ਇਨਕਮ ਟੈਕਸ ਵਿਭਾਗ ਨੇ ਐਲਾਨ ਕੀਤਾ ਹੈ ਕਿ ਉਹ ਟੈਕਸਦਾਤਾਵਾਂ ਨੂੰ ਰਾਹਤ ਦੇਣ ਲਈ ਤੁਰੰਤ 5 ਲੱਖ ਰੁਪਏ ਤੱਕ ਦੇ ਰਿਫੰਡ ਜਾਰੀ ਕਰੇਗਾ। ਇਸ ਤੋਂ ਤਕਰੀਬਨ 14 ਲੱਖ ਟੈਕਸਦਾਤਾ ਲਾਭ ਉਠਾ ਸਕਣਗੇ। ਬੁੱਧਵਾਰ ਨੂੰ ਹੀ ਕੇਂਦਰ ਸਰਕਾਰ ਨੇ ਫੈਸਲਾ ਕੀਤਾ ਹੈ ਕਿ ਉਨ੍ਹਾਂ ਦੇ 5 ਬਕਾਇਆ ਰਿਫੰਡ ਸਾਰੇ ਕਾਰੋਬਾਰੀ ਸੰਸਥਾਵਾਂ ਤੇ ਟੈਕਸਦਾਤਾਵਾਂ ਨੂੰ ਤੁਰੰਤ ਜਾਰੀ ਕੀਤੇ ਜਾਣੇ ਚਾਹੀਦੇ ਹਨ।
ਸਰਕਾਰ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਸਾਰੇ ਬਕਾਇਆ ਜੀਐਸਟੀ ਤੇ ਕਸਟਮ ਰਿਫੰਡ ਵੀ ਤੁਰੰਤ ਜਾਰੀ ਕੀਤੇ ਜਾਣੇ ਚਾਹੀਦੇ ਹਨ। ਇਸ ਦਾ ਫਾਇਦਾ 1 ਲੱਖ ਕਾਰੋਬਾਰੀ ਸੰਸਥਾਵਾਂ ਨੂੰ ਉਪਲਬਧ ਮਿਲੇਗਾ, ਜਿਸ ਵਿੱਚ ਛੋਟੇ ਤੇ ਦਰਮਿਆਨੇ ਕਾਰੋਬਾਰਾਂ ਜਿਵੇਂ ਕਿ ਐਮਐਸਐਮਈ ਸ਼ਾਮਲ ਹਨ। ਇਸ ਲਈ ਵਿੱਤ ਮੰਤਰਾਲੇ ਦੇ ਇਸ ਆਦੇਸ਼ ਤੋਂ ਬਾਅਦ ਆਮਦਨ ਟੈਕਸ ਵਿਭਾਗ ਲਗਭਗ 18,000 ਕਰੋੜ ਰੁਪਏ ਦੀ ਰਿਫੰਡ ਜਾਰੀ ਕਰੇਗਾ।
ਕਿਵੇਂ ਲੈ ਸਕਦੇ ਹੋ ਰਿਫੰਡ:
ਆਮਦਨੀ ਟੈਕਸ ਦਾ ਭੁਗਤਾਨ ਕਰਨ ਵਾਲੇ ਟੈਕਸਦਾਤਾਵਾਂ ਨੂੰ ਰਿਫੰਡ ਪ੍ਰਾਪਤ ਕਰਨ ਲਈ ਇਨਕਮ ਟੈਕਸ ਰਿਟਰਨ ਫਾਈਲ ਕਰਨੀ ਪੈਂਦੀ ਹੈ। ਕਾਰੋਬਾਰੀ ਸਾਲ ਦੀ ਸਮਾਪਤੀ ਤੋਂ ਬਾਅਦ ਲੋਕਾਂ ਨੂੰ ਨਿਰਧਾਰਤ ਮਿਤੀ ਤੋਂ ਪਹਿਲਾਂ ਇਨਕਮ ਟੈਕਸ ਰਿਟਰਨ ਭਰਨਾ ਪਏਗਾ। ਜੇ ਉਨ੍ਹਾਂ ਦੀ ਨਿਰਧਾਰਤ ਟੈਕਸ ਦੇਣਦਾਰੀ ਤੋਂ ਵੱਧ ਟੈਕਸ ਕਟੌਤੀ ਕੀਤੀ ਜਾਂਦੀ ਹੈ, ਤਾਂ ਆਮਦਨ ਟੈਕਸ ਵਿਭਾਗ ਇਸ ਦੀ ਜਾਂਚ ਕਰਦਾ ਹੈ ਅਤੇ ਬਾਕੀ ਟੈਕਸ ਰਿਫੰਡ ਲੋਕਾਂ ਨੂੰ ਵਾਪਸ ਕਰ ਦਿੰਦਾ ਹੈ।
ਇਹ ਵੀ ਪੜ੍ਹੋ :
HDFC Bank ਦੇ ਗਾਹਕਾਂ ਲਈ ਰਾਹਤ ਦੀ ਖਬਰ! ਘਰ ਪਹੁੰਚੇਗਾ ਕੈਸ਼
ਸ਼ੇਅਰ ਬਾਜ਼ਾਰ ‘ਚ ਜ਼ਬਰਦਸਤ ਤੇਜ਼ੀ: ਨਿਫਟੀ 9000 ਤੋਂ ਪਾਰ, ਸੈਂਸੇਕਸ 800 ਅੰਕ ਉੱਛਲ ਕੇ 30 ਹਜ਼ਾਰ ਦੇ ਪਾਰ