ਹਾਸਲ ਜਾਣਕਾਰੀ ਮੁਤਾਬਕ ਬੱਚੇ ਦਾ ਵਿਆਹ ਤੈਅ ਹੋ ਗਿਆ ਹੈ ਤੇ ਇਹ ਘੋੜਾ ਵੀ ਉਸ ਨੂੰ ਦਾਜ ‘ਚ ਮਿਲਿਆ ਹੈ। ਕੁੜੀ ਦੇ ਪਰਿਵਾਰ ਨੇ ਮੁੰਡੇ ਦੇ ਪਰਿਵਾਰ ਨੂੰ ਦੋ ਬੁਲੇਟ ਮੋਟਰਸਾਈਕਲ, ਛੇ ਸਪਲੈਂਡਰ ਬਾਈਕਸ, ਇੱਕ ਮੱਝ ਤੇ ਇੱਕ ਘੋੜਾ ਦਿੱਤਾ ਹੈ। ਖ਼ਬਰਾਂ ਹਨ ਕਿ ਰੋਕੇ ‘ਚ ਮਿਲਣ ਵਾਲੇ ਸਾਮਾਨ ਦੀ ਕੀਮਤ 6-7 ਲੱਖ ਰੁਪਏ ਹੈ।
ਇਸ ਦੇ ਨਾਲ ਹੀ ਅਹਿਮ ਗੱਲ ਹੈ ਕਿ ਮੁੰਡਾ 10 ਸਾਲ ਦਾ ਤੇ ਕੁੜੀ ਦੀ ਉਮਰ ਮਹਿਜ਼ ਅੱਠ ਸਾਲ ਹੈ। ਹੁਣ ਨਾਬਾਲਗ ਮੁੰਡੇ ਦਾ ਵੀਡੀਓ ਵਾਈਰਲ ਹੋ ਰਿਹਾ ਹੈ। ਇਸ ‘ਚ ਉਹ ਘੋੜੇ ‘ਤੇ ਬੈਠ ਘੁੰਮ ਰਿਹਾ ਹੈ ਤੇ ਉਸ ਨੇ ਕਾਰਤੂਸ ਵਾਲੀ ਬੈਲਟ ਫੜ੍ਹੀ ਹੈ ਜਦਕਿ ਉਸ ਕੋਲ ਕੋਈ ਹਥਿਆਰ ਨਜ਼ਰ ਨਹੀਂ ਆ ਰਿਹਾ।
ਇਸ ਬਾਰੇ ਐਸਪੀ ਦੇਹਾਤੀ ਨਵਨੀਤ ਸਿੰਘ ਦਾ ਕਹਿਣਾ ਹੈ ਕਿ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਉਨ੍ਹਾਂ ਨੇ ਸਬੰਧਤ ਥਾਣੇ ‘ਚ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ।