Air India Hiring: ਏਅਰ ਇੰਡੀਆ 5100 ਕੈਬਿਨ ਕ੍ਰੂ ਟਰੇਨੀ ਅਤੇ ਪਾਇਲਟਾਂ ਦੀ ਭਰਤੀ ਦੀ ਤਿਆਰੀ ਕਰ ਰਹੀ ਹੈ। ਟਾਟਾ ਗਰੁੱਪ ਦੀ ਏਅਰ ਇੰਡੀਆ 2023 ਵਿੱਚ 4200 ਕਰੈਬਿਨ ਕ੍ਰੂ ਟਰੇਨੀ ਅਤੇ 900 ਪਾਇਲਟਾਂ ਦੀ ਭਰਤੀ ਕਰੇਗੀ। ਕੰਪਨੀ ਨੇ ਇਸ ਦਾ ਐਲਾਨ ਕੀਤਾ ਹੈ। ਪਿਛਲੇ ਹਫਤੇ ਹੀ ਏਅਰ ਇੰਡੀਆ ਨੇ 470 ਨਵੇਂ ਜਹਾਜ਼ ਖਰੀਦਣ ਲਈ ਏਅਰਬੱਸ ਅਤੇ ਬੋਇੰਗ ਨਾਲ ਸਮਝੌਤਾ ਕੀਤਾ ਹੈ, ਜਿਸ ਤੋਂ ਬਾਅਦ ਕੰਪਨੀ ਨੇ ਹੁਣ ਪਾਇਲਟਾਂ ਅਤੇ ਕੈਬਿਨ ਕ੍ਰੂ ਦੀ ਭਰਤੀ ਦਾ ਐਲਾਨ ਕੀਤਾ ਹੈ।
ਏਅਰ ਇੰਡੀਆ ਦੇ ਅਨੁਸਾਰ, ਜਿਹੜੇ ਕੈਬਿਨ ਕ੍ਰੂ ਟ੍ਰੇਨਿਜ਼ ਦੀ ਭਰਤੀ ਕੀਤੀ ਜਾਵੇਗੀ, ਉਨ੍ਹਾਂ ਨੂੰ ਮੁੰਬਈ ਵਿੱਚ ਏਅਰਲਾਈਨਜ਼ ਦੀ ਟ੍ਰੇਨਿੰਗ ਫੈਸਿਲਿਟੀ ਵਿੱਚ 15 ਹਫ਼ਤਿਆਂ ਦੇ ਟੈਨਿੰਗ ਪ੍ਰੋਗਰਾਮ ਵਿੱਚੋਂ ਗੁਜ਼ਰਨਾ ਹੋਵੇਗਾ, ਜਿਸ ਵਿੱਚ ਕਲਾਸਰੂਮ ਤੋਂ ਲੈ ਕੇ ਇਨਫਲਾਈਟ ਟ੍ਰੇਨਿੰਗ ਸ਼ਾਮਲ ਹੈ। ਇਸ ਤੋਂ ਪਹਿਲਾਂ ਮਈ 2022 ਅਤੇ ਫਰਵਰੀ 2023 'ਚ ਏਅਰ ਇੰਡੀਆ ਨੇ 1900 ਕੈਬਿਨ ਕ੍ਰੂ ਭਰਤੀ ਕੀਤੇ ਸਨ, ਜਿਨ੍ਹਾਂ ਵਿੱਚੋਂ 1100 ਕੈਬਿਨ ਕ੍ਰੂ ਨੂੰ ਜੁਲਾਈ 2022 ਤੋਂ ਜਨਵਰੀ 2023 ਦਰਮਿਆਨ ਸਿਖਲਾਈ ਦਿੱਤੀ ਜਾ ਚੁੱਕੀ ਹੈ। ਏਅਰ ਇੰਡੀਆ ਨੇ ਦੱਸਿਆ ਕਿ 500 ਕੈਬਿਨ ਕ੍ਰੂ ਨੂੰ ਉਡਾਣ ਭਰਨ ਦੀ ਇਜਾਜ਼ਤ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ: Lok Sabha Election 2024: ਊਧਵ ਠਾਕਰੇ ਨੂੰ ਮਿਲਣਗੇ CM ਕੇਜਰੀਵਾਲ ਅਤੇ ਭਗਵੰਤ ਮਾਨ, ਇਨ੍ਹਾਂ ਮੁੱਦਿਆਂ 'ਤੇ ਹੋ ਸਕਦੀ ਹੈ ਚਰਚਾ
ਏਅਰ ਇੰਡੀਆ ਦੇ ਇਨਫਲਾਈਟ ਸਰਵੀਸਿਜ ਦੇ ਹੈਡ ਸੰਦੀਪ ਵਰਮਾ ਨੇ ਕਿਹਾ ਕਿ ਇਸ ਮਹੀਨੇ ਵੱਡੀ ਗਿਣਤੀ ਵਿਚ ਜਹਾਜ਼ਾਂ ਦਾ ਆਰਡਰ ਦਿੱਤਾ ਗਿਆ ਹੈ। ਅੰਤਰਰਾਸ਼ਟਰੀ ਅਤੇ ਘਰੇਲੂ ਨੈਟਵਰਕ ਵਿੱਚ ਹੋਰ ਉਡਾਣਾਂ ਸ਼ਾਮਲ ਕੀਤੀਆਂ ਜਾ ਰਹੀਆਂ ਹਨ। AIX ਕਨੈਕਟ 'ਤੇ ਘਰੇਲੂ ਰੂਟਾਂ ਦੀ ਮੁੜ ਸੰਰਚਨਾ ਕੀਤੀ ਜਾ ਰਹੀ ਹੈ। ਏਅਰ ਇੰਡੀਆ ਦੇ ਵਰਤਮਾਨ ਅਤੇ ਭਵਿੱਖ ਨੂੰ ਬਣਾਉਣ ਵਿੱਚ ਕੈਬਿਨ ਕ੍ਰੂ ਇੱਕ ਵੱਡੀ ਭੂਮਿਕਾ ਨਿਭਾਉਣ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਹੋਰ ਪਾਇਲਟਾਂ ਅਤੇ ਮੇਨਟੇਨੈਂਸ ਇੰਜੀਨੀਅਰਾਂ ਦੀ ਭਰਤੀ ਨੂੰ ਅੱਗੇ ਵਧਾਇਆ ਜਾਵੇਗਾ।
ਜਦੋਂ ਤੋਂ ਏਅਰ ਇੰਡੀਆ ਨੂੰ ਟਾਟਾ ਗਰੁੱਪ ਦੁਆਰਾ ਐਕਵਾਇਰ ਕੀਤਾ ਗਿਆ ਹੈ, ਉਦੋਂ ਤੋਂ ਏਅਰਲਾਈਨਾਂ ਦੇ ਵਿਸਤਾਰ ਅਤੇ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਲਈ ਕਈ ਤਰ੍ਹਾਂ ਦੇ ਯਤਨ ਕੀਤੇ ਜਾ ਰਹੇ ਹਨ। ਟਾਟਾ ਜਹਾਜ਼ਾਂ ਦੀ ਫਲੀਟ ਸੰਖਿਆ ਵਧਾਉਣ ਜਾ ਰਹੀ ਹੈ, ਜਦੋਂ ਕਿ ਉਸ ਦੀਆਂ ਹੋਰ ਏਅਰਲਾਈਨਾਂ ਵਿਸਤਾਰਾ, ਏਅਰ ਏਸ਼ੀਆ ਅਤੇ ਏਅਰ ਇੰਡੀਆ ਐਕਸਪ੍ਰੈਸ ਏਅਰ ਇੰਡੀਆ ਨਾਲ ਮਿਲ ਕੇ ਵੱਡੀਆਂ ਏਅਰਲਾਈਨਾਂ ਬਣਾ ਰਹੀਆਂ ਹਨ ਤਾਂ ਜੋ ਹੋਰ ਏਅਰਲਾਈਨਾਂ ਨੂੰ ਚੁਣੌਤੀ ਦਿੱਤੀ ਜਾ ਸਕੇ।