Big News: ਵੱਡੀ ਖਬਰ, ਭੱਖਦੀ ਗਰਮੀ ਵਿਚਾਲੇ ਵਿਦਿਆਰਥੀਆਂ ਨੂੰ ਰਾਹਤ; ਸਕੂਲਾਂ 'ਚ ਭਾਰੇ ਬਸਤਿਆਂ ਤੇ Homework 'ਤੇ ਲੱਗੀ ਪਾਬੰਦੀ! ਸਰਕਾਰ ਵੱਲੋਂ ਵੱਡਾ ਫੈਸਲਾ...

Big News: ਭੱਖਦੀ ਗਰਮੀ ਵਿਚਾਲੇ ਸਰਕਾਰ ਵੱਲੋਂ ਵਿਦਿਆਰਥੀਆਂ ਨੂੰ ਵੱਡੀ ਰਾਹਤ ਦਿੱਤੀ ਗਈ ਹੈ। ਦਰਅਸਲ, ਹੁਣ ਬੱਚਿਆਂ ਲਈ ਸਕੂਲੀ ਬਸਤਿਆਂ ਦੇ ਭਾਰ ਅਤੇ ਹੋਮਵਰਕ (ਘਰ ਦੇ ਕੰਮ) ਦੇ ਸਬੰਧ ਵਿੱਚ ਨਵੀਆਂ ਹਦਾਇਤਾਂ ਜਾਰੀ ਕੀਤੀਆਂ ਹਨ...

West Bengal School bag Homework Ban

Source : ABPLIVE AI

Show Quick Read

Key points generated by AI, verified by newsroom

• ਸਕੂਲੀ ਬਸਤੇ ਦਾ ਭਾਰ ਸਰੀਰ ਦੇ ਵਜ਼ਨ ਦੇ 10% ਤੋਂ ਵੱਧ ਨਹੀਂ ਹੋਵੇਗਾ।
• ਪਹਿਲੀ-ਦੂਜੀ ਜਮਾਤ ਨੂੰ ਕੋਈ ਹੋਮਵਰਕ ਨਹੀਂ, ਕਾਪੀਆਂ ਵੀ ਘਟਾਈਆਂ ਗਈਆਂ।
• ਬੱਚਿਆਂ ਦਾ ਤਣਾਅ ਘਟਾਉਣ ਲਈ ਹੋਮਵਰਕ ਦੇ ਸਮੇਂ ਤੇ ਟ੍ਰੌਲੀ ਬੈਗਾਂ 'ਤੇ ਪਾਬੰਦੀ।
• ਨਵੀਂ ਨੀਤੀ ਤਹਿਤ 'ਬੈਗਲੈੱਸ ਡੇਅ' ਮਨਾਏ ਜਾਣਗੇ, ਨਾਲ ਹੀ ਇੰਟਰਨਸ਼ਿਪ ਪ੍ਰੋਗਰਾਮ ਵੀ।

Big News: ਭੱਖਦੀ ਗਰਮੀ ਵਿਚਾਲੇ ਸਰਕਾਰ ਵੱਲੋਂ ਵਿਦਿਆਰਥੀਆਂ ਨੂੰ ਵੱਡੀ ਰਾਹਤ ਦਿੱਤੀ ਗਈ ਹੈ। ਦਰਅਸਲ, ਹੁਣ ਬੱਚਿਆਂ ਲਈ ਸਕੂਲੀ ਬਸਤਿਆਂ ਦੇ ਭਾਰ ਅਤੇ ਹੋਮਵਰਕ (ਘਰ ਦੇ ਕੰਮ) ਦੇ ਸਬੰਧ ਵਿੱਚ ਨਵੀਆਂ ਹਦਾਇਤਾਂ ਜਾਰੀ ਕੀਤੀਆਂ ਹਨ। ਅਸਲ ਵਿੱਚ ਭਾਜਪਾ ਸਰਕਾਰ ਨੇ ਵਿਦਿਆਰਥੀਆਂ ਨੂੰ ਇਹ ਰਾਹਤ ਦਿੱਤੀ ਹੈ। ਸਿੱਖਿਆ ਵਿਭਾਗ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ, ਹੁਣ ਸਕੂਲੀ ਬਸਤੇ ਦਾ ਭਾਰ ਬੱਚੇ ਦੇ ਕੁੱਲ ਸਰੀਰਕ ਵਜ਼ਨ ਦੇ 10 ਫੀਸਦੀ ਤੋਂ ਵੱਧ ਨਹੀਂ ਹੋਵੇਗਾ।

ਸਕੂਲਾਂ ਲਈ ਸਖ਼ਤ ਨਿਯਮ

ਸੂਬਾ ਸਿੱਖਿਆ ਵਿਭਾਗ ਨੇ ਸਾਰੇ ਸਕੂਲਾਂ ਨੂੰ ਹਦਾਇਤ ਕੀਤੀ ਹੈ ਕਿ ਉਹ ਆਪਣੇ ਨੋਟਿਸ ਬੋਰਡਾਂ ਅਤੇ ਕਲਾਸਾਂ ਵਿੱਚ ਬਸਤਿਆਂ ਦੇ ਨਿਰਧਾਰਤ ਭਾਰ ਦਾ ਚਾਰਟ ਲਗਾਉਣ। ਇਸ ਤੋਂ ਇਲਾਵਾ, ਸਕੂਲ ਕੰਪਲੈਕਸ ਵਿੱਚ ਬਸਤਿਆਂ ਦੇ ਭਾਰ ਦੀ ਨਿਗਰਾਨੀ ਕਰਨ ਲਈ ਵੇਇੰਗ ਮਸ਼ੀਨਾਂ (ਭਾਰ ਤੋਲਣ ਵਾਲੀਆਂ ਮਸ਼ੀਨਾਂ) ਦੀ ਨਿਯਮਤ ਵਰਤੋਂ ਲਾਜ਼ਮੀ ਕਰ ਦਿੱਤੀ ਗਈ ਹੈ।

ਕਾਪੀਆਂ ਤੇ ਕਿਤਾਬਾਂ ਦੀ ਗਿਣਤੀ 'ਚ ਕਟੌਤੀ

ਪਹਿਲੀ ਤੇ ਦੂਜੀ ਜਮਾਤ: ਵਿਦਿਆਰਥੀਆਂ ਲਈ ਸਿਰਫ਼ ਇੱਕ ਹੀ ਨੋਟਬੁੱਕ ਰੱਖਣੀ ਲਾਜ਼ਮੀ ਹੋਵੇਗੀ।

ਤੀਜੀ ਤੋਂ ਪੰਜਵੀਂ ਜਮਾਤ: ਵਿਦਿਆਰਥੀ ਦੋ ਨੋਟਬੁੱਕਾਂ ਰੱਖ ਸਕਦੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਸਕੂਲ ਵਿੱਚ ਹੀ ਰੱਖੀ ਜਾ ਸਕਦੀ ਹੈ।

ਉੱਚੀਆਂ ਜਮਾਤਾਂ: ਭਾਰੀ ਰਜਿਸਟਰਾਂ ਦੀ ਬਜਾਏ ਪਤਲੀਆਂ ਨੋਟਬੁੱਕਾਂ ਦੀ ਵਰਤੋਂ ਕਰਨੀ ਹੋਵੇਗੀ।

ਪ੍ਰਾਇਮਰੀ ਪੱਧਰ: ਇੱਕ ਦਿਨ ਵਿੱਚ ਸਿਰਫ਼ ਦੋ ਵਿਸ਼ੇ ਪੜ੍ਹਾਉਣ ਦੀ ਸਿਫ਼ਾਰਸ਼ ਕੀਤੀ ਗਈ ਹੈ ਤਾਂ ਜੋ ਵਿਦਿਆਰਥੀਆਂ ਨੂੰ ਘੱਟ ਕਿਤਾਬਾਂ ਲਿਆਉਣੀਆਂ ਪੈਣ।

ਹੋਮਵਰਕ ਤੇ ਟ੍ਰੌਲੀ ਬੈਗਾਂ 'ਤੇ ਵੀ ਪਾਬੰਦੀ

ਜਾਣਕਾਰੀ ਲਈ ਦੱਸ ਦੇਈਏ ਕਿ ਸਰਕਾਰ ਵੱਲੋਂ ਮਾਨਸਿਕ ਤਣਾਅ ਘਟਾਉਣ ਲਈ ਹੋਮਵਰਕ ਦੇ ਨਿਯਮ ਵੀ ਸਖ਼ਤ ਕੀਤੇ ਗਏ ਹਨ। ਪਹਿਲੀ ਅਤੇ ਦੂਜੀ ਜਮਾਤ ਦੇ ਬੱਚਿਆਂ ਨੂੰ ਕੋਈ ਹੋਮਵਰਕ ਨਹੀਂ ਦਿੱਤਾ ਜਾਵੇਗਾ। ਤੀਜੀ ਤੋਂ ਪੰਜਵੀਂ ਜਮਾਤ ਲਈ ਹਫ਼ਤੇ ਵਿੱਚ ਵੱਧ ਤੋਂ ਵੱਧ ਦੋ ਘੰਟੇ, ਅਤੇ ਛੇਵੀਂ ਤੋਂ ਅੱਠਵੀਂ ਲਈ ਰੋਜ਼ਾਨਾ ਇੱਕ ਘੰਟਾ ਹੋਮਵਰਕ ਤੈਅ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ, ਪੌੜੀਆਂ 'ਤੇ ਹੋਣ ਵਾਲੇ ਹਾਦਸਿਆਂ ਨੂੰ ਰੋਕਣ ਲਈ ਟ੍ਰੌਲੀ ਬੈਗਾਂ (ਪਹੀਆਂ ਵਾਲੇ ਬਸਤੇ) ਦੀ ਵਰਤੋਂ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਗਈ ਹੈ।

ਇਸ ਦਿਨ ਸਕੂਲ ਨਹੀਂ ਲੈ ਜਾਣੇ ਪੈਣਗੇ ਬਸਤੇ 

ਇਸਦੇ ਨਾਲ ਹੀ ਨਵੀਂ ਸਿੱਖਿਆ ਨੀਤੀ (NEP 2020) ਦੇ ਤਹਿਤ, ਸਕੂਲਾਂ ਵਿੱਚ 'ਬੈਗਲੈੱਸ ਡੇਜ਼' ਮਨਾਉਣ 'ਤੇ ਜ਼ੋਰ ਦਿੱਤਾ ਜਾਵੇਗਾ। ਇਨ੍ਹਾਂ ਦਿਨਾਂ ਵਿੱਚ ਬੱਚੇ ਬਿਨਾਂ ਬਸਤੇ ਦੇ ਸਕੂਲ ਆਉਣਗੇ ਅਤੇ ਕੁਇਜ਼, ਖੇਡਾਂ, ਕਲਾ ਅਤੇ ਸ਼ਿਲਪਕਾਰੀ ਵਰਗੀਆਂ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣਗੇ। ਛੇਵੀਂ ਤੋਂ ਅੱਠਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ 10 ਦਿਨਾਂ ਦਾ ਇੰਟਰਨਸ਼ਿਪ ਪ੍ਰੋਗਰਾਮ ਵੀ ਸ਼ੁਰੂ ਕੀਤਾ ਜਾਵੇਗਾ, ਜਿੱਥੇ ਉਹ ਸਥਾਨਕ ਕਾਰੀਗਰਾਂ ਤੋਂ ਕਿੱਤਾਮੁਖੀ ਹੁਨਰ ਸਿੱਖਣਗੇ।