ਨਵੀਂ ਦਿੱਲੀ: ਕੈਨੇਡਾ ਵਿੱਚ ਮਾਰਿਜੁਆਨਾ, ਜਿਸ ਨੂੰ ਬੋਲਚਾਲ ਵਿੱਚ ਭੰਗ ਵੀ ਕਿਹਾ ਜਾਂਦਾ ਹੈ, ਨੂੰ ਕਾਨੂੰਨੀ ਮਾਨਤਾ ਦਿੱਤੀ ਗਈ ਹੈ। ਇਸ ਦੇ ਨਾਲ ਬਹੁਤ ਸਾਰੇ ਹੋਰ ਦੇਸ਼ ਹਨ, ਜਿੱਥੇ ਮਾਰਿਜੁਆਨਾ ਦੀ ਵਰਤੋਂ ਨੂੰ ਕਾਨੂੰਨੀ ਰੂਪ ਦੇਣ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਕੁਝ ਅਜਿਹੇ ਸਮੂਹ ਵੀ ਸੁਰਖੀਆਂ ਵਿੱਚ ਆਉਣ ਲੱਗ ਪਏ ਹਨ, ਜੋ ਜਿਨਸੀ ਉਤਸ਼ਾਹ ਵਧਾਉਣ ਲਈ ਭੰਗ ਦਾ ਸੇਵਨ ਕਰਦੇ ਹਨ। ਅਜਿਹੇ ਲੋਕਾਂ ਨੂੰ 'ਕੈਨਸੈਕਸੁਅਲ' ਕਿਹਾ ਜਾਂਦਾ ਹੈ। ਦਰਅਸਲ, ਇਹ ਸ਼ਬਦ ਅੰਗਰੇਜ਼ੀ 'ਕੈਨਾਬਿਸ' ਤੋਂ ਲਿਆ ਗਿਆ ਹੈ। ਭੰਗ ਦੇ ਪੌਦੇ ਨੂੰ ਕੈਨਾਬਿਸ ਕਿਹਾ ਜਾਂਦਾ ਹੈ।
ਗਾਂਜਾ ਤੇ ਸੈਕਸ
ਜਦੋਂ ਅਸੀਂ ਕਿਸੇ ਅਜਿਹੇ ਉਤਪਾਦ ਦੀ ਭਾਲ ਕਰਦੇ ਹਾਂ ਜੋ ਜਿਨਸੀ ਉਤਸ਼ਾਹ ਨੂੰ ਵਧਾਉਂਦਾ ਹੈ ਤਾਂ ਸਾਨੂੰ ਬਹੁਤ ਸਾਰੀਆਂ ਚੀਜ਼ਾਂ ਮਿਲਦੀਆਂ ਹਨ। ਇਨ੍ਹਾਂ ਵਿੱਚੋਂ ਤੇਲ, ਸਪਰੇਅਰ, ਕੈਨਾਬਿਸ ਦੀ ਖੁਸ਼ਬੂ ਵਾਲੀ ਮੋਮਬੱਤੀ ਮਹੱਤਵਪੂਰਨ ਹਨ ਪਰ ਇਨ੍ਹਾਂ ਚੀਜ਼ਾਂ ਨਾਲ, ਮਾਰਿਜੁਆਨਾ ਦਾ ਪੌਦਾ ਵੀ ਵੇਖਿਆ ਜਾ ਸਕਦਾ ਹੈ। ਸਵਾਲ ਇਹ ਉੱਠਦਾ ਹੈ ਕਿ ਆਖ਼ਰਕਾਰ ਇਸ ਮਾਮਲੇ ਵਿੱਚ ਕਿੰਨੀ ਕੁ ਸੱਚਾਈ ਹੈ ਤੇ ਭੰਗ ਦੇ ਸੇਵਨ ਨਾਲ ਸੈਕਸ ਉੱਤੇ ਕਿੰਨਾ ਪ੍ਰਭਾਵ ਪੈਂਦਾ ਹੈ।
ਭੰਗ ਤੇ ਸੈਕਸ ਦਾ ਸਬੰਧ ਭਾਰਤ ਵਿੱਚ ਵੀ ਬਹੁਤ ਮਸ਼ਹੂਰ ਹੈ। ਪੁਰਾਣੇ ਗ੍ਰੰਥਾਂ ਵਿੱਚ ਵੀ ਇਸ ਬਾਰੇ ਲਿਖਿਆ ਮਿਲਦਾ ਹੈ। ਪੁਰਾਣੇ ਸਮਿਆਂ ਵਿੱਚ ਮਿਸਰ ਵਿੱਚ ਰਹਿਣ ਵਾਲੀਆਂ ਔਰਤਾਂ ਸ਼ਹਿਦ ਵਿੱਚ ਭਿਉਂ ਕੇ ਮਾਰਿਜੁਆਨਾ ਦੀ ਵਰਤੋਂ ਕਰਦੀਆਂ ਸਨ। ਇਹ ਦਰਸਾਉਂਦਾ ਹੈ ਕਿ ਮਾਰਿਜੁਆਨਾ ਤੇ ਸੈਕਸ ਦੇ ਵਿਚਕਾਰ ਸਬੰਧ ਕੋਈ ਨਵੀਂ ਗੱਲ ਨਹੀਂ। ਪ੍ਰਾਚੀਨ ਕਾਲ ਤੋਂ ਇਸ ਦਾ ਜ਼ਿਕਰ ਕੀਤਾ ਜਾਂਦਾ ਹੈ।
ਗਾਂਜੇ ਨੂੰ ਕਾਨੂੰਨ ਵੱਲੋਂ ਮਾਨਤਾ ਮਿਲਦੀ ਹੈ
'ਕੈਨਾਸੇਕਸੁਅਲ' ਸ਼ਬਦ ਦੀ ਵਰਤੋਂ ਸਭ ਤੋਂ ਪਹਿਲਾਂ ਕੈਲੀਫੋਰਨੀਆ ਸਥਿਤ ਇੱਕ ਸੈਕਸ ਸਲਾਹਕਾਰ ਐਸ਼ਲੇ ਮਾਨਤਾ ਦੁਆਰਾ ਕੀਤੀ ਗਈ ਸੀ। ਉਸ ਨੇ ਸਾਲ 2013 ਵਿੱਚ ਇਸ ਪਲਾਂਟ ਦੀ ਮਦਦ ਨਾਲ ਸੈਕਸ ਥੈਰੇਪੀ ਤੇ ਸੈਕਸ ਐਜੂਕੇਸ਼ਨ ਬਾਰੇ ਗੱਲ ਕਰਨੀ ਸ਼ੁਰੂ ਕੀਤੀ। ਹਾਲਾਂਕਿ ਅਜੇ ਵੀ ਅਮਰੀਕਾ ਵਿੱਚ ਮਾਰਿਜੁਆਨਾ ਦੇ ਸੇਵਨ ਉਤੇ ਪਾਬੰਦੀ ਹੈ, ਪਰ ਅਮਰੀਕਾ ਦੇ ਕੁਝ ਰਾਜਾਂ ਨੇ ਹੁਣ ਇਸ ਨੂੰ ਕਾਨੂੰਨੀ ਰੂਪ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।
ਉਰੂਗਵੇ ਸਭ ਤੋਂ ਪਹਿਲਾਂ ਭੰਗ 'ਤੇ ਪਾਬੰਦੀ ਹਟਾਈ ਸੀ। ਬ੍ਰਿਟੇਨ ਵਿੱਚ ਵੀ ਭੰਗ ਨੂੰ ਡਾਕਟਰੀ ਇਲਾਜ ਵਿੱਚ ਵਰਤੋਂ ਲਈ ਵਿਚਾਰਿਆ ਜਾ ਰਿਹਾ ਹੈ। ਸਰਵੇ ਵਿੱਚ ਕਈ ਲੋਕਾਂ ਨੇ ਮੰਨਿਆ ਹੈ ਕਿ ਉਹ ਸਾਲਾਂ ਤੋਂ ਉਤੇਜਨਾ ਲਈ ਭੰਗ ਦੀ ਵਰਤੋਂ ਕਰ ਰਹੇ ਹਨ। ਉਹ ਜਦੋਂ ਗਾਂਜਾ ਦੀ ਵਰਤੋਂ ਕਰਦੇ ਹਨ, ਤਾਂ ਦਿਮਾਗ ਵਿੱਚ ਨਾਪੱਖੀ ਵਿਚਾਰ ਨਹੀਂ ਆਉਂਦੇ। ਸਰੀਰ ਅਰਾਮਦਾਇਕ ਅਵਸਥਾ ਵਿੱਚ ਚਲਾ ਜਾਂਦਾ ਹੈ ਤੇ ਬਿਹਤਰ ਮਹਿਸੂਸ ਕਰਦੇ ਹਨ। ਇਹੀ ਹੈ ਜੋ ਉਨ੍ਹਾਂ ਨੂੰ ਆਤਮ ਵਿਸ਼ਵਾਸ ਦਿੰਦਾ ਹੈ।
ਵਿਗਿਆਨਕ ਖੋਜ ਨਹੀਂ
ਇੱਕ ਅਮਰੀਕੀ ਸੰਗਠਨ ਅਨੁਸਾਰ ਭੰਗ ਦੀ ਵਰਤੋਂ ਇੰਨੀ ਵੱਧ ਗਈ ਹੈ ਕਿ ਹੁਣ ਇਸ ਦੀ ਸਪਲਾਈ ਵੀ ਮੁਸ਼ਕਲ ਹੋ ਰਹੀ ਹੈ। ਹਾਲਾਂਕਿ ਭੰਗ ਦੀ ਵਰਤੋਂ ਤੇ ਜਿਨਸੀ ਅਨੰਦ ਬਾਰੇ ਅਜੇ ਤੱਕ ਕੋਈ ਵਿਗਿਆਨਕ ਖੋਜ ਉਪਲਬਧ ਨਹੀਂ, ਪਰ ਲੋਕਾਂ ਵਿੱਚ ਇਸ ਦਾ ਰੁਝਾਨ ਨਿਰੰਤਰ ਵਧ ਰਿਹਾ ਹੈ। ਜਦੋਂਕਿ ਇਸ ਦੇ ਉਲਟ, ਅਸੀਂ ਅਜਿਹੀ ਖੋਜ ਪੜ੍ਹਦੇ ਹਾਂ ਜੋ ਸੁਝਾਉਂਦੀ ਹੈ ਕਿ ਭੰਗ ਦੀ ਵਰਤੋਂ ਮਰਦਾਂ ਦੀ ਜਿਨਸੀ ਸ਼ਕਤੀ ਨੂੰ ਪ੍ਰਭਾਵਤ ਕਰਦੀ ਹੈ।
ਇਸ ਦੇ ਨਾਲ ਹੀ, ਇੱਕ ਹੋਰ ਸਰਵੇਖਣ ਵਿੱਚ ਇਹ ਦੱਸਿਆ ਗਿਆ ਹੈ ਕਿ ਰੋਜ਼ਾਨਾ ਭੰਗ ਦਾ ਸੇਵਨ ਕਰਨ ਵਾਲੇ ਲੋਕਾਂ ਵਿੱਚ ਸੈਕਸ ਸਬੰਧੀ ਸਮੱਸਿਆਵਾਂ ਦੁੱਗਣੀਆਂ ਵੱਧ ਜਾਂਦੀਆਂ ਹਨ। ਯੂਕੇ ਵਿੱਚ ਸੈਕਸੁਅਲ ਹੈਲਥ ਐਂਡ ਐਚਆਈਵੀ ਸੁਸਾਇਟੀ ਦੇ ਸਲਾਹਕਾਰ ਮਾਰਕ ਲੌਟਨ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਸੈਕਸ ਦੌਰਾਨ ਸ਼ਰਾਬ, ਨਸ਼ੇ ਜਾਂ ਹੋਰ ਨਸ਼ੀਲੇ ਪਦਾਰਥਾਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ।