ਦਿੱਲੀ ਦੇ ਮੁੱਖ ਚੋਣ ਅਧਿਕਾਰੀ ਰਣਬੀਰ ਸਿੰਘ ਨੇ ਐਤਵਾਰ ਨੂੰ ਕਿਹਾ ਕਿ ਬਾਲੀਮਾਰਨ 'ਚ ਸਭ ਤੋਂ ਵੱਧ ਪੋਲਿੰਗ 71.6 ਪ੍ਰਤੀਸ਼ਤ ਸੀ ਜਦੋਂ ਕਿ ਸਭ ਤੋਂ ਘੱਟ 45.4 ਪ੍ਰਤੀਸ਼ਤ ਪੋਲਿੰਗ ਦਿੱਲੀ ਕੈਂਟ 'ਚ ਹੋਈ। ਓਖਲਾ ਹਲਕੇ 'ਚ ਜਿੱਥੇ ਸ਼ਾਹੀਨ ਬਾਗ ਹੈ, 'ਚ 58.54 ਪੋਲਿੰਗ ਦਰਜ ਕੀਤੀ ਗਈ ਸੀ। ਦਿੱਲੀ 'ਚ ਵੋਟਾਂ ਪਾਉਣ ਲਈ 13750 ਪੋਲਿੰਗ ਸਟੇਸ਼ਨ ਸਥਾਪਤ ਕੀਤੇ ਗਏ ਸੀ।
ਵੱਖ-ਵੱਖ ਐਗਜ਼ਿਟ ਪੋਲ ਦੇ ਅੰਕੜਿਆਂ ਤੋਂ ਇਹ ਸਾਫ਼ ਹੈ ਕਿ ਅਰਵਿੰਦ ਕੇਜਰੀਵਾਲ ਤੀਜੀ ਵਾਰ ਦਿੱਲੀ 'ਚ ਸਰਕਾਰ ਬਣਾਉਣ ਜਾ ਰਹੇ ਹਨ। ਦਿੱਲੀ 'ਚ ਵਿਧਾਨ ਸਭਾ ਦੀਆਂ 70 ਸੀਟਾਂ ਹਨ। ਸਰਕਾਰ ਬਣਾਉਣ ਦਾ ਬਹੁਗਿਣਤੀ ਅੰਕੜਾ 36 ਹੈ। ਪਿਛਲੀਆਂ ਵਿਧਾਨ ਸਭਾ ਚੋਣਾਂ 'ਚ ਆਮ ਆਦਮੀ ਪਾਰਟੀ ਨੇ 67 ਸੀਟਾਂ ਜਿੱਤੀਆਂ ਸੀ।
ਇਸ ਵਾਰ ਆਮ ਆਦਮੀ ਪਾਰਟੀ ਨੇ ਦਿੱਲੀ ਦੀਆਂ ਸਾਰੀਆਂ ਸੀਟਾਂ ਲਈ ਉਮੀਦਵਾਰ ਖੜ੍ਹੇ ਕੀਤੇ। ਇਸ ਤੋਂ ਇਲਾਵਾ, 67 ਸੀਟਾਂ 'ਤੇ ਭਾਜਪਾ ਅਤੇ ਕਾਂਗਰਸ 66 ਸੀਟਾਂ' ਤੇ ਆਪਣੇ ਉਮੀਦਵਾਰ ਸੀ। ਕੁੱਲ 672 ਉਮੀਦਵਾਰਾਂ ਨੇ ਦਿੱਲੀ ਚੋਣਾਂ ਲੜੀਆਂ। ਇਸ 'ਚ 593 ਮਰਦ ਅਤੇ 79 ਮਹਿਲਾ ਉਮੀਦਵਾਰ ਸੀ। ਨਵੀਂ ਦਿੱਲੀ ਵਿਧਾਨ ਸਭਾ ਹਲਕੇ ਤੋਂ ਬਹੁਤੇ ਉਮੀਦਵਾਰ ਸੀ।