ਸੋਲਨ: ਕੋਰੋਨਾ ਦੀ ਦੂਜੀ ਲਹਿਰ ਵਿੱਚ ਹਿਮਾਚਲ ਦੀ ਟੂਰਿਜ਼ਮ ਇੰਡਸਟਰੀ ਬੇਪਟਰੀ ਹੋ ਗਈ ਹੈ। ਬਹੁਤੇ ਹੋਟਲਾਂ ਵਿੱਚ ਸੰਨਾਟਾ ਛਾਇਆ ਹੈ। ਆਕਿਊਪੈਂਸੀ ਜ਼ੀਰੋ 'ਤੇ ਪਹੁੰਚ ਗਈ ਹੈ। ਸੈਰ-ਸਪਾਟਾ ਦਾ ਮੌਸਮ ਅਜੇ ਸ਼ੁਰੂ ਹੋਇਆ ਸੀ ਕਿ ਕੋਰੋਨਾ ਦੀ ਲਾਗ ਦੇ ਮਾਮਲੇ ਫਿਰ ਵਧਣੇ ਸ਼ੁਰ ਹੋ ਗਏ। ਸਰਕਾਰ ਨੂੰ ਪਾਬੰਦੀਆਂ ਲਗਾਉਣੀਆਂ ਪਈਆਂ। ਸੈਲਾਨੀਆਂ ਲਈ ਕੋਰੋਨਾ ਦੀ ਨੈਗੇਟਿਵ ਰਿਪੋਰਟ ਲਿਆਉਣ ਦੇ ਆਦੇਸ਼ ਕਾਰਨ ਸੈਰ ਸਪਾਟਾ ਖੇਤਰ ਨੂੰ ਇਕ ਝਟਕਾ ਲੱਗਾ ਹੈ। ਸ਼ਿਮਲਾ, ਸੋਲਨ, ਚਾਇਲ, ਕਸੌਲੀ ਅਤੇ ਮਨਾਲੀ ਸਮੇਤ ਸਾਰੇ ਸੈਰ-ਸਪਾਟਾ ਸਥਾਨਾਂ 'ਤੇ ਜ਼ਿਆਦਾਤਰ ਹੋਟਲ ਦੀ ਬੁਕਿੰਗ ਰੱਦ ਕਰ ਦਿੱਤੀ ਗਈ ਹੈ।
ਇਸ ਦਾ ਸਿੱਧਾ ਅਸਰ ਸੈਰ-ਸਪਾਟਾ ਉਦਯੋਗ ਨਾਲ ਜੁੜੇ ਸਾਰੇ ਕਾਰੋਬਾਰੀਆਂ 'ਤੇ ਪਿਆ ਹੈ। ਸੈਰ-ਸਪਾਟਾ ਕਾਰੋਬਾਰ ਨਾਲ ਜੁੜੇ ਬਹੁਤ ਸਾਰੇ ਲੋਕ ਤਬਾਹੀ ਦੀ ਕਗਾਰ 'ਤੇ ਆਉਣੇ ਸ਼ੁਰੂ ਹੋ ਗਏ ਹਨ। ਹਿਮਾਚਲ ਪ੍ਰਦੇਸ਼ 'ਚ ਕੋਰੋਨਾ ਦੀ ਪਹਿਲੀ ਲਹਿਰ 'ਚ ਸੈਰ-ਸਪਾਟਾ ਖੇਤਰ ਦਾ ਲੱਕ ਟੁੱਟ ਗਿਆ ਸੀ। ਬਾਅਦ 'ਚ, ਜਦੋਂ ਕੇਸ ਘਟੇ, ਹਿਮਾਚਲ ਦਾ ਸੈਰ-ਸਪਾਟਾ ਖੇਤਰ ਸਤੰਬਰ 2020 'ਚ ਖੁੱਲ੍ਹ ਗਿਆ ਸੀ ਅਤੇ ਜਦੋਂ ਕੇਸ ਘੱਟ ਹੋਏ ਸੀ ਤਾਂ ਸੈਲਾਨੀ ਮੁੜ ਰਾਜ ਵੱਲ ਆਉਣੇ ਸ਼ੁਰੂ ਹੋ ਗਏ ਸੀ।
ਕੋਰੋਨਾ ਦੀ ਦੂਸਰੀ ਲਹਿਰ ਤੋਂ ਬਾਅਦ ਹਾਲਾਤ ਪਹਿਲਾਂ ਵਾਂਗ ਹੀ ਬਣ ਗਏ ਹਨ। ਹਿਮਾਚਲ ਪ੍ਰਦੇਸ਼ ਵਿੱਚ ਕੋਰੋਨਾ ਮਾਮਲਿਆਂ ਵਿੱਚ ਲਗਾਤਾਰ ਹੋਏ ਵਾਧੇ ਨੇ ਹੋਟਲ ਅਤੇ ਹੋਮ ਸਟੇ ਸੰਚਾਲਕਾਂ ਵਿੱਚ ਕੰਮ ਕਰ ਰਹੇ ਲੋਕਾਂ 'ਚ ਨੌਕਰੀ ਗਵਾਉਣ ਦਾ ਸ਼ੁਰੂ ਕਰ ਦਿੱਤਾ ਹੈ। ਪਹਿਲਾਂ ਹੀ ਕੋਰੋਨਾ ਯੁੱਗ ਵਿੱਚ, ਪਿਛਲੇ ਸਾਲ ਹਜ਼ਾਰਾਂ ਲੋਕਾਂ ਦੀਆਂ ਨੌਕਰੀਆਂ ਖਤਮ ਹੋ ਗਈਆਂ ਹਨ। ਹਿਮਾਚਲ ਵਿੱਚ ਲਗਭਗ 8000 ਰਜਿਸਟਰਡ ਅਤੇ ਗੈਰ-ਰਜਿਸਟਰਡ ਹੋਟਲ ਹਨ। ਲਗਭਗ 3000 ਰਜਿਸਟਰਡ ਰੈਸਟੋਰੈਂਟ ਅਤੇ ਫੂਡ ਜੁਆਇੰਟ ਚੱਲ ਰਹੇ ਹਨ। ਰਾਜ ' ਟਰੈਵਲ ਏਜੰਟ ਦੇ ਕਾਰੋਬਾਰ ਨਾਲ ਜੁੜੇ 50 ਹਜ਼ਾਰ ਲੋਕ ਹਨ।
https://play.google.com/store/
https://apps.apple.com/in/app/