ਵੇਰਕਾ ਤੋਂ ਬਾਅਦ ਹੁਣ ਅਮੂਲ ਨੇ ਵੀ ਆਪਣੇ ਪ੍ਰੋਡਕਟਸ ਦੀਆਂ ਕੀਮਤਾਂ ਘਟਾ ਦਿੱਤੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਅਮੂਲ ਨੇ ਆਪਣੇ 700 ਪ੍ਰੋਡਕਟਸ ਦੀਆਂ ਕੀਮਤਾਂ ਘਟਾਈਆਂ ਹਨ। ਭਾਰਤ ਦਾ ਸਭ ਤੋਂ ਵੱਡਾ ਫੂਡ ਬ੍ਰਾਂਡ ਅਮੂਲ ਨੇ ਘੋਸ਼ਣਾ ਕੀਤੀ ਹੈ ਕਿ 22 ਸਤੰਬਰ 2025 ਤੋਂ ਉਸਦੇ 700 ਤੋਂ ਵੱਧ ਉਤਪਾਦਾਂ ਦੀਆਂ ਕੀਮਤਾਂ ਘਟਾਈਆਂ ਜਾਣਗੀਆਂ। ਇਹ ਫ਼ੈਸਲਾ GST 2.0 ਲਾਗੂ ਹੋਣ ਕਾਰਨ ਲਿਆ ਗਿਆ ਹੈ, ਜਿਸਦਾ ਸਿੱਧਾ-ਸਿੱਧਾ ਲਾਭ ਗ੍ਰਾਹਕਾਂ ਨੂੰ ਹੋਵੇਗਾ।
ਅਮੂਲ ਵੱਲੋਂ ਵੀ ਕੀਮਤਾਂ 'ਚ ਕਟੌਤੀ ਦੀ ਘੋਸ਼ਣਾ
ਅਮੂਲ ਬ੍ਰਾਂਡ ਦੇ ਕਈ ਉਤਪਾਦਾਂ ਦੀਆਂ ਕੀਮਤਾਂ ਵਿੱਚ ਕਟੌਤੀ ਦਾ ਐਲਾਨ ਕੀਤਾ ਗਿਆ ਹੈ। ਗੁਜਰਾਤ ਕੋ-ਆਪਰੇਟਿਵ ਮਿਲਕ ਮਾਰਕੀਟਿੰਗ ਫੈਡਰੇਸ਼ਨ (GCMMF) ਵੱਲੋਂ ਸ਼ਨੀਵਾਰ ਨੂੰ ਜਾਰੀ ਬਿਆਨ ਮੁਤਾਬਕ, ਘੀ, ਬਟਰ, ਆਇਸਕ੍ਰੀਮ, ਬੇਕਰੀ ਅਤੇ ਫ੍ਰੋਜ਼ਨ ਸਨੈਕਸ ਸਮੇਤ 700 ਤੋਂ ਵੱਧ ਪੈਕਡ ਉਤਪਾਦਾਂ ਦੀਆਂ ਰਿਟੇਲ ਕੀਮਤਾਂ ਵਿੱਚ ਕਮੀ ਦਾ ਐਲਾਨ ਕੀਤਾ। ਕੰਪਨੀ ਨੇ ਜੀਐਸਟੀ ਦਰ ਵਿੱਚ ਕਟੌਤੀ ਦੇ ਬਾਅਦ ਇਹ ਫੈਸਲਾ ਲਿਆ ਹੈ।
ਕੰਪਨੀ ਨੇ ਇਹ ਕਦਮ ਜੀਐਸਟੀ ਦਰਾਂ ਵਿੱਚ ਕੀਤੀ ਗਈ ਕਟੌਤੀ ਤੋਂ ਬਾਅਦ ਲਿਆ ਹੈ, ਤਾਂ ਜੋ ਗਾਹਕਾਂ ਨੂੰ ਇਸਦਾ ਪੂਰਾ ਲਾਭ ਮਿਲ ਸਕੇ। ਪੀ.ਟੀ.ਆਈ. ਦੀ ਰਿਪੋਰਟ ਅਨੁਸਾਰ, ਇਹ ਨਵੀਆਂ ਕੀਮਤਾਂ 22 ਸਤੰਬਰ 2025 ਤੋਂ ਲਾਗੂ ਹੋਣਗੀਆਂ। GCMMF ਨੇ ਆਪਣੇ ਬਿਆਨ ਵਿੱਚ ਸਪੱਸ਼ਟ ਕੀਤਾ ਹੈ ਕਿ 700 ਤੋਂ ਵੱਧ ਉਤਪਾਦ ਪੈਕ ਦੀ ਮੁੱਲ ਸੂਚੀ 'ਚ ਤਬਦੀਲੀ ਕੀਤੀ ਗਈ ਹੈ, ਜਿਸ ਨਾਲ ਗਾਹਕਾਂ ਨੂੰ ਜੀਐਸਟੀ ਕਟੌਤੀ ਦਾ ਪੂਰਾ ਫਾਇਦਾ ਮਿਲੇਗਾ। ਇਸ ਫੈਸਲੇ ਨਾਲ ਖਾਸ ਕਰਕੇ ਘੀ ਦੀ ਕੀਮਤ ਵਿੱਚ 40 ਰੁਪਏ ਪ੍ਰਤੀ ਲੀਟਰ ਤੱਕ ਦੀ ਕਟੌਤੀ ਕੀਤੀ ਗਈ ਹੈ, ਜੋ ਉਪਭੋਗਤਾਵਾਂ ਲਈ ਇੱਕ ਵੱਡੀ ਰਾਹਤ ਮੰਨੀ ਜਾ ਰਹੀ ਹੈ।
ਕੀਮਤਾਂ ਵਿੱਚ ਇਹ ਬਦਲਾਅ ਮੱਖਣ, ਘਿਓ, ਯੂਐਚਟੀ ਦੁੱਧ, ਆਈਸਕ੍ਰੀਮ, ਪਨੀਰ, ਚਾਕਲੇਟ, ਬੇਕਰੀ ਰੇਂਜ, ਫਰੋਜ਼ਨ ਡੇਅਰੀ ਅਤੇ ਆਲੂ ਸਨੈਕਸ, ਕੰਡੈਂਸਡ ਮਿਲਕ, ਮੂੰਗਫਲੀ ਸਪਰੈੱਡ ਅਤੇ ਡਰਿੰਕਸ ਸਮੇਤ ਕੁੱਲ 700 ਵਸਤੂਆਂ ਵਿੱਚ ਕੀਤਾ ਗਿਆ ਹੈ। ਸੋਧ ਤੋਂ ਬਾਅਦ, ਮੱਖਣ (100 ਗ੍ਰਾਮ) ਦੀ ਕੀਮਤ 62 ਰੁਪਏ ਦੀ ਬਜਾਏ 58 ਰੁਪਏ ਹੋਵੇਗੀ। ਅਮੂਲ ਤਾਜ਼ਾ ਟੋਂਡ ਮਿਲਕ 1 ਲੀਟਰ 75 ਰੁਪਏ ਹੋਵੇਗਾ। ਅਮੂਲ ਗੋਲਡ ਸਟੈਂਡਰਡਾਈਜ਼ਡ ਮਿਲਕ 1 ਲੀਟਰ 80 ਰੁਪਏ ਕਰ ਦਿੱਤਾ ਗਿਆ ਹੈ।
ਆਈਸਕ੍ਰੀਮ ਖੰਡ ਵਿੱਚ ਟਬ ਵਨੀਲਾ ਮੈਜਿਕ 1 ਲੀਟਰ ਦੀ ਕੀਮਤ 180 ਰੁਪਏ ਕਰ ਦਿੱਤੀ ਗਈ ਹੈ। ਅਮੂਲ ਪ੍ਰੋਸੈਸਡ ਚੀਜ਼ ਬਲਾਕ 1 ਕਿਲੋਗ੍ਰਾਮ ਦੀ ਕੀਮਤ 545 ਰੁਪਏ ਹੋਵੇਗੀ, ਜੋ ਪਹਿਲਾਂ 575 ਰੁਪਏ ਸੀ। ਅਮੂਲ ਪੀਨਟ ਸਪ੍ਰੇਡ 900 ਗ੍ਰਾਮ ਦੀ ਨਵੀਂ ਕੀਮਤ 300 ਰੁਪਏ ਹੋਵੇਗੀ, ਪਹਿਲਾਂ 325 ਰੁਪਏ ਸੀ।
ਡੇਅਰੀ ਸਹਿਕਾਰੀ ਸਮਿਤੀ AMUL ਨੇ ਇਸ ਫ਼ੈਸਲੇ 'ਤੇ ਕਿਹਾ ਕਿ GST ਵਿੱਚ ਕਮੀ ਨਾਲ ਉਪਭੋਗਤਾਵਾਂ ਦੇ ਖਰਚੇ ਵਿੱਚ ਅਮੂਲ ਦੀ ਹਿੱਸੇਦਾਰੀ ਹੋਰ ਵਧੇਗੀ, ਜਿਸ ਨਾਲ ਉਤਪਾਦਕਾਂ ਅਤੇ ਉਪਭੋਗਤਾਵਾਂ ਦੋਹਾਂ ਨੂੰ ਲਾਭ ਮਿਲੇਗਾ। ਨਾਲ ਹੀ ਇਹ ਕਿਸਾਨਾਂ ਦੇ ਵਿਕਾਸ ਅਤੇ ਭਲਾਈ ਨੂੰ ਬਣਾਈ ਰੱਖੇਗਾ। ਇਸਦੇ ਨਾਲ ਇਹ ਯਕੀਨੀ ਬਣਾਏਗਾ ਕਿ ਗੁਣਵੱਤਾ ਅਤੇ ਭਰੋਸੇ ਨਾਲ ਕੋਈ ਸਮਝੌਤਾ ਨਾ ਹੋਵੇ।