Arvind Kejriwal News: ਐਂਟੀ ਕਰਪਸ਼ਨ ਬਿਊਰੋ (ACB) ਦੀ ਇੱਕ ਟੀਮ ਸ਼ੁੱਕਰਵਾਰ (7 ਫਰਵਰੀ) ਨੂੰ ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੇ ਘਰ ਪਹੁੰਚੀ। ACB ਦੀ ਟੀਮ ਅਰਵਿੰਦ ਕੇਜਰੀਵਾਲ ਦੇ ਘਰ ਦੇ ਬਾਹਰ ਲਗਭਗ ਡੇਢ ਘੰਟੇ ਤੱਕ ਰਹੀ ਅਤੇ ਫਿਰ ਬਿਨਾਂ ਅੰਦਰ ਗਏ ਹੀ ਵਾਪਸ ਚਲੀ ਗਈ। ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਦੀ ਕਾਨੂੰਨੀ ਟੀਮ ਨੇ ਕਿਹਾ ਕਿ ਏਸੀਬੀ ਦੀ ਟੀਮ ਬਿਨਾਂ ਕਿਸੇ ਨੋਟਿਸ ਤੋਂ ਆਈ ਸੀ।
ਏਸੀਬੀ ਨੇ ਅਰਵਿੰਦ ਕੇਜਰੀਵਾਲ ਦੀ ਕਾਨੂੰਨੀ ਟੀਮ ਨੂੰ ਨੋਟਿਸ ਦਿੱਤਾ ਹੈ। ਏਸੀਬੀ ਟੀਮ ਨੇ 'ਆਪ' ਕਨਵੀਨਰ ਨੂੰ ਆਪਣਾ ਬਿਆਨ ਦਰਜ ਕਰਨ ਲਈ ਕਿਹਾ ਹੈ। ਆਮ ਆਦਮੀ ਪਾਰਟੀ ਵੱਲੋਂ ਉਮੀਦਵਾਰਾਂ ਦੀ ਖਰੀਦੋ-ਫਰੋਖ਼ਤ ਲਈ 15-15 ਕਰੋੜ ਰੁਪਏ ਦੇਣ ਦਾ ਦੋਸ਼ ਲਾਇਆ ਗਿਆ ਸੀ।
'AAP' ਲੀਗਲ ਸੈੱਲ ਦੇ ਮੁਖੀ ਸੰਜੀਵ ਨਾਸੀਆਰ ਨੇ ਕੀ ਕਿਹਾ?
ਆਮ ਆਦਮੀ ਪਾਰਟੀ ਦੇ ਕਾਨੂੰਨੀ ਸੈੱਲ ਦੇ ਪ੍ਰਧਾਨ ਸੰਜੀਵ ਨਾਸੀਅਰ ਨੇ ਕਿਹਾ, "ਏਸੀਬੀ ਦੀ ਟੀਮ ਪਿਛਲੇ ਡੇਢ ਘੰਟੇ ਤੋਂ ਇੱਥੇ ਬਿਨਾਂ ਕਿਸੇ ਨੋਟਿਸ ਜਾਂ ਨਿਰਦੇਸ਼ ਤੋਂ ਬੈਠੀ ਸੀ। ਉਨ੍ਹਾਂ ਕੋਲ ਨਾ ਤਾਂ ਕੋਈ ਸਟਾਮਪ ਸੀ ਅਤੇ ਨਾ ਹੀ ਕੋਈ ਕਾਗਜ਼, ਨੋਟਿਸ ਜਾਂ ਨਿਰਦੇਸ਼ ਸੀ। ਜਿਸ ਤਰ੍ਹਾਂ ਉਨ੍ਹਾਂ ਨੇ ਉੱਪਰੋਂ ਹਦਾਇਤਾਂ ਲਈਆਂ, ਉਨ੍ਹਾਂ ਨੂੰ ਨੋਟਿਸ ਪ੍ਰਾਪਤ ਕਰਨ ਵਿੱਚ ਡੇਢ ਘੰਟਾ ਲੱਗਿਆ। ਨੋਟਿਸ ਵੀ ਬਾਹਰੋਂ ਤਿਆਰ ਕੀਤਾ ਗਿਆ ਸੀ।"
ਨੋਟਿਸ ਕਾਨੂੰਨੀ ਤਰੀਕੇ ਨਾਲ ਤਿਆਰ ਨਹੀਂ ਕੀਤਾ ਗਿਆ ਸੀ- ਨਾਸੀਆਰ
ਉਨ੍ਹਾਂ ਅੱਗੇ ਕਿਹਾ, “ਏਸੀਬੀ ਦੀ ਟੀਮ ਨੋਟਿਸ ਦੇ ਕੇ ਚਲੀ ਗਈ ਹੈ। ਅਸੀਂ ਇਸ ਦੀ ਸਟੱਡੀ ਕਰਕੇ ਜਵਾਬ ਦੇਵਾਂਗੇ। '' ਸ਼ਿਕਾਇਤਕਰਤਾ ਕੌਣ ਹੈ? '' ਇਸ ਸਵਾਲ 'ਤੇ ਨਾਸੀਆਰ ਨੇ ਕਿਹਾ ਕਿ ਏਸੀਬੀ ਟੀਮ ਨੇ ਦੱਸਿਆ ਕਿ ਐਲਜੀ ਦਾ ਪੀਐਸ ਸ਼ਿਕਾਇਤਕਰਤਾ ਹਨ ਪਰ ਉਸ ਨੋਟਿਸ ਵਿੱਚ ਅਜਿਹਾ ਕੋਈ ਜ਼ਿਕਰ ਨਹੀਂ ਹੈ। ਇਸ ਵਿੱਚ ਨਾ ਤਾਂ ਭਾਜਪਾ ਅਤੇ ਨਾ ਹੀ ਉਪ ਰਾਜਪਾਲ ਦੇ ਨਿੱਜੀ ਸਕੱਤਰ ਦਾ ਜ਼ਿਕਰ ਕੀਤਾ ਗਿਆ ਹੈ। ਇਹ ਸਿਰਫ਼ ਇੱਕ ਨੋਟਿਸ ਹੈ ਅਤੇ ਇਸਨੂੰ ਕਾਨੂੰਨੀ ਤਰੀਕੇ ਨਾਲ ਤਿਆਰ ਨਹੀਂ ਕੀਤਾ ਗਿਆ ਹੈ, ਅਸੀਂ ਇਸਦਾ ਜਵਾਬ ਦੇਵਾਂਗੇ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।