍ਰੂਜ਼ ਤੁਹਾਡੀਆਂ ਯਾਦਾਂ ਵਿੱਚ ਹਮੇਸ਼ਾ ਲਈ ਬਸ ਜਾਣਗੇ।

ਮਾਲਦੀਵ ਜਾਣ ਦਾ ਸਭ ਤੋਂ ਵਧੀਆ ਸਮਾਂ ਨਵੰਬਰ ਤੋਂ ਅਪ੍ਰੈਲ ਤੱਕ ਮੰਨਿਆ ਜਾਂਦਾ ਹੈ।

ਮੌਰੀਸ਼ਸ

ਮੌਰੀਸ਼ਸ ਆਪਣੇ ਖੂਬਸੂਰਤ ਸਮੁੰਦਰੀ ਤਟਾਂ, ਹਰੇ-ਭਰੇ ਜੰਗਲਾਂ ਅਤੇ ਵਿਭਿੰਨ ਸਭਿਆਚਾਰ ਲਈ ਮਸ਼ਹੂਰ ਹੈ। ਇੱਥੇ ਦੇ ਲੇ ਮੋਰਨ ਬ੍ਰਾਬਾਂਟ, ਚਮਰੇਲ ਦੀ ਸੇਵਨ ਕਲਰਡ ਅਰਥ ਅਤੇ ਪਾਮਪਲਮੂਸ ਬੋਟੈਨਿਕਲ ਗਾਰਡਨ ਦੇਖਣ ਯੋਗ ਸਥਾਨ ਹਨ।

ਜੇ ਤੁਹਾਨੂੰ ਸਾਹਸਿਕ ਗਤੀਵਿਧੀਆਂ (ਐਡਵੈਂਚਰ) ਪਸੰਦ ਹਨ, ਤਾਂ ਤੁਸੀਂ ਇੱਥੇ ਸਕੂਬਾ ਡਾਈਵਿੰਗ, ਸੇਲਿੰਗ ਜਾਂ ਟ੍ਰੈਕਿੰਗ ਦਾ ਆਨੰਦ ਲੈ ਸਕਦੇ ਹੋ।

ਟਰੂ ਔ ਬੀਚ ਅਤੇ ਫਲਿਕ ਐਨ ਫਲੈਕ ਬੀਚ ਆਪਣੇ ਰੋਮਾਂਟਿਕ ਮਾਹੌਲ ਲਈ ਖਾਸ ਤੌਰ 'ਤੇ ਜਾਣੇ ਜਾਂਦੇ ਹਨ।

ਵੀਜ਼ਾ ਦੀ ਚਿੰਤਾ ਕੀਤੇ ਬਿਨਾਂ, ਮੌਰੀਸ਼ਸ ਦੀ ਸੋਭਾ ਦਾ ਆਨੰਦ ਲੈਣ ਦਾ ਸਭ ਤੋਂ ਵਧੀਆ ਸਮਾਂ ਮਈ ਤੋਂ ਦਸੰਬਰ ਤੱਕ ਹੈ।

ਸੇਸ਼ੇਲਸ

ਸੇਸ਼ੇਲਸ ਇੱਕ ਸ਼ਾਂਤ ਅਤੇ ਕੁਦਰਤੀ ਖੂਬਸੂਰਤੀ ਨਾਲ ਭਰਪੂਰ ਟਾਪੂ ਦੇਸ਼ ਹੈ, ਜਿੱਥੇ ਚਿੱਟੀ ਰੇਤ ਵਾਲੇ ਸਮੁੰਦਰੀ ਤਟ ਅਤੇ ਨੀਲੇ ਪਾਣੀ ਦੀਆਂ ਲਹਿਰਾਂ ਹਰ ਜੋੜੇ ਨੂੰ ਆਪਣੇ ਵੱਲ ਖਿੱਚਦੀਆਂ ਹਨ।

ਇੱਥੇ ਦੇ ਮਸ਼ਹੂਰ ਸਥਾਨਾਂ ਵਿੱਚ ਅੰਸੇ ਲਾਜਿਓ ਬੀਚ ਅਤੇ ਯੂਨੈਸਕੋ ਵਿਸ਼ਵ ਵਿਰਾਸਤ ਸਥਲ ਵੈਲੇ ਡੇ ਮੇ (Vallée de Mai) ਸ਼ਾਮਲ ਹਨ।

ਜੋੜੇ ਇੱਥੇ ਪ੍ਰਾਈਵੇਟ ਯਾਟ ਵਿੱਚ ਸਫ਼ਰ ਕਰ ਸਕਦੇ ਹਨ, ਬੀਚ 'ਤੇ ਫਰੈਂਚ-ਕ੍ਰਿਓਲ ਖਾਣਾ ਦਾ ਆਨੰਦ ਲੈ ਸਕਦੇ ਹਨ ਅਤੇ ਤਾਰਿਆਂ ਹੇਠ ਰੋਮਾਂਟਿਕ ਸ਼ਾਮ ਬਿਤਾ ਸਕਦੇ ਹਨ।

ਇੱਥੇ ਜਾਣ ਦਾ ਸਭ ਤੋਂ ਵਧੀਆ ਸਮਾਂ ਅਪ੍ਰੈਲ, ਮਈ, ਅਕਤੂਬਰ ਅਤੇ ਨਵੰਬਰ ਮੰਨਿਆ ਜਾਂਦਾ ਹੈ।

ਅਲਮਾਟੀ

ਕਜ਼ਾਖਸਤਾਨ ਦਾ ਅਲਮਾਟੀ ਸ਼ਹਿਰ ਹਨੀਮੂਨ ਲਈ ਇੱਕ ਖੂਬਸੂਰਤ ਵਿਕਲਪ ਹੈ। ਇਹ ਸ਼ਹਿਰ ਆਧੁਨਿਕ ਸੁਵਿਧਾਵਾਂ ਅਤੇ ਕੁਦਰਤੀ ਖੂਬਸੂਰਤੀ ਦਾ ਸ਼ਾਨਦਾਰ ਮਿਲਾਪ ਹੈ।

ਇੱਥੇ ਦੀ ਕੋਕ-ਟੋਬੇ ਪਹਾੜੀ ਤੋਂ ਦਿਖਣ ਵਾਲਾ ਨਜ਼ਾਰਾ ਬਹੁਤ ਹੀ ਰੋਮਾਂਟਿਕ ਹੁੰਦਾ ਹੈ, ਜਦਕਿ ਸ਼ਿਮਬੁਲਾਕ ਸਕੀ ਰਿਸੋਰਟ 'ਚ ਜੋੜੇ ਐਡਵੈਂਚਰ ਦਾ ਮਜ਼ਾ ਲੈ ਸਕਦੇ ਹਨ।

ਇਸ ਤੋਂ ਇਲਾਵਾ, ਜੋੜੇ ਜ਼ੇਨਕੋਵ ਕੈਥੀਡ੍ਰਲ ਅਤੇ ਸੈਂਟਰਲ ਮਸਜਿਦ ਵਰਗੇ ਖੂਬਸੂਰਤ ਸਥਾਨ ਵੀ ਵੇਖ ਸਕਦੇ ਹਨ।

ਇੱਥੇ ਦੀ ਨਾਈਟਲਾਈਫ ਅਤੇ ਲਗਜ਼ਰੀ ਹੋਟਲਾਂ ਤੁਹਾਡੇ ਹਨੀਮੂਨ ਨੂੰ ਹੋਰ ਵੀ ਖ਼ਾਸ ਬਣਾ ਦਿੰਦੀਆਂ ਹਨ।

ਫਿਜੀ

ਫਿਜੀ 300 ਤੋਂ ਵੱਧ ਖੂਬਸੂਰਤ ਟਾਪੂਆਂ ਦਾ ਸਮੂਹ ਹੈ, ਜੋ ਆਪਣੀ ਕੁਦਰਤੀ ਸੋਭਾ ਲਈ ਮਸ਼ਹੂਰ ਹੈ। ਇੱਥੇ ਦੇ ਸਾਫ਼ ਸਮੁੰਦਰੀ ਤਟ, ਕੋਰਲ ਰੀਫ਼ਾਂ ਅਤੇ ਹਰੇ-ਭਰੇ ਜੰਗਲ ਨਵੇਂ ਵਿਆਹੇ ਜੋੜਿਆਂ ਲਈ ਬਹੁਤ ਹੀ ਸੁਹਾਵਣਾ ਅਨੁਭਵ ਬਣਾਉਂਦੇ ਹਨ।

ਇੱਥੇ ਦੀਆਂ ਮੁੱਖ ਗਤੀਵਿਧੀਆਂ ਵਿੱਚ ਡਾਈਵਿੰਗ, ਸਨੌਰਕਲਿੰਗ ਅਤੇ ਹਾਈਕਿੰਗ ਸ਼ਾਮਲ ਹਨ, ਜੋ ਇੱਥੇ ਦੀ ਖਾਸ ਖਿੱਚ ਹਨ।

ਸਭ ਤੋਂ ਵਧੀਆ ਗੱਲ ਇਹ ਹੈ ਕਿ ਭਾਰਤੀ ਸੈਲਾਨੀ ਬਿਨਾਂ ਵੀਜ਼ਾ ਦੇ ਇੱਥੇ 4 ਮਹੀਨੇ ਤੱਕ ਰਹਿ ਸਕਦੇ ਹਨ।

Tourist Places: ਇਸ ਦੇਸ਼ ਭਾਰਤ ਦੇ 10 ਹਜ਼ਾਰ ਰੁਪਏ ਬਣਦੇ 30 ਲੱਖ, ਪਰਿਵਾਰ ਨਾਲ ਬਣਾਓ ਟੂਰ ਦਾ ਪਲਾਨ; ਮਿਲੇਗਾ ਦੁੱਗਣਾ ਲਾਭ...

ABP Sanjha — Tue, 30 Sep 2025 13:39:55 +0530

Tourist Places: ਭਾਰਤ ਤੋਂ ਹਰ ਸਾਲ, ਵੱਡੀ ਗਿਣਤੀ ਵਿੱਚ ਲੋਕ ਵਿਦੇਸ਼ ਯਾਤਰਾ ਕਰਦੇ ਹਨ, ਅਤੇ ਕੁਝ ਲੋਕ ਉਨ੍ਹਾਂ ਦੇਸ਼ਾਂ ਦੀ ਭਾਲ ਕਰਦੇ ਹਨ ਜਿੱਥੇ ਭਾਰਤੀ ਰੁਪਿਆ ਅਨਮੋਲ ਹੈ। ਆਓ ਅਸੀਂ ਤੁਹਾਨੂੰ ਇੱਕ ਅਜਿਹੇ ਦੇਸ਼ ਬਾਰੇ ਦੱਸਦੇ ਹਾਂ ਜਿੱਥੇ ਭਾਰਤੀ ਰੁਪਿਆ ਕਾਫ਼ੀ ਕੀਮਤੀ ਹੈ। ਜੇਕਰ ਤੁਸੀਂ ਇਸ ਦੇਸ਼ ਵਿੱਚ 10,000 ਰੁਪਏ ਆਪਣੇ ਨਾਲ ਲੈ ਜਾਂਦੇ ਹੋ, ਤਾਂ ਇਹ 30 ਲੱਖ ਰੁਪਏ ਦੇ ਬਰਾਬਰ ਹੋ ਜਾਂਦਾ ਹੈ। ਇਹ ਦੇਸ਼ ਆਪਣੀ ਸੁੰਦਰਤਾ ਲਈ ਦੁਨੀਆ ਭਰ ਵਿੱਚ ਜਾਣਿਆ ਜਾਂਦਾ ਹੈ। ਜੇਕਰ ਅਸੀਂ ਇੱਥੇ ਭਾਰਤੀ ਰੁਪਏ ਦੀ ਕੀਮਤ 'ਤੇ ਵਿਚਾਰ ਕਰੀਏ, ਤਾਂ ਇੱਕ ਭਾਰਤੀ ਰੁਪਏ ਦੀ ਕੀਮਤ 303.34 Dong ਹੈ। ਇਸ ਤਰ੍ਹਾਂ, ਇੱਥੇ 10,000 ਭਾਰਤੀ ਰੁਪਏ ਦੀ ਕੀਮਤ ਲਗਭਗ 30 ਲੱਖ ਰੁਪਏ ਨੇੜੇ ਤੇੜੇ ਹੁੰਦੀ ਹੈ।

ਜਾਣੋ ਕਿੱਥੋਂ ਉਡਾਣਾਂ ਫੜ ਸਕਦੇ ਹੋ?

ਇਹ ਦੱਖਣੀ ਏਸ਼ੀਆਈ ਦੇਸ਼ ਕਾਫ਼ੀ ਸਸਤਾ ਹੈ, ਪਰ ਇਸਦੇ ਬੀਚ, ਨਦੀਆਂ, ਸੱਭਿਆਚਾਰ ਅਤੇ ਲਗਜ਼ਰੀ ਤੁਹਾਨੂੰ ਆਕਰਸ਼ਿਤ ਕਰਦੀ ਹੈ। ਇਹੀ ਕਾਰਨ ਹੈ ਕਿ ਹਰ ਸਾਲ ਵੱਡੀ ਗਿਣਤੀ ਵਿੱਚ ਵਿਦੇਸ਼ੀ ਸੈਲਾਨੀ ਇੱਥੇ ਆਉਂਦੇ ਹਨ। ਜੇਕਰ ਤੁਸੀਂ ਭਾਰਤ ਤੋਂ ਵੀਅਤਨਾਮ ਦੀ ਯਾਤਰਾ ਕਰਨ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਸੀਂ ਕੋਲਕਾਤਾ ਜਾਂ ਦਿੱਲੀ ਤੋਂ ਸਸਤੀਆਂ ਉਡਾਣਾਂ ਲੱਭ ਸਕਦੇ ਹੋ। ਵਿਕਲਪਕ ਤੌਰ 'ਤੇ, ਤੁਸੀਂ ਅਹਿਮਦਾਬਾਦ, ਮੁੰਬਈ ਜਾਂ ਬੰਗਲੁਰੂ ਵਰਗੇ ਸ਼ਹਿਰਾਂ ਤੋਂ ਵੀ ਉਡਾਣਾਂ ਫੜ ਸਕਦੇ ਹੋ।

ਜੇਕਰ ਅਸੀਂ ਵੀਅਤਨਾਮ ਲਈ ਉਡਾਣ ਦੇ ਕਿਰਾਏ ਦੀ ਗੱਲ ਕਰੀਏ, ਤਾਂ ਦੋਵਾਂ ਤਰੀਕਿਆਂ ਦਾ ਕਿਰਾਇਆ ਲਗਭਗ 20,000 ਤੋਂ 21,000 ਨੇੜੇ ਤੇੜੇ ਹੈ। ਇੰਨੀ ਸਸਤੀ ਸ਼ਾਇਦ ਹੀ ਕਿਸੇ ਹੋਰ ਦੇਸ਼ ਵਿੱਚ ਸੁਵਿਧਾ ਮਿਲੇ।

10 ਦਿਨ ਪਹਿਲਾਂ ਵੀਜ਼ਾ ਲਈ ਦੇਣੀ ਪੈਂਦੀ ਅਰਜ਼ੀ

ਤੁਸੀਂ ਇੱਥੇ ਯਾਤਰਾ ਕਰਨ ਲਈ ਹੋ ਚੀ ਮਿਨਹ ਜਾਂ ਹਨੋਈ ਵਰਗੇ ਵੀਅਤਨਾਮੀ ਸ਼ਹਿਰਾਂ ਲਈ ਟਿਕਟਾਂ ਬੁੱਕ ਕਰ ਸਕਦੇ ਹੋ। ਯਾਦ ਰੱਖਣ ਵਾਲੀ ਇੱਕ ਮਹੱਤਵਪੂਰਨ ਗੱਲ ਇਹ ਹੈ ਕਿ ਤੁਹਾਨੂੰ ਇੱਥੇ ਯਾਤਰਾ ਕਰਨ ਲਈ ਵੀਜ਼ਾ ਲਈ ਅਰਜ਼ੀ ਦੇਣ ਦੀ ਜ਼ਰੂਰਤ ਹੈ, ਜੋ ਕਿ 30 ਦਿਨਾਂ ਲਈ ਵੈਧ ਹੈ। ਜੇਕਰ ਤੁਸੀਂ ਵੀਅਤਨਾਮ ਦੀ ਯਾਤਰਾ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ 10 ਦਿਨ ਪਹਿਲਾਂ ਵੀਜ਼ਾ ਲਈ ਅਰਜ਼ੀ ਦੇਣ ਦੀ ਕੋਸ਼ਿਸ਼ ਕਰੋ ਤਾਂ ਜੋ ਤੁਸੀਂ ਇਸਨੂੰ ਆਸਾਨੀ ਨਾਲ ਪ੍ਰਾਪਤ ਕਰ ਸਕੋ ਅਤੇ ਆਪਣੀ ਯਾਤਰਾ ਦੌਰਾਨ ਕਿਸੇ ਵੀ ਸਮੱਸਿਆ ਤੋਂ ਬਚ ਸਕੋ। ਜੇਕਰ ਘੁੰਮਣ ਯੋਗ ਸ਼ਹਿਰਾਂ ਦੀ ਗੱਲ ਕਰੀਏ ਤਾਂ, ਤੁਸੀਂ ਵੀਅਤਨਾਮ ਵਿੱਚ Hanoi, Hạ Long Bay, Sapa, Phong Nha-Ke Bang National Park ਅਤੇ Da Nang ਦਾ ਦੌਰਾ ਕਰ ਸਕਦੇ ਹੋ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

Thailand Tour For Indians: ਥਾਈਲੈਂਡ 'ਚ ਬਹੁਤ ਬਦਨਾਮ ਹਨ ਘੁੰਮਣ ਦੀਆਂ ਆਹ ਥਾਵਾਂ, ਫਿਰ ਵੀ ਆਉਂਦੇ ਲੱਖਾਂ ਸੈਲਾਨੀ

ABP Sanjha — Mon, 29 Sep 2025 20:18:08 +0530